2 Timoo̱ 1:8 - Xo̱jo̱n eén Néná

⁸ Kó kuíni nga ngata̱, soboájín maá nga kꞌuiníjmì jí kjo̱a̱a̱ Ndi̱a̱ná, ti̱nde ngata̱ soboájín maá nga kꞌuiníjmì jí kjo̱a̱a̱ an, nga ndo̱bo̱a̱yà tjiꞌyá an ta̱ngatꞌanii̱ Jesukristoo̱. Kó jí nga ku̱i̱tjéjin ji kjo̱a̱ni̱ma̱ ta̱ngatꞌaa̱ éntjatsi̱e̱e̱, Néná tsja̱á ngaꞌniú tsi̱ꞌe̱ nga xchíkjo̱a̱a̱ xikoó an.

2 Timoo̱ 1:8 ပူးပေါင်းရင်းမြစ်များ

Xo̱jo̱n Salmoo̱ 119:46

Ngindyi̱ko̱n já ree̱ ka̱ma kuichjiá an kjo̱a̱botíxomàa̱ kó soboájín ka̱mana.

Xo̱jo̱n Salmoo̱ 19:7

Ta̱nisién ꞌniú nda kjo̱a̱kitii̱ Néná, kó kuí boá xi tsꞌendáyà ini̱ma̱a̱. ꞌNiú ꞌniátakón kjo̱a̱kitii̱, ngatꞌa̱ kuí boá xi tsjaá kjo̱a̱kjíntakón xota̱ xi nkꞌajín ꞌboxié yojoo̱.

Markoo̱ 8:38

Ngatꞌa̱ ngayeje xota̱ xi soboá ka̱maa̱ kjo̱a̱a̱ an, ko̱jo kjo̱a̱a̱ énna kꞌi̱e̱ ngindyi̱ko̱n kui xota̱ xi ndyi̱tsꞌèntꞌaa̱ kjo̱a̱ Néná, ko̱jo kui xota̱jeé, ti̱ bo̱a̱ ti̱ tsꞌén ndií nda̱ xi̱ꞌii̱n soboá ka̱maa̱ kjo̱a̱a̱ kui, nga kjo̱e̱ꞌéjo̱ kjo̱a̱jee̱ Na̱ꞌmii̱ ko̱jo ndítsjiee̱.

Rkaa̱ 9:26

Ngatꞌa̱ ngayeje xota̱ xi soboá ka̱maa̱ kjo̱a̱a̱ an ko̱jo kjo̱a̱a̱ énna, ti̱ bo̱a̱ ti̱ tsꞌén ndií nda̱ xi̱ꞌii̱n, soboá ka̱maa̱ kjo̱a̱a̱ kui, kjiꞌanga kjo̱e̱ꞌéjo̱ kjo̱a̱je tsi̱ꞌe̱, ko̱jo kjo̱a̱jee̱ Na̱ꞌmii̱, ko̱jo tsi̱ꞌe̱ ndítsjiee̱.

Juaa̱ 15:27

kó ko̱jo jún ko̱ndókjo̱a̱jnú kjo̱a̱a̱ an, ngatꞌa̱ ki̱a̱ kixindyionjo̱jnúꞌun ndeskande koó nga ítsꞌi̱yanii̱ nii̱.

Juaa̱ 19:35

Kó kui nda̱ xi kamábee̱, kuí xí chistiko̱, kó ja̱koxi̱ boá ni xi katsóyà, kó kuii̱ be nga ja̱koxi̱ boá ni xi tjítsó, tsi̱ꞌe̱ nga ko̱jo jún sꞌi̱jinjnú.

Ni xi kamá 5:41

Kó kui já apostroo̱ ata̱ chichí tsja tjiín nga jataxie nínga síndo jáxaá, ta̱ngatꞌanii̱ nga Néná katsjaá nga jaꞌatio kjo̱a̱ni̱ma̱ kjo̱a̱a̱ nga tsintꞌiéꞌeén Kjisoo̱.

Xota̱ Roma̱ 1:16

Ngatꞌa̱ soboájín mána kjo̱a̱a̱ éntjatsi̱e̱e̱ Néná xí ꞌbini̱jmì án, ngatꞌa̱ kuí xí ngaꞌniuú Néná tsi̱ꞌe̱ nga kjo̱tjoꞌa ngayeje xota̱ xi sꞌijii̱n, tsi xota̱ xi jundío̱ ko̱jo tsi xota̱ xi jundío̱jín.

