2 Timoo̱ 3:12 - Xo̱jo̱n eén Néná

¹² Kó ja̱koxi̱ boá nga ngayeje xota̱ xi mejeén sku̱i̱e̱ndikón Néná, kó sꞌijii̱n Kristo̱ Kjisoo̱, tsie kjo̱a̱miyotji̱ngi kjo̱a̱ꞌatio.

2 Timoo̱ 3:12 ပူးပေါင်းရင်းမြစ်များ

Matioo̱ 16:24

Kósꞌe̱ Kjisoo̱, bi̱ katsoó xota̱ tsi̱ꞌe̱: –Tsi tjín káꞌá xota̱ xi mejeén tsjiengína, ngatsꞌénchíyá yojoo̱, nga kjíbé kroo̱, kósꞌe̱ ngatjandibátjingína.

Matioo̱ 23:34

Kuíni nga an sangiyájnúꞌun já chji̱ni̱e̱ꞌe̱én Néná, já chji̱ni̱e̱ xi kjínkón ko̱jo chji̱ni̱e̱kjo̱a̱kiti, ta̱nga tjín kuí jaá xi si̱ꞌankꞌiénjnú ko̱jo tjín xí kjótꞌajnú kro, tjín xí kjoájnúu̱ ngi̱ya ndiꞌa nínga ndokjo̱a̱ eén Néná, kó kje̱ꞌe xi ku̱i̱yotjingíjnúu̱ xki̱ na̱xi̱ńdá,

Markoo̱ 10:30

nga sa̱kójiín ngotꞌe̱ nga tindyión kuí nga̱sondiee̱ úchán bo̱a̱ kjiꞌi ngase ndiꞌa, ko̱jo ntsꞌi̱e̱, ko̱jo ndichja, ko̱jo na̱aa̱n, ko̱jo ndí, ko̱jo tꞌanangii̱, ndatsi ku̱i̱yòtjíngií. Kó ni̱xtjin xi ndibaá sa̱ko̱ó kjo̱a̱mindyion ngatsjéni̱xtjii̱n.

Juaa̱ 16:2

Ku̱i̱yotjíngíjnú ndiꞌa nínga ndokjo̱a̱ eén Néná, kó ngaskande kjo̱chó chi̱bo̱a̱ nga tjín xí sa̱ꞌínkꞌiénjnú, kó sa̱ꞌínkjó nga xaá Néná xí tjítsꞌén.

Juaa̱ 16:33

Kuí nii̱ xi je kixiyajnúꞌun, tsi̱ꞌe̱ nga sa̱kójnú kjo̱a̱xióna. Achichí kjo̱a̱ni̱ma̱ ku̱i̱tja̱tiójnú kui nga̱sondiee̱, ta̱nga ti̱ꞌanꞌniátakónjnúꞌun, ngatꞌa̱ an, jè katsꞌée̱n kui nga̱sondiee̱.

Juaa̱ 17:14

An jè katsjáa̱ ée̱n, kó xotaa̱ kui nga̱sondiee̱ katsꞌénchꞌó, ngatꞌa̱ jmí tsi kui nga̱sondiee̱ chji̱a̱ni, xikoó án, nga ti̱ jmí tsi kui nga̱sondiee̱ chjiá an.

Ni xi kamá 14:22

kó ki̱a̱ katsjángaꞌniuú xota̱ xi sꞌijii̱n Kjisoo̱, kó ꞌniú tsíchji̱a̱jo, tsi̱ꞌe̱ nga sa̱ꞌínsꞌijin, kó bo̱a̱ katsoó nga chjiéngá tsie kjo̱a̱ni̱ma̱ ku̱i̱tja̱tió, tsi̱ꞌe̱ nga ku̱i̱tjásꞌi̱e̱n nínga botixómá Néná.

1 Xota̱ Korinto̱ 15:19

Tsi ta̱kuítsí nga̱sondiee̱ xi ndyi̱chiyá nga tjín ni xi sa̱kóná ngatꞌa̱ sꞌijinná Kristoo̱, ñárá xi tsoboáná nga xi̱xꞌi̱a̱n ngase ka̱tso̱ná xota̱ xi ngasee̱, ta̱bo̱a̱jiín xota̱ xi tjín nga̱sondiee̱.

2 Xota̱ Korinto̱ 1:12

Tsjá májne̱ nga nda tikón kjo̱a̱kjíntakónjne̱, kó yàjne̱ nga tsjie, ko̱jo nga kixi̱ kisꞌiṉtso̱majne̱ ngi̱jinjnú, ko̱jo ngi̱jii̱n ngayeje xotaa̱, kjiꞌanga bo̱a̱ kiniꞌánjne̱, kjo̱a̱ndaa̱ Néná boá xi tsangíntjingijne̱, jmí tsi xikótsꞌèn tjíjinkon xotaa̱ kui nga̱sondiee̱.

