2 Timoo̱ 2:19 - Xo̱jo̱n eén Néná

¹⁹ Ta̱nga ta̱kó ꞌniú tikón eén Néná, kó tikón xikoó ngo xó xí ꞌbítjatsꞌennii̱ ngo ndiꞌa, nínga bi̱ tsꞌén kjitꞌa: “Ndi̱a̱ná be kuí xota̱ xi je tsi̱ꞌe̱”, ko̱jo: “Ngayeje xota̱ xi míꞌátjéni nga tsꞌénkáxoma jaꞌeén Néná, ngatꞌíndomasien ngayeje ni xi ndajiín.”

2 Timoo̱ 2:19 ပူးပေါင်းရင်းမြစ်များ

Joo̱b 28:28

Kósꞌe̱ bi̱ katsoó ngayeje xota̱ nga̱sondiee̱: “tsi xcha̱ndikónjnú Ndi̱a̱a̱, kó tsi ku̱i̱ta̱xínboaꞌájnúu̱ ni xi ndajiín ja̱ jè kasakojnú kjo̱a̱kjínkoón”».

Xo̱jo̱n Salmoo̱ 1:6

Ngatꞌa̱ Néná jè be ndi̱yà nínga ndyi̱fí xota̱ xi kixi̱i̱, ta̱nga ndi̱yà nínga ndyi̱fí xota̱ xi ndajiín, ki̱a̱ boá nínga xcha̱ja.

Xo̱jo̱n Salmoo̱ 112:6

Xota̱ xi ndaa̱ ngatsjéni̱xtjin nga nda má ni xi tsꞌén, kó ngatsjéni̱xtjin nga ndatsꞌèn niꞌánkjaꞌátsjien.

Xo̱jo̱n Salmoo̱ 34:14

Ti̱xínboeꞌée̱ ni xi ndajiín, kó ni xi ndaa̱ ti̱ꞌin, ti̱ndyi̱sé ji kjo̱a̱xioó, kó kui tꞌentji̱ngi ji.

Xo̱jo̱n Salmoo̱ 37:18

Be Néná ni̱xtjii̱n xota̱ xi kixi̱i̱, kó xi katsóyàtjón Néná nga tsja̱á, ngatsjéni̱xtjin nga kui tsi̱ꞌe̱ ka̱ma.

Xo̱jo̱n Salmoo̱ 97:10

Jún xi tjójnú Néná, ti̱ꞌanchꞌójnú ni xi ndajiín. Kuí boá xi foaꞌátjó ini̱ma̱a̱ xota̱ xi tsjiee̱, kó kuí boá xi ꞌboxiéꞌáni ngi̱ya tsja xota̱ xi ndajiín,

Énkjínkón 10:25

Kjiꞌanga foaꞌa ngo tjo̱ꞌniú, chaja xota̱ xi ndajiín, ta̱nga ngatsjéni̱xtjin nga kꞌuijñá xota̱ xi kixi̱i̱.

Énkjínkón 3:7

Ngata̱ nkꞌakonjín ꞌnaxié ji yojòo̱ kjo̱a̱a̱ nga kjínkón ji, che̱ndikín jí Néná, kó tji̱taxíntꞌée̱ ni xi ndajiín,

Xki̱ 16:5

kósꞌe̱ bi̱ katsoó Koree̱ ko̱jo xota̱ xi nijan tsoꞌbájo̱: —¡Jún boá xi xota̱ tji̱e̱e̱ Lebii̱, xi je tsꞌajónjne̱ ji̱n! Ndyiojón ta̱jñó ndibájnú, kó chꞌi̱a̱jnú ni xi mindyia xꞌueé, kósꞌe̱ ki̱a̱ tꞌíjñájnú kui nii̱ ngindyi̱ko̱n Néná. Kósꞌe̱ Néná kjo̱a̱ꞌájin xota̱ xi mejeén nga sa̱ꞌín xaá ki̱a̱ ndiꞌandikoón, kó ta̱kuítsí kui xotaa̱ xi ka̱ma sa̱ꞌín kui xaá.

