2 Timoo̱ 1:9 - Xo̱jo̱n eén Néná

⁹ Kui Néná xí tsꞌaxiéꞌáná, ko̱jo xi tsíchji̱a̱ná tsi̱ꞌe̱ nga ngo na̱xi̱ńdá tsjie ka̱ma, jmí tsi kjo̱a̱a̱ ni xi kiniꞌán, ta̱sá kjo̱a̱a̱ ni xi je tjíndaa̱, ko̱jo kjo̱a̱a̱ kjo̱a̱nda xi katseꞌéná ñá nga kui Kristo̱ Kjisoo̱ xi ko̱ndókjo̱a̱ ñá ndeskande ni̱xtjin nga katsꞌénda nga̱sondiee̱.

2 Timoo̱ 1:9 ပူးပေါင်းရင်းမြစ်များ

Matioo̱ 1:21

Kó na̱ Riyaa̱ ngo ndí kꞌuieé, kó KJISO̱ kuítꞌe jaꞌén, ngatꞌa̱ kuí boá xi kꞌo̱xiéꞌá xota̱ na̱xi̱ńdaá kjo̱a̱a̱ jé xí ndyi̱tsꞌèn.

Rkaa̱ 10:21

Ti̱ kuii̱ chi̱bo̱a̱ A̱si̱énni̱xtjii̱n Néná achichí tsjatsꞌèn íjñá ini̱ma̱a̱ Kjisoo̱, kó bi̱ katsó: –An tjítsꞌèntsjaà Na̱ꞌmi, ji xi Ndi̱a̱a̱ ndiꞌakꞌajmii̱ ko̱jo tꞌanangii̱, ngatꞌa̱ kui nii̱ ikꞌíjñiꞌmíi̱ xota̱ xi kjínkón ko̱jo xi makjiín, kó akakèe̱ jákjíndií. Jo̱o̱n, Na̱ꞌmi, ngatꞌa̱ bo̱a̱ tsꞌén kamátsjaá jí.

Juaa̱ 17:24

Na̱ꞌmi, kui xota̱ xi je katseꞌéní, mejénna nga nínga tikòn an, nga ti̱ ki̱a̱ kꞌuíndojo̱na nga, tsi̱ꞌe̱ nga sku̱i̱e̱ ngayeje kjo̱a̱je xi katseꞌéní, ngatꞌa̱ kiniꞌíntjéní ndeskande koó nga ítjatsꞌennii̱ kui nga̱sondiee̱.

Juaa̱ 17:9

An ꞌniú tsꞌénmíꞌá an kjo̱a̱a̱ kui xotaa̱, jmí tsi kjo̱a̱a̱ xotaa̱ kui nga̱sondiee̱, tsꞌénmíꞌáñaá kjo̱a̱a̱ xota̱ xi katseꞌéní, ngatꞌa̱ jí tse̱,

Juaa̱ 6:37

Ngayeje xota̱ xi je jaꞌájin Na̱ꞌmina, kji̱ndi̱bákónna, kó xi kji̱ndi̱bákónna sa̱ꞌinchꞌójín an,

Ni xi kamá 15:18

bi̱ tsó Ndi̱a̱ná xi bokó ngayeje kui nii̱ ndeskande ni̱xtjin xcháján.

Ni xi kamá 2:47

nga katsꞌéntsjaà Néná, kó kisꞌiee̱ kjo̱a̱ndaa̱ ngayeje xota̱ na̱xi̱ńdaá. Kó ndyiojón ndyiojón Ndi̱a̱ná katsꞌénkjín kui xota̱ xi je tsíchji̱a̱a̱ nga tsꞌaxiéꞌá.

Xota̱ Roma̱ 11:14

Tsi tjítsꞌen onkon an xota̱ na̱xi̱ńdaá nangina, bo̱a̱ tjítsꞌen an, tsi̱ꞌe̱ nga kjo̱tjoꞌa chiboa kui xotaa̱.

Xota̱ Roma̱ 11:29

Ngatꞌa̱ ngiti̱ foaꞌáxínjín Néná kjo̱a̱nda xi je katsjá, ko̱jo kjinjín tsꞌénkjáꞌa xota̱ xi je jaꞌájin.