Xota̱ Roma̱ 16:25

Nganiꞌántsjaá Néná, kui xi maa̱ nga tsja̱ngaꞌniújnú, xikó tsó kui éntjatsi̱e̱ xi tsꞌénꞌbini̱jmì án, ko̱jo ni xi tsꞌénbokoyá an kjo̱a̱a̱ Jesukristoo̱, xikó kjiꞌi kjo̱a̱a̱ ni xi tjíndaa̱ Néná, ni xi tjiꞌmá ndeskande ngindiee̱ nga kamánda kui nga̱sondiee̱.

Xota̱ Roma̱ 8:36

Bi̱ tsꞌén kjitꞌa xo̱jo̱n eén Néná: Ta̱ngatꞌanii̱ ji nga tjíniꞌánkꞌiénjne̱, tjíꞌbíxki̱jne̱ xikó maá cho̱tsa̱nga̱ xi tjífíniꞌánkꞌién.

Xota̱ Roma̱ 9:33

Xikó tsꞌén kjitꞌa xo̱jo̱n eén Néná nínga bi̱ tsoó: Jéꞌe̱n kꞌi̱e̱ kꞌuijñá an na̱xi̱ńdáꞌniú Jerusale̱n ngo ndi̱jo̱ xi stingí ko̱jo ngo ndi̱jo̱ xi sa̱ꞌínkꞌáka. Kó xi sa̱ꞌínsꞌijin kui xi ndibaá, jmí kjo̱a̱soboá ko̱e̱ꞌéjiín.

1 Xota̱ Korinto̱ 1:6

kó bo̱a̱ tsꞌén akako nga ja̱koxi̱ boá kui én xí ini̱jmijnúꞌun kjo̱a̱a̱ Kristoo̱.

2 Xota̱ Korinto̱ 6:7

Ndyi̱ꞌmìyájne̱ én xí ja̱koxi̱i̱, kó ngaꞌniuú Néná tikónjinjne̱. Kjo̱a̱kixi̱i̱ xikónií tsi ni xi niꞌánkjién nga bixkán ndyi̱niꞌánjne̱.

Xota̱ Éfeso̱ 3:1

Kó kuíni nga an, Pabloo̱, ndo̱bo̱a̱yà tikòn an ta̱ngatꞌanii̱ Kristo̱ Kjisoo̱, nganda tsa̱jún xi xota̱ xi jundío̱jínjnú.

Xota̱ Éfeso̱ 3:13

Kó kuíni nga míꞌájnúꞌun, tsi̱ꞌe̱ nga ko̱yàjín takónjnú nga xcha̱jnú kui kjo̱a̱ni̱ma̱ xi tsꞌénfoaꞌatio an nganda tsa̱jún, ta̱sá kuí nii̱ xi kjo̱a̱jejnú ngatama.

Xota̱ Éfeso̱ 4:1

Kuíni nga an, nga ndo̱bo̱a̱yà tikòn an ta̱ngatꞌanii̱ Ndi̱a̱ná, ꞌniú míꞌájnúꞌun tsi̱ꞌe̱ nga kixi̱ ku̱i̱ndyionjnú xikótsꞌèn chjiéngá kꞌuíndo xota̱ xi Ndi̱a̱ná tsíchji̱a̱a̱.

Xota̱ Éfeso̱ 4:17

Kuí ni xi̱ꞌbi̱ xi tꞌíxiánjnúꞌun ngi̱yaa̱ jaꞌeén Ndi̱a̱ná, nga ngiti̱ bo̱a̱jín tsꞌén mindyiónjnú xikótsꞌèn síndo xota̱ xi bejín Néná, kui xota̱ xi síndo xikótsꞌèn ndyi̱tsꞌènkjó chi̱ni.

Xota̱ Filipo̱ 1:7

Ndakjiꞌi nga bo̱a̱ tsꞌén tjítsꞌenkjó án kjo̱a̱a̱ ngayejejnú, ngatꞌa̱ ngi̱jin ini̱ma̱na tindyiónjnú. Ngatꞌa̱ ti̱kuíní kjo̱a̱ndaa̱ Néná xi tjisákóná jún ko̱jo an. Tsi ndo̱bo̱a̱yà ko̱jo tsi ngindyi̱ko̱n xota̱xa̱á tikòn an, tsꞌénxiya an kó tsꞌénboko cha̱n cha̱n an, nga ja̱koxi̱ boá éntjatsi̱e̱e̱ Jesukristoo̱.

Xota̱ Filipo̱ 3:10

Jè ijñámasien an ngayeje nii̱, tsi̱ꞌe̱ nga skuie an Kristoo̱, kó skuie án ngaꞌniú xí katsꞌénkjaꞌáꞌyaá, ko̱jo nga sa̱kóna kjo̱a̱ni̱ma̱ xi jaꞌatio, kó nga xikoó tsi kui ka̱ma an nga kiniꞌánkꞌién kuí,

Xota̱ Filipo̱ 4:13

Kristoo̱ xí tsjangaꞌniúna, tsi̱ꞌe̱ nga xchíkjo̱a̱na ta̱jmì niní.

