2 Timoo̱ 3:15 - Xo̱jo̱n eén Néná

¹⁵ kó nga ndeskande koó nga nda̱chí ji nga ye ji xo̱jo̱n én tsjiee̱ Néná, kui xi tsi si̱ꞌinye ji, tsja̱á kjo̱a̱kjínkón, tsi̱ꞌe̱ nga kjo̱tjoꞌàa̱ yojòo̱ nga sꞌijii̱n Kristo̱ Kjisoo̱.

2 Timoo̱ 3:15 ပူးပေါင်းရင်းမြစ်များ

Xo̱jo̱n Salmoo̱ 19:7

Ta̱nisién ꞌniú nda kjo̱a̱kitii̱ Néná, kó kuí boá xi tsꞌendáyà ini̱ma̱a̱. ꞌNiú ꞌniátakón kjo̱a̱kitii̱, ngatꞌa̱ kuí boá xi tsjaá kjo̱a̱kjíntakón xota̱ xi nkꞌajín ꞌboxié yojoo̱.

Xo̱jo̱n Salmoo̱ 71:17

Ji Ne, ndeskande koó nga kjindí án nga ji akakoyéní, kó ngaskande ngotꞌe̱ ꞌne̱ nga to̱kó tsꞌénchji̱a̱ an ni xi fíndikónná xi kiniꞌín ji, kjo̱a̱a̱ ni xi fíndikónná xi kiniꞌín ji.

Énkjínkón 22:6

Ti̱ꞌinchji̱ni̱ ji ndíi̱ ndeskande nga xi̱xi̱, kó ngaskande nga ka̱maxchá ku̱i̱ꞌíjñámasienjín ni xi akakoyée̱.

Énkjínkón 8:17

Tsꞌentjó an xota̱ xi tsꞌéntjóna an, kó tsja mana nga sakoó an ngayeje xota̱ xi ja̱koxi̱ nga an mongasena.

Eklesiastee̱ 12:1

Ngatjaꞌátsjiee̱n kui Ne xi katsꞌéndaa, kjiꞌanga xo̱ngò ngase ji, ngindiee̱ nga kji̱ndi̱bá ni̱xtjin xi ndajiín, kósꞌe̱ bi̱ sé jí: «jè ngiti̱ tsjajín tjínna nga tikón an nga̱sondie».

Matioo̱ 22:29

Kósꞌe̱ Kjisoo̱, bi̱ katsó: –¡Ta̱nisién bo̱a̱jín kjiꞌi ni xi ndokjo̱a̱jnú ngatꞌa̱ yàjínjnú ni xi kjitꞌa xo̱jo̱n eén Néná, ti̱nde yàjínjnú ngaꞌniuú Néná!

Rkaa̱ 1:15

Ngatꞌa̱ ndíi̱ achichí ꞌniú nkꞌa xá xí kꞌuieé ngindyi̱ko̱n Néná. Jmí bino̱ ko̱jo jmí xán kꞌuijín, kó ndeskande nga tjiyáꞌmá nga A̱si̱énni̱xtjii̱n Néná tsja̱angaꞌniuú.

Rkaa̱ 2:40

Kó kui ndií ta̱sasá kamáxchá, kó kisꞌiee̱ ngaꞌniú, ko̱jo kjo̱a̱kjínkón, kó kjén nga ta̱ ꞌniú tsie kjo̱a̱ndaa̱ Néná kisꞌiee̱.

Rkaa̱ 24:27

Kó katsóyaà ni xi kjitꞌa xo̱jo̱n eén Néná nga ítsꞌi̱yanii̱ ndeskande kjo̱a̱kiti xi katsꞌénda Moisee̱, sꞌe̱ ngayeje ni xi katsꞌénꞌindó já chji̱ni̱e̱ꞌe̱én Néná xi tsáyà kjo̱a̱a̱ Kjisoo̱.

Rkaa̱ 24:32

Kó ja̱kꞌi̱e̱ ja̱ngaján, bi̱ katsoó xkjín kuí jaá: –A kitíngájín ini̱ma̱ná ngi̱ya ndi̱ya̱à tji̱e̱nga tsíchji̱a̱joná kjo̱a̱a̱ xo̱jo̱n eén Néná.

