2 Timoo̱ 1:12 - Xo̱jo̱n eén Néná

¹² Kuíni nga tsie kjo̱a̱ni̱ma̱ xi tsꞌénfoaꞌatio an kjo̱a̱a̱ ngayeje kui nii̱, ta̱nga soboájín mana, ngatꞌa̱ jè be an ꞌyání xi je kisꞌijinna, kó be án nga ja̱koxi̱ nga kui tjiín ngaꞌniú, nga ta̱kó sꞌi̱ni̱jmì kui én xi katseꞌéna ngaskande ni̱xtjin nga Néná skotsíjee̱n mí ni xi katsꞌén nga ngo nga ngo xotaa̱.

2 Timoo̱ 1:12 ပူးပေါင်းရင်းမြစ်များ

Xo̱jo̱n Salmoo̱ 25:2

ji Ne tsa̱ꞌa̱n, jí boá xi ꞌniákoo̱n, mejénjínna nga kjo̱a̱soboá kjo̱a̱ꞌa an, mejénjínna nga ko̱jno̱kiena kondra̱na.

Xo̱jo̱n Salmoo̱ 31:5

¡Ngi̱ya ndse̱ ji ꞌbijñá an ini̱ma̱na! Ji Ne, jí boá ngo Ne xi ja̱koxi̱ ji, jí boá xi kaꞌnaxiéꞌéní.

Xo̱jo̱n Salmoo̱ 56:9

Ni̱xtjin nga kuichjiaá nga ko̱si̱ke̱jení, ko̱ngandikón kondra̱na. Jè be an kui nii̱, ngatꞌa̱ Néná boá tikón kjo̱a̱nda tsa̱ꞌa̱n.

Xo̱jo̱n Salmoo̱ 9:10

Jí boá xi ka̱maꞌniátakoón xota̱ xi bee ji, ngatꞌa̱ ji Ne, jmíni̱xtjin ꞌbíndemasin ji xi ji mongasee̱.

Matioo̱ 12:21

Kó xota̱ xi jundío̱jín skoyaá ni xi nda ngi̱yaa̱ jaꞌeén.

Matioo̱ 24:36

Ta̱nga kui ni̱xtjin jàn ko̱jo kui chi̱bo̱a̱ jàn, ta̱ꞌyajín xi be, nde ndítsjiee̱ Néná xí síndo ndiꞌakꞌajmi jàn bejín, ta̱ ngototo Na̱ꞌmina xi be.

Matioo̱ 7:22

Achichí má xi bi̱ ka̱tso̱na kui ni̱xtjin jàn: «Ndi̱a̱, Ndi̱a̱, a yejín nga chji̱ni̱e̱ꞌén tse̱ kamájne̱ nga kiꞌmíyàjne̱ ni xi mejeén, ko̱jo nga jaꞌén tse̱ kiniꞌánkjiénjne̱ nga kaꞌnaxiéjne̱ xindajín, ko̱jo nga jaꞌén tse̱ kiniꞌánkjiénjne̱ nga tsie kjo̱a̱ndikón kiniꞌánjne̱.»

Rkaa̱ 10:12

Kó xiyàjnúꞌun nga kui ni̱xtjin jàn, nga kui na̱xi̱ńdaá tsie ngase jé xí sa̱ko̱ó, ta̱bo̱a̱jínnii̱ na̱xi̱ńdáꞌniú Sondoma̱.

Rkaa̱ 23:46

Kósꞌe̱ Kjisoo̱ achichí ꞌniú askjandáyà, nga bi̱ katsó: –¡Na̱ꞌmi, ngi̱ya ndse̱ ji ꞌbijñá an ini̱ma̱na! Ngije bo̱a̱ katsó, jeꞌetsíꞌoón, sꞌe̱ kꞌien ngijee̱.