Xota̱ Kolosa̱ 1:11

Ngasakó ngasejnú ngaꞌniú, xikó kjiꞌi kui ngaꞌniú xí tjiín kui Néná xí tjiín kjo̱a̱jee̱, tsi̱ꞌe̱ nga xchíkjo̱a̱jnú ta̱jmì niní, kó ngatꞌiéjnú kjo̱a̱chiyákjo̱a̱.

Xota̱ Kolosa̱ 1:24

Ngotꞌe̱ ꞌne̱, achichí tsja mana kjo̱a̱a̱ kjo̱a̱ni̱ma̱ xi tsꞌénfoaꞌatio an nganda tsa̱jún, ngatꞌa̱ bo̱a̱ tsꞌén kjimando̱jona yojona nga tsꞌénfoaꞌatio an kjo̱a̱ni̱ma̱ xi tjisákoó Kristoo̱ ngandaa̱ xota̱ na̱ngo̱xi̱i̱, ngatꞌa̱ xota̱ na̱ngo̱xi̱i̱ kuí boá xi yojoo̱ Kristoo̱.

1 Xota̱ Tesalónika̱ 3:4

Ngatꞌa̱ ti̱ bo̱a̱ ti̱ tsꞌén kjiꞌanga ta̱kó tindyionjinjne̱ jún, kandokjo̱a̱tjónjne̱ nga kui kjo̱a̱ni̱ma̱a̱ ku̱i̱tja̱tió, kó bo̱a̱ kamá, xikótsꞌèn je yàjnú.

1 Timoo̱ 2:6

Kui xi ti̱ kuii̱ katsꞌénkꞌasꞌien yojoo̱ nga kiniꞌánkꞌién, tsi̱ꞌe̱ nga íchjítjéná ngayeje ñá, kó kuí ngatꞌaa̱ nga Néná, nga jachó ni̱xtjin akó nga mejeén kꞌo̱xiéꞌá ngayeje xotaa̱.

2 Timoo̱ 1:10

Kó ngotꞌe̱ ꞌne̱, Néná akó kjo̱a̱ndaa̱ nga jeꞌe Kristo̱ Kjisoo̱, kui xi tsꞌaxiéꞌáná, kó kuí boá xi katsꞌénkjié ngaꞌniuú kjo̱a̱bo̱yaa̱, kó akó nga ka̱ma kꞌuiéná ngo kjo̱a̱mindyion nínga ngiti̱ ko̱yàján ñá, ta̱ngatꞌanii̱ ni xi tsó éntjatsi̱e̱e̱.

2 Timoo̱ 1:12

Kuíni nga tsie kjo̱a̱ni̱ma̱ xi tsꞌénfoaꞌatio an kjo̱a̱a̱ ngayeje kui nii̱, ta̱nga soboájín mana, ngatꞌa̱ jè be an ꞌyání xi je kisꞌijinna, kó be án nga ja̱koxi̱ nga kui tjiín ngaꞌniú, nga ta̱kó sꞌi̱ni̱jmì kui én xi katseꞌéna ngaskande ni̱xtjin nga Néná skotsíjee̱n mí ni xi katsꞌén nga ngo nga ngo xotaa̱.

2 Timoo̱ 1:16

Ndi̱a̱ná nga tsjaá kjo̱a̱ni̱ma̱takoón xota̱ xkjín Onesíforoo̱, ngatꞌa̱ kui nda̱a̱ achichí kjín ndi̱yà katsjangaꞌniúna, kó soboájín kamaá nga ndo̱bo̱a̱yà kisꞌijña an.

2 Timoo̱ 2:3

Ti̱ꞌinchíkjo̱e̱ ji kjo̱a̱ni̱ma̱ xi ku̱i̱tja̱tí ji, ngatꞌa̱ jí xi xikoó ngo nda̱jun xi ndaa̱ Kristo̱ Kjisoo̱.

2 Timoo̱ 2:8

Ngatjaꞌátsjiee̱n Jesukristoo̱ nga xota̱ tji̱e̱e̱ re Ndabii̱ chji̱a̱ni, ko̱jo nga jaꞌáꞌyaá ngi̱jii̱n xota̱ xi je jesoón, xikó tsó éntjatsi̱e̱e̱ Néná xí tsꞌénxiya an.

