2 Timoo̱ 2:12 - Xo̱jo̱n eén Néná

¹² Tsi si̱ꞌanchíkjo̱a̱ kuí kjo̱a̱ni̱ma̱a̱, ti̱ bo̱a̱ ti̱ tsꞌén nijan ko̱ti̱xomajo̱. Tsi si̱ꞌankie jàn yojoná nga ki̱a̱ timatji̱ngìi̱, ti̱ bo̱a̱ ti̱ tsꞌén kuí sa̱ꞌínkiejín yojoo̱ nga bená ñá.

2 Timoo̱ 2:12 ပူးပေါင်းရင်းမြစ်များ

Énkjínkón 30:9

Ngatꞌa̱ tsita̱ ngije tsie ni tjínna, ngiti̱ skuiéjaán jí, kósꞌe̱ bi̱ xián án: “ꞌYání bo̱a̱ xi Néná”. Ko̱jo tsi ni̱ma̱ ka̱ma an, sꞌe̱ ta̱sá sa̱ꞌinchejé án, kósꞌe̱ ngaskande ji chꞌo xiaán ngijee̱.

Matioo̱ 10:33

ta̱nga ta̱ ꞌyání xi ka̱tso̱yà nga bejínna ngindyi̱ko̱n xotaa̱, ti̱ bo̱a̱ ti̱ tsꞌén xiyà an nga bejín an kui ngindyi̱ko̱n Na̱ꞌmina xi tikón ndiꞌakꞌajmi jàn.

Matioo̱ 26:35

Kó bi̱ katsó Peé: –Ndatsi ko̱yàjòo̱ ji, ta̱nga jmíni̱xtjin nga sa̱ꞌinkiejín an yojona nga bee ji. Kó ngayeje xota̱ tsi̱ꞌe̱ xi ngasee̱ ti̱ bo̱a̱ ti̱ katsó nga.

Matioo̱ 26:75

Kósꞌe̱ Peé jaꞌátsjiee̱n ni xi katsó Kjisoo̱, nga bi̱ katsoó: «Ngindiee̱ nga skja̱ndáyà xo̱nda̱xi̱ꞌii̱n, ján ndi̱yà je kiniꞌínkiejín yojòo̱ nga yení.» Sꞌe̱ jataxie ndi̱tsén jàn, kó achichí on askjandá Peé.

Markoo̱ 10:33

bi̱ katsoó: –Tsitsíjenjnúu̱ nga kꞌi̱e̱ ndyi̱mongínnijíngí xtji̱e̱e̱n na̱xi̱ńdáꞌniú Jerusale̱n, kó ndií nda̱ xi̱ꞌii̱n si̱ꞌankꞌasꞌiee̱n já ngito̱ko̱o̱ chináꞌmii̱, ko̱jo já chji̱ni̱e̱kjo̱a̱kitii̱, kó kuí xí tsja̱akjo̱a̱ nga si̱ꞌankꞌien, ko̱jo nga si̱ꞌankꞌasꞌiee̱n xota̱ xi jundío̱jín.

Markoo̱ 8:38

Ngatꞌa̱ ngayeje xota̱ xi soboá ka̱maa̱ kjo̱a̱a̱ an, ko̱jo kjo̱a̱a̱ énna kꞌi̱e̱ ngindyi̱ko̱n kui xota̱ xi ndyi̱tsꞌèntꞌaa̱ kjo̱a̱ Néná, ko̱jo kui xota̱jeé, ti̱ bo̱a̱ ti̱ tsꞌén ndií nda̱ xi̱ꞌii̱n soboá ka̱maa̱ kjo̱a̱a̱ kui, nga kjo̱e̱ꞌéjo̱ kjo̱a̱jee̱ Na̱ꞌmii̱ ko̱jo ndítsjiee̱.

Rkaa̱ 12:9

Ta̱nga xi ka̱tso̱yà ngindyi̱ko̱n xotaa̱ nga bejínna, ti̱ bo̱a̱ ti̱ tsꞌén xiyà an nga bejín an kui ngindyi̱ko̱n ndítsjiee̱ Néná.

Rkaa̱ 22:29

Kó kuíni nga an, tsjajnúꞌun nga ko̱ti̱xomájnú, xikótsꞌèn katsjána Na̱ꞌmina,

Rkaa̱ 22:30

tsi̱ꞌe̱ nga xi̱ni̱e̱jnú ko̱jo sꞌi̱o̱jnú tꞌa yámíxa̱ kjiꞌanga kotixoma an, ko̱jo tsi̱ꞌe̱ nga ko̱ti̱xomájnú nga bo̱a̱ kꞌuínjnú tsi tjiín ko̱jo tsi jmíjiín jé nga tiejó tji̱e̱e̱ xota̱ xi chji̱a̱ni Israee̱l.