Juaa̱ 17:15

Jmí tsi ꞌniú tsꞌénmíꞌaá tsi̱ꞌe̱ nga chje̱ꞌéxín ji kui xotaa̱, kui nga̱sondiee̱, tsꞌénmíꞌáñaá tsi̱ꞌe̱ nga xín si̱ꞌinkjeꞌee̱ xindajín.

Juaa̱ 6:44

Nde ngojín xota̱ xi ka̱maa̱ kjo̱e̱ꞌe̱kónna, tsi kuijín Na̱ꞌmi xi jeꞌejo̱na xi kjo̱e̱ꞌéjo̱, kó an sa̱ꞌinkjaꞌáꞌyáa̱ kui xotaa̱, nga kjo̱chó ni̱xtjin nga kju̱i̱e̱tꞌaa̱ kui nga̱sondiee̱.

Ni xi kamá 13:46

Kósꞌe̱ Pabloo̱ ko̱jo Bernabee̱ ta̱kó tsíchji̱a̱ nga katsakjónjín, nga bi̱ katsoó: –Tjínjne̱ ngo kjo̱a̱ꞌniú nga ja̱koxi̱ nga jún tjón ko̱ndókjo̱a̱jojne̱ eén Néná, jún xi xota̱ jundío̱ jún, ta̱nga nga ti̱ juún ndyi̱ꞌmìjnú, ko̱jo nga sꞌijinjínjnú nga sa̱kójnú kjo̱a̱mindyion ngatsjéni̱xtjii̱n, ta̱sá kuí xota̱ xi jundío̱jiín kongínchonjne̱.

Ni xi kamá 13:50

Ta̱nga kui já jundíoo̱ tsíchji̱a̱jo ínchjín xí nda ini̱ma̱a̱, ko̱jo xi yandikón, ko̱jo jáxíꞌín xi ꞌniú yandikón na̱xi̱ńdaá, kó indyiáꞌá tsi̱ꞌe̱ nga tsangatji̱ngii̱ Pabloo̱ ko̱jo Bernabee̱, tsi̱ꞌe̱ nga kjo̱tjo kui nangii̱.

Ni xi kamá 21:13

Kósꞌe̱ Pabloo̱, bi̱ katsójne̱: –Mí kjoaá nga ndyi̱chaꞌájnú, kó ngaskande an kjimandasee̱n ini̱ma̱na. An jè tikónnda an nga jmí tsi ta̱ kꞌuíꞌniútsína, ko̱jo tsi ngaskande nga niꞌánkꞌiénna ki̱a̱ na̱xi̱ńdáꞌniú Jerusale̱n, ta̱ngatꞌanii̱ jaꞌeén Ndi̱a̱ná Kjisoo̱.

Ni xi kamá 7:59

Kó tji̱e̱nga tjifóyà ndi̱jo̱ Ixtibaa̱, bi̱ katsó nga tsíchji̱a̱a̱ Néná: –Ji Ndi̱a̱ Kjiso̱, chjábé ji a̱si̱énni̱xtjinna.

Ni xi kamá 9:16

ngatꞌa̱ án xí kokòo̱ kókjiꞌi tsie kjo̱a̱ni̱ma̱ kjo̱a̱ꞌatio ta̱ngatꞌanii̱ jaꞌénna.

Xota̱ Roma̱ 1:16

Ngatꞌa̱ soboájín mána kjo̱a̱a̱ éntjatsi̱e̱e̱ Néná xí ꞌbini̱jmì án, ngatꞌa̱ kuí xí ngaꞌniuú Néná tsi̱ꞌe̱ nga kjo̱tjoꞌa ngayeje xota̱ xi sꞌijii̱n, tsi xota̱ xi jundío̱ ko̱jo tsi xota̱ xi jundío̱jín.

