1 Xo̱jo̱o̱n Peé 3:9 - Xo̱jo̱n eén Néná

⁹ Tsi ngo xota̱ xi ndajínkjiꞌi ni xi katsꞌénjo̱jnú, ngata̱ niꞌánngojojínjnú, kó ti̱ tsi tjín xi chꞌo ka̱tso̱jnú, ngata̱ chꞌójín ꞌmíjnúu̱ ndatsa jún nga, ta̱sá chji̱a̱ꞌajnúu̱ Néná nga sa̱ꞌínchikonñé, ngatꞌa̱ jè yàjnú nga Néná tsíchji̱a̱nijnú tsi̱ꞌe̱ nga sa̱kójnú kjo̱a̱niꞌánchikonñeé kui.

1 Xo̱jo̱o̱n Peé 3:9 ပူးပေါင်းရင်းမြစ်များ

Jenesii̱s 42:25

Jaskan katsjákjo̱a̱ Kosiee̱ tsi̱ꞌe̱ nga kꞌuikítsie maá to ndso̱ko̱a̱n ṉño̱pan koxta̱a̱ kui jaá, kó nga kui to̱n xi íchjíní kui to ndso̱ko̱a̱n ṉño̱paa̱n ko̱e̱ꞌéꞌoyá nginií, kó nga ki̱a̱ ko̱na̱ngínjin koxta̱a̱. Kó ti̱ katsjákjo̱a̱ Kosiee̱ nga ko̱e̱ꞌeé nichinie tsi̱ꞌe̱ ndi̱ya̱à nga. Kó ngije kamá kui nii̱,

Énkjínkón 17:13

Xota̱ xi ndajíntsꞌèn ꞌbíchjí kjo̱a̱a̱ ngo ni nda xi kiniꞌaán, ngatsjéni̱xtjin nga ndajíntsꞌèn kꞌuijñá ndiꞌaa̱.

Énkjínkón 20:22

Ngata̱ bo̱a̱jín sé nga ji xi si̱ꞌingojo ji, ta̱sá chiyée̱ nga Néná xí bo̱a̱ sa̱ꞌín, kó kuí boá xi kꞌo̱xiéꞌaá.

Énkjínkón 28:10

Xota̱ xi ndi̱yà xi ndajín fíjo̱ xota̱ xi kixi̱i̱, ti̱kuíní xi kꞌo̱kayà chja̱ya̱ xi ꞌbíjñá. Ta̱nga xota̱ xi kixi̱i̱ kuí boá xi sa̱ko̱ó ni xi ndaa̱.

Matioo̱ 19:29

Kó ta̱ ꞌyání xi ta̱ngatꞌanii̱ jaꞌénna nga íjñámasien ndiꞌaa̱, ko̱jo ntsꞌi̱e̱, ko̱jo ndichja, ko̱jo na̱ꞌmii̱, ko̱jo na̱aa̱n, ko̱jo ndií, ko̱jo tꞌanangii̱, úchán bo̱a̱ kjiꞌi ngase ko̱e̱ꞌeé kui nii̱, kó sa̱ko̱ó kjo̱a̱mindyion ngatsjéni̱xtjii̱n.

Matioo̱ 25:34

Kósꞌe̱ nda̱ Ree̱, bi̱ ka̱tso̱o̱ ngayeje xi síndo nga kixi̱i̱: «Ja̱bíjnúꞌun, jún xi je katsꞌénchikonñéjnú Na̱ꞌmina, chjábéjnú ngi̱ndie nínga botíxoma xi je tikónndajnú ndeskande koó nga ítsꞌi̱yanii̱ nga kamánda nga̱sondiee̱.

Matioo̱ 5:39

Ta̱nga an, bi̱ xiánjnúꞌun: Ngata̱ jmí ni niꞌínje̱jín ji kui xota̱ xi ndajiín, ta̱sá ta̱ ꞌyání xi ko̱tꞌa tꞌanijin xi fojnií, ti̱ te̱ꞌée̱ nga ko̱tꞌa tꞌanijin xi skoón nga.

Matioo̱ 5:44

Ta̱nga an, bi̱ tꞌíxiánjnúꞌun: Tjó ti̱ꞌánjnú xota̱ xi kondra̱jnú, ti̱ꞌanchikonñéjnú xota̱ xi chꞌo tjítsójnú, nda ti̱ꞌanjo̱jnú xota̱ xi chꞌoo̱ jún, ndókjo̱a̱tjéjnú xota̱ xi chꞌo tjítsꞌénjnú, ko̱jo xi ndyi̱mongatji̱ngijnú,

Markoo̱ 10:17

Kó nga tsꞌénfí Kjisoo̱ ngi̱ya ndi̱ya̱à, ngo nda̱ jachókón monga mongaa̱, asiéntꞌaa̱tikoó, kó bi̱ katsoó nga asíyaá: –Ji Mostro̱ nda, mí ni xi sa̱ꞌin an tsi̱ꞌe̱ nga sa̱kóna kjo̱a̱mindyion ngatsjéni̱xtjii̱n.

