1 Xo̱jo̱o̱n Peé 5:8 - Xo̱jo̱n eén Néná

⁸ Nda ti̱ꞌankjójnú ni xi si̱ꞌánjnú, kó ti̱ndyiondajnú, ngatꞌa̱ kondra̱jnú kui xi xindajín ndiabloo̱, tsoꞌbá xikó maá ngo xandi̱je̱ xi tamá, nga tsꞌénmongase ꞌyání xi sa̱ꞌínkꞌién nga skji̱ni̱e̱.

1 Xo̱jo̱o̱n Peé 5:8 ပူးပေါင်းရင်းမြစ်များ

Na̱ Estee̱r (Ebreo̱) 7:6

Kó na̱ re Estee̱r, bi̱ katsó: —¡Kui kondra̱ xi ndajiín kꞌi̱e̱ tikón kꞌi̱e̱e̱, kó Amaa̱n boá! Kó nga tsintꞌié kuí nii̱ Amaa̱n, achichí katsakjónní ngindyi̱ko̱n ree̱ ko̱jo na̱ ree̱.

Joo̱b 2:2

kó Néná, bi̱ katsoó: —¡Kó jí! Ñá kjoéꞌe̱ni. Kó Xindajiín, bi̱ katsó: —Nga̱sondiee̱ kjoéꞌe̱ni an, ki̱a̱ kijíkatjiyajòo̱n.

Xo̱jo̱n Salmoo̱ 104:21

Kuí boá chi̱bo̱a̱a̱ nga kjandayà xandi̱je̱e̱, nga míꞌaá nichinie.

Xo̱jo̱n Salmoo̱ 109:6

Ji Ne, ¡ti̱ bo̱a̱ ti̱ tsꞌén tꞌíchjíi̱ nga! ¡Ti̱ꞌin ji nga ti̱ kuii̱ nda̱ xi ꞌboxiéꞌá ngatangítaꞌin!

Énkjínkón 19:12

Kjiꞌanga tsꞌénxchán nda̱ ree̱, xikó maá nga kjandayà ngo xandi̱je̱, kó kjo̱a̱ndaa̱, xikónií xoño xi bixó ngi̱jin kꞌijñaá.

Énkjínkón 20:2

Kjiꞌanga tsꞌénxchán nda̱ ree̱, xikó maá nga kjandayà ngo xandi̱je̱, kó xi ta̱ngatꞌanii̱ kui nga tsꞌénxchán, yojoo̱ boá xi tsꞌénjo̱.

Énkjínkón 28:15

Xikó maá ngo xandi̱je̱ xi tsꞌénꞌbìtsjè, ko̱jo tsi xikó maá ngo cho̱ꞌoso̱ xi bojoó, bo̱a̱ má kón má ngo xota̱ xi ꞌniú ndajín xi botixómaá ngo nangi xi ni̱ma̱.

Matioo̱ 13:39

kó kondra̱ xi ítji̱e̱ kui xka̱a̱, kuí xí xindajín ndiabloo̱, ni xi kamáxchaá, kuí boá xi nga fetꞌaa̱ nga̱sondiee̱, kó já xí jaꞌáꞌyá kui ni xi kamáxchaá, kuí boá xi ndítsjiee̱ Néná.

Matioo̱ 24:42

Ngata̱ tsjayojoféjínjnú tsobo̱a̱, ngatꞌa̱ yàjínjnú mí chi̱bo̱a̱a̱ nga kjo̱e̱ꞌe Ndi̱a̱jnú.

Matioo̱ 25:41

Kósꞌe̱ bi̱ ka̱tso̱o̱ xota̱ xi síndo nga skoón: «Ti̱xiónboaꞌájnúꞌun jún xota̱ xi ndajín, tangínjnú nínga tikón ndiꞌí xí jmíni̱xtjin kꞌo̱ xi je tikónnda xi tsi̱ꞌe̱ xindajín ndiabloo̱ ko̱jo ndítsjiee̱.

Matioo̱ 4:1

Kósꞌe̱ A̱si̱énni̱xtjii̱n Néná kijíjo̱ Kjisoo̱ nangi kixií, tsi̱ꞌe̱ nga xindajín ndiabloo̱ skótꞌayákón.

