2 Timoo̱ 1:1 - Xo̱jo̱n eén Néná

¹ Án boá xi ꞌmína Pabloo̱, nda̱ apostroo̱ Kristo̱ Kjisoo̱ ngatꞌa̱ Néná xí bo̱a̱ tsꞌén kamámejeén, xikótsꞌèn Néná katsóyàtjón nga tsja̱á kjo̱a̱mindyion xota̱ xi sꞌijii̱n Kristo̱ Kjisoo̱.

2 Timoo̱ 1:1 ပူးပေါင်းရင်းမြစ်များ

Juaa̱ 10:28

kó an tsjàa̱ kjo̱a̱mindyion ngatsjéni̱xtjii̱n, kó nginijánjín ko̱yà, kó nde ngojín xi kjo̱a̱ꞌáxínna ngi̱ya ndsa̱ án.

Juaa̱ 17:3

Kó kuí xi̱ꞌbi̱ xi kjo̱a̱mindyion ngatsjéni̱xtjii̱n: Nga sku̱i̱e̱e̱ ji, nga ta̱ jí tsí xi Néná xí ja̱koxi̱i̱ ji, ko̱jo Jesukristoo̱, kui xi kanangiye ji.

Juaa̱ 5:24

Ja̱koxi̱, ja̱koxi̱ ni xi xiánjnúꞌun: Xi ku̱i̱ntꞌiè énna, kó sꞌijii̱n xi katsangiyana, kꞌuieé kjo̱a̱mindyion ngatsjéni̱xtjii̱n, kó ka̱majéjiín, ngatꞌa̱ xín je katsꞌénkjaꞌa kjo̱a̱bo̱yaa̱, kó je katseꞌeé kjo̱a̱mindyioo̱n.

Juaa̱ 6:40

Ngatꞌa̱ kuí nii̱ xi mejeén na̱ꞌmina: Nga ngayeje xota̱ xi be ndií, kó xi sꞌijii̱n, sa̱ko̱ó kjo̱a̱mindyion ngatsjéni̱xtjii̱n, kó an sa̱ꞌinkjaꞌáꞌyáa̱ nga kjo̱chó ni̱xtjin nga kju̱i̱e̱tꞌa kui nga̱sondiee̱.

Juaa̱ 6:54

Xi skji̱ni̱e̱ yojona, ko̱jo xi kꞌuí jínna, tjiín kjo̱a̱mindyion ngatsjéni̱xtjii̱n, kó an sa̱ꞌinkjaꞌáꞌyáa̱ ni̱xtjin nga kju̱i̱e̱tꞌaa̱ kui nga̱sondiee̱.

Xota̱ Roma̱ 1:1

Tsꞌentíndejnú Pabloo̱, nda̱ xi Néná tsíchji̱a̱a̱ nga katsjáxaá tsi̱ꞌe̱ nga apostro̱ ka̱ma an, kó íjñátꞌaxínna, tsi̱ꞌe̱ nga kꞌuini̱jmì án éntjatsi̱e̱e̱ Néná.

Xota̱ Roma̱ 5:21

Ngatꞌa̱ xikótsꞌèn ta̱ngatꞌanii̱ jeé nga atíxoma kjo̱a̱bo̱yaa̱ kó katsꞌénkꞌién xotaa̱, ti̱ bo̱a̱ ti̱ tsꞌén ngatatixómá kjo̱a̱ndaa̱ Néná, tsi̱ꞌe̱ nga kixi̱ ka̱ma xotaa̱ ngi̱yaa̱ kjo̱a̱mindyion ngatsjéni̱xtjii̱n ngatꞌaa̱ Ndi̱a̱ná Jesukristoo̱.

Xota̱ Roma̱ 6:23

Ngatꞌa̱ chjií jeé kjo̱a̱bo̱yaa̱ boá, ta̱nga kjo̱a̱ndaa̱ Néná kjo̱a̱mindyion ngatsjéni̱xtjii̱n boá ngatꞌaa̱ Kristo̱ Kjisoo̱, kui xi Ndi̱a̱ná.

