2 Timoo̱ 2:25 - Xo̱jo̱n eén Néná

²⁵ Chjiéngá ni̱ma̱kjo̱a̱ ka̱ma ji nga si̱ꞌinchji̱ni̱ xota̱ xi kondra̱ síndoo̱ ni xi tibokoyé ji. Tsi̱ꞌe̱ nga tsi ta̱ꞌa nga Néná xí mejeén tsja̱á kjo̱a̱nda kui xota̱ kondraa̱, nga sa̱ꞌínkꞌoyà yojoo̱, tsi̱ꞌe̱ nga sku̱i̱e̱ ni xi ja̱koxi̱i̱,

2 Timoo̱ 2:25 ပူးပေါင်းရင်းမြစ်များ

Matioo̱ 11:29

Chꞌi̱a̱jnú kui yá é xí tsꞌéntsjájnúꞌun, kó ngatamajnú ni xi tsꞌénbokoyájnúꞌun, ngatꞌa̱ ntꞌiéꞌén án ko̱jo nda ini̱ma̱na, kó bo̱a̱ tsꞌén ka̱ma sa̱ꞌínkjaꞌyá ini̱ma̱jnú.

Matioo̱ 21:32

Ngatꞌa̱ Jua̱ xi botíndaá jeꞌe tsi̱ꞌe̱ nga kui xi ko̱kóyájnú ndi̱ya̱à kjo̱a̱kixi̱i̱, ta̱nga jún kisꞌijinjínjnú, ta̱nga kui já xí foaꞌáꞌyá to̱n xi machjítjé nii̱ ko̱jo ínchjínmasieén kisꞌijinrií. Ta̱nga jún, ndatsi kamáyàjnú ngayeje kui nii̱, ti̱nde bo̱a̱ tsꞌén kiniꞌánkꞌoyàjínjnú yojojnú nga kisꞌijinjnú.

Markoo̱ 1:15

Kó bi̱ katsó: –Jè jachó ni̱xtjin, kó Néná jè tsá ko̱tíxoma, ti̱ꞌankꞌoyàjnú yojojnú, kó ti̱ꞌansꞌijinjnú éntjatsi̱e̱e̱ Néná.

Juaa̱ 5:34

ta̱nga an, chjiénjínna tsi ngo xota̱ ka̱tso̱yà kjo̱a̱a̱ an, ta̱nga kui nii̱ xiyà án tsi̱ꞌe̱ nga kjo̱tjoꞌajnú.

Ni xi kamá 11:18

Kó ngije tsintꞌié kuí nii̱ xota̱ na̱ngo̱xi̱ xi chji̱a̱ni na̱xi̱ńdáꞌniú Jerusale̱n, xioó kisꞌińdo, kó katsjaá kjo̱a̱je Néná nga bi̱ katsó: –¡Ko̱jo kui xota̱ xi Israee̱ljín katsjaá Néná nga sa̱ꞌínkꞌoyà yojoo̱ kjo̱a̱a̱ jé xí ndyi̱tsꞌèn tsi̱ꞌe̱ nga kꞌuieé kjo̱a̱mindyion!

Ni xi kamá 2:38

Kó Peé, bi̱ katsoó kui jaá: –Ti̱ꞌankꞌoyàjnú yojojnú, kó jaꞌeén Jesukristoo̱ nga niꞌánkjién nga satíndájnú nga ngo nga ngojnú, tsi̱ꞌe̱ nga Néná sa̱ꞌínjetakoón jéjnú, kó bo̱a̱ tsꞌén sa̱kójnú A̱siénni̱xtjin xi Néná tsja̱ajnú.

Ni xi kamá 20:21

kó xota̱ xi jundío̱ ko̱jo xota̱ xi jundío̱jín tsꞌénxiyàa̱ nga sa̱ꞌínkꞌoyà yojoo̱, kó sku̱i̱e̱ Néná kó nga sꞌijii̱n Ndi̱a̱ná Jesukristoo̱.

Ni xi kamá 5:21

Kó ngije tsintꞌié kuí nii̱, nga ꞌniú ta̱jño̱ó nga kamángindyiojón tsꞌasꞌien na̱ngo̱xi̱i̱ kó akóyá eén Néná. Kósꞌe̱, chináꞌmi xi ꞌniú nkꞌa xaá, ko̱jo xota̱ xi nijan síndojo̱, tsíchji̱a̱a̱ xota̱ xi xchá xí chji̱a̱ni Israee̱l, kó kamátikó ngayeje jáxaá, kó katsangiya jájuún nga kijíchjaꞌá já apostroo̱ nínga síndoyá ndo̱bo̱a̱ya̱à.

Ni xi kamá 5:31

Kui Kjisoo̱ xi Néná iskjininkꞌa, kó katsjaá ngo ngi̱ndie nga kisꞌijñatꞌaa̱ tsja fojnií, kó katsjaá xá nga kui xi kꞌo̱xiéꞌá xotaa̱, tsi̱ꞌe̱ nga xota̱ xi chji̱a̱ni Israee̱l sa̱ꞌínkꞌoyà yojoo̱, kó Néná sa̱ꞌínjetakoón jé xí ndyi̱tsꞌèn.

