2 Timoo̱ 1:10 - Xo̱jo̱n eén Néná

¹⁰ Kó ngotꞌe̱ ꞌne̱, Néná akó kjo̱a̱ndaa̱ nga jeꞌe Kristo̱ Kjisoo̱, kui xi tsꞌaxiéꞌáná, kó kuí boá xi katsꞌénkjié ngaꞌniuú kjo̱a̱bo̱yaa̱, kó akó nga ka̱ma kꞌuiéná ngo kjo̱a̱mindyion nínga ngiti̱ ko̱yàján ñá, ta̱ngatꞌanii̱ ni xi tsó éntjatsi̱e̱e̱.

2 Timoo̱ 1:10 ပူးပေါင်းရင်းမြစ်များ

Rkaa̱ 11:36

Jo̱o̱n, kuíni nga, tsi ngayeje yojòo̱ tjiín ndiꞌí, kó tsi jmíjiín chií nínga jñó, ngayejee̱ nga kꞌuijñá ꞌna̱ ꞌna̱, xikó maá kjiꞌanga ngo ndiꞌíxò tsꞌentsíjen xo xo ndiꞌií.

Rkaa̱ 13:7

Kó bi̱ katsoó nda̱ xi tsꞌénkonda kui ngi̱ndiee̱: “Jè ján nónií nga foéꞌekatsijée̱n kui yaá tsi ta̱ꞌa nga yajaá toꞌingo̱, ta̱nga nde kji̱e̱ ngo ndi̱yà sakóna too̱, kó kuíni nga ta̱sá ti̱ché ji, mítsjà nga tꞌanangi tsꞌénꞌbíxꞌi̱a̱n.”

Rkaa̱ 2:11

Nga ngotꞌe̱ ꞌne̱ je katsen na̱xi̱ńdáꞌniuú Ndabii̱ ngo xi kꞌo̱xiéꞌájnú, kui xi KRISTOO̱, xi Ndi̱a̱jnú.

Juaa̱ 1:9

Kui ndiꞌí ja̱koxi̱ xi tsꞌentsíjee̱n ngayeje xotaa̱, jeꞌe kui nga̱sondiee̱.

Juaa̱ 14:6

Sꞌe̱ Kjisoo̱, bi̱ katsó: –Án boá xi ndi̱ya̱à, ko̱jo xi ja̱koxi̱i̱, ko̱jo xi kjo̱a̱mindyioo̱n, ta̱ꞌyajínni xi kjo̱chókoón Na̱ꞌmii̱ tsi ngatꞌaa̱ ánjín.

Juaa̱ 20:31

ta̱nga kui ni xi kjitꞌa kꞌi̱e̱e̱, tsi̱ꞌe̱ nga sꞌi̱jinjnú nga Kjisoo̱ xí Kristoo̱, xi ndií Néná, kó si̱ꞌansꞌijinjnú tsi̱ꞌe̱ nga kꞌuiéjnú kjo̱a̱mindyion ngi̱yaa̱ jaꞌeén kui.

Juaa̱ 4:42

kó bi̱ kiꞌmií kui xota̱chjo̱on: –Jmí tsi ta̱ kjo̱a̱a̱ ni xi kasejne̱ nga sꞌijinjne̱, sꞌijinjne̱ kjo̱a̱a̱ nga ji̱n má xi kandaꞌyájne̱ ni xi katsó, kó nga je yàjne̱ nga ja̱koxi̱ boá nga kui xi Kristoo̱, xi kꞌo̱xiéꞌá xotaa̱ kui nga̱sondiee̱.

Juaa̱ 5:40

kó mejénjínjnú nga kꞌi̱e̱ kjoéꞌe̱chonjnúꞌun tsi̱ꞌe̱ nga kꞌuiéjínjnú kjo̱a̱mindyioo̱n.

Ni xi kamá 13:23

Xota̱ tji̱e̱e̱ Ndabii̱ kjindibáni Kjisoo̱, kui xi katsangiya Néná tsi̱ꞌe̱ nga kꞌo̱xiéꞌá xota̱ Israee̱l xikó katsó nga katsóyàtjón.