2 Xota̱ Korinto̱ 4:9

Ndatsi tjimíyotji̱ngijne̱, ta̱nga jmí tsi je íjñámasienjne̱ Néná. Ndatsi je akjatójójne̱, ta̱nga jmí tsi je kiniꞌánchajajne̱.

1 Timoo̱ 2:2

Chji̱a̱ꞌatjejnú nganda tsi̱ꞌe̱ já ree̱, ko̱jo ngayeje xota̱xá, tsi̱ꞌe̱ nga tsjatsꞌèn ko̱jo xió ku̱i̱ndyión, kó bo̱a̱ tsꞌén ka̱ma xcha̱ndikón Néná, kó ka̱ma xcha̱ndikónná ñá nga.

1 Timoo̱ 3:16

Kó tikón tsijen tsijen nga ta̱nisién je ni xi sꞌijinná, ni xi kisꞌijña ꞌma ngasꞌe̱, kó Néná je tsꞌénbokóná ngotꞌe̱, kuí ni xi̱ꞌbi̱: Néná akó yojoo̱ nga xota̱ kamá, A̱si̱énni̱xtjii̱n akó nga kui xi kixi̱, ndítsjiee̱ kamábe. Ikꞌíni̱jmi̱ì xota̱ na̱xi̱ńdá xí tjiín, kiniꞌánsꞌijin kui nga̱sondiee̱, kó kisꞌiee̱ kjo̱a̱je nga kijí ndiꞌakꞌajmii̱.

1 Timoo̱ 6:3

Tsi tjín káꞌá xota̱ xi ko̱kóyá kje̱ꞌe ni, kó tsi sasiénjiín én nda xi tsi̱ꞌe̱ Ndi̱a̱ná Jesukristoo̱, ko̱jo tsi bokoyájiín xotaa̱ nga xcha̱ndikón Néná,

Titoo̱ 1:1

Án boá xi ꞌmína Pabloo̱, mosoo̱ Néná ko̱jo apostroo̱ Jesukristoo̱, xikótsꞌèn sꞌijii̱n xota̱ xi je jaꞌájin Néná, ko̱jo xikó kjiꞌi kjo̱a̱kjíntakón xi ja̱koxi̱i̱ nga bendikón Néná, bo̱a̱ kjíꞌí xána,

Titoo̱ 2:12

nga tsꞌén bokoyáná nga ngiti̱ si̱ꞌánjín ñá ni xi ndajín, ko̱jo ni nga̱sondie xi mejeén ini̱ma̱ná, ko̱jo nga nda si̱ꞌankjíi̱n takón ni xi si̱ꞌán, ko̱jo nga kixi̱ si̱ꞌán, ko̱jo nga xcha̱ndikón Néná, tji̱e̱nga tindyión kuí nga̱sondiee̱.

1 Xo̱jo̱o̱n Peé 3:14

Ta̱nga ndatsi kjo̱a̱ni̱ma̱ ku̱i̱tja̱tiójnú ta̱ngatꞌanii̱ kjo̱a̱kixi̱i̱, achichíra̱ tsjajnú nga bo̱a̱ ka̱majnú. Kuíni nga ngata̱ ꞌyàjín xi mindyiandíkónjnú, ti̱nde ngata̱ nda̱jín májnú jún.

2 Xo̱jo̱o̱n Peé 3:11

Kó nga ngayeje kui nii̱ bo̱a̱ tsꞌén kju̱i̱e̱, a chjiénjín nga tsjie tsꞌén ku̱i̱ndyionjnú ko̱jo nga xcha̱ndikónjnú Néná,

Ni xi akakoo̱ 12:4

kó ńtsꞌen kui cho̱o̱ iskjiféni ngo nga ján bo̱a̱ kjiꞌi xikó kjiꞌi ma ńño xi tjín ndiꞌakꞌajmii̱, kó ki̱a̱ atítsojo nga̱soón tꞌanangii̱, kó kui cho̱ tamá xí yito to̱koo̱, ki̱a̱ kasasien kje̱n nínga tikón kui na̱ xi je stse̱n ndií, tsi̱ꞌe̱ nga skji̱ni̱e̱ kui ndií ngije katsen.

Ni xi akakoo̱ 7:14

–Jí xí yé ji, Ndi̱a̱. Kixiáa̱n. Kó bi̱ katsóna kui: –Kuí bí xota̱ xi je jaꞌajin nga kamá kui kjo̱a̱ni̱ma̱a̱, kó kui jè anié ńjñoo̱, kó jiín cho̱tsa̱nga̱a̱ katsꞌéntiboani.