Xki̱ 6:27

»Kjiꞌanga chináꞌmii̱ bi̱ tsꞌén sa̱ꞌínchikonñé xota̱ Israee̱l, án boá xi sa̱ꞌin an nga kjo̱tjosón kui nii̱».

Matioo̱ 24:24

Ngatꞌa̱ kjín Kristo̱ ndiso xi kuijín xi kjo̱tjokjá, ko̱jo kjín já chji̱ni̱e̱ꞌén ndiso xi kji̱ndi̱bá, kó sa̱ꞌín kjo̱a̱ndikón ko̱jo chi̱bo̱a̱ tsi̱ꞌe̱ nga kꞌo̱ṉcha̱jo xotaa̱, kó ngaskande ka̱maa̱ tsi kꞌo̱ṉcha̱jo xota̱ xi je jaꞌájin Néná.

Matioo̱ 28:19

Kó kuíni nga, tangínjnú kó xota̱ tsa̱ꞌa̱n ti̱ꞌánjnú ngayeje xota̱ na̱xi̱ńdá, tatíndánijnú nga si̱ꞌankaxomájnú jaꞌeén Na̱ꞌmii̱, ko̱jo jaꞌeén ndií, ko̱jo jaꞌeén A̱si̱énni̱xtjii̱n,

Matioo̱ 7:23

Kósꞌe̱ bi̱ xián cha̱n cha̱a̱n: «Jmí ni̱xtjin kamábejnúꞌun, tji̱taxínjnú jún xota̱ xi tsꞌén ni xi ndajín.»

Matioo̱ 7:25

Kó nga kjindibá stseé, kamáje ndáfoaa̱ ndejeèꞌ, kó jaꞌa tjo̱ꞌniuú, kó yeꞌétꞌa xchaán kui ndiꞌaa̱, ta̱nga tsꞌákajín, ngatꞌa̱ nga̱soón ngo ndi̱jo̱ kamánda.

Markoo̱ 12:16

Kó kui jaá katsjaá ngo to̱n ndenario̱, sꞌe̱ Kjisoo̱, bi̱ katsó: –ꞌYá xí tsi̱ꞌe̱ kui a̱si̱én ko̱jo kui jaꞌén xí kjitꞌa kui to̱o̱n. Kó kui jaá, bi̱ katsó: –Tsi̱ꞌe̱ nda̱ xtitjón xi ꞌmí Sesaa̱ boá.

Markoo̱ 13:22

Ngatꞌa̱ kjín Kristo̱ ndiso xi kuijín xi kjo̱tjokjá, ko̱jo kjín já chji̱ni̱e̱ꞌén ndiso xi kji̱ndi̱bá, kó sa̱ꞌín kjo̱a̱ndikón, ko̱jo chi̱bo̱a̱ tsi̱ꞌe̱ nga kꞌo̱ṉcha̱jo xotaa̱, kó ngaskande ka̱maa̱ kꞌo̱ṉcha̱jo xota̱ xi je jaꞌájin Néná.

Rkaa̱ 13:27

Kó kuí, bi̱ ka̱tso̱jnú: “Bejín an ñá kjindibánijnú jún, ti̱xiónboaꞌájnúꞌun, ngatꞌa̱ xota̱ xi ndajín boá jún.”

Rkaa̱ 6:48

Bo̱a̱ fóyanii̱ xikoó ngo nda̱ xi katsꞌénda ngo ndiꞌa, kó tjón katsꞌénda ngo ti̱xa̱ xi na̱nga̱, kó ítjatsꞌennii̱ xoó ndiꞌaa̱ nga̱soón ngo ndi̱jo̱ xi je, kó nga kamáje ndejeèꞌ, ndáfoaa̱ yeꞌétꞌa xchaán kui ndiꞌaa̱, ta̱nga nde katsꞌéntíyájiín, ngatꞌa̱ nga̱soón ngo ndi̱jo̱ kamánda.

Juaa̱ 10:14

Án boá nda̱ nda xi koo̱n cho̱tsa̱nga̱a̱, kó be án cho̱tsa̱nga̱na, kó cho̱tsa̱nga̱na bena an,

Juaa̱ 13:18

Jmí tsi kjo̱a̱a̱ ngayejejnú ni xi tꞌíxián an, jè be an ꞌyání xi je jaꞌajin an, ta̱nga tsi̱ꞌe̱ nga kjo̱tjosón ni xi kjitꞌa xo̱jo̱n eén Néná, nínga bi̱ tsoó: “Xi kꞌi̱e̱ tsꞌénkjiniejo̱na pan, kondra̱na je tikón.”

