1 Xo̱jo̱o̱n Peé 3:8 - Xo̱jo̱n eén Néná

⁸ Kó nga fetꞌa, ngayejejnú tsjatsꞌèn tindyionjinjnúu̱ xingi̱jnú, tasíko̱jojnú xingi̱jnú, tjó ti̱ꞌánjnú xingi̱jnú xikoó tsi ngo ntsꞌiejnú, ndaxota̱ ko̱jo ni̱ma̱kjo̱a̱ ngatamajnú.

1 Xo̱jo̱o̱n Peé 3:8 ပူးပေါင်းရင်းမြစ်များ

Xo̱jo̱n Salmoo̱ 103:13

Kui xota̱ xi tsꞌéndíkón Néná, Néná achichí nda tsꞌénjo̱, xikó má tsꞌénjo̱ ndií ngo na̱ꞌmi.

Énkjínkón 28:8

Xota̱ xi kjimacho̱n nga tsꞌénkíyà to̱n nga tsie ndyi̱ko̱n foaꞌáchjí, kui to̱o̱n, tsi̱ꞌe̱ xota̱ xi nda tsꞌénjo̱ xota̱ ni̱ma̱ boá.

Matioo̱ 18:33

A kjo̱a̱ꞌniújín tjínnií nga ni̱ma̱ kamaá jí kui mosoo̱ xikótsꞌèn ni̱ma̱ kamána ji.»

Rkaa̱ 10:33

Ta̱nga ngo nda̱ xi chji̱a̱ni nangi Samaria̱, xi jaꞌa ti̱ kui ndi̱ya̱à, nga kamábe, ni̱ma̱ kamaá,

Ni xi kamá 2:1

Kó nga jachó ni̱xtjii̱n sꞌué Pentekostee̱, ngayeje xota̱ xi sꞌijii̱n Kjisoo̱ kisꞌińdotikó xtín,

Ni xi kamá 27:3

kó nga kamángindyiojón jáchójne̱ na̱xi̱ńdá xi ꞌmí Sindo̱n, nínga nda̱ xi ꞌmí Julioo̱, achichí nda katsꞌénjo̱ Pabloo̱, ngatꞌa̱ katsjandieè nga kijíkatsijee̱n xota̱ xi nda yaꞌa ko̱jo nga nda katsꞌénseén kui xotaa̱.

Ni xi kamá 28:7

Kó tiña kui ngi̱ndiee̱ kjín xoꞌba kisꞌie xi tsi̱ꞌe̱ ngo nda̱ xi nkꞌa xaá xi chji̱a̱ni kui tji̱ngi̱i̱, xi ꞌmí Publio̱, xi kjén nga ta̱ nda katsꞌénjo̱jne̱ nga kixindyionjne̱ ki̱a̱a̱ ján ni̱xtjin.

Ni xi kamá 4:32

Kó xota̱ kjín xi kisꞌijii̱n eén Néná, ta̱ ngo ini̱ma̱ ko̱jo ngo kjo̱a̱kjíntakón tsí kamá, kó nde ngojín xi tsi̱ꞌe̱ soboá kamaá ni xi kisꞌiee̱, ngatꞌa̱ ta̱ tsi̱ꞌe̱ yeje kamá ni xi kisꞌiee̱ nga ngo nga ngo.

Xota̱ Roma̱ 12:10

Ja̱kꞌi̱e̱ ja̱ngaján ti̱ꞌantjójnú xingi̱jnú xikoó tsi ngo ntsꞌiejnú, ngatꞌa̱ ntsꞌié májnú, kó cha̱ndikón ngasejnú xingi̱jnú.

Xota̱ Roma̱ 15:5

Néná xí tsjá kjo̱a̱chiyákjo̱a̱a̱ ko̱jo xi tsjá kjo̱a̱niꞌándajoo̱n, ngatsjájnú nga ta̱ ngo ndse̱je̱n nga sꞌi̱jin kjo̱a̱niꞌánkjójnú xikótsꞌèn tjíjii̱n Kristo̱ Kjisoo̱,

1 Xota̱ Korinto̱ 1:10

Já ntsꞌie, ta̱ngatꞌanii̱ xá xí katsjána Ndi̱a̱ná Jesukristoo̱, ꞌniú míꞌájnúꞌun nga ndse̱je̱n ka̱majnú nga ngo ni ko̱ndókjo̱a̱jnú, kó nga ko̱kjangajínjnú yojojnú, nga ta̱sá nga ngo xtín ka̱majnú, kó nga ti̱ kuii̱ ni xi si̱ꞌankjójnú, ko̱jo nga ti̱ kuii̱ ni xi kjójintakónjnú.

