2 Timoo̱ 2:3 - Xo̱jo̱n eén Néná

³ Ti̱ꞌinchíkjo̱e̱ ji kjo̱a̱ni̱ma̱ xi ku̱i̱tja̱tí ji, ngatꞌa̱ jí xi xikoó ngo nda̱jun xi ndaa̱ Kristo̱ Kjisoo̱.

2 Timoo̱ 2:3 ပူးပေါင်းရင်းမြစ်များ

Ni xi kamá 23:31

Kó bo̱a̱ tsꞌén jájuún, katsꞌén xikó kjiꞌi ni xi je kiꞌmií, iskjíbé Pabloo̱, kó nga jñoó kijíjo̱ na̱xi̱ńdáꞌniú Antipatri̱,

1 Xota̱ Korinto̱ 13:7

Tsi tjínná kjo̱a̱tjó si̱ꞌanjetakón ngayeje ni xi ku̱i̱tjájin, si̱ꞌansꞌijin ngayeje ni xi tsi̱ꞌe̱ Néná, xchiyàa̱ ngayeje ni xi ndaa̱, si̱ꞌanchíkjo̱a̱ ngayeje ni xi ka̱mataꞌin.

1 Xota̱ Korinto̱ 9:7

ꞌYá nda̱jun xi kui ku̱i̱ꞌíchjí to̱n xi tsꞌenkjié ngi̱yaa̱ xaá. ꞌYá xí ku̱i̱ꞌítji̱e̱ tostsi̱jè, kó skji̱ni̱e̱jín to xi kjo̱a̱ꞌátikó. ꞌYá xí skoón cho̱tsa̱nga̱, kó kꞌuijín ntsjén xí ꞌboxieé kui cho̱o̱.

2 Xota̱ Korinto̱ 1:6

Tsi̱ꞌe̱ nga kꞌuiéjnú ngaꞌniú ko̱jo nga kjo̱tjoꞌajnú, kuíni nga kjo̱a̱ni̱ma̱ ndyi̱bitjatiójne̱ ji̱n. Kó tsi sa̱kó ngaꞌniújne̱ ji̱n, tsi̱ꞌe̱ nga kꞌuiéjnú ngaꞌniú, ko̱jo nga kjo̱tjoꞌajnú, tsi̱ꞌe̱ nga xchíkjo̱a̱jnú, ko̱jo sa̱kó ngaꞌniújnú kjiꞌanga kꞌuiéjnú ti̱ kuii̱ kjo̱a̱ni̱ma̱ xikoó xi ndyi̱bitjajinjne̱ ji̱n.

1 Timoo̱ 1:18

Ji Timo̱, ndí tsa̱ꞌa̱n, ꞌniú tsꞌénmíꞌaá tsi̱ꞌe̱ nga si̱ꞌinkjatjosén ji ni xi tꞌíxiaán nga si̱ꞌin, tsi̱ꞌe̱ nga xikó katsó já chji̱ni̱e̱ꞌe̱én Néná kjo̱a̱a̱ ji, bo̱a̱ tsꞌén nda ti̱xkéntjé ji ni xi ndaa̱.

2 Timoo̱ 1:1

Án boá xi ꞌmína Pabloo̱, nda̱ apostroo̱ Kristo̱ Kjisoo̱ ngatꞌa̱ Néná xí bo̱a̱ tsꞌén kamámejeén, xikótsꞌèn Néná katsóyàtjón nga tsja̱á kjo̱a̱mindyion xota̱ xi sꞌijii̱n Kristo̱ Kjisoo̱.

2 Timoo̱ 1:8

Kó kuíni nga ngata̱, soboájín maá nga kꞌuiníjmì jí kjo̱a̱a̱ Ndi̱a̱ná, ti̱nde ngata̱ soboájín maá nga kꞌuiníjmì jí kjo̱a̱a̱ an, nga ndo̱bo̱a̱yà tjiꞌyá an ta̱ngatꞌanii̱ Jesukristoo̱. Kó jí nga ku̱i̱tjéjin ji kjo̱a̱ni̱ma̱ ta̱ngatꞌaa̱ éntjatsi̱e̱e̱, Néná tsja̱á ngaꞌniú tsi̱ꞌe̱ nga xchíkjo̱a̱a̱ xikoó an.