Ni xi kamá 5:31

Kui Kjisoo̱ xi Néná iskjininkꞌa, kó katsjaá ngo ngi̱ndie nga kisꞌijñatꞌaa̱ tsja fojnií, kó katsjaá xá nga kui xi kꞌo̱xiéꞌá xotaa̱, tsi̱ꞌe̱ nga xota̱ xi chji̱a̱ni Israee̱l sa̱ꞌínkꞌoyà yojoo̱, kó Néná sa̱ꞌínjetakoón jé xí ndyi̱tsꞌèn.

Xota̱ Roma̱ 16:26

Ta̱nga ngotꞌe̱ ꞌne̱ je tikón tsijen kui nii̱, xikó tjítsó xo̱jo̱n xi katsꞌénda já chji̱ni̱e̱ꞌe̱én Néná, kó tjíniꞌánkintꞌiè ngayeje xota̱ nga̱sondiee̱, bo̱a̱ tsꞌén atíxoma Néná xi tikón ngatsjéni̱xtjii̱n, tsi̱ꞌe̱ nga xotaa̱ sꞌi̱jii̱n kó ku̱i̱ntꞌiéꞌeén Néná.

Xota̱ Roma̱ 2:7

Kjo̱a̱mindyion ngatsjéni̱xtjin tsja̱á xota̱ xi ndyi̱koyakjo̱a̱ nga ta̱ngongá ni xi nda ndyi̱tsꞌèn, kó nga ndyi̱mongase nga sa̱ko̱ó kjo̱a̱je, ko̱jo kjo̱a̱yandikón, ko̱jo nga kꞌuíndo ngatsjéni̱xtjin.

Xota̱ Roma̱ 3:31

Kósꞌe̱, a ta̱ngatꞌanií kjo̱a̱sꞌijii̱n nga si̱ꞌanchjíjáa̱n kjo̱a̱kitii̱. ¡Jmí! Ta̱sá ndyi̱niꞌánchjí ngasée̱ kjo̱a̱kitii̱.

Xota̱ Roma̱ 6:6

Ja̱ jè ya ñá nga kjo̱a̱mindyion xi kisꞌiená ngasꞌe̱ jè nijan kꞌienjo̱ Kristoo̱ ki̱a̱ tꞌa kroo̱. Tsi̱ꞌe̱ nga yojo jeé si̱ꞌankjie. Kuíni nga ngiti̱ kuijín jeé xi ko̱tíxománá.

1 Xota̱ Korinto̱ 15:26

Kó kui kondra̱ xi kju̱i̱e̱tꞌa xi kju̱i̱e̱e̱, kjo̱a̱bo̱yaa̱ boá.

1 Xota̱ Korinto̱ 4:5

Kó kuíni nga, ngata̱ júnjín bo̱a̱ ꞌmíjnú tsi nda ko̱jo tsi ndajín ndyi̱tsꞌèn xotaa̱ nga ngindie ni̱xtjin, ta̱sá chiyájnúu̱ ngaskande nga kjo̱e̱ꞌe nginí Ndi̱a̱ná, ngatꞌa̱ kuí boá xi ku̱i̱ꞌíjñátsijen ni xi tjiꞌmaá, ko̱jo ni xi niꞌánkjó nga ngo nga ngo ñá, kó ko̱kó ngayeje ni xi mejeén sa̱ꞌín ini̱ma̱a̱ xotaa̱, kósꞌe̱ bo̱a̱ tsꞌén kui ni̱xtjii̱n nga Néná nda tsꞌén ku̱i̱chji̱a̱ kjo̱a̱a̱ ni xi katsꞌén nga ngo nga ngo xotaa̱.

2 Xota̱ Korinto̱ 5:4

Ngatꞌa̱ tji̱e̱nga xikoó tsi kui ndiꞌańjñoo̱ tindyionyá nga kui xi yojoná, kjifoeꞌetsꞌiꞌónná nga je jenda ñá. Ngatꞌa̱ nga ka̱mamejénná chja̱ꞌáxín kuí yojo xcháná, jmí tsi ndyi̱ꞌmì nga mejénjínná nga kꞌuiéná ngo yojo, ta̱sá mejénná nga ngo yojo tja̱tsi̱e̱ kꞌuiéná, tsi̱ꞌe̱ nga kjo̱a̱mindyioo̱n kꞌuijñá ngajoo̱ ni xi ꞌmee̱.

