2 Timoo̱ 2:10 - Xo̱jo̱n eén Néná

¹⁰ Kuíni nga tsꞌenchíkjo̱a̱ an ngayeje nii̱, ta̱ngatꞌanii̱ ngandaa̱ xota̱ xi je jaꞌájin Néná, tsi̱ꞌe̱ nga ko̱jo kui sa̱ko̱ó kjo̱a̱ꞌnaxiéꞌaá, ko̱jo kui kjo̱a̱je xi májiín fe xi tsja̱aná Kristo̱ Kjisoo̱.

2 Timoo̱ 2:10 ပူးပေါင်းရင်းမြစ်များ

Énkjínkón 8:35

Ngatꞌa̱ kui xi sa̱ko̱ó an, kjo̱a̱mindyioo̱n boá xi sa̱ko̱ó, kó sa̱ko̱ó kjo̱a̱ndaa̱ Néná nga,

Matioo̱ 24:22

Kó tsi Néná chiboajín ku̱i̱ꞌíjñaá kui ni̱xtjii̱n, ta̱ꞌyajín xi kjo̱tjoꞌa, ta̱nga ta̱ngatꞌanii̱ xota̱ xi je jaꞌájin, chiboa ni̱xtjin íjñaá nga ka̱ma kui ni̱xtjii̱n.

Matioo̱ 24:24

Ngatꞌa̱ kjín Kristo̱ ndiso xi kuijín xi kjo̱tjokjá, ko̱jo kjín já chji̱ni̱e̱ꞌén ndiso xi kji̱ndi̱bá, kó sa̱ꞌín kjo̱a̱ndikón ko̱jo chi̱bo̱a̱ tsi̱ꞌe̱ nga kꞌo̱ṉcha̱jo xotaa̱, kó ngaskande ka̱maa̱ tsi kꞌo̱ṉcha̱jo xota̱ xi je jaꞌájin Néná.

Matioo̱ 24:31

kó kuí xí sa̱ngíyá ndítsjiee̱, tsi̱ꞌe̱ nga sa̱ꞌínkjanie tjioo̱, kó ku̱i̱ꞌítikó xota̱ xi je jaꞌájin nga nijón tji̱ngi̱i̱ kui nga̱sondiee̱, ndeskande nínga ꞌbítsi̱yanii̱, kó ngaskande nínga fetꞌanii̱.

Rkaa̱ 18:7

Kó Néná a kixi̱jín tsꞌén sa̱ꞌínseén xota̱ xi je jaꞌájin xi nga jñó ko̱jo nga ni̱xtji̱e̱n ndyi̱chji̱a̱a̱ kui. A sa̱ꞌínkꞌandíyárií nga ko̱síko̱jo kui xotaa̱.

Rkaa̱ 22:57

Ta̱nga Peé katsꞌénkiejín yojoo̱ nga bi̱ katsó: –¡Ji xota̱chjo̱on, bejín an ꞌyá kuí bo̱a̱!

Juaa̱ 11:52

kó jmí tsi ta̱ kjo̱a̱a̱ tsií kui na̱xi̱ńdaá, ko̱yà Kjisoo̱ kjo̱a̱a̱ nga ka̱matikó ngayeje ndií Néná xi tjimásoón.

Juaa̱ 17:24

Na̱ꞌmi, kui xota̱ xi je katseꞌéní, mejénna nga nínga tikòn an, nga ti̱ ki̱a̱ kꞌuíndojo̱na nga, tsi̱ꞌe̱ nga sku̱i̱e̱ ngayeje kjo̱a̱je xi katseꞌéní, ngatꞌa̱ kiniꞌíntjéní ndeskande koó nga ítjatsꞌennii̱ kui nga̱sondiee̱.

Juaa̱ 17:9

An ꞌniú tsꞌénmíꞌá an kjo̱a̱a̱ kui xotaa̱, jmí tsi kjo̱a̱a̱ xotaa̱ kui nga̱sondiee̱, tsꞌénmíꞌáñaá kjo̱a̱a̱ xota̱ xi katseꞌéní, ngatꞌa̱ jí tse̱,

Xota̱ Roma̱ 2:7

Kjo̱a̱mindyion ngatsjéni̱xtjin tsja̱á xota̱ xi ndyi̱koyakjo̱a̱ nga ta̱ngongá ni xi nda ndyi̱tsꞌèn, kó nga ndyi̱mongase nga sa̱ko̱ó kjo̱a̱je, ko̱jo kjo̱a̱yandikón, ko̱jo nga kꞌuíndo ngatsjéni̱xtjin.