Xota̱ Roma̱ 9:33

Xikó tsꞌén kjitꞌa xo̱jo̱n eén Néná nínga bi̱ tsoó: Jéꞌe̱n kꞌi̱e̱ kꞌuijñá an na̱xi̱ńdáꞌniú Jerusale̱n ngo ndi̱jo̱ xi stingí ko̱jo ngo ndi̱jo̱ xi sa̱ꞌínkꞌáka. Kó xi sa̱ꞌínsꞌijin kui xi ndibaá, jmí kjo̱a̱soboá ko̱e̱ꞌéjiín.

1 Xota̱ Korinto̱ 1:8

kui xi tsja̱ngaꞌniújnú ngaskande nga kju̱i̱e̱tꞌa nga̱sondiee̱, tsi̱ꞌe̱ nga jmíjín xi ka̱maa̱ chꞌo tsꞌén ku̱i̱chji̱a̱taꞌinjnú ni̱xtjin nga kjo̱e̱ꞌe nginí Ndi̱a̱ná Jesukristoo̱.

1 Xota̱ Korinto̱ 3:13

Xcha̱ xá xí katsꞌén nga ngo nga ngo xotaa̱ ni̱xtjin nga Néná tsja̱á ni xi tsoboaá xotaa̱, ngatꞌa̱ ndiꞌí xí kjo̱e̱ꞌe kuí ni̱xtjii̱n, ko̱kó kókón xá xí katsꞌén nga ngo nga ngo xotaa̱.

Xota̱ Filipo̱ 1:20

Bo̱a̱ ka̱ma xikótsꞌèn mejénna, kó tsꞌénkoyàa̱ nga ta̱ jmíjín ni xi tsja̱ana kjo̱a̱soboá. Ta̱sá ꞌniú kosien an xikótsꞌèn síkijí an, kó xcha̱ kjo̱a̱jee̱ Kristoo̱ ta̱ngatꞌanii̱ ni xi kjimataꞌin an, tsi tikòn an ko̱jo tsi kꞌien an.

Xota̱ Filipo̱ 3:10

Jè ijñámasien an ngayeje nii̱, tsi̱ꞌe̱ nga skuie an Kristoo̱, kó skuie án ngaꞌniú xí katsꞌénkjaꞌáꞌyaá, ko̱jo nga sa̱kóna kjo̱a̱ni̱ma̱ xi jaꞌatio, kó nga xikoó tsi kui ka̱ma an nga kiniꞌánkꞌién kuí,

Xota̱ Filipo̱ 3:21

Kó kuí boá xi ko̱síkjoyá yojo ni̱ma̱kjo̱a̱ná, tsi̱ꞌe̱ nga xikoó yojoo̱ kjo̱a̱jee̱ kui ka̱ma, kui nii̱ xi sa̱ꞌín nga sa̱ꞌínkjién ngaꞌniú xí tjiín nga botixómaá ngayeje nii̱.

Xota̱ Filipo̱ 3:8

Kó kjénní nga xikoó tsi ngo ni xi je kichajá kjimana kui nii̱, nga ndse̱je̱n tsꞌén ꞌbijñá an xikó kjiꞌi ꞌniú nda ngase nga be an Kristo̱ Kjisoo̱, Ndi̱a̱na. Ta̱ngatꞌanii̱ Kristoo̱ nga je ijñámasien an ngayeje nii̱, kó xikónií tsi xtjié kjimána kui nii̱, tsi̱ꞌe̱ nga sa̱ꞌin an Kristoo̱,

1 Xota̱ Tesalónika̱ 2:16

Kó katsjandièjín nga kandokjo̱a̱jojne̱ xota̱ xi jundío̱jiín, tsi̱ꞌe̱ nga ti̱ bo̱a̱ ti̱ tsꞌén kjo̱tjoꞌa nga. Bo̱a̱ tsꞌén nga tsie ngase jé tsꞌén xikó kjiꞌi xi je katsꞌén. Ta̱nga ngotꞌe̱ ꞌne̱, jè jeꞌenié kui xotaa̱ kjo̱a̱xcha̱án Néná.

