1 Xo̱jo̱o̱n Peé 5:1 - Xo̱jo̱n eén Néná

¹ Xota̱ xi xchá án ngi̱jii̱n xota̱ na̱ngo̱xi̱i̱, kó chistiko̱ án kjo̱a̱a̱ kjo̱a̱ni̱ma̱ xi jaꞌajin Kristoo̱, kó nga be an nga ti̱ sa̱kóchiína kjo̱a̱je xi sꞌe̱ sꞌi̱jñatsijee̱n, kuíni nga ꞌniú míꞌáa̱ xota̱ xi xchaá na̱ngo̱xi̱i̱ xi síndojinjnú nga bi̱ xiaan:

1 Xo̱jo̱o̱n Peé 5:1 ပူးပေါင်းရင်းမြစ်များ

Rkaa̱ 24:48

Kó jún xi chistiko̱jnú kjo̱a̱a̱ ngayeje kui nii̱.

Ni xi kamá 1:22

ndeskande nga Juaa̱ atíndá Kjisoo̱, kó ngaskande ni̱xtjin nga tsangínjo̱ ndiꞌakꞌajmi jàn, nga ngo kui jaá xi nijan ngatamajo̱ná chistiko̱ nga jaꞌáꞌyaá Kjisoo̱.

Ni xi kamá 1:8

ta̱nga kjiꞌanga kjo̱e̱ꞌe̱kónjnú A̱si̱énni̱xtjii̱n Néná, sa̱kójnú ngaꞌniuú, kó ka̱ma chistiko̱na ka̱majnú, kó jmí tsi ta̱ na̱xi̱ńdáꞌniú Jerusale̱n tsi, ko̱jo ngayeje nangi Jundea̱, ko̱jo nangi Samaria̱, ko̱jo ngaskande nínga fetꞌaa̱ tꞌanangii̱.

Ni xi kamá 11:30

kó kui nii̱ katsꞌén kui xotaa̱, kó Bernabee̱ ko̱jo Sauloo̱ katsangiyajo̱ kui chji̱e̱e̱, tsi̱ꞌe̱ xota̱ xi xchá xí chji̱a̱ni nangi Jundea̱.

Ni xi kamá 14:23

Kó Pabloo̱ ko̱jo Bernabee̱ xki̱ na̱ngo̱xi̱ katsjaá xá xota̱ xi xchá xí kꞌuíndotjoón na̱ngo̱xi̱i̱, kó ngije tsíchji̱a̱a̱ Néná, ko̱jo ngije jaꞌa nga katsꞌénkjindiá, Ndi̱a̱ná katsꞌéngatꞌaa̱ kui xota̱ xi je kisꞌijii̱n.

Ni xi kamá 15:4

Kó nga jachó na̱xi̱ńdáꞌniú Jerusale̱n, ki̱a̱ ndyi̱koyaa̱ xota̱ na̱ngo̱xi̱i̱, ko̱jo já apostroo̱, ko̱jo xota̱ xi xchaá, kó katsóyaà ngayeje ni xi katsꞌén Néná ngi̱ya tsja kui jaá.

Ni xi kamá 15:6

Kó ítikó yojoo̱ já apostroo̱, ko̱jo xota̱ xi xchaá tsi̱ꞌe̱ nga askjoyáni kui kjo̱a̱a̱.

Ni xi kamá 2:32

Kuí Kjiso̱ xi̱ꞌbi̱ xi Néná katsꞌénkjaꞌáꞌyaá, kó ji̱n xí chistiko̱ ji̱n.

Ni xi kamá 20:17

Nga kisꞌijña Pabloo̱ na̱xi̱ńdáꞌniú Mileto̱, tsíchji̱a̱a̱ xota̱ xi xchaá na̱ngo̱xi̱ xi chji̱a̱ni na̱xi̱ńdáꞌniú Éfeso̱.

Ni xi kamá 20:28

Kó bo̱a̱ tsꞌén nda chónjnú yojojnú, kó chónjnú ngayeje xota̱ na̱ngo̱xi̱i̱, nínga A̱si̱énni̱xtjii̱n Néná katsjájnú ngo xá nga stsitsíjenjnúu̱, tsi̱ꞌe̱ nga jún xi xchindàjnú xota̱ na̱ngo̱xi̱i̱ Ndi̱a̱ná, kui xi jiín ndí tsi̱ꞌe̱ íchjítjéni.

