2 Timoo̱ 2:14 - Xo̱jo̱n eén Néná

¹⁴ Ti̱ꞌinkjaꞌátsjìi̱n xota̱ na̱ngo̱xi̱i̱ ngindyi̱ko̱n Ndi̱a̱ná, kó bo̱a̱ tꞌíi̱n nga chjiénjín nga ta̱jmì énní xi ku̱i̱chji̱a̱ti, ngatꞌa̱ jmí ni chjíjiín nga bo̱a̱ niꞌaán, kó ta̱sá ndajíntsꞌeén, kó tsꞌénchájá xota̱ xi ntꞌieé kui kjo̱a̱ndokjo̱a̱tii̱.

2 Timoo̱ 2:14 ပူးပေါင်းရင်းမြစ်များ

Matioo̱ 16:26

Ngatꞌa̱ mí chjínií tsi ngo nda̱ ku̱i̱e̱je̱e̱n ngayeje ni xi tjín kuí nga̱sondiee̱, tsi kichajá ini̱ma̱a̱. Axa̱ mí ni xi tsja̱á ngo nda̱ xi ko̱sítꞌa ini̱ma̱a̱.

Ni xi kamá 13:10

sꞌe̱ bi̱ katsoó: –¡Ji chí ndiso, ji xi tjikítsiee̱ ngayeje kjo̱a̱ndiso ko̱jo ni xi ndajín, ndií xindajín ndiabloo̱, ko̱jo kondraa̱ ngayeje ni xi kixi̱! Míkjo̱a̱a̱ nga ji tiniꞌínkjatsén jí ndi̱yà kixi̱i̱ Ndi̱a̱ná.

Ni xi kamá 15:24

Jè kandaꞌyájne̱ nga tjín xota̱ xi ti̱ kꞌi̱e̱ jatjojinná, kui xi jmí kjo̱a̱ katseꞌéjiín, kó kui xi ndyi̱tsꞌènxtií ini̱ma̱jnú, nga katsangiya nga si̱ꞌánjnú sirkunsisioo̱n, ko̱jo nga si̱ꞌankjatjosónjnú kjo̱a̱kitii̱.

Xota̱ Roma̱ 14:1

Kó ti̱ꞌanjo̱ꞌojnú kui xota̱ xi kji̱e̱ tajájín síndojin nii̱ Néná, ta̱nga ngata̱ ndokjo̱a̱tijo̱jínjnú kjo̱a̱a̱ xikótsꞌèn bee̱ko̱n.

Xota̱ Ngalasia̱ 1:7

Nga ja̱koxi̱ jmíjín kje̱ꞌe éntjatsi̱e̱, ta̱ ni xi kjimá nga tjín xota̱ xi ndyi̱mindyiátsobéjnú, kó mejeén nga ko̱síkjoyá éntjatsi̱e̱e̱ Kristoo̱.

Xota̱ Éfeso̱ 4:17

Kuí ni xi̱ꞌbi̱ xi tꞌíxiánjnúꞌun ngi̱yaa̱ jaꞌeén Ndi̱a̱ná, nga ngiti̱ bo̱a̱jín tsꞌén mindyiónjnú xikótsꞌèn síndo xota̱ xi bejín Néná, kui xota̱ xi síndo xikótsꞌèn ndyi̱tsꞌènkjó chi̱ni.

1 Xota̱ Tesalónika̱ 4:1

Kjo̱a̱a̱ ni xi chaja ngasee̱, jún ntsꞌie, ꞌniú chjiáꞌájne̱ ko̱jo ꞌniú botíxomajne̱ ngi̱yaa̱ jaꞌeén Ndi̱a̱ná Kjisoo̱, tsi̱ꞌe̱ nga ndyiojón ndyiojón nda ngase tsꞌén ku̱i̱ndyionjnú xikótsꞌèn tsja maa̱ Néná, xikótsꞌèn akakoyájne̱ ji̱n. Nga ja̱koxi̱, ja̱ jè bo̱a̱ ndyi̱niꞌánjnú.

2 Xota̱ Tesalónika̱ 3:6

Jún ntsꞌie, ngo kjo̱a̱botíxoma ko̱e̱ꞌéjne̱: Ngi̱yaa̱ jaꞌeén Ndi̱a̱ná Jesukristoo̱, xín ti̱ꞌankjaꞌajnúu̱ yojojnú ngayeje ntsꞌié xi mejénjiín sa̱ꞌín xá xí nda ko̱jo xi fítji̱ngijín kui kjo̱a̱bokoyá xi ji̱n katseꞌéjne̱ jún.

