2 Timoo̱ 3:16 - Xo̱jo̱n eén Néná

¹⁶ Ngayeje ni xi kjitꞌa xo̱jo̱n eén Néná, A̱si̱énni̱xtjii̱n Néná boá xi íjñajii̱n én xi ítꞌa xota̱ xi katsꞌénꞌindó ngayeje kui xo̱jo̱o̱n, kó nda kuí eén tsi̱ꞌe̱ nga ko̱ko̱yá, ko̱jo tsi̱ꞌe̱ nga ꞌniú ko̱ndókjo̱a̱jo xotaa̱, ko̱jo tsi̱ꞌe̱ nga si̱ꞌanchji̱ni̱e̱ xotaa̱, ko̱jo tsi̱ꞌe̱ nga ko̱ko̱yaá xotaa̱ kótsꞌèn nga kixi̱ kꞌuíndo,

2 Timoo̱ 3:16 ပူးပေါင်းရင်းမြစ်များ

Xo̱jo̱n Salmoo̱ 119:130

Kjiꞌanga ngo mostro̱ bokoyá, nde niꞌínjín makjiín ngayeje xotaa̱.

Xo̱jo̱n Salmoo̱ 119:9

Ta̱ ngototo kjiꞌanga sa̱ꞌínkjatjosón ni xi tsó ée̱n, nga já ko̱jo ínchjín xo̱ngo̱ò ka̱maa̱ sa̱ꞌíndaya xikótsꞌèn tjíndo.

Énkjínkón 15:10

Tsjájín maá nga niꞌánchji̱ni̱e̱ xota̱ xi ꞌbijñámasien ndi̱yà xí ndaa̱, ta̱nga xi sa̱ꞌínchꞌó kjo̱a̱niꞌánchji̱ni̱e̱e̱, ko̱yà boá.

Énkjínkón 15:31

Xota̱ xi bosiénníjoón kjo̱a̱chji̱ni̱e̱ xi tsjá kjo̱a̱mindyioo̱n, kuí boá xi ki̱a̱ nijan kꞌuijñájo̱ xota̱ xi kjínkoón.

Énkjínkón 6:23

Kjo̱a̱botíxomaa̱ ko̱jo kjo̱a̱bokoyaá, kuí boá xi xikoó ngo ndiꞌíxò xi tjítí ka̱maa̱, kó kjo̱a̱niꞌánchji̱ni̱e̱e̱, kuí boá xi ko̱ko̱ó kótsꞌèn nga nda ku̱i̱ndyin ji,

Matioo̱ 13:52

Sꞌe̱ Kjisoo̱, bi̱ katsó: –Kuíni nga ngayeje já chji̱ni̱e̱kjo̱a̱kiti xi bokoyá kjo̱a̱a̱ nínga botixómá Néná, xikónií ndi̱a̱a̱ ngo ndiꞌa xi ꞌboxié ni xchaá, ko̱jo ni tja̱tsi̱e̱ xi chjí xí síndotjoó.

Matioo̱ 21:42

Sꞌe̱ Kjisoo̱, bi̱ katsó: –A jmíni̱xtjin kiniꞌányàjnú xo̱jo̱n eén Néná nínga bi̱ tsoó. Ndi̱jo̱ xi katsꞌénchꞌó já chji̱ni̱e̱xo̱ó, kuí xí ndi̱jo̱ ngaꞌniuú ndiꞌaa̱ kamá. Néná boá xi katsꞌén kui nii̱, kó achichí fíndikoón ndyikón.

Matioo̱ 22:43

Kó bi̱ katsó Kjisoo̱: –Ja̱ kótsꞌèn nga Ndabii̱ kjiꞌanga A̱si̱énni̱xtjii̱n Néná katsꞌénkíchji̱a̱, Ndi̱a̱ katsoó. Ngatꞌa̱ Ndabii̱, bi̱ katsó:

Matioo̱ 26:54

Ta̱nga tsi bo̱a̱ sa̱ꞌin an, ja̱ kótsꞌèn kjo̱tjosón ni xi kjitꞌa xo̱jo̱n eén Néná, nga bo̱a̱ tsó nga chjiéngá bo̱a̱ tsꞌén ka̱ma kui nii̱.

Matioo̱ 26:56

Ta̱nga ngayeje kui nii̱ kjimá tsi̱ꞌe̱ nga kjo̱tjosón ni xi kjitꞌa xo̱jo̱n eén Néná xí katsꞌénda já chji̱ni̱e̱ꞌe̱én Néná. Kósꞌe̱ ngayeje xota̱ tsi̱ꞌe̱ Kjisoo̱ íjñámasien, sꞌe̱ tsanga.