Juaa̱ 3:33

Kó kui xota̱ xi tjisꞌíjii̱n, kuí xí be nga tjiín kjo̱a̱kixi̱ Néná.

Ni xi kamá 11:26

Kó ngije kasakoo̱ kijíjo̱ na̱xi̱ńdáꞌniú Antiokiya̱. Kó ki̱a̱ kisꞌińdojo̱ xota̱ na̱ngo̱xi̱i̱ ngo nó ndo̱jò, nínga kjín xota̱ akóyaá. Kó Antiokiya̱ boá nínga tjón tjón xota̱ kristiano̱ kiꞌmií xota̱ xi kisꞌijii̱n Kjisoo̱.

Ni xi kamá 15:17

tsi̱ꞌe̱ nga xota̱ xi ngasee̱ ko̱ngase Ndi̱a̱ná, ko̱jo ngayeje xota̱ xi Israee̱ljín xi je kamátsjie ngi̱yaa̱ jaꞌénna,

Ni xi kamá 9:14

kó kꞌi̱e̱e̱ já ngito̱ko̱o̱ chináꞌmii̱ je katsjaákjo̱a̱, tsi̱ꞌe̱ nga kjo̱jo ndo̱bo̱a̱yà ngayeje xota̱ xi tsꞌénkáxoma jaꞌée̱n.

Xota̱ Roma̱ 11:2

Néná katsꞌénchꞌójín xota̱ na̱xi̱ńdaá, kui xi ndeskande ngasꞌe̱ nga kamábe. Axa̱ yàjínjnú xi ni tsó xo̱jo̱n eén Néná kjo̱a̱a̱ Eliyaa̱, kjiꞌanga yíngítaꞌin xota̱ Israee̱l ngindyi̱ko̱n Néná, bi̱ katsó:

Xota̱ Roma̱ 12:9

Ti̱ꞌantjó ja̱koxi̱jnú xingi̱jnú. Ti̱ꞌanchꞌójnú ni xi ndajiín, kó ni xi ndaa̱ tangíntji̱ngíjnú.

Xota̱ Roma̱ 15:20

Kó bo̱a̱ tsꞌén katsꞌen an ngo kjo̱a̱ꞌniú nga ini̱jmi án éntjatsi̱e̱e̱ Néná nínga kji̱e̱ ndokjo̱a̱jín jaꞌeén Kristoo̱, ki̱a̱ ka̱maa̱ nga sa̱ꞌinjín an ngo xá nínga je kje̱ꞌe xí ítsꞌi̱yanii̱.

Xota̱ Roma̱ 15:9

Ko̱jo tsi̱ꞌe̱ nga xota̱ xi jundío̱jín tsja̱á kjo̱a̱je Néná, ta̱ngatꞌanii̱ nga Néná kamáni̱ma̱a̱ kui xotaa̱, xikótsꞌèn kjitꞌa xo̱jo̱n eén Néná nínga bi̱ tsó: Kuí kjo̱a̱a̱ nga xiyà an kjo̱a̱je tse̱ ngi̱jii̱n xota̱ xi jundío̱jín, kó si̱eé ji nga sa̱ꞌintsjaá.

Xota̱ Roma̱ 8:28

Kó jè ya nga xota̱ xi tsꞌéntjó Néná, Néná tsꞌeén ni xi nda nganda tsi̱ꞌe̱, xota̱ xi Néná jaꞌájin xikótsꞌèn kamámejeén kui.

Xota̱ Roma̱ 9:11

Néná tsíchji̱a̱jo na̱ Rebekaa̱ kjiꞌanga nde kji̱e̱ tsenjín kui jákjíndií, kjiꞌanga nde kji̱e̱ jmí ni xi nda ko̱jo tsi ni xi ndajín xi je katsꞌén, ngatꞌa̱ Néná foaꞌájin xota̱ xi mejeén kui, jmí tsi kjo̱a̱a̱ ni nda xi tsꞌén.