Matioo̱ 4:11

Kósꞌe̱ kui xindajín ndiabloo̱ xín kijí, kó katsꞌénkjii̱n yojoo̱ Kjisoo̱, kó ndítsjiee̱ Néná jachókoón Kjisoo̱ xi katsꞌénseén.

Markoo̱ 4:15

Kó kuí bí xota̱ xi xikoó xojmá xi ixó tꞌa ndi̱ya̱à: Kui xota̱ xi ngije ikꞌítji̱e̱jii̱n eén, ta̱nga ngije ntꞌié, ta̱ tji̱ꞌni̱u̱ ndibá xindajín Satanaa̱, kó foaꞌáxiín kui eén Néná xí je kamátji̱e̱ ngi̱jin ini̱ma̱a̱.

Rkaa̱ 21:34

Chónjnúu̱ yojojnú, kó ngata̱ ꞌbíjinjínjnú ini̱ma̱jnú, kjo̱a̱xki̱ꞌaá, ko̱jo kjo̱a̱chꞌi̱i̱, ko̱jo ni nga̱sondiee̱, ngatꞌa̱ tsi ta̱ bi̱ má tji̱e̱n kjo̱chó kui ni̱xtjii̱n,

Rkaa̱ 21:36

Ti̱ndyionda síkijíjnú, kó ndókjo̱a̱jnúu̱ Néná, tsi̱ꞌe̱ nga kjo̱tjoꞌajnú yojojnú kjo̱a̱a̱ ngayeje ni xi sꞌe̱ ka̱maa̱, ko̱jo tsi̱ꞌe̱ nga ki̱a̱ kjóchójnú ngindyi̱ko̱n ndií nda̱ xi̱ꞌii̱n.

Rkaa̱ 22:31

Kó Ndi̱a̱a̱, ti̱ bi̱ ti̱ katsoó Peé nga: –Ximo̱, Ximo̱, xindajín Satanaa̱ tsíꞌá kjo̱a̱, tsi̱ꞌe̱ ku̱i̱ꞌítsanieyàjnú xikoó to ndso̱ko̱a̱n ṉño̱pan nga skjítꞌayákónjnú.

Juaa̱ 8:44

Na̱ꞌmijnú xindajín ndiabloo̱ boá, kó ni xi mejeén xindajín kuí ni xi mejénjnú si̱ꞌánjnú. Ngaskande koó nga ítjatsꞌennii̱ nga̱sondiee̱ nga xindajín ini̱ma̱ tsꞌenkꞌién, ko̱jo ndiso, ngatꞌa̱ jmí ja̱koxi̱jiín. Kjiꞌanga chji̱a̱ éndísó, nii̱rí xí chji̱a̱, ngatꞌa̱ ndiso kuí, kó kuí boá xi na̱ꞌmii̱ kjo̱a̱ndisoo̱.

2 Xota̱ Korinto̱ 2:11

tsi̱ꞌe̱ nga xindajín Satanaa̱ sa̱kóndièjiín nga sa̱ngínjin yojoo̱ kui nii̱, ngatꞌa̱ jè ya nga ta̱nisién ndajín ni xi tsꞌénkjó kui.

Xota̱ Éfeso̱ 4:27

Ngata̱ boeꞌéndièjínjnúu̱ xindajín ndiabloo̱.

Xota̱ Éfeso̱ 6:11

Xikoó jájún xi ꞌbínda yojoo̱ nga fí kján, bo̱a̱ tsꞌén tꞌíndajnú yojojnú, tsi̱ꞌe̱ nga ꞌniú ku̱i̱ndyiajnú kjiꞌanga ka̱mamejeén kꞌo̱ṉcha̱jojnú xindajín ndiabloo̱.

1 Timoo̱ 2:15

Ta̱nga ínchjiín, kjo̱tjoꞌarií yojoo̱ nga kꞌuieé ndí, tsi ꞌniú ku̱i̱ndyiajin kjo̱a̱sꞌijii̱n, tsi kꞌuieé kjo̱a̱tjoó, ko̱jo tsi tsjietsꞌén kꞌuíndo ngindyi̱ko̱n Néná nga nda tsꞌén kꞌuíndo.