Markoo̱ 12:24

Kósꞌe̱ Kjisoo̱, bi̱ katsó: –Ta̱nisién bo̱a̱jín kjiꞌi ni xi ndokjo̱a̱jnú ngatꞌa̱ yàjínjnú ni xi kjitꞌa xo̱jo̱n eén Néná, ti̱nde yàjínjnú ngaꞌniuú Néná.

Markoo̱ 12:36

Xi ti̱kuíní Ndabii̱, xi bi̱ katsó nga A̱si̱énni̱xtjii̱n Néná katsꞌénkíchji̱a̱: Ndi̱a̱ná bi̱ katsoó Ndi̱a̱na: “Ti̱ndyintꞌení nga fojnína nínga botixoma an, ngaskande nga kꞌuindo an ngindie ndsa̱ki ji kondra̱ tse̱.”

Juaa̱ 10:35

Tsi ne katsoó kui xota̱ xi kasakoo̱ eén Néná, kó ka̱májín tsi si̱ꞌankjatjosónjín xo̱jo̱n eén Néná,

Juaa̱ 3:20

Ngatꞌa̱ ngayeje xota̱ xi ndajínkjiꞌi ni xi ndyi̱tsꞌèn, chꞌoo̱ ndiꞌí xí tsꞌentsíjee̱n, kó fíkón tiñajiín ndiꞌií, tsi̱ꞌe̱ nga xcha̱jín ni xi ndyi̱tsꞌèn,

Ni xi kamá 1:16

–Jún ntsꞌie, chjiéngá jatjosón ni xi kjitꞌa xo̱jo̱n eén Néná kjiꞌanga A̱si̱énni̱xtjii̱n Néná katsꞌénkíchji̱a̱ Ndabii̱ kjo̱a̱a̱ Jundaa̱, nga kui xi kitsjientjoón xota̱ xi katsoboá Kjisoo̱,

Ni xi kamá 18:25

Kuí nda̱a̱ xi akakoyaá kjo̱a̱a̱ ndi̱ya̱à Ndi̱a̱ná Kjisoo̱, kó kisꞌiee̱ ngo a̱siénni̱xtjin xi achichí tsjatsꞌèn tsíchji̱a̱ nga nda akóyá cha̱n cha̱n kjo̱a̱a̱ Ndi̱a̱a̱, ndatsi ta̱kuítsí kjo̱a̱botíndaá Juaa̱ xi kamábe,

Ni xi kamá 20:20

Ta̱nga jmíni̱xtjin ijñámasien an nga ini̱jmijnúꞌun nganda tsa̱jún, nga tsꞌénbokoyájnúꞌun ngindyi̱ko̱n xota̱ na̱xi̱ńdaá, ko̱jo nga tsꞌénfikónjnúꞌun ndiꞌajnú,

Ni xi kamá 20:27

ngatꞌa̱ jè kasayajnúꞌun ngayeje ni xi mejeén sa̱ꞌín Néná, kó jmí ni iꞌmajínjnúꞌun.

Ni xi kamá 28:25

kó nga jmí ni índajín, ńgó ńgó kijí, kó Pabloo̱ ta̱ bi̱ tsí katsoó: –Achichí nda tsíchji̱a̱jo xota̱ tji̱e̱ xchájnú A̱si̱énni̱xtjii̱n Néná nga katsꞌénkíchji̱a̱ nda̱ chji̱ni̱e̱ꞌe̱én Néná xi ꞌmí Isayaa̱, nga bi̱ katsó:

Xota̱ Roma̱ 15:4

Ngatꞌa̱ ngayeje ni xi je kiniꞌánꞌindó ngasꞌe̱ xo̱jo̱n eén Néná, kamánda tsi̱ꞌe̱ nga ko̱ko̱yaná, ki̱a̱ ka̱maa̱ nga kui kjo̱a̱tsiekoo̱n, ko̱jo kjo̱a̱niꞌándajoo̱n xo̱jo̱n eén Néná nga xchiyàa̱ ni xi tsja̱aná Néná.

Xota̱ Roma̱ 2:20

Ji xi mostroo̱ xota̱ xi jmí ni bejín, ko̱jo mostroo̱ jákjíndí kjimá ji, ngatꞌa̱ tikoón kjo̱a̱kitii̱ xikoó ngo ni xi kjínkón ko̱jo ni xi ja̱koxi̱.