2 Timoo̱ 2:9

Kó ta̱ngatꞌanii̱ kui éntjatsi̱e̱e̱ nga tjítsꞌenchíkjo̱a̱ an tsie kjo̱a̱ni̱ma̱, ngaskande nga tjítꞌa an ngo ńꞌniúki̱cha̱ xikoó ngo nda̱ xi tjiín jé, ta̱nga eén Néná tjitáꞌniújín.

2 Timoo̱ 4:17

Ta̱nga Ndi̱a̱ná kisꞌijñajo̱na, kó katsjána ngaꞌniú, tsi̱ꞌe̱ nga kamána nga íni̱jmì án eén Néná, kó tsintꞌié ngayeje xota̱ xi jundío̱jiín. Bo̱a̱ tsꞌén nga Néná tsꞌaxiéꞌána nga kiniꞌánkꞌiénjínna.

2 Timoo̱ 4:5

Ta̱nga ji, ta̱jmì niní xi si̱ꞌin ji, nda tsꞌén tꞌíjñí ji kjo̱a̱kjíntakóo̱n, ko̱jo ti̱ꞌinchíkjo̱e̱ ji kjo̱a̱ni̱ma̱ xi ku̱i̱tja̱tí, ko̱jo tꞌíni̱jmì ji éntjatsi̱e̱e̱ Néná, kó nda ti̱ꞌinkjatjosén ji xáa̱.

1 Xo̱jo̱o̱n Peé 1:5

Ngaꞌniuú tjítsꞌénkjién nga tsꞌénkoón jún, ta̱ngatꞌanii̱ nga sꞌijinjnú, tsi̱ꞌe̱ nga Néná kꞌo̱xiéꞌá kjin kjin xota̱ xi tsi̱ꞌe̱ xikótsꞌèn je tikónndaa̱ ni̱xtjin xi kjifetꞌaa̱.

1 Xo̱jo̱o̱n Juaa̱ 4:14

Kó ji̱n jè kamáyà ji̱n, kó chistiko̱ ji̱n nga Néná xí Na̱ꞌmii̱ xí katsangiya ndií, tsi̱ꞌe̱ nga kꞌo̱xiéꞌá xota̱ xi tjín kuí nga̱sondiee̱.

Xo̱jo̱o̱n Jundaa̱ 1:24

Néná tjiín ngaꞌniú nga skónjnú tsi̱ꞌe̱ nga kꞌo̱kajínjnú, ko̱jo tsi̱ꞌe̱ nga ndándíjín ka̱majnú nga kongínjnú ngindyi̱ko̱n kui, kó nga ꞌniú tsja kꞌuiéjnú nga kjóchójnú nínga tikón kjo̱a̱jee̱,

Ni xi akakoo̱ 1:2

kuí Juaa̱ xi katsóyà eén Néná, ko̱jo kuí boá xi chistikoo̱ Jesukristoo̱, ko̱jo ngayeje ni xi je kamábee̱.

Ni xi akakoo̱ 1:9

An, Juaa̱, ntsꞌiejnú, kó ta̱ngatꞌanii̱ nga nijan ikitjatió kuí kjo̱a̱ni̱ma̱a̱, ngi̱yaa̱ nínga botixómá Néná, ko̱jo ta̱ngatꞌanii̱ kjo̱a̱chiyákoón Jesukristoo̱, nga ki̱a̱ kisꞌijña an tji̱ngi̱ xi ꞌmí Patmo̱, ta̱ngatꞌanii̱ eén Néná xí chji̱a̱ kjo̱a̱a̱ Jesukristoo̱.

Ni xi akakoo̱ 12:11

Kó kui ntsꞌié jè katsꞌeén ngatꞌaa̱ kui jín xí iskjitjón cho̱tsa̱nga̱a̱ ko̱jo kui én xí tsíchji̱a̱a̱, katsakjónjín nga xcha̱ja kjo̱a̱mindyioo̱n, ta̱sá kamámejeén nga ngaskande jesón.

Ni xi akakoo̱ 19:10

Kó asientꞌáa̱ tikóna ngi̱ndie se kui ndítsjiee̱, tsi̱ꞌe̱ nga sa̱ꞌindikón án katsaki, ta̱nga kui bi̱ katsóna: –Jmí ngata̱ bo̱a̱jín niꞌín ji, ngatꞌa̱ mosoo̱ Néná boá an nga, xikoó ji, ko̱jo xikoó ntsꞌie xi ꞌniú ꞌniátakón ni xi katsꞌén Kjisoo̱. ¡Néná boá xi ti̱ꞌindikín jí! Ngatꞌa̱ én xi akóyá Kjisoo̱, kuí boá xi tsꞌénkíchji̱a̱ chji̱ni̱e̱ꞌe̱én Néná.