1 Xo̱jo̱o̱n Peé 5:3 - Xo̱jo̱n eén Néná

³ Ngata̱ tajájín niꞌánjo̱jnú xikoó tsi jún xi ndi̱a̱a̱ kui xota̱ xi ndyi̱chonjnú ka̱majnú, ta̱sá takójnúu̱ ngo chi̱bo̱a̱ xi nda xikótsꞌèn kꞌuíndo xota̱ xi tsi̱ꞌe̱ Néná.

1 Xo̱jo̱o̱n Peé 5:3 ပူးပေါင်းရင်းမြစ်များ

Xo̱jo̱n Salmoo̱ 33:12

¡Achichíra̱tsjaa̱ na̱xi̱ńdá xí Néná boá xi Nee̱, kui xota̱ na̱xi̱ńdá xí Néná jaꞌájin tsi̱ꞌe̱ nga kui ku̱i̱chji̱a̱ni!

Xo̱jo̱n Salmoo̱ 74:2

¡Ngatjaꞌátsjieen xota̱ na̱xi̱ńdáa̱, kui xi tse̱ kamá ndeskande koó ni̱xtjin xcháján, kui xi kaꞌnaxiéꞌé ji tsi̱ꞌe̱ nga xota̱ tji̱e̱ tse̱ kamá, ko̱jo ngatjaꞌátsjiee̱n kui na̱xi̱ńdáꞌniú Sioo̱n, kui na̱xi̱ nínga tindyin ji!

Juaa̱ 13:15

ngatꞌa̱ an jè ijñájnúꞌun ngo chi̱bo̱a̱, tsi̱ꞌe̱ nga si̱ꞌánjnú ni xi je katsꞌen an.

Ni xi kamá 20:28

Kó bo̱a̱ tsꞌén nda chónjnú yojojnú, kó chónjnú ngayeje xota̱ na̱ngo̱xi̱i̱, nínga A̱si̱énni̱xtjii̱n Néná katsjájnú ngo xá nga stsitsíjenjnúu̱, tsi̱ꞌe̱ nga jún xi xchindàjnú xota̱ na̱ngo̱xi̱i̱ Ndi̱a̱ná, kui xi jiín ndí tsi̱ꞌe̱ íchjítjéni.

1 Xota̱ Korinto̱ 11:11

Ta̱nga ngi̱jii̱n ñá xí je sꞌijinná Ndi̱a̱ná, xi xi̱ꞌii̱n, jmíjínra̱ tsi jmíjín xi ínchjiín, kó xi ínchjiín, jmíjínra̱ tsi jmíjín xi xi̱ꞌii̱n,

1 Xota̱ Korinto̱ 3:5

Kó ꞌyání bo̱a̱ xi Apoloo̱, ko̱jo ꞌyání bo̱a̱ xi Pabloo̱. Moso̱ boá, kui xi Néná katsꞌénkjién, tsi̱ꞌe̱ nga kisꞌijinjnú, nga ngo nga ngo ji̱n kiniꞌánjne̱ xá xí katsjájne̱ Ndi̱a̱ná.

1 Xota̱ Korinto̱ 3:9

Ngatꞌa̱ ji̱n, xaá Néná boá xi nijan ndyi̱niꞌánjne̱, kó jún boá xi xikoó ngi̱ndie nínga ꞌbítji̱e̱e̱, ko̱jo xikoó ndiꞌa xi tsi̱ꞌe̱ Néná.

2 Xota̱ Korinto̱ 1:24

Jmí tsi ji̱n xi si̱ꞌanjne̱ kjo̱a̱ꞌniú kjo̱a̱a̱ xikótsꞌèn sꞌijinjnú, ta̱sá mejénjne̱ nga ji̱n ko̱siko̱jojne̱ jún tsi̱ꞌe̱ nga kꞌuiéjnú kjo̱a̱tsja, ngatꞌa̱ jè ꞌniú tindyiàjnú nga sꞌijinjnú Néná.

