2 Timoo̱ 3:2 - Xo̱jo̱n eén Néná

² Ngatꞌa̱ xotaa̱ ka̱maꞌonkon, kó to̱o̱n xi ꞌniú sa̱ꞌíntjó ngase, ko̱jo je ka̱maa̱ yojoo̱, ko̱jo ta̱kuítsí xi sa̱ꞌíntjó yojoo̱, ko̱jo chꞌo ka̱tso̱o̱ Néná, ko̱jo ku̱i̱ntꞌiéꞌénjiín xi xchaá, ko̱jo xota̱ xi tsꞌénkiejín yojoo̱ nga bosíko̱jo ka̱ma, kó sku̱i̱e̱ndikónjín Néná.

2 Timoo̱ 3:2 ပူးပေါင်းရင်းမြစ်များ

Xo̱jo̱n Salmoo̱ 10:3

Ngatꞌa̱ xota̱ xi ndajiín, achichí nkꞌa maá yojoo̱ kjo̱a̱a̱ ni xi mejeén ini̱ma̱a̱, kó xota̱ xi xki̱ꞌá to̱o̱n, chꞌo tsoó ko̱jo tsꞌenchꞌó Néná.

Xo̱jo̱n Salmoo̱ 49:6

kui xi kjo̱a̱cho̱o̱n boá xi kjimaꞌniákón, kó nkꞌa ꞌboxié yojoo̱ kjo̱a̱a̱ to̱n xi bo̱a̱ nda tjiín.

Xo̱jo̱n Salmoo̱ 52:1

Ji nda̱ chꞌokon, míkjo̱a̱a̱ nga nkꞌakon ꞌnaxié yojòo̱ kjo̱a̱a̱ ni xi ndajín xi niꞌín ji. Kjo̱a̱ni̱ma̱takoón Néná tikón síkijí boá.

Énkjínkón 6:17

Xota̱ xi nkꞌakoo̱n, xota̱ xi ꞌbindísoó, xota̱ xi tsꞌenkꞌién xota̱ xi jmí jéjiín,

Matioo̱ 15:6

ngayeje xi bo̱a̱ ka̱tso̱, jè ngiti̱ jmí kjo̱a̱ꞌniújiín nga sku̱i̱e̱ndikón na̱ꞌmii̱ ko̱jo na̱aa̱n. Kó bo̱a̱ tsꞌén nga jún niꞌánchjíjínjnúu̱ kjo̱a̱botíxomaa̱ Néná, ta̱ngatꞌanii̱ kjo̱a̱xchájnú.

Rkaa̱ 12:15

Kósꞌe̱ bi̱ katsó ngase: –Tsitsíjenjnú, kó chónjnúu̱ yojojnú kjo̱a̱a̱ ngayeje kjo̱a̱xki̱ꞌá to̱n, ngatꞌa̱ kui kjo̱a̱mindyioo̱n xotaa̱, jmí tsi tsi̱ꞌe̱ nga kjín ni kꞌuieé nga síndo.

Rkaa̱ 16:14

Kó tsintꞌié kuí nii̱ já fariseoo̱, kui xota̱ xi achichí tsjá kamaá to̱o̱n, kó tsajnókie Kjisoo̱.

Rkaa̱ 6:35

Ta̱nga jún chjiéngá si̱ꞌantjójnú kondra̱jnú, kó nda ti̱ꞌanjo̱jnú, kó ti̱ꞌankíyájnúu̱ ngo ni, nga jmí tsi xchiyàjnúu̱ nga kje̱ꞌe ni ko̱e̱ꞌé nginíjnú, kó bo̱a̱ tsꞌén nga sa̱kójnú ngo kjo̱a̱nda xi ꞌniú je, kó jún, ndií Néná xí tikón ndiꞌakꞌajmi jàn ka̱majnú, kui Néná xí nda tsꞌénjo̱ xota̱ xi bejín ni xi nda niꞌánjo̱, ko̱jo xota̱ xi ndajín ndyi̱tsꞌèn.

Ni xi kamá 5:36

Ngatꞌa̱ ngindiee̱ kui ni̱xtjii̱n kistsoꞌbá nda̱ xi ꞌmí Teundaa̱, nga ta̱nisién ꞌniú je katsoó yojoo̱, kó kamájo̱ra̱ tsi ta̱ nijón úchán jáxíꞌín, ta̱nga kiniꞌánkꞌién, kó ngayeje já xí nijan kamá kastsojoboa ngayejee̱, kó ta̱ ki̱a̱ tji̱e̱n je tsí.