Ni xi kamá 8:22

Ti̱ꞌinkꞌoyé ji ni chꞌokjiꞌi tse̱, kó ꞌniú chji̱e̱ꞌèe̱ Néná, tsi ta̱ꞌa nga sa̱ꞌínjetakoón ni xi bo̱a̱ tsꞌén ikꞌíjin ini̱màa̱,

Xota̱ Ngalasia̱ 6:1

Jún ntsꞌie, tsi ngo xi kamáyà nga ngo jé tjítsꞌén, jún xi je tindyiónjnú xikótsꞌèn mejeén A̱si̱énni̱xtjii̱n Néná, chjiéngá ni̱ma̱takón ka̱majnú nga ko̱si̱ko̱jójnú, tsi̱ꞌe̱ nga sa̱ꞌíndaya yojoo̱ kui xi tjítsꞌénjeé, ta̱nga chónjnú yojojnú nga ngo nga ngojnú, tsi̱ꞌe̱ nga jmí tsi ko̱jo jún chjátꞌayákónjnú.

1 Timoo̱ 2:4

Néná mejeén nga kjo̱tjoꞌa ngayeje xotaa̱, ko̱jo nga sku̱i̱e̱ ni xi ja̱koxi̱i̱.

1 Timoo̱ 6:11

Ta̱nga ji xi xotaa̱ Néná jí, ti̱yíi̱ kui nii̱, kó ki̱a̱ tꞌentji̱ngi ji kjo̱a̱kixi̱i̱, ko̱jo kjo̱a̱yandikoón, ko̱jo kjo̱a̱sꞌijii̱n, ko̱jo kjo̱a̱tjoó, ko̱jo kjo̱a̱chiyákoón, ko̱jo kjo̱a̱ndaxota̱a̱.

2 Timoo̱ 3:7

Kui ínchjiín ngatsjéni̱xtjin mejeén nga ka̱maa̱ ngo ni xi tja̱tsi̱e̱, kó jmíni̱xtjin ka̱maa̱ ka̱makjiín ni xi ja̱koxi̱i̱.

Titoo̱ 1:1

Án boá xi ꞌmína Pabloo̱, mosoo̱ Néná ko̱jo apostroo̱ Jesukristoo̱, xikótsꞌèn sꞌijii̱n xota̱ xi je jaꞌájin Néná, ko̱jo xikó kjiꞌi kjo̱a̱kjíntakón xi ja̱koxi̱i̱ nga bendikón Néná, bo̱a̱ kjíꞌí xána,

Titoo̱ 3:2

Ngata̱ jmí xota̱ chji̱a̱taꞌinjín, ko̱jo ngata̱ jmí kjo̱a̱xchán ꞌboxiéjín, ta̱sá ndaxota̱ ngatama, kó ngatamabe xota̱ xi ngasee̱ nga tjiín kjo̱a̱ni̱ma̱kjo̱a̱.

Xo̱jo̱o̱n Sandiyaá 1:17

Ngayeje ni xi ꞌniú nda xi boeꞌéná, kuí nii̱ xi ꞌniú nda, kó ndiꞌakꞌajmi jàn ndibánií, ki̱a̱ nínga tikón Néná xí Na̱ꞌmii̱ kui xi katsꞌénda ngayeje ndiꞌí xí tjiín, kui xi bosíkjoyajín yojoo̱, ti̱nde tsꞌéntíyàjín xikoó ngo tji̱nkꞌi̱én.

1 Xo̱jo̱o̱n Peé 3:15

Ta̱sá cha̱ndikónjnú Kristoo̱ ngi̱jii̱n ini̱ma̱jnú nga kui xi Ndi̱a̱jnú má, kó ngatsjéni̱xtjin ti̱ndyiondajnú nga ka̱majnú kꞌuiyájnúu̱ nga tjín xi ko̱síyájnú ngo ni kjo̱a̱a̱ kui kjo̱a̱chiyá xi tjínjnú jún.

1 Xo̱jo̱o̱n Juaa̱ 5:16

Tsi tjín xi be nga ngo ntsꞌi̱e̱ tjítsꞌén ngo jé xi tsꞌenkꞌiénjínná ngindyi̱ko̱n Néná, chjiéngá ku̱i̱chji̱a̱a̱ Néná nga ku̱i̱chji̱a̱tjé, kó bo̱a̱ tsꞌén nga Néná tsja̱á kjo̱a̱mindyion kui ntsꞌiee̱. Kjo̱a̱a̱ ngo jé xi tsꞌenkꞌiénjínná ngindyi̱ko̱n Néná xí tꞌíxián an. Ti̱ tjín jé xi tsꞌenkꞌiénná ngindyi̱ko̱n Néná, kó kjo̱a̱a̱ kui jeé xiánjín an nga ko̱ndókjo̱a̱jnúu̱ Néná nga chji̱a̱ꞌatjejnú xota̱ xi sa̱ꞌín kui jeé.