2 Xota̱ Korinto̱ 4:5

Ngatꞌa̱ jmí tsi kjo̱a̱a̱ ji̱n xi ndyi̱ꞌbíni̱jmìjne̱, kjo̱a̱a̱ Jesukristoo̱ nga kui xi Ndi̱a̱ná xí ndyi̱ꞌbíni̱jmìjne̱, kó ji̱n ta̱ moso̱ tsa̱jún tsi kjimajne̱ ta̱ngatꞌanii̱ nga tikónjinjne̱ kjo̱a̱tjoó Kjisoo̱.

Ndeuteronomio̱ 32:9

Jún boá xi Néná jaꞌájinjnú tsi̱ꞌe̱ nga jún xi ka̱majnú xota̱ na̱xi̱ńdaá kui.

Xota̱ Filipo̱ 3:17

Jún ntsꞌie, chja̱ꞌángíjnúꞌun an, kó tsitsíjenjnúu̱ kui xota̱ xi bo̱a̱ tsꞌén síndo xikoó kui chi̱bo̱a̱ xi je katseꞌéjne̱ jún.

Xota̱ Filipo̱ 4:9

Ti̱ꞌankjatjosónjnú ni xi kamájnú nga akoyájnúꞌun, ni xi je kachjábéjnú, ni xi je kandaꞌyájnú ko̱jo ni xi kitsitsijenjnúu̱ nga katsꞌen an, kuí nii̱ xi ti̱ꞌánjnú. Bo̱a̱ tsꞌén nga kui Néná xi tjiín kjo̱a̱xioó kꞌuijñájinjnú.

1 Xota̱ Tesalónika̱ 1:7

Kó bo̱a̱ tsꞌén nga jún boá kui chi̱bo̱a̱ xi kijítji̱ngi ngayeje xota̱ xi sꞌijii̱n Néná xí chji̱a̱ni na̱xi̱ńdáꞌniú Masendonia̱, ko̱jo na̱xi̱ńdáꞌniú Akaya̱.

2 Xota̱ Tesalónika̱ 3:9

Kó bo̱a̱ kiniꞌánjne̱, jmí tsi kjo̱a̱a̱ tsi jmíjínjne̱ kjo̱a̱nda, ta̱sá tsi̱ꞌe̱ nga ngo chi̱bo̱a̱ xi nda ka̱majne̱ xi jún kongintjingíjnú.

1 Timoo̱ 4:12

Ngata̱ boeꞌéndièjín ji nga ta̱ ton xchaa̱, ngatꞌa̱ xo̱ngò ji. Ta̱sá chjiéngá chi̱bo̱a̱ ka̱maa̱ ji xota̱ xi sꞌijii̱n Néná kjo̱a̱a̱ xikótsꞌèn ndokjo̱e̱, ko̱jo xikótsꞌèn tindyin, ko̱jo xikótsꞌèn tjiín kjo̱a̱tjó, ko̱jo xikótsꞌèn sꞌijii̱n Néná, ko̱jo xikótsꞌèn tsjie tindyin ji ngindyi̱ko̱n Néná.

Titoo̱ 2:7

Ti̱ jii te̱ꞌée̱ ngo chi̱bo̱a̱ nga ni xi nda tiniꞌín ji. Nga ko̱ko̱yée̱, ngatamaya nga kixi̱ tiniꞌín ji, ko̱jo nga tiyendikín jí yojòo̱.

1 Xo̱jo̱o̱n Peé 2:9

Ta̱nga jún boá xi xota̱ tji̱e̱ xi je kachjaꞌájii̱n, jún boá xi chináꞌmi xi ndyi̱tsꞌènseén kui Ree̱ xi botixómá ndiꞌakꞌajmi jàn, jún boá xi xota̱ na̱xi̱ńdá tsjie, jún boá xi xota̱ na̱xi̱ńdá xí je tsi̱ꞌe̱ Néná, tsi̱ꞌe̱ nga jún xi ko̱ndókjo̱a̱jnú ni nda xi katsꞌén Néná, kui Néná xi tsíchji̱a̱jnú tsi̱ꞌe̱ nga jatjojnú nínga jñoó, kó ikitjasꞌi̱e̱njnú nínga tsꞌentsíjen kjo̱a̱jee̱ ndiꞌií.