Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Xo̱jo̱o̱n Peé 5:2 - Xo̱jo̱n eén Néná

2 Chónjnú xota̱ na̱ngo̱xi̱ xi Néná katsꞌénkꞌindájnú xikoó ngo nda̱ xi koo̱n cho̱tsa̱nga̱a̱, chónjnú, kó jmí tsi kjo̱a̱ꞌniú nga bo̱a̱ si̱ꞌánjnú, ta̱sá ngayeje takónjnú, xikótsꞌèn mejeén Néná, jmí tsi kjo̱a̱a̱ kjo̱a̱xkéto̱n, ta̱sá kjo̱a̱a̱ nga tsja májnú nga niꞌánjnú kui xaá.

အခန်းကိုကြည့်ပါ။ ကော်ပီ




1 Xo̱jo̱o̱n Peé 5:2
41 ပူးပေါင်းရင်းမြစ်များ  

Ji na̱ xi ꞌniú tsjákjiꞌi ngase ngi̱jii̱n ínchjín xí ꞌniú tsjákoón, tsi kji̱e̱ yejín ji, ki̱a̱ tꞌentji̱ngi ji chi̱bo̱a̱ se xtín cho̱tsa̱nga̱a̱, kó ki̱a̱ tꞌenkaꞌée̱ ndi̱xcho̱ ndí ndií ínchjiín tindsoo̱, ki̱a̱ tꞌa nínga síndo ndiꞌańjñoo̱ xota̱ xi koo̱n cho̱tsa̱nga̱a̱.


Ngata̱ ndakonjínmájnú, jún ndí cho̱tsa̱nga̱ xi tsa̱ꞌa̱n xi chiboa májnú, ngatꞌa̱ Na̱ꞌmijnú, ta̱ngatꞌaa̱ kjo̱a̱ndaa̱, je bo̱a̱ katsó nga tsja̱ajnú ngi̱ndie nínga botixómá.


Ngatꞌa̱ nga jè be an nga ngije kjuín án, kjo̱e̱ꞌe kje̱ꞌe xi xikó maá cho̱lobo̱ tamá nga ka̱mamejeén sa̱ꞌínkjié xota̱ na̱ngo̱xi̱i̱,


Kósꞌe̱ Pabloo̱, bi̱ katsójne̱: –Mí kjoaá nga ndyi̱chaꞌájnú, kó ngaskande an kjimandasee̱n ini̱ma̱na. An jè tikónnda an nga jmí tsi ta̱ kꞌuíꞌniútsína, ko̱jo tsi ngaskande nga niꞌánkꞌiénna ki̱a̱ na̱xi̱ńdáꞌniú Jerusale̱n, ta̱ngatꞌanii̱ jaꞌeén Ndi̱a̱ná Kjisoo̱.


Kó bo̱a̱ tsꞌén nga je tikónnda an tsi̱ꞌe̱ nga kꞌuini̱jmìjnúꞌun éntjatsi̱e̱e̱ Jesukristoo̱ jún xi tindyiónjnú na̱xi̱ńdá Roma̱.


ꞌYá nda̱jun xi kui ku̱i̱ꞌíchjí to̱n xi tsꞌenkjié ngi̱yaa̱ xaá. ꞌYá xí ku̱i̱ꞌítji̱e̱ tostsi̱jè, kó skji̱ni̱e̱jín to xi kjo̱a̱ꞌátikó. ꞌYá xí skoón cho̱tsa̱nga̱, kó kꞌuijín ntsjén xí ꞌboxieé kui cho̱o̱.


ko̱jo chjiénjín nga tsꞌatio kꞌuí bino̱, ko̱jo ka̱májín tamá ka̱ma, ko̱jo chjiéngá nda ini̱ma̱ ka̱ma, ko̱jo chjiéngá xió kjótsoꞌbá, ko̱jo jmí tsi xke̱éto̱n ka̱ma.


Kó ti̱ bo̱a̱ tsꞌén já xí bosikójo já ngito̱ko̱o̱ na̱ngo̱xi̱i̱ chjiéngá já xí yandikón ka̱ma, ko̱jo xí ku̱i̱ꞌíndisojín, ko̱jo xi kꞌo̱tiójiín nga kꞌuí bino̱, ko̱jo xi jmí tsi ka̱mamejeén to̱n xi ndajín tsꞌén kasako.


Kui xotaa̱ chjiéngá kjókjo tsꞌoa, ngatꞌa̱ ndyi̱bokoyá ni xi chjiénjín nga ko̱kóyá. Bo̱a̱ tsꞌén ꞌboṉcha̱jo kjín xota̱, ta̱ngatꞌanii̱ nga mejeén sa̱ꞌín to̱n.


Ngatꞌa̱ chjiéngá, nga kui xota̱ xi ngito̱ko̱o̱ na̱ngo̱xi̱i̱ ka̱ma, nga jmíjín xi chꞌo tsꞌén ku̱i̱chji̱a̱taꞌin nga tjítsꞌén xaá Néná, nga nkꞌakonjín kꞌo̱xié yojoo̱, nga ka̱májín xtinda ka̱ma, nga chjiénjín nga tsꞌatio kꞌuí bino̱, ti̱nde nga ka̱májín xota̱ xi kján ka̱ma, ti̱nde nga ka̱májín sa̱ꞌínmején ndyi̱ko̱n to̱o̱n ni xi ndajín tsꞌén kasakoni.


kui xi katsjá yojoo̱ nga kiniꞌánkꞌién ta̱ngatꞌanii̱ ñá, nga íchjítjéná nga jatjoꞌa ñá, kjo̱a̱a̱ ni xi ndajín xi kiniꞌán, ko̱jo tsi̱ꞌe̱ nga sa̱ꞌíntsjiená, nga ñá xí xota̱ na̱xi̱ńdá xí tsi̱ꞌe̱ ka̱ma ñá, kó nga ngayejee̱ takón nga ni xi nda si̱ꞌán.


Ti̱ꞌinkjaꞌátsjìi̱n xota̱ na̱ngo̱xi̱i̱ nga sku̱i̱e̱ndikón xota̱ xi botixómaá, ko̱jo jáxaá, ngatintꞌièꞌeén, kó ngatꞌíndonda nga sa̱ꞌín ngayeje ni xi nda.


Ta̱nga mejénjínna katsꞌen an ngo ni tsi jijín xi bo̱a̱ se ji nga sa̱ꞌin an, tsi̱ꞌe̱ nga kui kjo̱a̱nda xi tiniꞌínní, jmí tsi kjo̱a̱ꞌniú ka̱ma, ta̱sá ngo ni xi si̱ꞌin ji ngayeje ini̱màa̱.


Chindajnú nga ngojín xi sa̱ꞌínchꞌó kjo̱a̱ndaa̱ Néná, nga tsi ngo xi ndajín tjíjin ini̱ma̱a̱ tsja̱á kjo̱a̱xti, kuí nii̱ xi sa̱ꞌínniꞌii̱n xotaa̱, kó ka̱ma tsie kui ni xi ndajiín,


Kó ta̱ngatꞌanii̱ kjo̱a̱xkétoo̱n nga ko̱kóyá ni ndiso tsi̱ꞌe̱ nga kꞌo̱xiéjnú to̱n. Ta̱nga Néná jè bo̱a̱ katsó nga tsá sa̱ꞌínkjié, kó kuí kjo̱a̱niꞌánkjieé jè tsá ndibá.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