Xota̱ Roma̱ 11:18

Ngata̱ jejín ꞌnaxié ngase ji yojòo̱ ta̱bo̱a̱jiín tjiaa̱ yá xí je kitii̱, tsi je ngase máa yojòo̱, ngatjaꞌátsjiee̱n nga jijín xi tiboeꞌée̱ nga tikón kui ja̱ma̱a̱, kuí ja̱ma̱a̱ xi tsꞌéntsjaá kjo̱a̱mindyion ji.

2 Xota̱ Korinto̱ 5:15

Kó ta̱ngatꞌanii̱ ngayeje xotaa̱ nga kꞌien Kristoo̱, tsi̱ꞌe̱ nga kui xota̱ xi síndoo̱, jmí tsi kjo̱a̱a̱ kui nga kꞌuíndo ngase, kꞌuíndo tsi̱ꞌe̱ nga sa̱ꞌín ni xi tsjaa̱ Kristoo̱, kui xi kꞌien ko̱jo jaꞌáꞌyaá ngandaa̱ kui xotaa̱.

Xota̱ Filipo̱ 2:21

Ngatꞌa̱ ngayeje xota̱ xi ngasee̱ kjo̱a̱nda tsi̱ꞌe̱ xí mongase, kó jmí tsi kjo̱a̱ndaa̱ Kristo̱ Kjisoo̱ xi mongase.

Xota̱ Kolosa̱ 3:5

Ti̱ꞌankꞌiènjnú ni nga̱sondie xi tikónjii̱n ini̱ma̱jnú kui ni xi kjo̱a̱tondoo̱, ko̱jo ni xi ndándií, ko̱jo nga ko̱tíxomájnú ni xi ndajín xi mejeén sa̱ꞌín yojojnú, ko̱jo kjo̱a̱xki̱ꞌá to̱n. Kui xi xki̱ꞌá to̱o̱n, kuí boá xi tjimátji̱ngi kje̱ꞌe ne xi Nénájín.

2 Xota̱ Tesalónika̱ 2:4

Kui xi kondraa̱ ko̱jo xi skjánjo̱ ngayeje ni xi Néná tsoó xotaa̱, ko̱jo ngayeje ni xi bendikón xotaa̱, kó kꞌuijñá ngi̱ndie ndikoón Néná, nga Néná sa̱ꞌín yojoo̱.

1 Timoo̱ 1:20

xikoó nda̱ ꞌmí Imeneo̱, ko̱jo Rijaá, kui xi je katsꞌenkꞌasꞌièe̱n xindajín Satanaa̱, tsi̱ꞌe̱ nga ka̱maa̱ nga ngiti̱ jmí én chꞌo tsó ku̱i̱chji̱a̱jín kondraa̱ Néná.

1 Timoo̱ 1:9

Kó ti̱ ya nga kjo̱a̱kitii̱ kuijín xota̱ xi kixi̱i̱ xi katseꞌeé tsi̱ꞌe̱ nga ka̱machji̱ni̱e̱. Kjo̱a̱kitii̱, kuí xota̱ xi̱ꞌbi̱ xi katseꞌeé tsi̱ꞌe̱ nga ka̱machji̱ni̱e̱: Xota̱ xi ndyi̱tsꞌèn ni xi ndajín, ko̱jo xota̱ xi ntꞌiéꞌénjín, ko̱jo xota̱ xi ndajín, ko̱jo xota̱ xi ndyi̱tsꞌèn jé, ko̱jo xota̱ xi ndyi̱bendikónjín Néná, ko̱jo xota̱ xi ndyi̱bendikónjín ni tsjie xi tsi̱ꞌe̱ Néná, ko̱jo xota̱ xi ndyi̱tsꞌènkꞌién na̱ꞌmii̱ ko̱jo na̱aa̱n, ko̱jo xota̱ xi ndyi̱tsꞌènkꞌién ini̱ma̱,

1 Timoo̱ 3:3

ko̱jo chjiénjín nga tsꞌatio kꞌuí bino̱, ko̱jo ka̱májín tamá ka̱ma, ko̱jo chjiéngá nda ini̱ma̱ ka̱ma, ko̱jo chjiéngá xió kjótsoꞌbá, ko̱jo jmí tsi xke̱éto̱n ka̱ma.