1 Xota̱ Korinto̱ 12:26

Kó kuíni nga, tsi tjín ni xi yaꞌaa̱ yojoná xí kjo̱a̱ni̱ma̱ kjo̱a̱ꞌatio, ngayeje xi ngasee̱ xi on ka̱maa̱ nga, kó tsi tjín ni xi yaꞌa yojoná xí ndikón si̱ꞌanjo̱, ngayeje xi ngasee̱ xi tsja ka̱maa̱ nga.

Xota̱ Éfeso̱ 4:2

Nga xota̱ xi ni̱ma̱kjo̱a̱, ko̱jo xi ntꞌiéꞌén ka̱majnú, tsie takón ngatamajnú, kó ja̱kꞌi̱e̱ ja̱ngaján ti̱ꞌanchíkjo̱a̱jnúu̱ xingi̱jnú nga kꞌuiéjnú kjo̱a̱tjó.

Xota̱ Éfeso̱ 4:31

Ti̱ꞌanchꞌójnúu̱ yojojnú kjo̱a̱ndasee̱n, ko̱jo kjo̱a̱xtindaa̱, ko̱jo kjo̱a̱tamaá, ko̱jo kjo̱a̱chaꞌayaá, ko̱jo kjo̱a̱chꞌotsoó, ko̱jo ngayeje ni xi ndajiín.

Xota̱ Éfeso̱ 4:32

Ta̱sá ndaxota̱ ngatamajnú ja̱kꞌi̱e̱ ja̱ngaján, ni̱ma̱takón ngatamajnú, kó ti̱ꞌanjetakónjnúu̱ ja̱kꞌi̱e̱ ja̱ngaján xingi̱jnú, xikótsꞌèn Néná katsꞌénjetakónjnú ngatꞌaa̱ Kristoo̱.

Xota̱ Filipo̱ 2:3

Ngata̱ ngojín nii̱ xi niꞌánjnú tsi kjo̱a̱a̱ nga ku̱i̱tjátjónjnú, ko̱jo tsi kjo̱a̱a̱ nga kjo̱a̱nkꞌatakón, ta̱sá ni̱ma̱kjo̱a̱ ngatamajnú xikoó tsi nkꞌa ngase tꞌíjñájnú xota̱ xi ngasee̱.

Xota̱ Filipo̱ 3:16

Ta̱nga kui ni xi je jachótji̱ngi ñá, chjiéngá ꞌniú ku̱i̱ndyionjinrá kuí nii̱.

Xota̱ Kolosa̱ 3:12

Néná jè jaꞌájinjnú jún nga je xota̱ tsjiee̱, ko̱jo xota̱ xi tjoó kui májnú jún, kuíni nga ti̱ꞌantja̱tsi̱e̱yàjnú kjo̱a̱mindyionjnú, xikoó tsi ngo ńjño xi tja̱tsi̱e̱ cha̱jájnú nga ni̱ma̱ ka̱majnú xingi̱jnú, ko̱jo nga kꞌuiéjnú kjo̱a̱nda, ko̱jo nga kꞌuiéjnú kjo̱a̱ni̱ma̱kjo̱a̱, ko̱jo nga kꞌuiéjnú kjo̱a̱ndaxota̱, ko̱jo nga kꞌuiéjnú kjo̱a̱chiyákjo̱a̱.

Xota̱ Ebreo̱ 13:1

Ngatsjéni̱xtjin tjó ti̱ꞌánjnú xingi̱jnú, xikoó tsi ngo ntsꞌiejnú.

