2 Timoo̱ 2:7 - Xo̱jo̱n eén Néná

⁷ Nda ti̱ꞌinkjé jí kjo̱a̱a̱ kui ni xi tꞌíxiaán, kó Ndi̱a̱ná tsja̱á nga kamákjiín ngayeje kui nii̱.

2 Timoo̱ 2:7 ပူးပေါင်းရင်းမြစ်များ

Xo̱jo̱n Salmoo̱ 119:125

Te̱ꞌéndièní tsi̱ꞌe̱ nga ka̱makjínna, ngatꞌa̱ mejénna nga skuie an kó tsó.

Xo̱jo̱n Salmoo̱ 119:144

Ngatsjéni̱xtjin nga kixi̱ kjo̱a̱kitìi̱, ¡te̱ꞌéní nga nda ka̱makjínna, ko̱jo nga tsie ngase kotíjña̱ an!

Xo̱jo̱n Salmoo̱ 119:73

Ndse̱ boá xi kiniꞌínkjìn jí nga kiniꞌíndení, ¡tasíke̱jení tsi̱ꞌe̱ nga kuintꞌieꞌée̱n kjo̱a̱botíxomàa̱!

Xo̱jo̱n Salmoo̱ 64:9

Kó ngayeje xota̱ nga̱sondiee̱ stsa̱kjonní, kósꞌe̱ kjiꞌá boá nga ku̱i̱chji̱a̱ kjo̱a̱a̱ ni xi je katsꞌén Néná, kó ka̱makjiín kui nii̱.

Énkjínkón 24:32

Nga askotsijèe̱n kui nii̱, katsꞌenkjó án, kó nga kamábe an, kui nii̱ xi kisꞌijinko̱n an:

Rkaa̱ 21:15

ngatꞌa̱ ti̱ ánní xi tsja an én ko̱jo kjo̱a̱kjínkón, kó kui eén nde ngojín kondra̱jnú xi sa̱ꞌiín.

Rkaa̱ 24:45

Sꞌe̱ iskjíxꞌá kjo̱a̱kjíntakoón kui xotaa̱, tsi̱ꞌe̱ nga kamákjiín ni xi kjitꞌa xo̱jo̱n eén Néná,

Rkaa̱ 9:44

–Nda má tasiénijónjnúu̱ kui nii̱, kó nga niꞌánchíyájínjnú, ngatꞌa̱ ndií nda̱ xi̱ꞌii̱n ngi̱ya tsja xotaa̱ si̱ꞌankꞌasꞌien.

Juaa̱ 14:26

Ta̱nga kuí A̱si̱énni̱xtjii̱n Néná xi sa̱ꞌíndajonjnú, xi ngajona nga sa̱ngíyá Na̱ꞌmina, kuí xí ko̱kóyájnú ngayeje kui nii̱, kó sa̱ꞌínkjaꞌátsjienjnú ngayeje ni xi je kixiyajnúꞌun.

Juaa̱ 16:13

ta̱nga nga kji̱ndi̱bá A̱si̱énni̱xtjii̱n Néná xí ja̱koxi̱i̱, kuí xí ko̱kójnú ni xi ja̱koxi̱, ngatꞌa̱ jmí tsi kui xi ku̱i̱chji̱a̱ soboá, ni xi ku̱i̱ntꞌiè xí ku̱i̱chji̱a̱, kó kuí xí ka̱tso̱yà ni xi sꞌe̱ ka̱ma.

Ni xi kamá 7:10

kó kui Néná tsꞌaxiéꞌá ngayeje kjo̱a̱ni̱ma̱ xi jaꞌajin, kó katsjaá kjo̱a̱nda, ko̱jo kjo̱a̱kjínkón ngindyi̱ko̱n nda̱ re xi chji̱a̱ni nangi Ejipto̱, kó kui nda̱ ree̱ katsjaá Kosiee̱ nga kui xi kamá xtitjoón nangi Ejipto̱, ko̱jo nga kui xi ko̱tíxoma ngayeje ndiꞌaa̱.

1 Xota̱ Korinto̱ 12:8

Tjín xí A̱si̱énni̱xtjii̱n Néná xí tsjaá nga ka̱tso̱yaa̱ xotaa̱ én xi kjínkón, kó tjín xí ti̱ kui A̱si̱énni̱xtjii̱n xi tsjaá nga ka̱tso̱yaa̱ xotaa̱ ni xi ka̱makjiín xotaa̱.

Ndeuteronomio̱ 32:29

Tsi ngi̱chíra xi̱ꞌinkjo̱a̱jnú katsaki, xcha̱ra̱jnú kjo̱a̱botíjé xi sa̱kójnú.

Ndeuteronomio̱ 4:39

»Kuíni nga, nga jmíni̱xtjin niꞌánchíyájnú nga Néná ta̱ ngo tsí kuí xi tsi̱ꞌe̱ nkꞌajmii̱ ko̱jo tꞌanangii̱.

Xota̱ Filipo̱ 4:8

Kó nga fetꞌaa̱ já ntsꞌie, kuí nii̱ xi ti̱ꞌankjójnú: ngayeje ni xi ja̱koxi̱, ngayeje ni xi yandikón ngindyi̱ko̱n Néná, ngayeje ni xi kixi̱, ngayeje ni xi tsjie, ngayeje ni xi ꞌniú nda, ko̱jo ngayeje ni xi tjiín jaꞌén xi nda. Tsi tjín ni xi nda ko̱jo ni xi tsoboaá nga niꞌántsjá, kuí nii̱ xi ti̱ꞌankjójnú.