1 Xota̱ Korinto̱ 1:2

xota̱ na̱ngo̱xi̱i̱ Néná xi síndo na̱xi̱ńdáꞌniú Korinto̱ kui xi kamátsjie ngindyi̱ko̱n Néná ngatꞌaa̱ Kristo̱ Kjisoo̱. Jún xi Néná tsíchji̱a̱jnú nga xota̱ tsjiee̱ ka̱majnú, ko̱jo kui xota̱ xi ta̱jñà ngi̱ndiení je sꞌijii̱n Ndi̱a̱ná Jesukristoo̱, Ndi̱a̱a̱ kui xotaa̱, ko̱jo Ndi̱a̱ tsa̱ñá.

1 Xota̱ Korinto̱ 8:3

Ta̱nga tsi tjín xota̱ xi ndyi̱tsꞌèntjó Néná, Néná jè be ꞌyá xota̱ xi̱ꞌba̱.

2 Xota̱ Korinto̱ 7:1

Jún xota̱ xi tjóna, ñá tsa̱ñá ni xi katsóyàtjón Néná nga tsja̱á xota̱ xi tsi̱ꞌe̱. Kuíni nga tsjietsꞌén ku̱i̱ndyión ngindyi̱ko̱n Néná, nga xín kꞌuijñá ni xi tsꞌénndándí yojoná, ko̱jo ini̱ma̱ná. Si̱ꞌando̱jò kjin kjin kui kjo̱a̱tsjiee̱ nga xcha̱ndikón Néná.

Xota̱ Ngalasia̱ 4:9

Ta̱nga ngotꞌe̱ ꞌne̱, ngije yàjnú Néná, ko̱jo tsi Néná jè bejnú jún, kuíni nga, kótsꞌèn nga ti̱ ingo ndi̱yà nginí kongintjingíjnúu̱ kui ni xi jmíjiín ngaꞌniú ko̱jo ni xi jmí ni chjíjiín. A mejénjnú nga ti̱ ko̱tíxoma nginíjnú ne xi Nénájín.

Xota̱ Éfeso̱ 2:20

Jún xikónií ngo ndiꞌa nkꞌa xi kjimanda kui xi já apostroo̱, ko̱jo já chji̱ni̱e̱ꞌe̱én Néná ítjatsꞌennii̱ nga ndyi̱kjininkꞌa, kó Jesukristoo̱ boá kui xi ndi̱jo̱ ngaꞌniuú kui ndiꞌaa̱.

Xota̱ Éfeso̱ 3:15

Kui xi katsꞌénda ngayeje tji̱e̱ tsi tsi̱ꞌe̱ ndítsjie ki̱a̱ ndiꞌakꞌajmii̱, ko̱jo tsi tsi̱ꞌe̱ xota̱ kꞌi̱e̱ tꞌanangii̱.

Xota̱ Éfeso̱ 4:30

Ngata̱ niꞌándasénjínjnúu̱ A̱si̱énni̱xtjii̱n Néná, kui xi katseꞌéjnú tsi̱ꞌe̱ nga xcha̱ nga kjo̱tjoꞌajnú ni̱xtjin nga ku̱i̱ndyiondéjnúu̱ jeé ngatsjéni̱xtjin.

1 Timoo̱ 3:15

kó tsi kꞌo̱ndíyána, mejénna nga xchi̱e̱ ji kótsꞌèn ꞌbíndo xota̱ xi tsi̱ꞌe̱ Néná, kuí boá kui xotaa̱ xi na̱ngo̱xi̱i̱ Néná xi tikoón. Xota̱ na̱ngo̱xi̱i̱ kuí boá xi kjininkꞌá, ko̱jo xi tsja ngaꞌniuú én xí ja̱koxi̱i̱.

1 Timoo̱ 6:19

Bo̱a̱ tsꞌén nga kꞌuieé ngo kjo̱a̱cho̱n xi ko̱síko̱jo ni̱xtjin xi sꞌe̱ ndibaá, kó kꞌuieé ngo kjo̱a̱mindyion xi ja̱koxi̱i̱.