1 Xota̱ Tesalónika̱ 5:4

Ta̱nga jún já ntsꞌie, ngata̱ nínga jñójín mindyiónjnú, ki̱a̱ ka̱maa̱, kjiꞌanga kjo̱chó ni̱xtjin nga kjo̱e̱ꞌe Ndi̱a̱ná, ta̱niján ma kji̱ndi̱bá, kó kjo̱e̱ꞌe xikoó tsi ngo chejé.

1 Timoo̱ 6:20

Ji Timo̱, nda tsꞌén ti̱ꞌinkjatjosén ji xá xi kiniꞌánkꞌasꞌiee̱n, ngata̱ niꞌínsénjíi̱n én xi jmí ni chjíjiín, ko̱jo éndísó xi chji̱a̱ xotaa̱ kui xi kjo̱a̱kjínkón ndyi̱tsoó,

2 Timoo̱ 1:14

Ngatasikójoo A̱si̱énni̱xtjii̱n Néná xi tikónjinná tsi̱ꞌe̱ nga xchíi̱n kui kjo̱a̱bokoyá nda xi katseꞌeé nga ko̱ko̱yé ji.

2 Timoo̱ 1:16

Ndi̱a̱ná nga tsjaá kjo̱a̱ni̱ma̱takoón xota̱ xkjín Onesíforoo̱, ngatꞌa̱ kui nda̱a̱ achichí kjín ndi̱yà katsjangaꞌniúna, kó soboájín kamaá nga ndo̱bo̱a̱yà kisꞌijña an.

2 Timoo̱ 1:18

Ndi̱a̱ná nga tsjaá kjo̱a̱ni̱ma̱takoón ni̱xtjin nga skotsíjee̱n mí ni xi katsꞌén nga ngo nga ngo xotaa̱. Kó ji jè yé cha̱n cha̱n ji kókjiꞌi asíko̱joná Onesíforoo̱ ki̱a̱ na̱xi̱ńdáꞌniú Éfeso̱.

2 Timoo̱ 1:8

Kó kuíni nga ngata̱, soboájín maá nga kꞌuiníjmì jí kjo̱a̱a̱ Ndi̱a̱ná, ti̱nde ngata̱ soboájín maá nga kꞌuiníjmì jí kjo̱a̱a̱ an, nga ndo̱bo̱a̱yà tjiꞌyá an ta̱ngatꞌanii̱ Jesukristoo̱. Kó jí nga ku̱i̱tjéjin ji kjo̱a̱ni̱ma̱ ta̱ngatꞌaa̱ éntjatsi̱e̱e̱, Néná tsja̱á ngaꞌniú tsi̱ꞌe̱ nga xchíkjo̱a̱a̱ xikoó an.

2 Timoo̱ 2:9

Kó ta̱ngatꞌanii̱ kui éntjatsi̱e̱e̱ nga tjítsꞌenchíkjo̱a̱ an tsie kjo̱a̱ni̱ma̱, ngaskande nga tjítꞌa an ngo ńꞌniúki̱cha̱ xikoó ngo nda̱ xi tjiín jé, ta̱nga eén Néná tjitáꞌniújín.

2 Timoo̱ 4:8

Ngotꞌe̱ ꞌne̱, jè sa̱kóna ngo ni xi niꞌán, xi sakoó xota̱ xi kixi̱ síndo ngindyi̱ko̱n Néná, kui xi tsja̱ana nga kjo̱chó ni̱xtjin kui Ndi̱a̱ná xí kixi̱ tsꞌén skotsíjee̱n mí ni xi katsꞌén xotaa̱, kó jmí tsi ta̱ án tsí xi tsja̱ana kui chjí xí niꞌaán, ti̱ tsja̱arií ngayeje xota̱ xi achichí kjo̱a̱tjó tjiín nga ndyi̱koyaa̱ nga tsjatsꞌèn kjo̱e̱ꞌe nginí Ndi̱a̱ná.

