1 Xo̱jo̱o̱n Peé 3:5 - Xo̱jo̱n eén Néná

⁵ Ngatꞌa̱ bi̱ tsꞌén yínda yojoo̱ kui ínchjín tsjie xi askoyaá Néná ni̱xtjin xcháján, nga kamábendikón xi̱ꞌii̱n,

1 Xo̱jo̱o̱n Peé 3:5 ပူးပေါင်းရင်းမြစ်များ

Énkjínkón 31:10

¡Achichí niꞌín kjiꞌi nga sa̱kóná ngo chjo̱on xi ta̱nisién nga ndatsꞌèn! ¡Tsi sa̱kóná xikónií tsi ngo ndi̱jo̱ xi achichí tsjákjiꞌi xi kasakoná!

Énkjínkón 31:30

Kjo̱a̱tsjakjiꞌii̱ ngo na̱, ta̱ ꞌboṉcha̱jo tsíná, kjo̱a̱tsjakjiꞌii̱ ta̱kjo̱a̱ndaní bo̱a̱, ¡kuí na̱ xi bendikón Néná xí chjiéngá si̱ꞌandikón!

Rkaa̱ 2:37

kó jè ichítié ko̱jo kantié nijón nó tjiín, kó ngatsjéni̱xtjin nga ki̱a̱ kisꞌijña ngi̱ya na̱ngo̱xi̱i̱, nga katsꞌén xaá Néná, nga ni̱xtjin ko̱jo nga ni̱xtji̱e̱n nga katsꞌénkjindiá, ko̱jo nga tsíchji̱a̱a̱ Néná.

Ni xi kamá 1:14

Ngayeje kui jaá kamátikó nga ꞌniú kisꞌińdo nga tsíchji̱a̱a̱ Néná kui ko̱jo tjín ínchjín, ko̱jo na̱ Riya̱ na̱aa̱n Kjisoo̱, ko̱jo já ntsꞌi̱e̱.

Ni xi kamá 9:36

Kui ni̱xtjin jàn na̱xi̱ńdá Jope̱ kisꞌijña ngo na̱ xi xota̱ tsi̱ꞌe̱ Kjisoo̱ xi ꞌmí Tabita̱ (na̱ Ndorka̱, tsó kui eén nga én ngriengo̱). Kó kui xota̱chjo̱on ngatsjéni̱xtjin katsꞌén ni xi nda, kó asíko̱jo xota̱ ni̱ma̱ xi jmí to̱njiín.

Xota̱ Éfeso̱ 5:33

Kuíni nga jún, nga ngo nga ngojnú tjó ti̱ꞌánjnú chjo̱ónjnú, xikótsꞌèn tjójnú yojojnú, kó kui xi chjo̱ón ngatamabendikón xi̱ꞌii̱n.

1 Timoo̱ 2:10

Ni xi nda niꞌaán xí chjiéngá ngatándani yojoo̱, xikótsꞌèn tsoboaá nga tsꞌén ínchjín xi mejeén sa̱ꞌíndikón Néná.

1 Timoo̱ 2:15

Ta̱nga ínchjiín, kjo̱tjoꞌarií yojoo̱ nga kꞌuieé ndí, tsi ꞌniú ku̱i̱ndyiajin kjo̱a̱sꞌijii̱n, tsi kꞌuieé kjo̱a̱tjoó, ko̱jo tsi tsjietsꞌén kꞌuíndo ngindyi̱ko̱n Néná nga nda tsꞌén kꞌuíndo.

1 Timoo̱ 5:10

Chjiéngá xcha̱ kjo̱a̱a̱ ni nda xi katsꞌén, ko̱jo tsi je nda katsꞌénxchá ndií, ko̱jo tsi je nda katsꞌénseén xota̱ xi jachó ndiꞌaa̱, ko̱jo tsi je aniéjón sé xota̱ tsjiee̱ Néná, ko̱jo tsi je asíko̱jo xota̱ xi ndyi̱foaꞌatio kjo̱a̱ni̱ma̱, ko̱jo tsi je katsꞌén ngayeje ni xi ndaa̱.

1 Timoo̱ 5:5

Kui xota̱chjo̱on kꞌán xi ja̱koxi̱ nga je kꞌien xi̱ꞌii̱n xi jmíjín xi tjiín, ko̱jo xi je kisꞌijña soboaá, Néná koyaa̱ nga ko̱síko̱jo, kó ngatsjéni̱xtjin chji̱a̱a̱ Néná nga ni̱xtjin ko̱jo ni̱xtji̱e̱n nga míꞌaá ni xi chjieén.

Xota̱ Ebreo̱ 11:11

Ta̱ngatꞌanii̱ kjo̱a̱sꞌijii̱n nga Abraa̱n ndatsi je xchá, ko̱jo nga ndi̱ kamá na̱ Saraa̱, Néná katsjaá ngaꞌniú tsi̱ꞌe̱ nga kisꞌiee̱ ngo ndí, ngatꞌa̱ Abraa̱n kisꞌijii̱n nga Néná sa̱ꞌínkjatjosoón ni xi katsóyaà nga tsja̱á.

1 Xo̱jo̱o̱n Peé 1:3

Nganiꞌántsjaá Néná, kui xi Na̱ꞌmii̱ Ndi̱a̱ná Jesukristoo̱, kui xi ta̱ngatꞌanii̱ kjo̱a̱ni̱ma̱takón jee̱ nga katsꞌéntsen nginíná nga ndyi̱chiyáa̱ nga ko̱jo ñá kꞌuiéná ngo kjo̱a̱mindyion, ta̱ngatꞌanii̱ nga jaꞌáꞌyaá Jesukristoo̱ ngi̱jii̱n xota̱ xi je jesoón.