Xota̱ Roma̱ 3:2

Achichí tsie ngase chjínií, ta̱jñàní nga stsitsíjìi̱n. Tjón mára xiyàjnúꞌun nga ja̱koxi̱ boá nga Néná kamáꞌniátakón xota̱ jundíoo̱ nga kui katsꞌénkꞌasꞌiee̱n eén.

Xota̱ Roma̱ 4:23

Kó nínga tsó xo̱jo̱n eén Néná nga kichꞌiáxki̱jín, jmí tsi ta̱ kjo̱a̱a̱ kuí tsí Abraa̱n nga bo̱a̱ tsó.

1 Xota̱ Korinto̱ 12:7

Nga ngo nga ngo ñá katseꞌéná nga A̱si̱énni̱xtjii̱n Néná xí sa̱ꞌínxájin ngi̱jin yojoná nganda tsi̱ꞌe̱ xota̱ xi ngasee̱.

Xota̱ Ngalasia̱ 3:8

Kó xo̱jo̱n eén Néná kisitꞌa tjón tjón nga Néná sa̱ꞌínkixi̱ xota̱ nga̱sondiee̱ ta̱ngatꞌanii̱ nga Néná sꞌijii̱n, kó Néná katsóyàtjoón Abraa̱n nga bi̱ katsoó: “Ji sa̱ꞌinkjieén tsi̱ꞌe̱ nga ta̱ngatꞌanii̱ ji nga nda ka̱machikonñé ngayeje na̱xi̱ńdá xí tjín nga̱sondiee̱.”

Ndeuteronomio̱ 29:29

»Tjín ni xi tjiꞌmaá Néná, kó ta̱kuítsí xi be mí nii̱ bo̱a̱, ta̱nga ñá katsjáná ngayeje kui kjo̱a̱botíxomaa̱, tsi̱ꞌe̱ nga ñá ko̱jo xota̱ tji̱e̱ xi jaskan kꞌuiéná sa̱ꞌínkjatjosón ngatsjéni̱xtjin».

2 Timoo̱ 2:25

Chjiéngá ni̱ma̱kjo̱a̱ ka̱ma ji nga si̱ꞌinchji̱ni̱ xota̱ xi kondra̱ síndoo̱ ni xi tibokoyé ji. Tsi̱ꞌe̱ nga tsi ta̱ꞌa nga Néná xí mejeén tsja̱á kjo̱a̱nda kui xota̱ kondraa̱, nga sa̱ꞌínkꞌoyà yojoo̱, tsi̱ꞌe̱ nga sku̱i̱e̱ ni xi ja̱koxi̱i̱,

2 Timoo̱ 4:2

nga tꞌíni̱jmìi̱ xotaa̱ kui eén, bo̱a̱ ti̱ꞌin ji nga ka̱ma, ko̱jo nga ka̱májín, ti̱ꞌinꞌindakon ji tsi̱ꞌe̱ nga sku̱i̱e̱ tsi ndajínkjiꞌi ni xi katsꞌén, ti̱ꞌinchji̱ni̱ ji ko̱jo te̱ꞌéngaꞌníi̱, kó takoyèe̱ nga bi̱ tsiee̱ ka̱ma takín.

Xota̱ Ebreo̱ 11:1

Kjiꞌanga sꞌijinná Néná, ya nga ja̱koxi̱ boá nga sa̱kóná ni xi ndyi̱chiyáa̱, ko̱jo nga je kamákjínná nga tjín ni xi ndyi̱yà, ndatsi ndyikón nde májín be.

Xota̱ Ebreo̱ 3:7

Kó kuíni nga, ti̱ꞌansénjnúu̱ xikótsꞌèn tjítꞌa ni xi tsó A̱si̱énni̱xtjii̱n Néná: Tsi ngotꞌe̱ ko̱nda̱ꞌyájnú nda̱a̱.

Xota̱ Ebreo̱ 4:12

Ngatꞌa̱ eén Néná, tikón, kó tjínrií ngaꞌniú, kó kuí xí yojó ngase ta̱bo̱a̱jiín ngo ki̱cha̱ xi yojó nga jó ngoboaá, kó kui eén ꞌbosꞌien ngaskande nínga ꞌniú na̱nga̱a̱ ini̱ma̱a̱ ko̱jo a̱si̱énni̱xtjii̱n, ko̱jo nínga tjíkjoo̱ ńdaa̱, ko̱jo ngi̱jii̱n ńdaa̱, kó kuí boá xi kotꞌa kjo̱a̱kjíntakoón, ko̱jo ni xi mejeén sa̱ꞌín ngo ini̱ma̱.