Titoo̱ 3:8

Én xí ꞌniátakón boá xi̱ꞌbi̱, kó mejénna nga ꞌniú ko̱ndókjo̱a̱ kjo̱a̱a̱ kui nii̱, tsi̱ꞌe̱ nga kui xota̱ xi sꞌijii̱n Néná ta̱soboá ni xi nda xí sa̱ꞌín. Achichí nga nda kui eén, kó machjieén ngayeje xotaa̱.

Xota̱ Ebreo̱ 12:2

Ta̱ ngo tsí Kjisoo̱ xi si̱ꞌansée̱n, kui xi ítsꞌi̱yanii̱ nga kisꞌijña, ko̱jo nga kamá xi chjiéngá nga ka̱ma kjo̱a̱sꞌijii̱n, ko̱jo jaꞌatio kjo̱a̱ni̱ma̱ tꞌa kroo̱, kó ndasénjín kamaá kjo̱a̱soboaá nga bo̱a̱ tsꞌén kꞌien, ta̱ngatꞌanii̱ nga askoyá, nga sa̱ko̱ó kjo̱a̱tsjaa̱. Kó ngotꞌe̱ ꞌne̱ ki̱a̱ tikón nga fojnií Néná xí botixómaá.

Xota̱ Ebreo̱ 2:18

Kó xikótsꞌèn nga jaꞌatio kjo̱a̱ni̱ma̱ nga kachjatꞌayákón, ngotꞌe̱ ꞌne̱ tjiín ngaꞌniú, tsi̱ꞌe̱ nga ko̱síko̱jo ngayeje xota̱ xi tjíchjatꞌayákoón.

Xota̱ Ebreo̱ 7:25

Kó kuíni nga Kristoo̱ maa̱ ꞌboxiéꞌá ngatsjéni̱xtjin ngayeje xota̱ xi ngatꞌaa̱ kui nga tsꞌéntíñaa̱ yojoo̱ Néná, ngatꞌa̱ ngatsjéni̱xtjin tikón, tsi̱ꞌe̱ nga ku̱i̱ꞌatjé nga ku̱i̱chji̱a̱a̱ Néná kjo̱a̱a̱ kui xotaa̱.

1 Xo̱jo̱o̱n Peé 1:5

Ngaꞌniuú tjítsꞌénkjién nga tsꞌénkoón jún, ta̱ngatꞌanii̱ nga sꞌijinjnú, tsi̱ꞌe̱ nga Néná kꞌo̱xiéꞌá kjin kjin xota̱ xi tsi̱ꞌe̱ xikótsꞌèn je tikónndaa̱ ni̱xtjin xi kjifetꞌaa̱.

1 Xo̱jo̱o̱n Peé 4:16

ta̱nga tsi ngo jún xi si̱ꞌankjaꞌatio kjo̱a̱ni̱ma̱ kjo̱a̱a̱ nga Kristoo̱ chji̱a̱ni, ngata̱ soboájín maá, ta̱sá nga tsjaá kjo̱a̱je Néná kjo̱a̱a̱ kui nii̱.

1 Xo̱jo̱o̱n Peé 4:19

Kó kuíni nga xi ndyi̱foaꞌatio kjo̱a̱ni̱ma̱ ngatꞌa̱ bo̱a̱ tsꞌén kamámejeén Néná, ngatsꞌénkꞌásꞌieén ini̱ma̱a̱ Néná nga nda sa̱ꞌín, ngatꞌa̱ kuí boá Néná xi ꞌniátakón ñá nga katsꞌénda ngayeje nii̱.

Xo̱jo̱o̱n Jundaa̱ 1:24

Néná tjiín ngaꞌniú nga skónjnú tsi̱ꞌe̱ nga kꞌo̱kajínjnú, ko̱jo tsi̱ꞌe̱ nga ndándíjín ka̱majnú nga kongínjnú ngindyi̱ko̱n kui, kó nga ꞌniú tsja kꞌuiéjnú nga kjóchójnú nínga tikón kjo̱a̱jee̱,