1 Xo̱jo̱o̱n Peé 4:2 - Xo̱jo̱n eén Néná

² tsi̱ꞌe̱ nga xikó kjiꞌi ni̱xtjin xi chaja ngasee̱ nga kꞌuijñá nga̱sondiee̱, kꞌuijñá xikótsꞌèn mejeén Néná, kó jmí tsi xikótsꞌèn mejeén kjo̱a̱niꞌánkjoó xotaa̱.

1 Xo̱jo̱o̱n Peé 4:2 ပူးပေါင်းရင်းမြစ်များ

Xo̱jo̱n Salmoo̱ 143:10

Jí boá xi Néna ji. ¡Takéní mí ni xi mejeén nga sa̱ꞌin an! ¡Te̱ꞌéndièní nga A̱siénni̱xtjin ndàa̱ ko̱síko̱jona tsi̱ꞌe̱ nga nda sa̱ꞌin an!

Matioo̱ 12:50

Ngatꞌa̱ ngayeje xi sa̱ꞌínkjatjosón ni xi mejeén Na̱ꞌmina xi tikón ndiꞌakꞌajmi jàn, kuí xi̱ꞌba̱ xi ntsꞌié án, ko̱jo xi ndichja an, ko̱jo xi na̱ana.

Matioo̱ 20:4

kó bi̱ katsoó: «Tangínni̱ꞌanxájnú ngi̱ndiena nínga maxchá tostsi̱je̱è, kó nda tsꞌén kꞌuichjíjnúꞌun.» Jo̱ꞌo katsó kui jaá, sꞌe̱ kijítsꞌénxá.

Matioo̱ 21:31

ꞌYání nga jó kui ndií xi katsꞌén ni xi katsoó na̱ꞌmii̱. –Xi tjón kanangiyaa̱. Katsó xota̱a̱ Kjisoo̱. Kó Kjisoo̱, bi̱ katsó: –Ja̱koxi̱ ni xi xiánjnúꞌun nga kui já xí foaꞌáꞌyá to̱n xi machjítjé nii̱ ko̱jo ínchjínmasieén, kuí xí tjón kꞌo̱sꞌien nínga botixómá Néná, ta̱bo̱a̱jiín jún.

Matioo̱ 7:21

Jmí tsi ngayeje xota̱ xi «Ndi̱a̱, Ndi̱a̱», ka̱tso̱na xi kꞌo̱sꞌien nínga botixómá Néná, ta̱kuítsí xi kꞌo̱sꞌien xi sa̱ꞌínkjatjosón ngayeje ni xi mejeén Na̱ꞌmina xi tikón ndiꞌakꞌajmi jàn.

Markoo̱ 3:35

Ngatꞌa̱ ngayeje xi sa̱ꞌínkjatjosón ni xi mejeén Néná, kuí xi̱ꞌba̱ xi ntsꞌié án, xi ndichja án, ko̱jo xi na̱anna.

Markoo̱ 7:21

Ngatꞌa̱ ngaskande ngi̱jin ini̱ma̱a̱ xotaa̱ ndibánií ni xi chꞌokjiꞌi xi tsꞌénkjó, xikoó xota̱ xi ndyi̱tsꞌèntꞌaa̱ kjo̱a̱ xkjín, ko̱jo xota̱ xi tondo̱, ko̱jo xota̱ xi ndyi̱tsꞌènkꞌién ini̱ma̱,

Juaa̱ 1:13

Kui xota̱ xi katsen ngatꞌaa̱ Néná, jmí tsi bo̱a̱ tsꞌén katsen xikoó xota̱ xi tjiín, ti̱nde jmí tsi xikótsꞌèn mejeén xota̱ xi yojo katsenni.

Juaa̱ 7:17

tsi tjín xí mejeén sa̱ꞌínkjatjosón ni xi mejeén Néná, sku̱i̱e̱ tsi tsi̱ꞌe̱ Néná ni xi bokoyá an, ko̱jo tsi tsa̱ꞌa̱n.

Xota̱ Roma̱ 12:2

Kó ngata̱ bo̱a̱jín tsꞌén mindyiónjnú xikótsꞌèn síndo xotaa̱ kui nga̱sondiee̱, ta̱sá te̱ꞌéndièjnúu̱ nga ka̱matja̱tsi̱e̱ya kjo̱a̱kjíntakónjnú, tsi̱ꞌe̱ nga bo̱a̱ tsꞌén xcha̱jnú ni xi nda, ko̱jo xi tsjakjiꞌi, ko̱jo xi ndo̱jò kjin kjin xi mejeén Néná.