1 Timoo̱ 6:10

Ngatꞌa̱ kjiꞌanga ꞌniú niꞌántjó to̱o̱n, ki̱a̱ ndibánií ngayeje to̱ko̱ya ni xi ndajín, kó tjín xota̱ xi ta̱ngatꞌanii̱ nga mejeén ka̱ma cho̱n, nga xín katsꞌénkjaꞌa kjo̱a̱sꞌijii̱n, kó ti̱kuíní xi ndyi̱tsꞌènꞌoón yojoo̱.

1 Timoo̱ 6:4

kui xi bo̱a̱ tsꞌe̱én, ngo xota̱ xi je ꞌboxié yojoo̱, kó jmí ni bejín, ndajín tsꞌénkjó, kó je kamángaá nga chji̱a̱tijo̱ xotaa̱ kjo̱a̱a̱ ta̱jmì énní, kó ki̱a̱ ndibánií kjo̱a̱ꞌontakoón, ko̱jo kjo̱a̱bixkaán, ko̱jo kjo̱a̱chꞌotsoó, ko̱jo kjo̱a̱a̱ nga ngiti̱ maꞌniátakónjín xkjín,

2 Timoo̱ 3:4

Ko̱tíñá xkjín, ko̱jo ta̱xkiya sa̱ꞌín ngo ni, ko̱jo achichí je kꞌo̱xié yojoo̱, ko̱jo tjó ngase ka̱maa̱ kjo̱a̱tsjaa̱ yojoo̱ ta̱bo̱a̱jiín nga Néná ko̱ngase.

Xo̱jo̱o̱n Sandiyaá 2:8

Tsi ja̱koxi̱ nga ndyi̱niꞌánkjatjosónjnú kjo̱a̱kiti xi katsjájnú nda̱ Rená, xikótsꞌèn kjitꞌa xo̱jo̱n eén Néná: “Ti̱ꞌintjé ji xotaa̱, xikó má tsꞌén tjoó yojòo̱”, ja̱ nda ndyi̱niꞌánjnú.

Xo̱jo̱o̱n Sandiyaá 4:16

Ta̱nga ngotꞌe̱ ꞌne̱, je ꞌnaxiéjnú yojojnú, kó ngayeje kjo̱a̱nkꞌatakón xikoó xi̱ꞌba̱, ndajín.

Xo̱jo̱o̱n Sandiyaá 4:6

Néná tsie ngase kjo̱a̱nda xi tsjáná, kuíni nga bi̱ tsó xo̱jo̱n eén Néná: “Néná kondra̱ maá xota̱ xi je ꞌboxié yojoo̱, ta̱nga xota̱ xi ni̱ma̱kjo̱a̱a̱ tsjaá kjo̱a̱nda.”

1 Xo̱jo̱o̱n Peé 5:5

Kó ti̱ tsꞌén míꞌájnúꞌun jún xi xo̱ngòjnú nga cha̱ndikónjnú xota̱ xi xchaá, kó ngayejejnú ja̱kꞌi̱e̱ ja̱ngaján ni̱ma̱kjo̱a̱ ngatamajnú, ngatꞌa̱ bi̱ tsó xo̱jo̱n eén Néná: Néná kondra̱ maá xota̱ xi je ꞌboxié yojoo̱, ta̱nga xota̱ xi ni̱ma̱kjo̱a̱a̱, tsjaá kjo̱a̱nda.

2 Xo̱jo̱o̱n Peé 2:10

Ngase má ni xi ka̱maa̱ xota̱ xi ni xi mejeén yojoo̱ ndyi̱tsꞌèn, ko̱jo xi ni xi ndándí xi mejeén ini̱ma̱a̱ ndyi̱tsꞌèn, ko̱jo xi ndyi̱tsꞌènchꞌó xi tjiín xá ndiꞌakꞌajmi jàn. Ndasénjiín, kó ta̱ ni xi mejénrií xi ndyi̱tsꞌèn, kó tsakjónjín má nga chꞌo ndyi̱tsoó ngaꞌniú xí ꞌniú nkꞌaá.