Rkaa̱ 24:45

Sꞌe̱ iskjíxꞌá kjo̱a̱kjíntakoón kui xotaa̱, tsi̱ꞌe̱ nga kamákjiín ni xi kjitꞌa xo̱jo̱n eén Néná,

Juaa̱ 5:47

Ta̱nga tsi kiniꞌánsꞌijinjínjnúu̱ ni xi katsꞌénꞌindó Moisee̱ ja̱, kótsꞌèn sꞌi̱jinjnú énna.

Ni xi kamá 10:43

Ngayeje já chji̱ni̱e̱ꞌe̱én Néná ja̱bo̱a̱ jè tsíchji̱a̱ kjo̱a̱a̱ Kjisoo̱, kó bo̱a̱ tsꞌén tsíchji̱a̱ nga ngayeje xota̱ xi sꞌijii̱n kui, sa̱ko̱ó kjo̱a̱jetakoón jeé.

Ni xi kamá 13:29

Kó ngije jatjosón ngayeje ni xi chji̱a̱ xo̱jo̱n eén Néná, tsꞌenje̱ngitꞌa kroo̱, kó kijíkꞌíjñá yojoo̱ ngo nga̱tsjo̱ó.

Ni xi kamá 16:1

Kó nga jachó Pabloo̱ na̱xi̱ńdáꞌniú Nderbe̱ ko̱jo na̱xi̱ńdáꞌniú Listra̱, ki̱a̱ kasakoo̱ ngo nda̱ xi sꞌijii̱n Kjisoo̱ kui xi ꞌmí Timo̱, ndií ngo xota̱chjo̱on xi jundío̱ xi ti̱ bo̱a̱ ti̱ tsꞌén sꞌijii̱n Kjisoo̱ nga, kó na̱ꞌmii̱ nda̱ ngriengo̱ boá,

Ni xi kamá 17:2

Kó Pabloo̱ xikótsꞌèn ngaá, nga xki̱ ni̱xtjin ndikón fí ndiꞌa nínga ndokjo̱a̱ eén Néná, ján ni̱xtjin ndikón kijí síkijí nínga askjotíjo̱ xota̱ jundíoo̱ xikó tsó xo̱jo̱n eén Néná,

Ni xi kamá 26:24

Kó tji̱e̱nga Pabloo̱, bi̱ tjítsó kjo̱a̱a̱ nga tsꞌénꞌboxiéꞌá yojoo̱, nda̱ xi ꞌmí Festoo̱ ngaskande ꞌniú má tsíchji̱a̱ nga bi̱ katsó: –¡Tsobeéri, Pabloo̱! Kjo̱a̱a̱ nga ta̱ jaꞌatio nga tichjatꞌayé ji xo̱jo̱n, kuíni nga je kjimatsobé maá.

Xota̱ Roma̱ 1:2

Kuí eén xi katsóyàtjón Néná nga tsja̱á nga katsꞌénkíchji̱a̱ já chji̱ni̱e̱ꞌe̱én xikótsꞌèn tjítꞌa xo̱jo̱n én tsjiee̱ Néná.

Xota̱ Roma̱ 16:26

Ta̱nga ngotꞌe̱ ꞌne̱ je tikón tsijen kui nii̱, xikó tjítsó xo̱jo̱n xi katsꞌénda já chji̱ni̱e̱ꞌe̱én Néná, kó tjíniꞌánkintꞌiè ngayeje xota̱ nga̱sondiee̱, bo̱a̱ tsꞌén atíxoma Néná xi tikón ngatsjéni̱xtjii̱n, tsi̱ꞌe̱ nga xotaa̱ sꞌi̱jii̱n kó ku̱i̱ntꞌiéꞌeén Néná.