1 Timoo̱ 2:9

Mejénna nga ínchjiín jmí tsi ndikóntsꞌèn ko̱ónda yojoo̱, tsi̱ꞌe̱ nga ku̱i̱ꞌíndikón xota̱ xi ngasee̱, ngatamabendikón yojoo̱ kó ni̱ma̱takón ngatama, jmí tsi ndikóntsꞌèn sa̱ꞌínnije̱n tsja̱to̱ko̱, ko̱jo tsi ꞌniú sa̱ꞌínkjién ni to̱nsinié, ko̱jo tsi ni to ixkìꞌ xi chjí, ko̱jo tsi xtjí xi chjí.

1 Timoo̱ 3:11

Ti̱ bo̱a̱ ti̱ tsꞌén ínchjiín kui jaá, chjiéngá xcha̱ndikón, ko̱jo nga ku̱i̱ꞌíndisotaꞌinjín xota̱, ko̱jo nga nda tsꞌén kꞌuijñá kon, ko̱jo nga kui xi ka̱ma ka̱maꞌniátakón kjo̱a̱a̱ ngayeje nii̱.

1 Timoo̱ 3:2

Ta̱nga chjiéngá bi̱ kon ka̱ma xi mejeén nga xota̱ xi ngito̱ko̱o̱ na̱ngo̱xi̱i̱ ka̱ma: Nga jmíjín xi chꞌo tsꞌén ku̱i̱chji̱a̱taꞌin, ko̱jo nga ta̱ ngo tsi chjo̱on tjiín, ko̱jo nga nda kjótsoꞌbájo̱ yojoo̱, ko̱jo nga nda sa̱ꞌínkjiín kon ni xi sa̱ꞌín, ko̱jo nga xcha̱ndikón, ko̱jo nga chjiéngá sa̱ꞌíntiee̱ xotaa̱ nga ki̱a̱ kꞌuíndo ndiꞌaa̱, ko̱jo nga chjiéngá ka̱maa̱ ko̱kóyá,

2 Timoo̱ 4:17

Ta̱nga Ndi̱a̱ná kisꞌijñajo̱na, kó katsjána ngaꞌniú, tsi̱ꞌe̱ nga kamána nga íni̱jmì án eén Néná, kó tsintꞌié ngayeje xota̱ xi jundío̱jiín. Bo̱a̱ tsꞌén nga Néná tsꞌaxiéꞌána nga kiniꞌánkꞌiénjínna.

Titoo̱ 1:8

Ta̱sá chjiéngá nga tsja ka̱maa̱ nga kꞌuíndo xota̱ ndiꞌaa̱, chjiéngá sa̱ꞌíntjó ni xi ndaa̱, ngo nda̱ xi nda sa̱ꞌínkjiín kon ni xi sa̱ꞌín, ngo nda̱ xi kixi̱, ngo nda̱ xi tsjie, ko̱jo ngo nda̱ xi ti̱ kuii̱ botixómaá yojoo̱.

Titoo̱ 2:12

nga tsꞌén bokoyáná nga ngiti̱ si̱ꞌánjín ñá ni xi ndajín, ko̱jo ni nga̱sondie xi mejeén ini̱ma̱ná, ko̱jo nga nda si̱ꞌankjíi̱n takón ni xi si̱ꞌán, ko̱jo nga kixi̱ si̱ꞌán, ko̱jo nga xcha̱ndikón Néná, tji̱e̱nga tindyión kuí nga̱sondiee̱.

Titoo̱ 2:2

Bo̱a̱ tꞌíi̱n xota̱ xi xchaá nga nda sa̱ꞌínkjó, ko̱jo nga xcha̱ndikón, ko̱jo nga nda sa̱ꞌínkjiín kon ni xi sa̱ꞌín, ko̱jo nga nda tsꞌén kꞌuíndojo̱ kjo̱a̱sꞌijii̱n, ko̱jo nga kꞌuieé kjo̱a̱tjó, ko̱jo nga kꞌuieé ngaꞌniú tsi̱ꞌe̱ nga sa̱ꞌínchíkjo̱a̱ ngayeje kjo̱a̱ni̱ma̱.

Titoo̱ 2:4

tsi̱ꞌe̱ nga ko̱kóyaá ínchjín xí kjindií nga sa̱ꞌíntjó xi̱ꞌii̱n, ko̱jo ndií,

Titoo̱ 2:6

Ti̱ bo̱a̱ ti̱ tsꞌén, ꞌniú ndókjo̱e̱je ji já xo̱ngo̱ò tsi̱ꞌe̱ nga nda sa̱ꞌínkjiín kon ni xi sa̱ꞌín.