Xota̱ Ngalasia̱ 5:4

Xota̱ xi ndyi̱mongase nga kixi̱ kꞌuíndo ngindyi̱ko̱n Néná, nga ndyi̱tsꞌènkjátjosón kjo̱a̱kitii̱, jè katsꞌénkjii̱n yojoo̱ Kristoo̱, kó katsꞌénchꞌó kjo̱a̱ndaa̱ Néná.

Xota̱ Éfeso̱ 1:18

Ti̱ míꞌáa̱ Néná nga ka̱makjín cha̱n cha̱njnú kókjiꞌi kui kjo̱a̱chiyaá xota̱ xi je Néná tsíchji̱a̱a̱, tsi̱ꞌe̱ nga xcha̱jnú kókjiꞌi je ni xi tsja̱á xota̱ tsjiee̱.

Xota̱ Éfeso̱ 1:9

kó akóná ni xi kamámejeén nga sa̱ꞌín, xi íjñá ꞌma kje̱ꞌe ni̱xtjin, ngatꞌa̱ kamátsjaá nga índa tjón tjón ni xi sa̱ꞌín Kristoo̱.

2 Xota̱ Tesalónika̱ 2:8

Sꞌe̱ kjiꞌa ꞌne̱ nga kjo̱tjokjá kuí xota̱ nga̱sondie xi tsi̱ꞌe̱ jeé, kó Ndi̱a̱ná Kjisoo̱ ta̱ tjo̱o̱ tsꞌoa tsí xi sa̱ꞌínkjién nga sa̱ꞌiín, kó ndiꞌí ꞌna̱a̱ nga kjo̱e̱ꞌe, sa̱ꞌínkjié.

2 Timoo̱ 1:1

Án boá xi ꞌmína Pabloo̱, nda̱ apostroo̱ Kristo̱ Kjisoo̱ ngatꞌa̱ Néná xí bo̱a̱ tsꞌén kamámejeén, xikótsꞌèn Néná katsóyàtjón nga tsja̱á kjo̱a̱mindyion xota̱ xi sꞌijii̱n Kristo̱ Kjisoo̱.

2 Timoo̱ 1:8

Kó kuíni nga ngata̱, soboájín maá nga kꞌuiníjmì jí kjo̱a̱a̱ Ndi̱a̱ná, ti̱nde ngata̱ soboájín maá nga kꞌuiníjmì jí kjo̱a̱a̱ an, nga ndo̱bo̱a̱yà tjiꞌyá an ta̱ngatꞌanii̱ Jesukristoo̱. Kó jí nga ku̱i̱tjéjin ji kjo̱a̱ni̱ma̱ ta̱ngatꞌaa̱ éntjatsi̱e̱e̱, Néná tsja̱á ngaꞌniú tsi̱ꞌe̱ nga xchíkjo̱a̱a̱ xikoó an.

2 Timoo̱ 4:1

Ngindyi̱ko̱n Néná, ko̱jo ngindyi̱ko̱n Ndi̱a̱ná Jesukristoo̱, kui xi ka̱tso̱yà tsi nda ko̱jo tsi ndajín katsꞌén xota̱ xi síndoo̱, ko̱jo xi je jesoón, ni̱xtjin nga ko̱kó yojoo̱, kjiꞌanga ko̱tíxoma, ꞌniú míꞌaá ji,

2 Timoo̱ 4:8

Ngotꞌe̱ ꞌne̱, jè sa̱kóna ngo ni xi niꞌán, xi sakoó xota̱ xi kixi̱ síndo ngindyi̱ko̱n Néná, kui xi tsja̱ana nga kjo̱chó ni̱xtjin kui Ndi̱a̱ná xí kixi̱ tsꞌén skotsíjee̱n mí ni xi katsꞌén xotaa̱, kó jmí tsi ta̱ án tsí xi tsja̱ana kui chjí xí niꞌaán, ti̱ tsja̱arií ngayeje xota̱ xi achichí kjo̱a̱tjó tjiín nga ndyi̱koyaa̱ nga tsjatsꞌèn kjo̱e̱ꞌe nginí Ndi̱a̱ná.