Xota̱ Roma̱ 9:23

Bo̱a̱ tsꞌén Néná ko̱kó ngayeje kjo̱a̱cho̱o̱n kjo̱a̱jee̱ kjo̱a̱a̱ xota̱ xi ni̱ma̱ ka̱maa̱ xi ja̱bo̱a̱ je íjñanda tsi̱ꞌe̱ kjo̱a̱jee̱.

1 Xota̱ Korinto̱ 1:21

Ngatꞌa̱ ngi̱jin kjo̱a̱kjínkoón Néná índa, nga jmí tsi kjo̱a̱kjínkoón xota̱ nga̱sondiee̱ xi sku̱i̱e̱ni Néná, ta̱sá Néná tsja kamaá nga tsꞌaxiéꞌá xota̱ xi sꞌijii̱n kui ni xi kjo̱a̱tsobé kjimaa̱ xotaa̱ kui nga̱sondiee̱.

1 Xota̱ Korinto̱ 9:22

Ngi̱jii̱n xota̱ xi kji̱e̱ ꞌniújín sꞌijii̱n Néná, xikoó tsi ngo kui xotaa̱ katsꞌen an yojona, tsi̱ꞌe̱ nga asiko̱jo an nga ꞌniú ngase sꞌi̱jii̱n. Xi kókón ngayeje to̱ko̱ya xotaa̱, bo̱a̱ kon katsꞌen an yojona, tsi̱ꞌe̱ nga ti̱ kuí xí kjo̱tjoꞌani kaꞌa xota̱.

2 Xota̱ Korinto̱ 1:6

Tsi̱ꞌe̱ nga kꞌuiéjnú ngaꞌniú ko̱jo nga kjo̱tjoꞌajnú, kuíni nga kjo̱a̱ni̱ma̱ ndyi̱bitjatiójne̱ ji̱n. Kó tsi sa̱kó ngaꞌniújne̱ ji̱n, tsi̱ꞌe̱ nga kꞌuiéjnú ngaꞌniú, ko̱jo nga kjo̱tjoꞌajnú, tsi̱ꞌe̱ nga xchíkjo̱a̱jnú, ko̱jo sa̱kó ngaꞌniújnú kjiꞌanga kꞌuiéjnú ti̱ kuii̱ kjo̱a̱ni̱ma̱ xikoó xi ndyi̱bitjajinjne̱ ji̱n.

2 Xota̱ Korinto̱ 12:15

Kó kuíni nga an, nga xikoó tsi na̱ꞌmijnú má an, achichí tsja ka̱mana nga sa̱ꞌínkjién yeje an ni xi tjínna, kó ngaskande yojona ngatjie tsi ta̱ngatꞌanii̱ nganda tsa̱jún. Tsi bo̱a̱ tsꞌén ꞌniú tjóna jún, a chiboa ngase ka̱matjójnú jún an.

2 Xota̱ Korinto̱ 4:15

Ngatꞌa̱ ngayeje kui nii̱, kjima nganda tsa̱jún, tsi̱ꞌe̱ nga kjín xota̱ xi tsja̱á ndokꞌóchjì Néná, kjo̱a̱a̱ kui kjo̱a̱nda xi tjisákoó, kó bo̱a̱ tsꞌén nga Néná kꞌuié ngasee̱ kjo̱a̱je.

2 Xota̱ Korinto̱ 4:17

Ngatꞌa̱ kui kjo̱a̱ni̱ma̱ xi ta̱ ngotjón nga ndyi̱bitjatió ñá, kuí xí tsja̱aná ngo kjo̱a̱je xi ngatsjéni̱xtjin ko̱jo xi nda ngase.

Xota̱ Éfeso̱ 3:13

Kó kuíni nga míꞌájnúꞌun, tsi̱ꞌe̱ nga ko̱yàjín takónjnú nga xcha̱jnú kui kjo̱a̱ni̱ma̱ xi tsꞌénfoaꞌatio an nganda tsa̱jún, ta̱sá kuí nii̱ xi kjo̱a̱jejnú ngatama.