Xota̱ Roma̱ 14:7

Ngatꞌa̱ nde ngojín ñá xi tindyión nga̱sondiee̱ ta̱ngatꞌanii̱ ñá, kó ti̱nde ngojín xi fesón ta̱ngatꞌanii̱ kui soboá.

Xota̱ Roma̱ 6:11

Ti̱ bo̱a̱ ti̱ tsꞌén jún ti̱ꞌankjójnú nga je akayajo̱jnú jeé, kó ti̱ndyiónjnú xikótsꞌèn mejeén Néná nga ku̱i̱ndyionjnú ngatꞌaa̱ Kristoo̱, kui xi Ndi̱a̱ná.

Xota̱ Roma̱ 6:2

¡Jmí! Ngatꞌa̱ tsi je ikꞌíjñámasien jeé, kótsꞌèn nga ta̱kó ku̱i̱ndyión nga si̱ꞌanjé.

Xota̱ Roma̱ 7:4

Ti̱ bo̱a̱ ti̱ tsꞌén jún ntsꞌie, nga je kiniꞌángojo̱jnú yojojnú Kristoo̱, jè jesónjnú ngi̱yaa̱ kjo̱a̱kitii̱. Tsi̱ꞌe̱ nga ka̱mangojo̱jnú kui xi jaꞌáꞌyaá ngi̱jii̱n xota̱ xi je jesoón, kó nga ni xi nda xi tsi̱ꞌe̱ Néná xí si̱ꞌánjnú.

2 Xota̱ Korinto̱ 5:15

Kó ta̱ngatꞌanii̱ ngayeje xotaa̱ nga kꞌien Kristoo̱, tsi̱ꞌe̱ nga kui xota̱ xi síndoo̱, jmí tsi kjo̱a̱a̱ kui nga kꞌuíndo ngase, kꞌuíndo tsi̱ꞌe̱ nga sa̱ꞌín ni xi tsjaa̱ Kristoo̱, kui xi kꞌien ko̱jo jaꞌáꞌyaá ngandaa̱ kui xotaa̱.

Xota̱ Éfeso̱ 2:3

Ti̱ bo̱a̱ ti̱ tsꞌén kixindyión ngayeje ñá kje̱ꞌe ni̱xtjin, nga ki̱a̱ tsangíntji̱ngíi̱, ko̱jo nga kiniꞌánkjatjosóo̱n kui ni xi kamámejeén yojoná, ko̱jo ni xi kiniꞌánkjó. Kuíni nga Néná kamá atíjéná, xikoó xota̱ xi ngasee̱.

Xota̱ Éfeso̱ 4:17

Kuí ni xi̱ꞌbi̱ xi tꞌíxiánjnúꞌun ngi̱yaa̱ jaꞌeén Ndi̱a̱ná, nga ngiti̱ bo̱a̱jín tsꞌén mindyiónjnú xikótsꞌèn síndo xota̱ xi bejín Néná, kui xota̱ xi síndo xikótsꞌèn ndyi̱tsꞌènkjó chi̱ni.

Xota̱ Éfeso̱ 5:17

Ta̱ngatꞌanii̱ kui nii̱ nga ngata̱ chi̱nijín niꞌánjnú yojojnú, ta̱sá ngatamakjínjnú mí ni xi mejeén Ndi̱a̱ná nga si̱ꞌánjnú.

Xota̱ Éfeso̱ 6:6

Bo̱a̱ ti̱ꞌánjnú, ta̱nga jmí tsi ta̱ kjiꞌa tsí nga ndyi̱kotsijenjnú xotaa̱, ta̱sá xikoó nga moso̱ xi tsi̱ꞌe̱ Kristoo̱ májnú, kuíni nga ngayeje ini̱ma̱jnú nga ti̱ꞌánjnú ni xi mejeén Néná.

