2 Timoo̱ 2:21 - Xo̱jo̱n eén Néná

²¹ Kuíni nga tsi tjín xí sa̱ꞌíntsjie yojoo̱ kjo̱a̱a̱ kui ni xi ndajiín, xikónií tsi ngo ni xi niꞌánkjién nga ma sꞌué ka̱ma. Kuí xí tsjie ka̱ma, kó Ndi̱a̱ná ka̱ma sa̱ꞌínkjién, kó kꞌuijñánda tsi̱ꞌe̱ nga sa̱ꞌin ngayeje ni xi ndaa̱.

2 Timoo̱ 2:21 ပူးပေါင်းရင်းမြစ်များ

Xo̱jo̱n Salmoo̱ 119:9

Ta̱ ngototo kjiꞌanga sa̱ꞌínkjatjosón ni xi tsó ée̱n, nga já ko̱jo ínchjín xo̱ngo̱ò ka̱maa̱ sa̱ꞌíndaya xikótsꞌèn tjíndo.

Ni xi kamá 9:15

Ta̱nga Ndi̱a̱ná, bi̱ katsoó: –¡Tꞌenchíi̱n! Ngatꞌa̱ nga kuí nda̱a̱ xi je jaꞌajin an tsi̱ꞌe̱ nga ku̱i̱chji̱a̱jo kjo̱a̱a̱ an xota̱ xi Israee̱ljín, ko̱jo re, ko̱jo ngayeje xota̱ xi chji̱a̱ni Israee̱l,

1 Xota̱ Korinto̱ 5:7

Kó kuíni nga chje̱ꞌéxínjnú kui jeé, ngatꞌa̱ kui jeé tsꞌénkjátsónjnú jún. Kuí xí xikoó nisan xi mindyiakátjo̱ nda̱ꞌyo̱paa̱n, kó ta̱sá xikoó tsi nda̱ꞌyo̱ tja̱tsi̱e̱ ngatamajnú, kui xi niꞌánkjién nga manda pan xi chinie ni̱xtjii̱n sꞌué paskuaa̱, nda̱ꞌyo̱ xi tja̱tsi̱e̱ xi jmíjiín nisan xchá. Ja̱koxi̱ nga jún xi bo̱a̱ kónjnú ngotꞌe̱, ngatꞌa̱ Kristoo̱ kuí xí cho̱tsa̱nga̱a̱ sꞌué paskua̱ná kui xi kiniꞌánkꞌién nganda tsa̱ñá.

2 Xota̱ Korinto̱ 7:1

Jún xota̱ xi tjóna, ñá tsa̱ñá ni xi katsóyàtjón Néná nga tsja̱á xota̱ xi tsi̱ꞌe̱. Kuíni nga tsjietsꞌén ku̱i̱ndyión ngindyi̱ko̱n Néná, nga xín kꞌuijñá ni xi tsꞌénndándí yojoná, ko̱jo ini̱ma̱ná. Si̱ꞌando̱jò kjin kjin kui kjo̱a̱tsjiee̱ nga xcha̱ndikón Néná.

2 Xota̱ Korinto̱ 9:8

Kó Néná tjiín ngaꞌniú tsi̱ꞌe̱ nga tsja̱ajnú ngayeje to̱ko̱ya kjo̱a̱nda, tsi̱ꞌe̱ nga ngatsjéni̱xtjin kꞌuiéjnú ngayeje ni xi chjiénjnú, kó ngaskande tsꞌatio ngase kꞌuiéjnú, tsi̱ꞌe̱ nga ka̱ma ko̱si̱ko̱jójnú xota̱ xi ngasee̱.

Xota̱ Éfeso̱ 2:10

Ngatꞌa̱ Néná boá xi katsꞌéndaná, ngatꞌaa̱ Kristo̱ Kjisoo̱, tsi̱ꞌe̱ nga ni xi nda si̱ꞌán, kui ni xi Néná índa tjón tjón tsi̱ꞌe̱ nga ki̱a̱ ku̱i̱ṉtsomajin ni xi ndaa̱.

1 Timoo̱ 6:11

Ta̱nga ji xi xotaa̱ Néná jí, ti̱yíi̱ kui nii̱, kó ki̱a̱ tꞌentji̱ngi ji kjo̱a̱kixi̱i̱, ko̱jo kjo̱a̱yandikoón, ko̱jo kjo̱a̱sꞌijii̱n, ko̱jo kjo̱a̱tjoó, ko̱jo kjo̱a̱chiyákoón, ko̱jo kjo̱a̱ndaxota̱a̱.