2 Xo̱jo̱o̱n Peé 2:12

Ta̱nga kui jaá, chꞌo tsꞌénchji̱a̱ kjo̱a̱a̱ ni xi makjínjiín, xikónií cho̱ xi tsꞌénkjójín kui xi ta̱ tjimá tsí tsi̱ꞌe̱ nga ko̱ndo̱bo̱a̱ ko̱jo si̱ꞌankꞌien. Kuíni nga ko̱yà kui jaá ta̱ngatꞌanii̱ ni xi ndajín xi ndyi̱tsꞌèn.

2 Xo̱jo̱o̱n Peé 2:18

Ngatꞌa̱ achichí nkꞌa chji̱a̱ ta̱nga én xi jmí ni chjíjiín boá xi chji̱a̱. ꞌBoṉcha̱jo xotaa̱ tsi̱ꞌe̱ nga sa̱ꞌín ni xi ndajíntsꞌeén ko̱jo ni xi ndajín xi mejeén yojoo̱, kó ꞌboṉcha̱jo xota̱ xi sꞌe̱ tsí ndyi̱tsꞌèn ngo kjo̱a̱ꞌniú nga ndyi̱mongaa̱ ni xi ndajín xi niꞌaán.

2 Xo̱jo̱o̱n Peé 2:3

Kó ta̱ngatꞌanii̱ kjo̱a̱xkétoo̱n nga ko̱kóyá ni ndiso tsi̱ꞌe̱ nga kꞌo̱xiéjnú to̱n. Ta̱nga Néná jè bo̱a̱ katsó nga tsá sa̱ꞌínkjié, kó kuí kjo̱a̱niꞌánkjieé jè tsá ndibá.

Xo̱jo̱o̱n Jundaa̱ 1:16

Kuí jaá xi chji̱a̱taꞌin xotaa̱, kó jmíjín ni xi nda maá kui. Ni xi mejeén ini̱ma̱a̱ xí ndyi̱mongase. Je ꞌboxié yojoo̱ nga chji̱a̱. Nda tsꞌén chji̱a̱ kjo̱a̱a̱ xotaa̱, ta̱nga ta̱ tsi̱ꞌe̱ nga sa̱kórií ni xi mejeén kui.

Ni xi akakoo̱ 13:1

Kó kamábe an nga jatjo ngi̱jin ndáchíkoón ngo cho̱ chꞌokjiꞌi xi tjiín yito to̱ko̱ ko̱jo tie ndi̱ja̱, kó nga ngo nga ngo ndi̱ja̱a̱ ngo korona̱ kisꞌijñaa̱, kó nga ngo nga ngo to̱ko̱ kisꞌińdoo̱ jaꞌén xi chꞌo katsoó Néná.

Ni xi akakoo̱ 16:11

ta̱nga nde bo̱a̱ tsꞌén katsꞌénkꞌoyájín yojoo̱ nga katsꞌén ni xi ndajín, ta̱sá má ta̱ngatꞌanii̱ nga on kamaá, ko̱jo kjo̱a̱a̱ kui ṉdo xi tsajaá nga chꞌo katsoó kui Néná xí tsi̱ꞌe̱ ndiꞌakꞌajmii̱.

Ni xi akakoo̱ 16:21

Kó ndiꞌakꞌajmi jàn kjindibáni nga ixó nga̱soón xotaa̱ ndókoá xi tsꞌatio yichán kilo̱ eé, kó xotaa̱ chꞌo katsoó Néná kjo̱a̱a̱ kui kjo̱a̱ni̱ma̱ xi̱ꞌbi̱, ngatꞌa̱ ta̱nisién ꞌniú je kui kjo̱a̱ni̱ma̱ xi kamaá.

Ni xi akakoo̱ 16:9

Kó ngayeje xotaa̱ nga katsꞌénchjaán sibeé tsꞌueé, ta̱nga kui xotaa̱, ti̱ kuí xí katsꞌénkꞌoyájín yojoo̱, ti̱nde katsjájiín kjo̱a̱je Néná, ta̱sá chꞌo katsoó jaꞌeén kui Néná xí tjiín ngaꞌniuú kjo̱a̱a̱ kui kjo̱a̱ni̱ma̱a̱.