Xota̱ Roma̱ 2:27

Kó tsi ngo xota̱ xi jmíjiín sirkunsisioo̱n, ta̱nga tsꞌénkjátjosón cha̱n cha̱n kjo̱a̱kitii̱, kuí boá xi ka̱tso̱yà tsi nda ko̱jo tsi ndajín tiniꞌín ji, ji xi ye ji kjo̱a̱kitii̱ ko̱jo kjo̱a̱sirkunsisioo̱n kó tiniꞌínkjatjosénjín ji.

1 Xota̱ Korinto̱ 1:21

Ngatꞌa̱ ngi̱jin kjo̱a̱kjínkoón Néná índa, nga jmí tsi kjo̱a̱kjínkoón xota̱ nga̱sondiee̱ xi sku̱i̱e̱ni Néná, ta̱sá Néná tsja kamaá nga tsꞌaxiéꞌá xota̱ xi sꞌijii̱n kui ni xi kjo̱a̱tsobé kjimaa̱ xotaa̱ kui nga̱sondiee̱.

Xota̱ Éfeso̱ 6:4

Kó jún xi xi xchájnú, ngata̱ niꞌánxtindajínjnú ndíjnú, ta̱sá nda ti̱ꞌanchji̱ni̱e̱jnú, ko̱jo ndókjo̱a̱jojnú nga si̱ꞌanxchájnú xikótsꞌèn mejeén Ndi̱a̱ná.

1 Timoo̱ 4:13

Ti̱ꞌinyée̱ xo̱jo̱n eén Néná xotaa̱, te̱ꞌéngaꞌníi̱ ko̱jo takoyèe̱, tji̱e̱nga kjóchó an.

2 Timoo̱ 1:1

Án boá xi ꞌmína Pabloo̱, nda̱ apostroo̱ Kristo̱ Kjisoo̱ ngatꞌa̱ Néná xí bo̱a̱ tsꞌén kamámejeén, xikótsꞌèn Néná katsóyàtjón nga tsja̱á kjo̱a̱mindyion xota̱ xi sꞌijii̱n Kristo̱ Kjisoo̱.

2 Timoo̱ 1:5

Foaꞌátsjienna nga ngayeje ini̱ma̱a̱ nga sꞌijii̱n Néná. Tjón má na̱xcháa̱ xi ꞌmí na̱ Loindaa̱ kisꞌijii̱n, ko̱jo na̱áa̱n xi ꞌmí na̱ Eunisee̱ nga. Kó ngotꞌe̱ ꞌne̱ be an nga ti̱ bo̱a̱ ti̱ tsꞌén sꞌijii̱n ji nga.

2 Xo̱jo̱o̱n Peé 3:16

Nga ngo nga ngo xo̱jo̱n xi katsangiya Pabloo̱ katsóyàjnú kjo̱a̱a̱ kui nii̱, ndatsi tjín nii̱ xi niꞌin makjínná. Kuíni nga xota̱ xi ndajín makjiín ko̱jo xi ꞌniújín síndojin kjo̱a̱sꞌijii̱n kje̱ꞌe tsꞌén ꞌbijñaá ni xi je tjítꞌa kui xo̱jo̱n. Bo̱a̱ ti̱ tsꞌeén ni xi ngase xi kjitꞌa xo̱jo̱n eén Néná nga, kó bo̱a̱ tsꞌén nga ti̱ kuii̱ ndyi̱tsꞌènkjí yojoo̱ nínga xcha̱ja.

Ni xi akakoo̱ 19:10

Kó asientꞌáa̱ tikóna ngi̱ndie se kui ndítsjiee̱, tsi̱ꞌe̱ nga sa̱ꞌindikón án katsaki, ta̱nga kui bi̱ katsóna: –Jmí ngata̱ bo̱a̱jín niꞌín ji, ngatꞌa̱ mosoo̱ Néná boá an nga, xikoó ji, ko̱jo xikoó ntsꞌie xi ꞌniú ꞌniátakón ni xi katsꞌén Kjisoo̱. ¡Néná boá xi ti̱ꞌindikín jí! Ngatꞌa̱ én xi akóyá Kjisoo̱, kuí boá xi tsꞌénkíchji̱a̱ chji̱ni̱e̱ꞌe̱én Néná.