1 Xo̱jo̱o̱n Peé 3:7 - Xo̱jo̱n eén Néná

⁷ Kó jún xi xi̱ꞌinjnú, ti̱ bo̱a̱ ti̱ tsꞌén ngatꞌiéjnú kjo̱a̱kjíntakón nga nda tsꞌén ku̱i̱ndyionjo̱jnú chjo̱ónjnú, cha̱ndikónjnú, ngatꞌa̱ ínchjiín jmí tsi bo̱a̱ tsꞌén ꞌniú xikoó jún, ngatꞌa̱ ngo chjo̱on ngo xi̱ꞌin xi je síndojo̱ xkjín, nijan sa̱kórií kjo̱a̱ndaa̱ kjo̱a̱mindyion xi tsjá Néná, tsi̱ꞌe̱ nga jmí ni sa̱ꞌínniꞌínjiín nga ku̱i̱chji̱a̱a̱ Néná.

1 Xo̱jo̱o̱n Peé 3:7 ပူးပေါင်းရင်းမြစ်များ

Joo̱b 42:8

Kuíni ngotꞌe̱ ꞌne̱ tangínjo̱jnú Joo̱b, kó tꞌítíjnú yito cho̱yojo toro̱, ko̱jo yito cho̱tsa̱nga̱ xi jaꞌatji ndi̱ja̱a̱, tsi̱ꞌe̱ nga sa̱ꞌinjetakónjnúꞌun. ꞌNiú ku̱i̱ꞌana Joo̱b nga ku̱i̱chji̱a̱tjéjnú, kó ta̱ngatꞌanii̱ kui nga jmí kjo̱a̱soboá sa̱ꞌínkjaꞌájínjnú, ta̱ngatꞌanii̱ nga kixi̱jín kandokjo̱a̱jnú kjo̱a̱a̱ an, xikó tsꞌén kixi̱ tsíchji̱a̱ Joo̱b».

Matioo̱ 18:19

Kuíni nga ingo ndi̱yà xiyà nginíjnúꞌun: Tsi jó ka̱majnú nga kꞌuíndajnú tsi̱ꞌe̱ nga chji̱a̱ꞌajnú ngo ni kꞌi̱e̱ tꞌanangii̱, Na̱ꞌmina xi tikón ndiꞌakꞌajmi jàn tsja̱ajnú.

1 Xota̱ Korinto̱ 7:3

Xi xi̱ꞌii̱n ngatsꞌénkjátjosoón nga kjojñájo̱ chjo̱ón, kó bo̱a̱ ti̱ tsꞌén xi chjo̱ón ngatsꞌénkjátjosoón nga kjojñájo̱ xi̱ꞌii̱n.

Xota̱ Éfeso̱ 3:6

Kó kuí bí ni xi índaa̱: Nga xota̱ xi jundío̱jiín, ko̱jo kui sa̱ko̱ó ni xi Néná tsjaá ndií, kó nga ta̱ ngo tsí yojoo̱ Kristoo̱ ka̱ma ñá, kó nga nga jó tjiín nga sa̱ko̱ó ni xi Néná katsóyàtjón nga tsja̱á xota̱ xi sꞌijii̱n éntjatsi̱e̱e̱ Kristo̱ Kjisoo̱.

Xota̱ Éfeso̱ 4:30

Ngata̱ niꞌándasénjínjnúu̱ A̱si̱énni̱xtjii̱n Néná, kui xi katseꞌéjnú tsi̱ꞌe̱ nga xcha̱ nga kjo̱tjoꞌajnú ni̱xtjin nga ku̱i̱ndyiondéjnúu̱ jeé ngatsjéni̱xtjin.

Xota̱ Éfeso̱ 5:33

Kuíni nga jún, nga ngo nga ngojnú tjó ti̱ꞌánjnú chjo̱ónjnú, xikótsꞌèn tjójnú yojojnú, kó kui xi chjo̱ón ngatamabendikón xi̱ꞌii̱n.

Xota̱ Éfeso̱ 6:18

Ngatsjéni̱xtjin ndókjo̱a̱jnúu̱ Néná, kó te̱ꞌéndièjnúu̱ nga A̱si̱énni̱xtjii̱n xi ko̱síko̱jójnú nga ko̱ndókjo̱a̱jnú, ti̱ndyiondajnú kó ngata̱ niꞌánkjiejínjnú takónjnú, kó chji̱a̱ꞌatjejnú ngayeje xota̱ tsjiee̱ Néná.

Xota̱ Kolosa̱ 3:19

Jún xi xi̱ꞌinjnú, ti̱ꞌantjójnú chjo̱ónjnú, kó ngata̱ tajájín niꞌánjo̱jnú.

1 Xota̱ Tesalónika̱ 4:4

Nga chjiéngá nga ngo nga ngojnú ngatamakjínjnú xikótsꞌèn xcha̱ndikónjnú ko̱jo nga tsjietsꞌén si̱ꞌankjiénjnú yojojnú.

Titoo̱ 3:7

Néná katsꞌénkixi̱ná kjo̱a̱a̱ kjo̱a̱ndaa̱, bo̱a̱ katsꞌén tsi̱ꞌe̱ nga kꞌuiéná ngo kjo̱a̱chiyá nga sa̱kóná kuí kjo̱a̱mindyion ngatsjéni̱xtjii̱n.

Xota̱ Ebreo̱ 1:14

A mí tsí ngayeje ndítsjiee̱ nga kui xi ndyi̱tsꞌèn xaá Néná, kó nga kuí xí kanangiya tsi̱ꞌe̱ nga kui xi sa̱ꞌiín kjo̱a̱nda kui xota̱ xi sa̱ko̱ó kjo̱a̱ꞌnaxiéꞌaá.

1 Xo̱jo̱o̱n Peé 3:1

Bo̱a̱ ti̱ tsꞌén ndatsa jún nga ínchjín xi je ikixánjnú, cha̱ndikónjnú xi̱ꞌinjnú, tsi̱ꞌe̱ nga kui xi̱ꞌin xi sꞌijinjiín Néná, sa̱ꞌínsꞌijin kó nde jmí én ka̱machjiénjiín, ngatꞌa̱ nda ndyi̱niꞌánjnú jún,