Titoo̱ 2:11

Ngatꞌa̱ Néná je akoó kjo̱a̱ndaa̱ ngayeje xotaa̱, kó kuí boá xi ꞌboxiéꞌáná,

Titoo̱ 2:13

Xchiyàráa̱ kui kjo̱a̱chiyá xi tsjáná kjo̱a̱tsjaa̱: Nga ko̱kó yojoo̱ Jesukristoo̱ kui Néná xí tjiín kjo̱a̱jee̱, ko̱jo kui xi tsꞌaxiéꞌáná,

Titoo̱ 3:4

Ta̱nga kjiꞌanga akó kjo̱a̱ndaa̱ Néná kui xi tsꞌaxiéꞌáná, ko̱jo kjo̱a̱tjó xi tjiín kjo̱a̱a̱ ngayeje xotaa̱,

Xota̱ Ebreo̱ 10:32

Ngatjaꞌátsjienjnú kjo̱a̱niꞌin ko̱jo kjo̱a̱ni̱ma̱ xi ikitjatiójnú nga tjón tjón, kjiꞌanga én ndaa̱ Néná katsꞌéntsijenjnú.

2 Xo̱jo̱o̱n Peé 1:1

Án xí ꞌmína Ximo̱ Pé, nda̱ moso̱ ko̱jo nda̱ apostroo̱ Jesukristoo̱, tsꞌentindejnúꞌun jún xota̱ xi je kasakojnú ngo kjo̱a̱sꞌijin xi bo̱a̱ tsꞌén chjínií xikoó xi tsa̱ji̱n, ta̱ngatꞌanii̱ kjo̱a̱kixi̱i̱ Jesukristoo̱, kui xi Néná xí tsꞌaxiéꞌáná.

2 Xo̱jo̱o̱n Peé 1:11

Ngatꞌa̱ bo̱a̱ tsꞌén nga tsjatsꞌèn ko̱e̱ꞌéndièjnú nga ku̱i̱tjásꞌi̱e̱njnú ngi̱ndie nínga botixómá ngatsjéni̱xtjin Ndi̱a̱ná kui xi tsꞌaxiéꞌáná, kui xi Jesukristoo̱.

2 Xo̱jo̱o̱n Peé 1:3

Néná katsꞌénkjién ngaꞌniuú nga katsjáná ngayeje ni xi chjiénná, kó ta̱kó tsꞌéntsjáná tsi̱ꞌe̱ nga ku̱i̱ndyión xikótsꞌèn mejeén kui, kó katsjáná ngayeje kui nii̱ kjiꞌanga kamáyà Jesukristoo̱. Ngatꞌa̱ nga tsíchji̱a̱ná, bo̱a̱ katsꞌén, tsi̱ꞌe̱ nga ki̱a̱ ko̱ndókjo̱a̱ ñá nínga botixómá kui.

2 Xo̱jo̱o̱n Peé 2:20

Tsi je ya ñá nga Jesukristoo̱ xi Ndi̱a̱ná, ko̱jo nga kui xi tsꞌaxiéꞌáná, kó tsi kuíni nga je ikiyòo̱ ni xi ndándií kui nga̱sondiee̱, kó tsi ti̱ bo̱a̱ ti̱ si̱ꞌan nginí ñá xikó kiniꞌán ngasꞌe̱, kó tsi kui nii̱ xi ti̱ sa̱ꞌín nginíná nga sa̱ꞌínchajaná, bo̱a̱ tsꞌén nga chꞌo ngase tsꞌén ku̱i̱ndyión ta̱bo̱a̱jiín ngasꞌe̱.