Xota̱ Kolosa̱ 1:9

Kuíni nga ji̱n ndeskande koó nga kandaꞌyájne̱, ngatsjéni̱xtjin ndyi̱ndokjo̱a̱tjéjne̱ jún, ko̱jo ndyi̱chjiáꞌájne̱ Néná tsi̱ꞌe̱ nga ko̱kó cha̱n cha̱njnú ni xi mejeén nga si̱ꞌánjnú jún, ko̱jo tsi̱ꞌe̱ nga tsja̱ajnú ngayeje to̱ko̱ya kjo̱a̱kjínkón, ko̱jo nga A̱si̱énni̱xtjii̱n xi tsja̱ajnú nga ka̱makjínjnú ni xi tsi̱ꞌe̱ Néná.

Xota̱ Kolosa̱ 3:3

Ngatꞌa̱ jún jè jesónjnú kjo̱a̱a̱ ni nga̱sondiee̱, kó Néná jè íjñá ngi̱jii̱n Kristoo̱ kjo̱a̱mindyionjnú.

Xota̱ Kolosa̱ 4:12

Tinde xò bo̱a̱ tsó nda̱ xi ꞌmí Epafraa̱, xi nda̱ nangijnú ma, xi ti̱ mosoo̱ Kristoo̱ nga, kui nda̱a̱ ngatsjéni̱xtjin nga ngayeje ini̱ma̱a̱ nga tsꞌénmíꞌatjéjnú jún nga chji̱a̱a̱ Néná, tsi̱ꞌe̱ nga ꞌniú ku̱i̱ndyiajnú nga ka̱mando̱jo kjin kjinjnú nga si̱ꞌánjnú ngayeje ni xi mejeén Néná.

1 Xota̱ Tesalónika̱ 5:18

Te̱ꞌéjnúu̱ ndokꞌóchjì Néná kjo̱a̱a̱ ngayeje nii̱, ngatꞌa̱ kuí nii̱ xi mejeén Néná nga ko̱e̱ꞌéjnú jún xi je sꞌijinjnú Kristo̱ Kjisoo̱.

Xota̱ Ebreo̱ 13:21

míꞌáa̱ kui Néná xi tsjáná kjo̱a̱xioó nga kui xi sa̱ꞌín nga xota̱ xi nda ka̱majnú, ko̱jo nga si̱ꞌánjnú ni xi mejeén kui nga ka̱ma, kó nga ngatꞌaa̱ Jesukristoo̱ nga ko̱síko̱jójnú nga ni xi tsja maa̱ ngindyi̱ko̱n kui xi si̱ꞌánjnú. ¡Ngatꞌieé kjo̱a̱je Jesukristoo̱ ngatsjéni̱xtjin! Bo̱a̱ kjiꞌi.

Xo̱jo̱o̱n Sandiyaá 1:18

Én xí ja̱koxi̱i̱ boá xi katsꞌénkjién nga katsꞌéntsenná, ngatꞌa̱ bo̱a̱ tsꞌén kamámejeén kui, tsi̱ꞌe̱ nga ñá xí ka̱ma cha̱n xi tjón foaꞌáꞌyá ngi̱jii̱n ngayeje ni xi katsꞌénda.

1 Xo̱jo̱o̱n Peé 1:14

Ngatamajnú xikoó ndí xí ntꞌiéꞌeén na̱ꞌmii̱, jmí tsi bo̱a̱ tsꞌén ku̱i̱ndyionjnú, xikoó ngasꞌe̱ kjiꞌanga kji̱e̱ yàjínjnú Néná, nga ta̱xkiya kiniꞌánkjatjosónjnúu̱ ni xi kamámejénjnú kiniꞌánjnú.

1 Xo̱jo̱o̱n Peé 2:1

Kuíni nga chjiéngá chja̱ꞌáxínjnúu̱ yojojnú ngayeje to̱ko̱ya ni xi ndajín, ngayeje kjo̱a̱maña, ko̱jo kjo̱a̱jókje̱n, ko̱jo kjo̱a̱ꞌontakón, ko̱jo ngayeje to̱ko̱ya ényà.

1 Xo̱jo̱o̱n Juaa̱ 2:17

Jè kjifè kui nga̱sondiee̱ ko̱jo ngayeje ni xi mejeén ini̱ma̱a̱ xotaa̱. Ta̱nga kui xota̱ xi ndyi̱tsꞌèn ni xi mejeén Néná, kuí xí ngatsjéni̱xtjin kꞌuíndo.