Ni xi kamá 21:18

Kó nga kamángindyiojón Pabloo̱ nijan kijíjo̱jne̱ nga tsangínchonjne̱ Sandiyaá, kó ti̱ ki̱a̱ síndo ngayeje xota̱ xi xchaá na̱ngo̱xi̱i̱ nga.

Ni xi kamá 3:15

Kó bo̱a̱ tsꞌén kiniꞌánkꞌiénjnú xi tsjáná kjo̱a̱mindyioo̱n, kui xi Néná katsꞌénkjaꞌáꞌyaá, kó ji̱n xi chistiko̱jne̱.

2 Xota̱ Korinto̱ 5:1

Ngatꞌa̱ ñá jè ya nga yojoná xikónií tsi ngo ndiꞌańjño xi tindyionyá kuí nga̱sondiee̱. Kó nga kjo̱tsòn kuí ndiꞌańjñoo̱, ya nga ndiꞌakꞌajmi jàn tikónna ngo ndiꞌa xi tikón ngatsjéni̱xtjin xi tsjáná Néná, ngo ndiꞌa xi jmí tsi tsja xota̱ kamándani.

2 Xota̱ Korinto̱ 5:8

Kjimaꞌniátakón ñá kó mejénná nga kꞌuijñámasien kui yojo xchaá, tsi̱ꞌe̱ nga nínga tikón Ndi̱a̱ná konginkíndyión.

Xota̱ Filipo̱ 1:19

Ngatꞌa̱ jè be an nga kjo̱a̱a̱ nga ndyi̱ndokjo̱a̱jnúu̱ Néná, ko̱jo nga kjo̱a̱a̱ Jesukristoo̱ tsꞌéntsjána A̱si̱énni̱xtjii̱n, kuí nii̱ xi xota̱ ndé sa̱ꞌínna.

1 Timoo̱ 5:1

Ngata̱ niꞌínxchínje̱jín ji ngo xota̱ xi xchá, ta̱sá tatíxomée̱ xikoó tsi na̱ꞌmíi̱ ma, kó já xo̱ngo̱ò tatíxomée̱ xikoó tsi ntsꞌie ma.

1 Timoo̱ 5:19

Ngata̱ niꞌínjíi̱n xki̱ tsi tjín xí ko̱óngítaꞌin ngo xota̱ xi xchá, ngototo tsi jó ko̱jo tsi ján má chistiko̱ xi tjiín xi tsꞌénbongítaꞌii̱n.

2 Timoo̱ 4:8

Ngotꞌe̱ ꞌne̱, jè sa̱kóna ngo ni xi niꞌán, xi sakoó xota̱ xi kixi̱ síndo ngindyi̱ko̱n Néná, kui xi tsja̱ana nga kjo̱chó ni̱xtjin kui Ndi̱a̱ná xí kixi̱ tsꞌén skotsíjee̱n mí ni xi katsꞌén xotaa̱, kó jmí tsi ta̱ án tsí xi tsja̱ana kui chjí xí niꞌaán, ti̱ tsja̱arií ngayeje xota̱ xi achichí kjo̱a̱tjó tjiín nga ndyi̱koyaa̱ nga tsjatsꞌèn kjo̱e̱ꞌe nginí Ndi̱a̱ná.

Titoo̱ 1:5

Ki̱a̱ katsꞌenkꞌíjñaá jí tji̱ngi̱ Kreta̱, tsi̱ꞌe̱ nga si̱ꞌindaye ni xi chajaa̱ nga ka̱mandaya, ko̱jo tsi̱ꞌe̱ nga xki̱ nangi ko̱e̱ꞌéxée̱ xota̱ xi xchaá na̱ngo̱xi̱i̱, xikótsꞌèn atixomaa an nga si̱ꞌin ji.

Filemoo̱ 1:9

ta̱nga ta̱sá mejénna nga ꞌniú kuíꞌaá ta̱ngatꞌanii̱ kjo̱a̱tjoó. An, Pabloo̱, nga je kamáxchá án, kó nga ta̱ngatꞌanii̱ nga tsꞌénꞌbini̱jmì án Jesukristoo̱ nga tikón ꞌniú an ngotꞌe̱,

Xota̱ Ebreo̱ 12:1

Achichí má xota̱ xi síndo nga ngo foaꞌatjiyajonná xí chistiko̱ nga bokóná xikótsꞌèn kisꞌijii̱n Néná, kuíni nga ñá xín kꞌuijñá ni xi tsꞌenníꞌínná ko̱jo kui jé xí mejeén kꞌo̱jmingíná, kó si̱ꞌanngaꞌniú nga kjuínrá nínga ndyi̱mongín.