1 Timoo̱ 1:4

kui xi ndyi̱tsꞌènseén én xchá xi chji̱a̱ xotaa̱, ko̱jo xikótsꞌèn kjindibáni tji̱e̱e̱ xota̱ xi xchaá, ngatꞌa̱ ki̱a̱ ndibánií nga chji̱a̱ti xotaa̱, kó kui nii̱ bosikójojínná tsi̱ꞌe̱ nga xcha̱ ni xi índa Néná, ngototo nga sꞌijinná Néná nga xcha̱ kuí nii̱.

1 Timoo̱ 1:6

Tjín xí kichíyaá kui nii̱, kó kijítꞌaxín nga ta̱sá én xí ta̱xkiya kijítji̱ngi,

1 Timoo̱ 4:8

Ngatꞌa̱ nga niꞌángáa̱ yojona nga chjaxingá, ta̱ chiboa tsi bosikójoná kuí nii̱, ta̱nga nda ngase nga ngo nda̱ nda xi xota̱a̱ Jesukristoo̱ ka̱ma, ngatꞌa̱ ꞌniú bosikójoná kuí nii̱ kui kjo̱a̱mindyion xi̱ꞌbi̱, ko̱jo kjo̱a̱mindyion xi sꞌe̱ ndibaá.

1 Timoo̱ 5:21

Ngindyi̱ko̱n Néná ko̱jo ngindyi̱ko̱n Ndi̱a̱ná Jesukristoo̱ ko̱jo ndítsjie xi jaꞌájin, ꞌniú tsꞌénmíꞌaá tsi̱ꞌe̱ nga si̱ꞌinkjatjosén ji ni xi tꞌíxiaán, nga ta̱ són si̱ꞌinje̱ ji xotaa̱, kó nga jmíjín xi chje̱ꞌéjin ji.

1 Timoo̱ 6:13

Be Néná kui xi katsjaá kjo̱a̱mindyion ngayeje ni xi tjiín, kó ti̱ be Jesukristo̱ xi katsóyà ꞌyání kui, kjiꞌanga akatíjeé ngindyi̱ko̱n Ponsio Pilatoo̱, nga an tsꞌénbotixomaa̱ ji kui nii̱,

2 Timoo̱ 1:6

Kó kuíni nga tsꞌénbotixomaa̱ tsi̱ꞌe̱ nga si̱ꞌinkjìn jí kui kjo̱a̱nda xi katsjaá Néná kjiꞌanga íjñasoón ndsa̱ an.

2 Timoo̱ 2:16

Ta̱nga ngata̱ niꞌínsénjíi̱n én xi jmí ni chjíjiín xi tsi̱ꞌe̱ kui nga̱sondiee̱, ngatꞌa̱ xi bo̱a̱ tsꞌén chji̱a̱a̱ tsꞌénkjii̱n yojoo̱ Néná.

2 Timoo̱ 2:23

Ta̱nga nga ki̱a̱jín niꞌínsée̱n kjo̱a̱ndokjo̱a̱ti xi kitikjo̱a̱, ko̱jo xi jmí ni chjíjiín, ngatꞌa̱ jè yé ji nga kuí nii̱ xi tsꞌénkjánná.

2 Timoo̱ 4:1

Ngindyi̱ko̱n Néná, ko̱jo ngindyi̱ko̱n Ndi̱a̱ná Jesukristoo̱, kui xi ka̱tso̱yà tsi nda ko̱jo tsi ndajín katsꞌén xota̱ xi síndoo̱, ko̱jo xi je jesoón, ni̱xtjin nga ko̱kó yojoo̱, kjiꞌanga ko̱tíxoma, ꞌniú míꞌaá ji,

Titoo̱ 3:1

Ti̱ꞌinkjaꞌátsjìi̱n xota̱ na̱ngo̱xi̱i̱ nga sku̱i̱e̱ndikón xota̱ xi botixómaá, ko̱jo jáxaá, ngatintꞌièꞌeén, kó ngatꞌíndonda nga sa̱ꞌín ngayeje ni xi nda.

Xota̱ Ebreo̱ 13:9

Ngata̱ ki̱a̱jín mongíntjíngíjnúu̱ ngo kjo̱a̱bokoyá xi kje̱ꞌe tsó, ko̱jo xi yàjín, ngatꞌa̱ ta̱sá nda ngase nga ini̱ma̱ná sa̱kó ngaꞌniuú ngi̱yaa̱ kjo̱a̱ndaa̱ Néná, ta̱bo̱a̱jiín tsi ki̱a̱ kongíntji̱ngí kjo̱a̱botíxomaa̱ nichinie xi jmíni̱xtjin asíko̱jo xota̱ xi ki̱a̱ kijítji̱ngii̱.

2 Xo̱jo̱o̱n Peé 1:13

Kuí nii̱ xi kixi̱ kjimana, tji̱e̱nga tikòn an ngi̱jii̱n kui yojoo̱, nga tjínna ngo kjo̱a̱ꞌniú nga kotixomájnúꞌun.