Xota̱ Ebreo̱ 11:10

Bo̱a̱ katsꞌén Abraa̱n ngatꞌa̱ askoyaá nga sa̱ko̱ó kui na̱xi̱ńdá xí kꞌuijñá ngatsjéni̱xtjii̱n, kui xi Néná índa ko̱jo katsꞌénda.

2 Xo̱jo̱o̱n Peé 3:14

Kuíni nga jún ndí ntsꞌie xi tjóna, tji̱e̱nga ndyi̱chiyájnúu̱ nga kjo̱e̱ꞌe Ndi̱a̱ná, ti̱ꞌánjnú ngo kjo̱a̱ꞌniú tsi̱ꞌe̱ nga kꞌuiéjnú kjo̱a̱xió ngindyi̱ko̱n Néná, ko̱jo nga jmí kjo̱a̱ndándí kꞌuiéjínjnú ko̱jo nga jmíjín xi ka̱maa̱ chꞌo tsꞌén ku̱i̱chji̱a̱taꞌinjnú.

1 Xo̱jo̱o̱n Juaa̱ 2:19

Kui já boá, kꞌi̱e̱ jatjojinná, ta̱nga nga ja̱koxi̱ xota̱nájín bo̱a̱, ngatꞌa̱ tsi xota̱ná kamá, nijan síndojo̱na tsobo̱a̱, ta̱nga bo̱a̱ kamá tsi̱ꞌe̱ nga xcha̱ cha̱n cha̱n nga tjín xota̱ xi jmí tsi xota̱ xi tsa̱ñá boá.

Ni xi akakoo̱ 17:8

Kui cho̱ chꞌokjiꞌi xi je kamáyè ji, kuí boá xi kisꞌijña ngasꞌe̱, ta̱nga jè ngiti̱ jmíjín ngotꞌe̱, ta̱nga ki̱a̱ kjo̱tjoni ti̱xa̱na̱nga̱a̱ tꞌanangii̱ nga kji̱ndi̱bá ngindiee̱ nga xcha̱ja, kó xotaa̱ kui nga̱sondiee̱, kui xi kjitꞌajín jaꞌeén xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjin, ndeskande koó nga ítjatsꞌennii̱ kui nga̱sondiee̱, achichí ko̱e̱je̱ndikoón nga sku̱i̱e̱ kui cho̱ chꞌokjiꞌi xi kisꞌijñaa̱, kui xi ngiti̱ jmíjín ngotꞌe̱, ta̱nga kji̱ndi̱bá nginí.

Ni xi akakoo̱ 2:13

Jè be an nga ki̱a̱ tindyin ji nínga tikón ngi̱ndie nínga botixómá xindajín Satanaa̱, ta̱nga ta̱kó ꞌniú tiꞌmitji̱ngi ji jaꞌénna, kó jmíni̱xtjin nga sꞌijinjínna kase ji kjo̱a̱a̱ nga sꞌijii̱n an, ti̱nde bo̱a̱jín kase ni̱xtjin nga Antipaa̱, kui nda̱ xi chistiko̱ xi ꞌniátakón an kiniꞌánkꞌién ngi̱jinjnú, ki̱a̱ na̱xi̱ńdáꞌniú nínga tikón xindajín Satanaa̱.

Ni xi akakoo̱ 21:14

Kó xoó kui na̱xi̱ńdáꞌniuú tiejó ndi̱jo̱ kisꞌijña ngindiee̱, kó ki̱a̱ kisitꞌa jaꞌeén nga tiejó já apostroo̱ cho̱tsa̱nga̱a̱.

Ni xi akakoo̱ 22:4

kó sku̱i̱e̱ kje̱n, kó jaꞌeén ki̱a̱ kjótꞌaa̱ xtjien.

Ni xi akakoo̱ 3:8

An jè be an ngayeje ni xi niꞌín ji, tsitsíjin ji, ngindyikin je íjñá an ngo nga̱ntjo̱a̱ xi tji̱e̱nti̱xa̱, xi ta̱ꞌyajín xi maa̱ ꞌbíchjá, kó ndatsi chiboa tsí ngaꞌniú tjiín ji, kiniꞌín ji xki̱ énna, kó tiniꞌínkie ji yojòo̱ nga yení.