1 Xota̱ Korinto̱ 1:1

Án boá xi ꞌmína Pabloo̱, nda̱ xi Néná tsíchji̱a̱a̱ nga katsjáxaá, ngatꞌa̱ bo̱a̱ tsꞌén kamámejeén Néná, nga apostroo̱ Jesukristoo̱ kamá. An ko̱jo nda̱ ntsꞌié xi ꞌmí Sóstenee̱ niꞌántindejne̱,

2 Xota̱ Korinto̱ 1:1

Án boá xi ꞌmína Pabloo̱, an xí kamá an ngo nda̱ apostroo̱ Jesukristoo̱, ngatꞌa̱ bo̱a̱ tsꞌén kamámejeén Néná. An ko̱jo nda̱ ntsꞌié xi ꞌmí Timoo̱ niꞌántindejne̱ xota̱ na̱ngo̱xi̱i̱ Néná xí síndo na̱xi̱ńdáꞌniú Korinto̱, ko̱jo ngayeje xota̱ tsjiee̱ Néná xí síndo ngayeje nangi Akaya̱.

2 Xota̱ Korinto̱ 1:20

Ngatꞌa̱ ngayeje ni xi katsóyàtjón Néná nga sa̱ꞌín kuí, fotjosón ngatꞌaa̱ Kristoo̱, kó kuíni nga “bo̱a̱ kjiꞌi” ꞌmí ñá nga boeꞌée̱ kjo̱a̱je Néná.

Xota̱ Ngalasia̱ 3:26

Ngotꞌe̱ ꞌne̱ nga ngayejejnú, nga je ndií Néná jún ngatꞌa̱ sꞌijinjnú Kristo̱ Kjisoo̱.

Xota̱ Ngalasia̱ 3:28

Jè ngiti̱ jmí ndasénjín tsi xota̱ jundío̱, ko̱jo tsi xota̱ ngriengo̱, tsi moso̱ xi kastiñá, ko̱jo tsi xota̱ xi síndondé, tsi xi xi̱ꞌin ko̱jo tsi xi ínchjín. Ngatꞌa̱ jè kiniꞌángojnú yojojnú Kristo̱ Kjisoo̱, kuíni nga je ta̱ ngo ndse̱je̱njnú ngindyi̱ko̱n Néná.

Xota̱ Éfeso̱ 3:6

Kó kuí bí ni xi índaa̱: Nga xota̱ xi jundío̱jiín, ko̱jo kui sa̱ko̱ó ni xi Néná tsjaá ndií, kó nga ta̱ ngo tsí yojoo̱ Kristoo̱ ka̱ma ñá, kó nga nga jó tjiín nga sa̱ko̱ó ni xi Néná katsóyàtjón nga tsja̱á xota̱ xi sꞌijii̱n éntjatsi̱e̱e̱ Kristo̱ Kjisoo̱.

1 Timoo̱ 6:19

Bo̱a̱ tsꞌén nga kꞌuieé ngo kjo̱a̱cho̱n xi ko̱síko̱jo ni̱xtjin xi sꞌe̱ ndibaá, kó kꞌuieé ngo kjo̱a̱mindyion xi ja̱koxi̱i̱.

2 Timoo̱ 1:10

Kó ngotꞌe̱ ꞌne̱, Néná akó kjo̱a̱ndaa̱ nga jeꞌe Kristo̱ Kjisoo̱, kui xi tsꞌaxiéꞌáná, kó kuí boá xi katsꞌénkjié ngaꞌniuú kjo̱a̱bo̱yaa̱, kó akó nga ka̱ma kꞌuiéná ngo kjo̱a̱mindyion nínga ngiti̱ ko̱yàján ñá, ta̱ngatꞌanii̱ ni xi tsó éntjatsi̱e̱e̱.

2 Timoo̱ 1:13

ꞌNiú ti̱ꞌinsꞌijin ji Kristo̱ Kjisoo̱ kó ngatꞌieé kjo̱a̱tjoó, tsi̱ꞌe̱ nga bo̱a̱ tsꞌén ko̱ko̱yé ji kjo̱a̱bokoyá xi ndaa̱ xikótsꞌèn akóyaá án.