Rkaa̱ 10:25

Kó ngo nda̱ chji̱ni̱e̱kjo̱a̱kitii̱ jastjíe̱n, kó bi̱ katsoó Kjisoo̱ tsi̱ꞌe̱ nga skótꞌayákón: –Mostro̱, mí ni xi sa̱ꞌin an tsi̱ꞌe̱ nga sa̱kóna kjo̱a̱mindyion ngatsjéni̱xtjii̱n.

Rkaa̱ 18:18

Kó ngo nda̱ ngito̱ko̱, bi̱ katsó nga asíyaá Kjisoo̱: –Ji Mostro̱ nda, mí ni xi sa̱ꞌin an tsi̱ꞌe̱ nga sa̱kóna kjo̱a̱mindyion ngatsjéni̱xtjii̱n.

Xota̱ Roma̱ 12:14

Ndókjo̱a̱tjéjnú xota̱ xi ndyi̱mongatji̱ngijnú, chji̱a̱ꞌajnúu̱ Néná nga sa̱ꞌínchikonñé, kó jmí tsi chꞌo kꞌuínjnúu̱.

Xota̱ Roma̱ 12:17

Ngata̱ chꞌójín niꞌánjo̱jnú xota̱ xi ndajín katsꞌénjo̱jnú, ngatsjéni̱xtjin nda ti̱ꞌánjnú ngindyi̱ko̱n ngayeje xotaa̱.

Xota̱ Roma̱ 8:28

Kó jè ya nga xota̱ xi tsꞌéntjó Néná, Néná tsꞌeén ni xi nda nganda tsi̱ꞌe̱, xota̱ xi Néná jaꞌájin xikótsꞌèn kamámejeén kui.

Xota̱ Roma̱ 8:30

Kó kui xota̱ xi tjón jaꞌájin Néná, kuí boá xi tsíchji̱a̱a̱, kó xi tsíchji̱a̱a̱, kuí xí xota̱ kixi̱ katsꞌén, kó xi xota̱ kixi̱ katsꞌeén, kuí boá xi katsjaá kjo̱a̱je.

Xota̱ Ngalasia̱ 3:14

Bo̱a̱ katsꞌén Kristoo̱, tsi̱ꞌe̱ nga nda si̱ꞌanjo̱ xota̱ xi tjín nga̱sondiee̱, jatjosón ni xi kiꞌmií Abraa̱n, tsi̱ꞌe̱ nga sa̱kóná A̱si̱énni̱xtjii̱n Néná xí katsóyàtjón nga tsja̱á xota̱ xi sꞌijii̱n.

Xota̱ Éfeso̱ 4:32

Ta̱sá ndaxota̱ ngatamajnú ja̱kꞌi̱e̱ ja̱ngaján, ni̱ma̱takón ngatamajnú, kó ti̱ꞌanjetakónjnúu̱ ja̱kꞌi̱e̱ ja̱ngaján xingi̱jnú, xikótsꞌèn Néná katsꞌénjetakónjnú ngatꞌaa̱ Kristoo̱.

1 Xota̱ Tesalónika̱ 5:15

Chónjnú nga ngojín xota̱ xi tsi ndajín kiniꞌánjo̱, kósꞌe̱ ti̱ bo̱a̱ ti̱ tsꞌén ndajín tsꞌén ku̱i̱ꞌíchjií xi bo̱a̱ katsꞌénjoo̱ nga. Ta̱sá ti̱ꞌánjnú ngo ngaꞌniú, tsi̱ꞌe̱ nga ngatsjéni̱xtjin nda si̱ꞌanjo̱jnú xingi̱jnú, ko̱jo tsi xota̱ xi ngasee̱.

Xota̱ Ebreo̱ 12:17

Ngatꞌa̱ jún jè yàjnú nga jaskan Esauu̱, kjiꞌanga kamámejeén kasakoo̱ kjo̱a̱niꞌánchikonñeé na̱ꞌmii̱, kiniꞌánchꞌó, kó ndatsi achichí askjandá nga katsꞌénkꞌoyá yojoo̱, ngiti̱ jmí nijín xi kamá kiniꞌán ngase kjo̱a̱a̱ ni xi je kamaá.

Xota̱ Ebreo̱ 6:14

kó bi̱ katsó: “Ja̱koxi̱ boá nga an xi tsie kjo̱a̱niꞌánchikonñé tsjaa, kó án xí sa̱ꞌin an nga kjín ka̱ma xota̱ tji̱e̱e̱.”

1 Xo̱jo̱o̱n Peé 5:10

Kó ngije ikitjatiójnú chií kjo̱a̱ni̱ma̱ chiboa ni̱xtjin, kui Néná xí tsi̱ꞌe̱ ngayeje kjo̱a̱ndaa̱, kui xi Jesukristoo̱ katsꞌénkjién nga tsíchji̱a̱ná, tsi̱ꞌe̱ nga sa̱kóná kjo̱a̱je xi fejiín, kui nga tsꞌén xi chjiéngá ka̱majnú, nga tsjangaꞌniújnú, ꞌniú ngatꞌijñájnú, ko̱jo nga tsjandièjín nga jó nga ján kꞌuijñaá ini̱ma̱jnú.