1 Xo̱jo̱o̱n Peé 1:12

Néná akoó kui já chji̱ni̱e̱ꞌe̱én ta̱nga jmí tsi kjo̱a̱a̱ nganda ti̱ kuii̱ tsi̱ꞌe̱, nganda tsa̱jún boá nga akakoo̱. Kuí bí kui én xi katseꞌéjnú ngotꞌe̱ jún xi je ikꞌíni̱jmìjnú kui éntjatsi̱e̱e̱, ta̱ngatꞌanii̱ ngaꞌniuú A̱si̱énni̱xtjii̱n Néná xi kanangiyani ndiꞌakꞌajmi jàn, kui ni xi ngaskande ndítsjiee̱ kamámejeén kamábe.

1 Xo̱jo̱o̱n Peé 1:7

tsi̱ꞌe̱ nga chjátꞌayákón kjo̱a̱sꞌijinjnú, ngatꞌa̱ kuí xí chjí ngasenii̱ ta̱bo̱a̱jiín to̱nsinieé, kui xi maa̱ fotsoo̱n kó ndiꞌí chitꞌani. Kó bo̱a̱ tsꞌén kui kjo̱a̱sꞌijii̱n xcha̱ nga kꞌuieé kjo̱a̱niꞌántsjà, ko̱jo kjo̱a̱je, ko̱jo kjo̱a̱yandikón kjiꞌanga ko̱kó yojoo̱ Jesukristoo̱.

1 Xo̱jo̱o̱n Peé 4:13

Ta̱sá tsja ngatamajnú nga ko̱jo jún ku̱i̱tja̱tiójnú kui kjo̱a̱ni̱ma̱ xi xikoó xi jaꞌatio Kristoo̱, tsi̱ꞌe̱ nga tsja ka̱majnú kjiꞌanga kji̱ndi̱bá nginí Kristoo̱ nga ko̱kó kjo̱a̱jee̱.

1 Xo̱jo̱o̱n Peé 5:4

Kó bo̱a̱ tsꞌén kjiꞌanga kji̱ndi̱bá nda̱ xi ꞌniú nkꞌa xaá xi koo̱n cho̱tsa̱nga̱a̱, jún sa̱kójnú chjií kjo̱a̱je xi jmíni̱xtjin fotsoo̱n.

1 Xo̱jo̱o̱n Juaa̱ 3:2

Jún ndí ntsꞌie xi tjóna, ngotꞌe̱ ꞌne̱, jè ndií Néná ñá, kó ndatsi kji̱e̱ yàjín ñá mí ni xi ka̱ma ñá jaskan, jè ya ñá nga kjiꞌanga kjo̱e̱ꞌe Jesukristoo̱ xikó maá kui, nga bo̱a̱ kon ka̱ma ñá, ngatꞌa̱ xcha̱ cha̱n cha̱n ñá xikó má kjiꞌi kui.

2 Xo̱jo̱o̱n Juaa̱ 1:1

Án boá ngo nda̱ xi xota̱ xi xchaá na̱ngo̱xi̱i̱ tsꞌentindejnúꞌun jún xi xota̱ na̱ngo̱xi̱ xi je jaꞌájinjnú Néná, kui xota̱ xi ja̱koxi̱ nga tjóna, kó jmí tsi ta̱ án tsí xi tjóna, ti̱ tjórií jún ngayeje xota̱ xi je kamábe ni xi ja̱koxi̱i̱ nga.

3 Xo̱jo̱o̱n Juaa̱ 1:1

Án boá ngo nda̱ xi xota̱ xi xchaá na̱ngo̱xi̱i̱, tsꞌentinde an ndí ntsꞌié án Ngayoo̱, kui nda̱ xi ja̱koxi̱ nga tjóna.

Ni xi akakoo̱ 1:9

An, Juaa̱, ntsꞌiejnú, kó ta̱ngatꞌanii̱ nga nijan ikitjatió kuí kjo̱a̱ni̱ma̱a̱, ngi̱yaa̱ nínga botixómá Néná, ko̱jo ta̱ngatꞌanii̱ kjo̱a̱chiyákoón Jesukristoo̱, nga ki̱a̱ kisꞌijña an tji̱ngi̱ xi ꞌmí Patmo̱, ta̱ngatꞌanii̱ eén Néná xí chji̱a̱ kjo̱a̱a̱ Jesukristoo̱.