Rkaa̱ 9:26

Ngatꞌa̱ ngayeje xota̱ xi soboá ka̱maa̱ kjo̱a̱a̱ an ko̱jo kjo̱a̱a̱ énna, ti̱ bo̱a̱ ti̱ tsꞌén ndií nda̱ xi̱ꞌii̱n, soboá ka̱maa̱ kjo̱a̱a̱ kui, kjiꞌanga kjo̱e̱ꞌéjo̱ kjo̱a̱je tsi̱ꞌe̱, ko̱jo kjo̱a̱jee̱ Na̱ꞌmii̱, ko̱jo tsi̱ꞌe̱ ndítsjiee̱.

Ni xi kamá 14:22

kó ki̱a̱ katsjángaꞌniuú xota̱ xi sꞌijii̱n Kjisoo̱, kó ꞌniú tsíchji̱a̱jo, tsi̱ꞌe̱ nga sa̱ꞌínsꞌijin, kó bo̱a̱ katsoó nga chjiéngá tsie kjo̱a̱ni̱ma̱ ku̱i̱tja̱tió, tsi̱ꞌe̱ nga ku̱i̱tjásꞌi̱e̱n nínga botixómá Néná.

Xota̱ Roma̱ 5:17

Ngatꞌa̱ tsi ta̱ ngo tsí xi katsꞌénjé, kó kuíni nga kjo̱a̱bo̱yaa̱ atíxoma, kjín ngase xota̱ xi kꞌuieé kjo̱a̱mindyion ta̱ngatꞌanii̱ ta̱ ngo tsí nda̱, kui xi Jesukristoo̱. Kuí xotaa̱ xi sa̱ko̱ó ꞌniú tsie kjo̱a̱nda, ko̱jo nga kixi̱ kꞌuíndo ngindyi̱ko̱n Néná.

Xota̱ Roma̱ 8:17

Kó tsi ñá xí ndií Néná, ja̱ ti̱ sa̱kóná ni xi tsi̱ꞌe̱, kó nijan sa̱kóná kui nii̱ ko̱jo Kristoo̱, ta̱nga chjiéngá ku̱i̱tja̱tiójo̱ kjo̱a̱ni̱ma̱a̱ Kristoo̱, tsi̱ꞌe̱ nga nijan sa̱kóná kjo̱a̱jee̱ Néná.

Xota̱ Filipo̱ 1:28

Kó nga ta̱ ndakonjínmájnúu̱ kondra̱jnú, ngatꞌa̱ kuí nii̱ xi ko̱ko̱ó ngo chi̱bo̱a̱ kui xotaa̱ nga kju̱i̱e̱, ta̱nga nga jún kjo̱tjoꞌajnú. Néná tsja̱ajnú nga jún xi si̱ꞌánjnú.

1 Timoo̱ 5:8

Ngatꞌa̱ kui xota̱ xi ndasénjiín xkjín, ngase má xota̱ xi síndojo̱ ngi̱ya ndiꞌaa̱, jè íjñátꞌaxín kjo̱a̱sꞌijii̱n, kó kuí, ndajín ngase ta̱bo̱a̱jiín xota̱ xi sꞌijinjiín Néná.

Xo̱jo̱o̱n Jundaa̱ 1:4

Bo̱a̱ tꞌíxián an, ngatꞌa̱ tjín káꞌá xota̱ xi ta̱ngatꞌanii̱ kjo̱a̱mañaa̱ nga ki̱a̱ tsꞌasꞌienjinjnú, kui xi ndeskande koó ngasꞌe̱ kiꞌmíyatjón nga ka̱majeé, xota̱ xi ꞌniú ndajín boá xi̱ꞌba̱, kui xi kjíbé kjo̱a̱ndaa̱ Néná, tsi̱ꞌe̱ nga ta̱ ni xi mejénrií kui sa̱ꞌín, kó tsꞌénkiejín yojoo̱ nga Jesukristoo̱ boá kui Ndi̱a̱ná xí ngototo xi tsꞌénbotixómáná.

Ni xi akakoo̱ 1:6

kó kuí boá xi botixómáná, ko̱jo xi katsꞌénná chináꞌmi xi tsꞌén xaá Nee̱, kui xi Na̱ꞌmii̱. ¡Kjo̱a̱jee̱ Néná, ko̱jo ngaꞌniuú kui tsi̱ꞌe̱ ngatama ngatsjéni̱xtjin! Bo̱a̱ kjiꞌi.