Xota̱ Kolosa̱ 1:9

Kuíni nga ji̱n ndeskande koó nga kandaꞌyájne̱, ngatsjéni̱xtjin ndyi̱ndokjo̱a̱tjéjne̱ jún, ko̱jo ndyi̱chjiáꞌájne̱ Néná tsi̱ꞌe̱ nga ko̱kó cha̱n cha̱njnú ni xi mejeén nga si̱ꞌánjnú jún, ko̱jo tsi̱ꞌe̱ nga tsja̱ajnú ngayeje to̱ko̱ya kjo̱a̱kjínkón, ko̱jo nga A̱si̱énni̱xtjii̱n xi tsja̱ajnú nga ka̱makjínjnú ni xi tsi̱ꞌe̱ Néná.

1 Timoo̱ 4:15

Ti̱ꞌin ji kui nii̱, kó ꞌniú tasínijìi̱n, tsi̱ꞌe̱ nga ngayeje xotaa̱ sku̱i̱e̱ nga nda tjítsꞌeén kjo̱a̱nda xi katseꞌeé.

2 Timoo̱ 2:6

Ti̱ bo̱a̱ ti̱ tsꞌén nda̱ xi ꞌniú tjitsꞌénxá ngi̱jin jno̱o̱, tjínrií kjo̱a̱nda nga kui xi tjón sa̱ko̱ó ni xi kamáxchaá.

2 Timoo̱ 2:8

Ngatjaꞌátsjiee̱n Jesukristoo̱ nga xota̱ tji̱e̱e̱ re Ndabii̱ chji̱a̱ni, ko̱jo nga jaꞌáꞌyaá ngi̱jii̱n xota̱ xi je jesoón, xikó tsó éntjatsi̱e̱e̱ Néná xí tsꞌénxiya an.

Xota̱ Ebreo̱ 12:3

Tsitsíjen chi̱bo̱a̱yajnúu̱ Kjisoo̱ kui xi achichí kjo̱a̱ni̱ma̱ jaꞌatio nga xota̱jeé kondra̱ kisꞌińdoo̱ kui, tsi̱ꞌe̱ nga jún ꞌniú ku̱i̱ndyiajnú, kó ngata̱ niꞌánkjiejínjnú kjo̱a̱.

Xota̱ Ebreo̱ 13:7

Ngatjaꞌátsjienjnú xota̱ xi síndotjónjnú kui xi katsóyàjnú eén Néná, ti̱ꞌankjínjnúu̱ takónjnú kótsꞌèn kisꞌińdo, kó chja̱ꞌángíjnúu̱ kjo̱a̱sꞌijin xi kisꞌiee̱.

Xota̱ Ebreo̱ 3:1

Kó kuíni ntsꞌie, jún xi xota̱ na̱xi̱ńdá tsjiee̱, jún xí je tsíchji̱a̱jnú Néná tsi̱ꞌe̱ nga kui ko̱ndókjo̱a̱nijnú, ti̱ꞌankjó cha̱n cha̱njnú kjo̱a̱a̱ Kristo̱ Kjisoo̱ kui xi apostroo̱ Néná ko̱jo xi chináꞌmi xi ꞌniú nkꞌa xaá, kjo̱a̱a̱ kjo̱a̱sꞌijin xi tikónná.

Xota̱ Ebreo̱ 7:4

Tsitsíjenjnúu̱ kókjiꞌi nkꞌa kamá xaá Melkisendee̱k, nga ti̱ kuii̱ xota̱ tji̱e̱ xcháná xi ꞌmí Abraa̱n katsjaá tie nga úchán ni xi katsꞌeén já ree̱ ngi̱jii̱n kjo̱a̱xcha̱án.

Xo̱jo̱o̱n Sandiyaá 1:5

Kó tsi tjín jún xi chajaa̱ kjo̱a̱kjínkón, ngatíꞌaá Néná, kó Néná tsja̱á, ngatꞌa̱ Néná tsjaá ngayeje xotaa̱ tsie ni xi machjieén, kó jmíjín xi tsꞌenchꞌó nga tsjaá.

Xo̱jo̱o̱n Sandiyaá 3:15

Ngatꞌa̱ kui xota̱ xi bo̱a̱ ndyi̱tsꞌe̱én jmí tsi Néná xí tsꞌéntsjaá kui kjo̱a̱kjínkoón, kjo̱a̱kjínkoón nga̱sondiee̱ boá, ko̱jo xi tsi̱ꞌe̱ xotaa̱, ko̱jo xi tsi̱ꞌe̱ xindajín.

Xo̱jo̱o̱n Sandiyaá 3:17

Ta̱nga kui xota̱ xi Néná tsjaá kjo̱a̱kjínkoón, kuí boá xi tsjietsꞌén síndo ngindyi̱ko̱n Néná, kó tjiín kjo̱a̱xió, kó ndaxota̱ ma, kó ntꞌiéꞌén, kó tsie kjo̱a̱ni̱ma̱takón tjiín, kó nda ni xi tsꞌén, kó ta̱ són tsꞌénjo̱ ngayeje xotaa̱, kó jmíjiín kjo̱a̱jókje̱n.

1 Xo̱jo̱o̱n Juaa̱ 5:20

Ta̱nga ti̱ jè ya nga ndií Néná jè jeꞌe, kó katsjáná kjo̱a̱kjíntakón tsi̱ꞌe̱ nga xcha̱ kui Néná xí ja̱koxi̱i̱, kó jè tindyionjo̱ kui xi ja̱koxi̱i̱, ndií Néná xi ꞌmí Jesukristoo̱. Kuí bí xi̱ꞌbi̱ xi Néná xí ja̱koxi̱i̱, ko̱jo xi tsjá kjo̱a̱mindyion ngatsjéni̱xtjii̱n.