Xota̱ Roma̱ 16:25

Nganiꞌántsjaá Néná, kui xi maa̱ nga tsja̱ngaꞌniújnú, xikó tsó kui éntjatsi̱e̱ xi tsꞌénꞌbini̱jmì án, ko̱jo ni xi tsꞌénbokoyá an kjo̱a̱a̱ Jesukristoo̱, xikó kjiꞌi kjo̱a̱a̱ ni xi tjíndaa̱ Néná, ni xi tjiꞌmá ndeskande ngindiee̱ nga kamánda kui nga̱sondiee̱.

Xota̱ Roma̱ 3:20

Ngatꞌa̱ jmí tsi kjo̱a̱a̱ ngo ni xi katsꞌén ngi̱yaa̱ kjo̱a̱kitii̱ nga ngo xota̱ xi kixi̱ ka̱ma ngindyi̱ko̱n Néná, ngatꞌa̱ kjo̱a̱kitii̱ ta̱kuítsí xi bokó nga xota̱ boá jé ñá.

Xota̱ Roma̱ 9:11

Néná tsíchji̱a̱jo na̱ Rebekaa̱ kjiꞌanga nde kji̱e̱ tsenjín kui jákjíndií, kjiꞌanga nde kji̱e̱ jmí ni xi nda ko̱jo tsi ni xi ndajín xi je katsꞌén, ngatꞌa̱ Néná foaꞌájin xota̱ xi mejeén kui, jmí tsi kjo̱a̱a̱ ni nda xi tsꞌén.

Xota̱ Roma̱ 9:24

Kui xota̱ xi ti̱ je tsíchji̱a̱a̱, kó ñá boá, jmí tsi ta̱kuítsí xota̱ xi jundíoo̱, ko̱jo kuí xota̱ xi jundío̱jiín nga.

1 Xota̱ Korinto̱ 1:18

Ngatꞌa̱ én xí tsáyà nga kꞌien Kristoo̱ tꞌa kroo̱ kjo̱a̱tsobé maá xota̱ xi tjimá kichajaá, ta̱nga xota̱ xi je jatjoꞌa xikoó ñá, ngaꞌniuú Néná máná kuí eén.

Xota̱ Éfeso̱ 1:11

Xikó tsꞌén índa tjón tjón Néná, bo̱a̱ tsꞌén katsꞌénkjién Kristoo̱ tsi̱ꞌe̱ nga ko̱jo ji̱n jaꞌájinjne̱ nga katsjájne̱ ni xi tsja̱á ndií, ngatꞌa̱ Néná tsꞌénkjátjosón ngayeje ni xi mejeén nga sa̱ꞌín kuí.

Xota̱ Éfeso̱ 1:9

kó akóná ni xi kamámejeén nga sa̱ꞌín, xi íjñá ꞌma kje̱ꞌe ni̱xtjin, ngatꞌa̱ kamátsjaá nga índa tjón tjón ni xi sa̱ꞌín Kristoo̱.

Xota̱ Éfeso̱ 2:5

kó ndatsi je akayà ngi̱jii̱n jéná, nijan katsjáná kjo̱a̱mindyion ko̱jo Kristoo̱. Ta̱ngatꞌaa̱ kjo̱a̱ndaa̱ Néná nga jún je ta̱ jatjoꞌa kjo̱a̱nda tsíjnú.

Xota̱ Éfeso̱ 3:11

Kui nii̱ xi índa tjón tjón Néná, ndeskande koó ngasꞌe̱, kó ngotꞌe̱ ꞌne̱ je jatjosón ngatꞌaa̱ Kristo̱ Kjisoo̱, kui xi Ndi̱a̱ná.

Xota̱ Filipo̱ 3:14

Tsꞌénfítji̱ngira an nínga chjiéngá kjóchó an, tsi̱ꞌe̱ nga sa̱kóna ni xi niꞌán xi tsjá Néná, Kristo̱ Kjisoo̱ boá xi tjítsꞌénkjién Néná nga tsꞌénchji̱a̱na ndiꞌakꞌajmi jàn.

1 Xota̱ Tesalónika̱ 4:7

Ngatꞌa̱ Néná jmí tsi tsíchji̱a̱ná tsi̱ꞌe̱ nga ni xi ndándí ku̱i̱ndyionjin, tsíchji̱a̱na tsi̱ꞌe̱ nga ni xi tsjiee̱ xi ku̱i̱ndyionjin.