2 Timoo̱ 1:9

Kui Néná xí tsꞌaxiéꞌáná, ko̱jo xi tsíchji̱a̱ná tsi̱ꞌe̱ nga ngo na̱xi̱ńdá tsjie ka̱ma, jmí tsi kjo̱a̱a̱ ni xi kiniꞌán, ta̱sá kjo̱a̱a̱ ni xi je tjíndaa̱, ko̱jo kjo̱a̱a̱ kjo̱a̱nda xi katseꞌéná ñá nga kui Kristo̱ Kjisoo̱ xi ko̱ndókjo̱a̱ ñá ndeskande ni̱xtjin nga katsꞌénda nga̱sondiee̱.

2 Timoo̱ 2:1

Kó kuíni nga ji Timo̱, ndí tsa̱ꞌa̱n, ti̱ꞌingaꞌní jí kjo̱a̱a̱ kui kjo̱a̱nda xi katseꞌéná ngatꞌaa̱ Kristo̱ Kjisoo̱.

2 Timoo̱ 2:10

Kuíni nga tsꞌenchíkjo̱a̱ an ngayeje nii̱, ta̱ngatꞌanii̱ ngandaa̱ xota̱ xi je jaꞌájin Néná, tsi̱ꞌe̱ nga ko̱jo kui sa̱ko̱ó kjo̱a̱ꞌnaxiéꞌaá, ko̱jo kui kjo̱a̱je xi májiín fe xi tsja̱aná Kristo̱ Kjisoo̱.

2 Timoo̱ 2:3

Ti̱ꞌinchíkjo̱e̱ ji kjo̱a̱ni̱ma̱ xi ku̱i̱tja̱tí ji, ngatꞌa̱ jí xi xikoó ngo nda̱jun xi ndaa̱ Kristo̱ Kjisoo̱.

2 Timoo̱ 3:15

kó nga ndeskande koó nga nda̱chí ji nga ye ji xo̱jo̱n én tsjiee̱ Néná, kui xi tsi si̱ꞌinye ji, tsja̱á kjo̱a̱kjínkón, tsi̱ꞌe̱ nga kjo̱tjoꞌàa̱ yojòo̱ nga sꞌijii̱n Kristo̱ Kjisoo̱.

Titoo̱ 1:2

kuíni nga ndyi̱chiyáa̱ kjo̱a̱mindyion ngatsjéni̱xtjii̱n, kui ni xi ndeskande ngindiee̱ nga kamánda nga̱sondiee̱ katsóyàtjón nga tsja̱aná kui Néná xi májiín ꞌbíndisoo̱.

Titoo̱ 1:4

Ji tsꞌéntsangiyaa kui xo̱jo̱o̱n Titoo̱, ngatꞌa̱ ja̱koxi̱ boá nga ji xi ndína kjo̱a̱a̱ kjo̱a̱sꞌijinná. Néná xí Na̱ꞌminá, ko̱jo Ndi̱a̱ná Jesukristoo̱ kui xi tsꞌaxiéꞌáná nga tsjaá kjo̱a̱ndaa̱, ko̱jo kjo̱a̱ni̱ma̱takoón, ko̱jo kjo̱a̱xioó.

Xota̱ Ebreo̱ 9:15

Ngatꞌa̱ nga kꞌien Jesukristoo̱ katsꞌéndé xotaa̱ kjo̱a̱a̱ jé xí katsꞌén kjiꞌanga chjí ngasee̱ kjo̱a̱ꞌbínda xi tjoón. Jesukristoo̱ boá xi katsjaá chjí kuí kjo̱a̱ꞌbínda tja̱tsi̱e̱e̱ Néná, kó ta̱ngatꞌanii̱ nga kꞌien kui nga xota̱ xi je jaꞌájin Néná sa̱ko̱ó kjo̱a̱ꞌnaxiéꞌá ngatsjéni̱xtjin xi katsó Néná nga tsja̱á.

1 Xo̱jo̱o̱n Juaa̱ 2:25

Kjo̱a̱mindyion ngatsjéni̱xtjii̱n boá xi katsóyàtjónná Jesukristoo̱ nga tsja̱aná.