Xo̱jo̱o̱n Sandiyaá 2:13

Ngatꞌa̱ ni̱xtjin nga Néná sa̱ꞌíndajin kjo̱a̱a̱, ni̱ma̱jín ka̱maa̱ xota̱ xi ni̱ma̱jín kamaá kje̱ꞌe xota̱. Ta̱nga kui xota̱ xi ni̱ma̱ kamaá kje̱ꞌe xota̱, sa̱kójiín kjo̱a̱botíjeé Néná kui ni̱xtjii̱n.

Xo̱jo̱o̱n Sandiyaá 3:17

Ta̱nga kui xota̱ xi Néná tsjaá kjo̱a̱kjínkoón, kuí boá xi tsjietsꞌén síndo ngindyi̱ko̱n Néná, kó tjiín kjo̱a̱xió, kó ndaxota̱ ma, kó ntꞌiéꞌén, kó tsie kjo̱a̱ni̱ma̱takón tjiín, kó nda ni xi tsꞌén, kó ta̱ són tsꞌénjo̱ ngayeje xotaa̱, kó jmíjiín kjo̱a̱jókje̱n.

Xo̱jo̱o̱n Sandiyaá 5:11

Tsitsíjenjnúu̱ nga xota̱ xi ndyi̱foaꞌatio kjo̱a̱ni̱ma̱a̱, xikónií tsi xota̱ xi achichíra̱tsjaa̱ ꞌmíjne̱. Jún je kandaꞌyájnú kótsꞌèn kichikjoaá nda̱ xi ꞌmí Joo̱b ngayeje kjo̱a̱ni̱ma̱ xi jaꞌatio, kó jè kamáyàjnú kó katsꞌénjo̱ Ndi̱a̱ná nga fetꞌaa̱, ngatꞌa̱ Ndi̱a̱ná ni̱ma̱ máa ñá kó koyakjo̱a̱ná nga.

1 Xo̱jo̱o̱n Peé 1:22

Ngotꞌe̱ ꞌne̱ nga je kiniꞌántsjiejnú yojojnú ta̱ngatꞌanii̱ nga kandaꞌyáꞌénjnúu̱ én xí ja̱koxi̱i̱, kó nga je tjó ja̱koxi̱jnú xingi̱jnú, xikoó tsi ngo ntsꞌiejnú. Ngayeje ini̱ma̱jnú ꞌniú ti̱ꞌantjójnú ja̱kꞌi̱e̱ ja̱ngaján xingi̱jnú.

1 Xo̱jo̱o̱n Peé 2:17

Cha̱ndikónjnú ngayeje xota̱. Ti̱ꞌantjójnú ngayeje ntsꞌié, ko̱jo ndichjá. Ngatamandikónjnú Néná. Cha̱ndikónjnú nda̱ Ree̱.

1 Xo̱jo̱o̱n Peé 5:5

Kó ti̱ tsꞌén míꞌájnúꞌun jún xi xo̱ngòjnú nga cha̱ndikónjnú xota̱ xi xchaá, kó ngayejejnú ja̱kꞌi̱e̱ ja̱ngaján ni̱ma̱kjo̱a̱ ngatamajnú, ngatꞌa̱ bi̱ tsó xo̱jo̱n eén Néná: Néná kondra̱ maá xota̱ xi je ꞌboxié yojoo̱, ta̱nga xota̱ xi ni̱ma̱kjo̱a̱a̱, tsjaá kjo̱a̱nda.

2 Xo̱jo̱o̱n Peé 1:7

Kó kui kjo̱a̱yandikoón Néná, tjasónjnúu̱ nga tjó si̱ꞌánjnú xingi̱jnú xikoó tsi ntsꞌiejnú, kó kui kjo̱a̱a̱ nga niꞌántjó xingi̱jnú xikoó tsi ntsꞌié, tjasónjnúu̱ ngase kjo̱a̱tjó.

1 Xo̱jo̱o̱n Juaa̱ 3:14

Ñá jè ya nga jè ngiti̱ ki̱a̱jín tindyionjìn kjo̱a̱bo̱yaa̱, ngatꞌa̱ jè ngi̱jii̱n kjo̱a̱mindyion xi tsi̱ꞌe̱ Néná je tindyión, ngatꞌa̱ tjóná xota̱ xi ngasee̱. Xi tjójiín xota̱ xi ngasee̱, ta̱kó ki̱a̱ tikónjinra kjo̱a̱bo̱yaa̱.