1 Timoo̱ 1:1

Án boá xi ꞌmína Pabloo̱, nda̱ apostroo̱ Jesukristoo̱, xikótsꞌèn katsjákjo̱a̱ kui Néná xí tsꞌaxiéꞌáná, ko̱jo Ndi̱a̱ná Jesukristoo̱ kui xi ndyi̱chiyáa̱ nga kjo̱e̱ꞌe nginí.

2 Timoo̱ 1:1

Án boá xi ꞌmína Pabloo̱, nda̱ apostroo̱ Kristo̱ Kjisoo̱ ngatꞌa̱ Néná xí bo̱a̱ tsꞌén kamámejeén, xikótsꞌèn Néná katsóyàtjón nga tsja̱á kjo̱a̱mindyion xota̱ xi sꞌijii̱n Kristo̱ Kjisoo̱.

Titoo̱ 1:2

kuíni nga ndyi̱chiyáa̱ kjo̱a̱mindyion ngatsjéni̱xtjii̱n, kui ni xi ndeskande ngindiee̱ nga kamánda nga̱sondiee̱ katsóyàtjón nga tsja̱aná kui Néná xi májiín ꞌbíndisoo̱.

Xota̱ Ebreo̱ 3:1

Kó kuíni ntsꞌie, jún xi xota̱ na̱xi̱ńdá tsjiee̱, jún xí je tsíchji̱a̱jnú Néná tsi̱ꞌe̱ nga kui ko̱ndókjo̱a̱nijnú, ti̱ꞌankjó cha̱n cha̱njnú kjo̱a̱a̱ Kristo̱ Kjisoo̱ kui xi apostroo̱ Néná ko̱jo xi chináꞌmi xi ꞌniú nkꞌa xaá, kjo̱a̱a̱ kjo̱a̱sꞌijin xi tikónná.

1 Xo̱jo̱o̱n Peé 1:20

Néná índa ndeskande koó ngindiee̱ nga kamánda nga̱sondiee̱ nga bo̱a̱ kjiꞌi ni xi ka̱maa̱, ta̱nga kui ni̱xtjin xi kjifetꞌaa̱ tjibóko ta̱ngatꞌanii̱ nganda tsa̱jún.

1 Xo̱jo̱o̱n Peé 2:9

Ta̱nga jún boá xi xota̱ tji̱e̱ xi je kachjaꞌájii̱n, jún boá xi chináꞌmi xi ndyi̱tsꞌènseén kui Ree̱ xi botixómá ndiꞌakꞌajmi jàn, jún boá xi xota̱ na̱xi̱ńdá tsjie, jún boá xi xota̱ na̱xi̱ńdá xí je tsi̱ꞌe̱ Néná, tsi̱ꞌe̱ nga jún xi ko̱ndókjo̱a̱jnú ni nda xi katsꞌén Néná, kui Néná xi tsíchji̱a̱jnú tsi̱ꞌe̱ nga jatjojnú nínga jñoó, kó ikitjasꞌi̱e̱njnú nínga tsꞌentsíjen kjo̱a̱jee̱ ndiꞌií.

Ni xi akakoo̱ 13:8

Kó kui cho̱ chꞌokjiꞌii̱ xi sa̱ꞌíndikón ngayeje xotaa̱ kui nga̱sondiee̱ xi kjitꞌajín jaꞌeén xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjin xi tsi̱ꞌe̱ cho̱tsa̱nga̱ xi kiniꞌánkꞌieén, xi je kjitꞌa ndeskande nga ítsꞌi̱yanii̱ nga kamánda nga̱sondiee̱.

Ni xi akakoo̱ 17:8

Kui cho̱ chꞌokjiꞌi xi je kamáyè ji, kuí boá xi kisꞌijña ngasꞌe̱, ta̱nga jè ngiti̱ jmíjín ngotꞌe̱, ta̱nga ki̱a̱ kjo̱tjoni ti̱xa̱na̱nga̱a̱ tꞌanangii̱ nga kji̱ndi̱bá ngindiee̱ nga xcha̱ja, kó xotaa̱ kui nga̱sondiee̱, kui xi kjitꞌajín jaꞌeén xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjin, ndeskande koó nga ítjatsꞌennii̱ kui nga̱sondiee̱, achichí ko̱e̱je̱ndikoón nga sku̱i̱e̱ kui cho̱ chꞌokjiꞌi xi kisꞌijñaa̱, kui xi ngiti̱ jmíjín ngotꞌe̱, ta̱nga kji̱ndi̱bá nginí.