2 Timoo̱ 2:10

Kuíni nga tsꞌenchíkjo̱a̱ an ngayeje nii̱, ta̱ngatꞌanii̱ ngandaa̱ xota̱ xi je jaꞌájin Néná, tsi̱ꞌe̱ nga ko̱jo kui sa̱ko̱ó kjo̱a̱ꞌnaxiéꞌaá, ko̱jo kui kjo̱a̱je xi májiín fe xi tsja̱aná Kristo̱ Kjisoo̱.

2 Timoo̱ 2:9

Kó ta̱ngatꞌanii̱ kui éntjatsi̱e̱e̱ nga tjítsꞌenchíkjo̱a̱ an tsie kjo̱a̱ni̱ma̱, ngaskande nga tjítꞌa an ngo ńꞌniúki̱cha̱ xikoó ngo nda̱ xi tjiín jé, ta̱nga eén Néná tjitáꞌniújín.

2 Timoo̱ 3:11

ti̱ jè ye ji nga ikiyotji̱ngina, ko̱jo kui kjo̱a̱ni̱ma̱ xi jaꞌatio an, ko̱jo kótsꞌèn katsꞌenchíkjo̱a̱ an ki̱a̱ na̱xi̱ńdáꞌniú Antiokiya̱, ko̱jo na̱xi̱ńdáꞌniú Ikonio̱, ko̱jo na̱xi̱ńdáꞌniú Listra̱, achichí kjo̱a̱miyotji̱ngi xi jaꞌajin an ki̱a̱a̱, ta̱nga Ndi̱a̱ná tsꞌaxiéjinna ngayeje kui nii̱.

2 Timoo̱ 4:5

Ta̱nga ji, ta̱jmì niní xi si̱ꞌin ji, nda tsꞌén tꞌíjñí ji kjo̱a̱kjíntakóo̱n, ko̱jo ti̱ꞌinchíkjo̱e̱ ji kjo̱a̱ni̱ma̱ xi ku̱i̱tja̱tí, ko̱jo tꞌíni̱jmì ji éntjatsi̱e̱e̱ Néná, kó nda ti̱ꞌinkjatjosén ji xáa̱.

Filemoo̱ 1:2

Ti̱ niꞌántindejne̱ na̱ ndichjá xi ꞌmí na̱ Apiyaa̱, ko̱jo nda̱ xi ꞌmí Arkipoo̱, nda̱ xi nijan tsꞌénkjántjéjo̱ná ni xi ndaa̱. Niꞌántindejne̱ xota̱ na̱ngo̱xi̱ xi matikó ndiꞌàa̱ nga Filemo̱.

Xota̱ Ebreo̱ 10:32

Ngatjaꞌátsjienjnú kjo̱a̱niꞌin ko̱jo kjo̱a̱ni̱ma̱ xi ikitjatiójnú nga tjón tjón, kjiꞌanga én ndaa̱ Néná katsꞌéntsijenjnú.

Xota̱ Ebreo̱ 11:27

Ta̱ngatꞌanii̱ kjo̱a̱sꞌijii̱n Moisee̱ kuíni nga jatjoni nangi Ejipto̱, kó katsakjónjín nga katsꞌénxchán nda̱ ree̱, kó bo̱a̱ katsꞌén nga ꞌniú kisꞌijña xikó maá tsi askotsijee̱n kui Néná xi májín yaa̱.

Xota̱ Ebreo̱ 6:15

Kó Abraa̱n achichí kamátsiekon nga askoyá, kó kasakoo̱ ni xi katsóyàtjoón Néná nga tsja̱á.

Xo̱jo̱o̱n Sandiyaá 1:12

Achichíra̱tsjaa̱ ngo nda̱ xi xchíkjo̱a̱a̱ kjo̱a̱chjatꞌayákón xi tsꞌénfoaꞌajin, ngatꞌa̱ ngije nda jatjo nga kachjatꞌayákón, sa̱ko̱ó kjo̱a̱mindyion ngatsjéni̱xtjii̱n, kuí boá chjí xí katsóyàtjón Néná nga tsja̱á xota̱ xi tsꞌéntjó Néná.