2 Timoo̱ 1:4 - Xo̱jo̱n eén Néná

⁴ Nga foaꞌátsjienna nga kachjatjén ndándyíkin, mejénna nga skuié ngiñaá tsi̱ꞌe̱ nga kꞌuiéna kjo̱a̱tsja.

2 Timoo̱ 1:4 ပူးပေါင်းရင်းမြစ်များ

Xo̱jo̱n Salmoo̱ 126:5

Kui ndándyíkon xi kachjatjónjne̱, kjiꞌanga ikꞌítji̱e̱jne̱ xojmaá, kuí boá xi ka̱ma kjo̱a̱tsjajne̱, kjiꞌanga ku̱i̱chájne̱ to ndso̱ko̱a̱n ṉño̱paa̱n.

Juaa̱ 16:22

Kó jún ndasen kjimajnú ngotꞌe̱, ta̱nga nga skuié nginíjnúꞌun, tsja ka̱maa̱ ini̱ma̱jnú, kó nde ngojín xi ka̱maa̱ kjo̱a̱ꞌáxínjnú kjo̱a̱tsjajnú.

Juaa̱ 16:24

Ngaskande ngotꞌe̱, kji̱e̱ ngo ni xi ngajona chjiáꞌájnú, chji̱a̱ꞌajnú, kó ko̱e̱ꞌéjnú, tsi̱ꞌe̱ nga ka̱mando̱jo kjo̱a̱tsjajnú.

Ni xi kamá 20:19

nga kꞌi̱e̱ ni̱ma̱ tikónjinjnúꞌun nga tjítsꞌénsée̱n Ndi̱a̱ná, nga tsꞌénkjandá án nga tsꞌénchji̱a̱ an, nga tsꞌénfoaꞌajin an kjo̱a̱ni̱ma̱ kjo̱a̱tjó ta̱ngatꞌanii̱ ni xi mejeén sa̱ꞌínjo̱na xota̱ jundíoo̱.

Ni xi kamá 20:31

Kuíni nga ti̱ndyiondajnú, kó ti̱ꞌankjaꞌátsjienjnú nga ján nó kamána nga ni̱xtjin ko̱jo nga ni̱xtji̱e̱n nga askjandájo̱ májnúꞌun nga atixomájnúꞌun nga ngo nga ngojnú.

Xota̱ Roma̱ 1:11

Ngatꞌa̱ mejénna skuiejnúꞌun tsi̱ꞌe̱ nga tsjajnúꞌun ngo kjo̱a̱nda xi tsjá A̱si̱énni̱xtjii̱n tsi̱ꞌe̱ nga ꞌniú ku̱i̱ndyionjnú.

Xota̱ Filipo̱ 1:8

Ngatꞌa̱ Néná xí chistiko̱ nga achichí tjóna ngayeje jún xikótsꞌèn ꞌniú tjoó Jesukristoo̱ an.

Xota̱ Filipo̱ 2:26

Ngatꞌa̱ achichí kamámejeén nga sku̱i̱e̱jnú ngayejejnú, kó achichí nda̱ kamaá kjo̱a̱a̱ nga jún je kamáyàjnú nga ndajín kisꞌiee̱ kui.

1 Xota̱ Tesalónika̱ 2:17

Ta̱nga ji̱n já ntsꞌie, chiboa ni̱xtjin ngije jatjojne̱ ngi̱ndiejnú, ndatsi kamáyàjínjne̱ jún, ta̱nga ini̱ma̱jne̱ ki̱a̱ tikónjo̱jnú, kó achichí kamámejénjne̱ nga tsangíntsitsijen nginíjne̱ jún.

2 Timoo̱ 4:21

Ti̱ꞌin ji ngo kjo̱a̱ꞌniú nga kji̱ndi̱bé ji ngindiee̱ cho̱nchꞌaàn. Tinde xò bo̱a̱ tsó Eubuloo̱, ko̱jo Pundentee̱, ko̱jo Linoo̱, ko̱jo na̱ Klaundiaa̱, ko̱jo ngayeje ntsꞌié xí síndo kꞌi̱e̱e̱.

2 Timoo̱ 4:9

Ti̱ꞌin ji ngo kjo̱a̱ꞌniú tsi̱ꞌe̱ nga tsá kji̱ndi̱béchinní,

1 Xo̱jo̱o̱n Juaa̱ 1:4

Kó kui nii̱ xi ndyi̱ꞌbítꞌajne̱ xo̱jo̱n tsi̱ꞌe̱ nga ka̱mando̱jo kjo̱a̱tsjaná.

Ni xi akakoo̱ 21:4

Kó kuí boá xi sa̱ꞌínxíjón ngayeje ndándyíkon xi kjo̱tjoo̱ ndyi̱ko̱n kui xotaa̱, kó ngiti̱ jmíjín xi ko̱yà ngase, ti̱nde ngiti̱ jmíjín xi skja̱ndá ngase, ti̱nde ngiti̱ jmíjín xi ni̱ma̱ ka̱tso̱ ngase, ti̱nde ngiti̱ jmíjín xi on ka̱ma ngasee̱, ngatꞌa̱ ni xi kisꞌie ngasꞌe̱ jè ngiti̱ jmíjín.

Ni xi akakoo̱ 7:17

ngatꞌa̱ kui cho̱tsa̱nga̱ kui xi botixómaá, kuí boá xi nda̱ xi koo̱n cho̱tsa̱nga̱a̱ ka̱ma, kó kuí boá xi kjo̱jo nínga tjitjó ndáfoaa̱ kjo̱a̱mindyioo̱n, kó Néná sa̱ꞌínxíjón ngayeje ndándyíkon xi kjo̱tjoo̱ ndyi̱ko̱n.