Ni xi akakoo̱ 1:9

An, Juaa̱, ntsꞌiejnú, kó ta̱ngatꞌanii̱ nga nijan ikitjatió kuí kjo̱a̱ni̱ma̱a̱, ngi̱yaa̱ nínga botixómá Néná, ko̱jo ta̱ngatꞌanii̱ kjo̱a̱chiyákoón Jesukristoo̱, nga ki̱a̱ kisꞌijña an tji̱ngi̱ xi ꞌmí Patmo̱, ta̱ngatꞌanii̱ eén Néná xí chji̱a̱ kjo̱a̱a̱ Jesukristoo̱.

Ni xi akakoo̱ 2:13

Jè be an nga ki̱a̱ tindyin ji nínga tikón ngi̱ndie nínga botixómá xindajín Satanaa̱, ta̱nga ta̱kó ꞌniú tiꞌmitji̱ngi ji jaꞌénna, kó jmíni̱xtjin nga sꞌijinjínna kase ji kjo̱a̱a̱ nga sꞌijii̱n an, ti̱nde bo̱a̱jín kase ni̱xtjin nga Antipaa̱, kui nda̱ xi chistiko̱ xi ꞌniátakón an kiniꞌánkꞌién ngi̱jinjnú, ki̱a̱ na̱xi̱ńdáꞌniú nínga tikón xindajín Satanaa̱.

Ni xi akakoo̱ 20:4

Kó kamábe an nínga botíxoma, kó ki̱a̱ kisꞌińdosón kui xi katseꞌeé xá tsi̱ꞌe̱ nga ko̱tíjeé, kó ti̱ kamábe an a̱si̱énni̱xtjii̱n kui xota̱ xi ikichásén to̱ko̱ ta̱ngatꞌanii̱ nga jmíni̱xtjin íjñámasien ni xi akóyá Kjisoo̱ ko̱jo eén Néná, kuí xotaa̱ xi katsꞌéndikónjín cho̱ chꞌokjiꞌii̱ ko̱jo a̱sie̱én, ti̱nde katsjandièjín nga ikꞌíjñaá chi̱bo̱a̱a̱ kui cho̱o̱ xtjien ko̱jo tsja, kó kui xotaa̱ jaꞌáꞌyá nginií, kó nijan atíxomajo̱ Kristoo̱ ngo mi̱ nó.

Ni xi akakoo̱ 20:6

¡Achichíra̱tsjaa̱ ko̱jo achichíra̱ tsjie kui xota̱ xi tjón kjo̱a̱ꞌáꞌyaá, ngatꞌa̱ ki̱a̱ chji̱a̱ni xota̱ na̱xi̱ńdá tsjiee̱ Néná! Kjo̱a̱bo̱ya xi ma joó, jmí ngaꞌniújiín kjo̱a̱a̱ kui xotaa̱, ta̱sá chináꞌmii̱ Néná ko̱jo chináꞌmii̱ Kristoo̱ ka̱ma, kó ki̱a̱ nijan ko̱tíxomajo̱ nga ngo mi̱ noó.

Ni xi akakoo̱ 3:10

Ngatꞌa̱ nga jè kiniꞌínkjatjosén ji eén kjo̱a̱chiyákjo̱a̱na, ti̱ bo̱a̱ ti̱ tsꞌén an skoon ji nga kjo̱chó chi̱bo̱a̱a̱ kjo̱a̱chjatꞌayákón xi kji̱ndi̱bánié ngayeje nga̱sondiee̱, tsi̱ꞌe̱ nga xchítꞌayákón ngayeje xota̱ xi síndo tꞌanangii̱.

Ni xi akakoo̱ 3:21

Kui xi sa̱ꞌiín, ngo ngi̱ndie tsjàa̱ nínga tsꞌénbotixoma an, kó ki̱a̱ kꞌuijñátꞌana, xikótsꞌèn je katsꞌen an, kó kꞌi̱e̱ tikóntꞌáa̱ an Na̱ꞌmina nínga tsꞌénbotixómá.

Ni xi akakoo̱ 3:8

An jè be an ngayeje ni xi niꞌín ji, tsitsíjin ji, ngindyikin je íjñá an ngo nga̱ntjo̱a̱ xi tji̱e̱nti̱xa̱, xi ta̱ꞌyajín xi maa̱ ꞌbíchjá, kó ndatsi chiboa tsí ngaꞌniú tjiín ji, kiniꞌín ji xki̱ énna, kó tiniꞌínkie ji yojòo̱ nga yení.

Ni xi akakoo̱ 5:10

kó kuí xotaa̱ xi kiniꞌín ji re xi tsi̱ꞌe̱ Néná, kiniꞌín ji chináꞌmi xi tsi̱ꞌe̱ Néná, kó kuí boá xi ko̱tíxoma ngayeje tꞌanangii̱.