Xo̱jo̱o̱n Sandiyaá 4:7

Kuíni nga ni̱ma̱kjo̱a̱ ti̱ꞌánjnú yojojnú ngindyi̱ko̱n Néná. Kondra̱ tangínjnúu̱ xindajín, kó kui ko̱ngaboaꞌájnú.

1 Xo̱jo̱o̱n Peé 1:13

Kuíni nga ti̱ndyiondajnú nga kꞌuiéjnú kjo̱a̱kjínkón, kó nda ti̱ꞌankjójnú ni xi si̱ꞌánjnú, kó chiyá ndo̱jò ndójo̱jnúu̱ kjo̱a̱nda xi kjo̱e̱ꞌéjo̱jnú kjiꞌanga ko̱kó yojoo̱ Jesukristoo̱.

1 Xo̱jo̱o̱n Peé 4:7

Jè kjimatiñaa̱ nga kju̱i̱e̱ ngayeje ni xi tjiín, kuíni nga nda tsꞌén ti̱ꞌankjójnú nga ndókjo̱a̱jnúu̱ Néná, kó nda chónjnúu̱ nga si̱ꞌánjnú kui nii̱.

Ni xi akakoo̱ 12:10

Kó tsintꞌie an ngo nda̱ xi ꞌniú tsíchji̱a̱ ndiꞌakꞌajmii̱ xi bi̱ katsó: –Jè jeꞌe kjo̱a̱ꞌnaxiéꞌaá, ko̱jo ngaꞌniuú, ko̱jo kjo̱a̱botíxomaa̱ Néná, ko̱jo xaá Kristoo̱, ngatꞌa̱ jè ikiyotji̱ngii̱ kui xi tsꞌénbongítaꞌin ntsꞌié, kui xi nga ni̱xtjin ko̱jo nga ni̱xtji̱e̱n nga yíngítaꞌin ngindyi̱ko̱n Néná.

Ni xi akakoo̱ 12:12

Kuíni nga tsjangatamaa̱ ndiꞌakꞌajmii̱, ko̱jo jún xi ki̱a̱ tindyiónjnú, ta̱nga ni̱ma̱ xò kuí xota̱ xi síndo tꞌanangii̱, ko̱jo xi síndo ngi̱jin ndáchíkoón, ngatꞌa̱ xindajín ndiabloo̱ je jachókónjnú nga ꞌniú tjitsꞌénxchán, kó nga je be nga ta̱ chiboa tsí ni̱xtjin tikoón.

Ni xi akakoo̱ 12:9

Kó bo̱a̱ tsꞌén ikiyotji̱ngii̱ kui cho̱ tamá xí yito to̱koo̱ ki̱a̱ ndiꞌakꞌajmii̱, kui ye̱ xchaá xi ꞌmí xindajín ndiabloo̱ ko̱jo Satanaa̱, kui xi ꞌboṉcha̱jo ngayeje xotaa̱, kui cho̱o̱ ko̱jo ndítsjiee̱ ki̱a̱ akatítsojosón nga̱són tꞌanangii̱.

Ni xi akakoo̱ 20:10

kó kui xindajín ndiabloo̱ kui xi tsꞌenṉcha̱jo, ki̱a̱ ikichijmijin ndáchíkón ndiꞌí xí ta̱nisién ꞌniú jee̱ ko̱jo ndso̱ko̱a̱n asufree̱, nínga ikichijmijin cho̱ chꞌokjiꞌii̱ ko̱jo nda̱ chji̱ni̱e̱ꞌén ndísoó, kó ki̱a̱ boá nínga si̱ꞌankjaꞌatio kjo̱a̱ni̱ma̱ nga ni̱xtjin ko̱jo nga ni̱xtji̱e̱n ngatsjéni̱xtjin.

Ni xi akakoo̱ 20:2

Kó katsoboá kui cho̱ tamá xí yito to̱koo̱, kui ye̱ xchá xi xindajín kui xi ꞌmí ndiabloo̱ ko̱jo Satanaa̱, kó ngo mi̱ nó ítꞌa ńꞌniúki̱cha̱,