2 Xo̱jo̱o̱n Peé 3:18

Ta̱sá ꞌniú tangíntji̱ngíjnú kjo̱a̱ndaa̱, ko̱jo nga nda xcha̱ ngasejnú Ndi̱a̱ná Jesukristoo̱, kui xi tsꞌaxiéꞌáná. ¡Kuí boá xi ngotꞌe̱, ko̱jo ta̱ kjiꞌání nga nga sꞌiee̱ kjo̱a̱je! Bo̱a̱ kjiꞌi.

2 Xo̱jo̱o̱n Peé 3:2

Ngatjaꞌátsjienjnú ni xi katsó já chji̱ni̱e̱ꞌén tsjiee̱ Néná ngasꞌe̱, ko̱jo kjo̱a̱botíxoma xi akóyájnú já apostroo̱ kjo̱a̱a̱ Ndi̱a̱ná Jesukristoo̱ kui xi tsꞌaxiéꞌáná.

1 Xo̱jo̱o̱n Juaa̱ 1:2

Kui kjo̱a̱mindyion xi je akakoo̱ xotaa̱, kó ji̱n má xi kamáyà ji̱n, kó chistiko̱ ji̱n, kó ndyi̱ꞌbíni̱jmìjne̱ kjo̱a̱a̱ kui kjo̱a̱mindyion ngatsjéni̱xtjii̱n, kui xi tikónjii̱n Na̱ꞌmii̱, kó jè akakoná.

1 Xo̱jo̱o̱n Juaa̱ 4:14

Kó ji̱n jè kamáyà ji̱n, kó chistiko̱ ji̱n nga Néná xí Na̱ꞌmii̱ xí katsangiya ndií, tsi̱ꞌe̱ nga kꞌo̱xiéꞌá xota̱ xi tjín kuí nga̱sondiee̱.

Ni xi akakoo̱ 18:1

Ngije kamá kui nii̱, kamábe an ingo ndítsjie xi tsꞌéndibájáyani ndiꞌakꞌajmii̱ xi achichí ngaꞌniú tjiín, kó kjo̱a̱jee̱ katsꞌéntsijenni ngayeje tꞌanangii̱.

Ni xi akakoo̱ 2:7

Xi tjín tji̱bo̱a̱nijon nga ku̱i̱ntꞌiè, ngatintꞌiè ni xi A̱si̱énni̱xtjii̱n tsoó xota̱ na̱ngo̱xi̱i̱. Kui xi sa̱ꞌiín, tsjàa̱ nga skji̱ni̱e̱ too̱ yá xí tsjá kjo̱a̱mindyion xi tikón ngi̱ndie tsjachoo̱n Néná.”

Ni xi akakoo̱ 20:14

Kó kjo̱a̱bo̱yaa̱ ko̱jo ngi̱ndie nínga ꞌbíndo xota̱ xi je jesoón kiniꞌánkjaꞌajin ndáchíkón ndiꞌí xí ta̱nisién ꞌniú jee̱. Kuí bí kui ngi̱jin ndiꞌií xi kjo̱a̱bo̱ya xi ma joó.

Ni xi akakoo̱ 22:14

Achichíra̱tsjaa̱ xi ndyi̱moniè ńjñoo̱ tsi̱ꞌe̱ nga kꞌuieé kjo̱a̱nda nga ka̱ma skji̱ni̱e̱ too̱ yaá kjo̱a̱mindyioo̱n, kó ka̱maa̱ kꞌo̱sꞌienni nga̱ntjo̱a̱a̱ na̱xi̱ńdáꞌniuú.

Ni xi akakoo̱ 22:17

Kó A̱si̱énni̱xtjii̱n Néná, ko̱jo chjo̱ón cho̱tsa̱nga̱a̱, bi̱ tsó: –¡Ja̱bíꞌi̱n! Kó xi ku̱i̱ntꞌie̱é, bi̱ nga tsó: –¡Ja̱bíꞌi̱n! Kó xi xíndaá, ngatjandibá, kó xi mejeén, ta̱ ngatjeꞌekjaꞌá ndáfoaa̱ kjo̱a̱mindyioo̱n.