2 Timoo̱ 2:16

Ta̱nga ngata̱ niꞌínsénjíi̱n én xi jmí ni chjíjiín xi tsi̱ꞌe̱ kui nga̱sondiee̱, ngatꞌa̱ xi bo̱a̱ tsꞌén chji̱a̱a̱ tsꞌénkjii̱n yojoo̱ Néná.

2 Timoo̱ 2:20

Ngi̱yaa̱ ngo ndiꞌa je, jmí tsi ta̱ ni xi to̱nsinié, ko̱jo tsi ta̱ ni xi to̱ntiboa tsí xi tjín, ti̱ tjín ni xi yá, ko̱jo ni xi ńdie kamándani nga, tjín xí ta̱ kjiꞌání tsi nga niꞌánkjién, xikoó nga ma sꞌué, kó ti̱ tjín ni xi ndyiojón ndyiojón niꞌánkjién.

2 Timoo̱ 3:17

kó kuí xo̱jo̱o̱n xi sa̱ꞌín nga xota̱ xi ndyi̱tsꞌèn xaá Néná, kꞌuíndonda nga ka̱maa̱ nga sa̱ꞌín ngayeje ni xi ndaa̱.

2 Timoo̱ 4:11

Ta̱ kuí tsí Rkaa̱ xi kꞌi̱e̱ tikónjo̱na. Ti̱ndyi̱sé ji Markoo̱, kó nijan ndibéje̱, ngatꞌa̱ kuí boá xi ka̱maa̱ ko̱síko̱jona xá xi tjítsꞌen an.

Titoo̱ 3:1

Ti̱ꞌinkjaꞌátsjìi̱n xota̱ na̱ngo̱xi̱i̱ nga sku̱i̱e̱ndikón xota̱ xi botixómaá, ko̱jo jáxaá, ngatintꞌièꞌeén, kó ngatꞌíndonda nga sa̱ꞌín ngayeje ni xi nda.

Titoo̱ 3:14

Kó xota̱ tsa̱ñá ngatamakjiín nga sa̱ꞌín ni xi ndaa̱, ko̱jo nga ko̱síko̱jo tsi ngo xota̱ xi chjieén tsja, tsi̱ꞌe̱ nga kꞌuíndo xikoó xota̱ xi ka̱ma ngasee̱ nda tsꞌén kꞌuíndo ngindyi̱ko̱n Néná.

Titoo̱ 3:8

Én xí ꞌniátakón boá xi̱ꞌbi̱, kó mejénna nga ꞌniú ko̱ndókjo̱a̱ kjo̱a̱a̱ kui nii̱, tsi̱ꞌe̱ nga kui xota̱ xi sꞌijii̱n Néná ta̱soboá ni xi nda xí sa̱ꞌín. Achichí nga nda kui eén, kó machjieén ngayeje xotaa̱.

1 Xo̱jo̱o̱n Peé 1:22

Ngotꞌe̱ ꞌne̱ nga je kiniꞌántsjiejnú yojojnú ta̱ngatꞌanii̱ nga kandaꞌyáꞌénjnúu̱ én xí ja̱koxi̱i̱, kó nga je tjó ja̱koxi̱jnú xingi̱jnú, xikoó tsi ngo ntsꞌiejnú. Ngayeje ini̱ma̱jnú ꞌniú ti̱ꞌantjójnú ja̱kꞌi̱e̱ ja̱ngaján xingi̱jnú.

1 Xo̱jo̱o̱n Peé 1:7

tsi̱ꞌe̱ nga chjátꞌayákón kjo̱a̱sꞌijinjnú, ngatꞌa̱ kuí xí chjí ngasenii̱ ta̱bo̱a̱jiín to̱nsinieé, kui xi maa̱ fotsoo̱n kó ndiꞌí chitꞌani. Kó bo̱a̱ tsꞌén kui kjo̱a̱sꞌijii̱n xcha̱ nga kꞌuieé kjo̱a̱niꞌántsjà, ko̱jo kjo̱a̱je, ko̱jo kjo̱a̱yandikón kjiꞌanga ko̱kó yojoo̱ Jesukristoo̱.

1 Xo̱jo̱o̱n Juaa̱ 3:3

Kó ngayeje xota̱ xi ndyi̱koyaa̱ kui, ndyi̱tsꞌèntsjie yojoo̱ ngindyi̱ko̱n Néná, xikótsꞌèn tsjie Jesukristoo̱.