Xota̱ Kolosa̱ 1:24

Ngotꞌe̱ ꞌne̱, achichí tsja mana kjo̱a̱a̱ kjo̱a̱ni̱ma̱ xi tsꞌénfoaꞌatio an nganda tsa̱jún, ngatꞌa̱ bo̱a̱ tsꞌén kjimando̱jona yojona nga tsꞌénfoaꞌatio an kjo̱a̱ni̱ma̱ xi tjisákoó Kristoo̱ ngandaa̱ xota̱ na̱ngo̱xi̱i̱, ngatꞌa̱ xota̱ na̱ngo̱xi̱i̱ kuí boá xi yojoo̱ Kristoo̱.

Xota̱ Kolosa̱ 1:27

Néná kamámejeén akoó kui xotaa̱, kókjiꞌi kjo̱a̱cho̱o̱n kjo̱a̱jee̱ ni xi tjiꞌmaá ngi̱jii̱n xota̱ xi tjín ngayeje nga̱sondiee̱, kó kui ni xi tjiꞌmá xi tjisꞌíjñátsijen ngotꞌe̱ kuí boá Kristo̱ xi tikónjinjnú, kó ta̱ngatꞌaa̱ kuí boá nga ndyi̱chiyájnú nga sa̱kójnú kjo̱a̱je.

1 Xota̱ Tesalónika̱ 5:9

Ngatꞌa̱ Néná jmí tsi bo̱a̱ tsꞌén índa nga sa̱kóná kjo̱a̱botíjeé, jaꞌájinná tsi̱ꞌe̱ nga sa̱kóná kjo̱a̱ꞌnaxiéꞌaá ngatꞌaa̱ Ndi̱a̱ná Jesukristoo̱,

2 Xota̱ Tesalónika̱ 2:14

Néná tsíchji̱a̱jnú nga kiꞌmíyàjne̱ jún éntjatsi̱e̱e̱, tsi̱ꞌe̱ nga sa̱kójnú kjo̱a̱jee̱ Ndi̱a̱ná Jesukristoo̱.

2 Timoo̱ 1:1

Án boá xi ꞌmína Pabloo̱, nda̱ apostroo̱ Kristo̱ Kjisoo̱ ngatꞌa̱ Néná xí bo̱a̱ tsꞌén kamámejeén, xikótsꞌèn Néná katsóyàtjón nga tsja̱á kjo̱a̱mindyion xota̱ xi sꞌijii̱n Kristo̱ Kjisoo̱.

2 Timoo̱ 2:1

Kó kuíni nga ji Timo̱, ndí tsa̱ꞌa̱n, ti̱ꞌingaꞌní jí kjo̱a̱a̱ kui kjo̱a̱nda xi katseꞌéná ngatꞌaa̱ Kristo̱ Kjisoo̱.

2 Timoo̱ 2:3

Ti̱ꞌinchíkjo̱e̱ ji kjo̱a̱ni̱ma̱ xi ku̱i̱tja̱tí ji, ngatꞌa̱ jí xi xikoó ngo nda̱jun xi ndaa̱ Kristo̱ Kjisoo̱.

Titoo̱ 1:1

Án boá xi ꞌmína Pabloo̱, mosoo̱ Néná ko̱jo apostroo̱ Jesukristoo̱, xikótsꞌèn sꞌijii̱n xota̱ xi je jaꞌájin Néná, ko̱jo xikó kjiꞌi kjo̱a̱kjíntakón xi ja̱koxi̱i̱ nga bendikón Néná, bo̱a̱ kjíꞌí xána,

1 Xo̱jo̱o̱n Peé 2:10

Jún xi kje̱ꞌe ni̱xtjin nde ngo xota̱ na̱xi̱ńdá kamájínjnú, ta̱nga ngotꞌe̱ ꞌne̱, xota̱ na̱xi̱ńdaá Néná boá jún. Néná ni̱ma̱jín kamaá jún ngasꞌe̱, ta̱nga ngotꞌe̱ ꞌne̱ Néná ni̱ma̱ máa jún.

1 Xo̱jo̱o̱n Peé 5:10

Kó ngije ikitjatiójnú chií kjo̱a̱ni̱ma̱ chiboa ni̱xtjin, kui Néná xí tsi̱ꞌe̱ ngayeje kjo̱a̱ndaa̱, kui xi Jesukristoo̱ katsꞌénkjién nga tsíchji̱a̱ná, tsi̱ꞌe̱ nga sa̱kóná kjo̱a̱je xi fejiín, kui nga tsꞌén xi chjiéngá ka̱majnú, nga tsjangaꞌniújnú, ꞌniú ngatꞌijñájnú, ko̱jo nga tsjandièjín nga jó nga ján kꞌuijñaá ini̱ma̱jnú.