1 Xo̱jo̱o̱n Peé 3:4 - Xo̱jo̱n eén Néná

⁴ Ta̱sá ngi̱jii̱n ini̱ma̱jnú ngatꞌijñaá ngo kjo̱a̱fonda xi kjo̱tsònjín nga kꞌuiéjnú ngo a̱siénni̱xtjin xi nda ko̱jo xi xió. Kuí kjo̱a̱tsjakjiꞌii̱ xi ꞌniú chjínií ngindyi̱ko̱n Néná.

1 Xo̱jo̱o̱n Peé 3:4 ပူးပေါင်းရင်းမြစ်များ

Xo̱jo̱n Salmoo̱ 131:2

Ta̱sá xió tikón an, tikón xió xió an, xikó má tsꞌén niꞌánkꞌíxió ngo ndí kjiꞌanga na̱aa̱n tsjaá chiki. ¡Achichí xió tikón an xikoó ngo ndí xí je katsꞌe ndáchíkí!

Xo̱jo̱n Salmoo̱ 147:6

Néná tsꞌénkjastjíe̱n xota̱ xi ni̱ma̱kjo̱a̱a̱, ta̱nga ni̱ma̱kjo̱a̱ ꞌbíndo xota̱ xi ꞌniú ndajiín.

Xo̱jo̱n Salmoo̱ 149:4

Ngatꞌa̱ Néná achichí tjoó xota̱ na̱xi̱ńdaá, kó kjo̱a̱ꞌnaxiéꞌaá tsꞌénkjién nga tsjaá kjo̱a̱tsjakjiꞌi xota̱ xi ni̱ma̱kjo̱a̱ síndoo̱.

Xo̱jo̱n Salmoo̱ 25:9

Kuí boá xi ko̱e̱je̱jo xota̱ xi ni̱ma̱kjo̱a̱a̱ ndi̱yà xí kixi̱i̱, kó ko̱kóyaá xota̱ xi ntꞌiéꞌeén ndi̱yà xí ko̱e̱je̱.

Xo̱jo̱n Salmoo̱ 45:13

Achichí ndikón kjíꞌí tsa̱kji̱ín ree̱ nga tikón ki̱a̱ ngi̱yaꞌmaa̱, kó ngo ńjño xi to̱nsinié kamándani yajá.

Xo̱jo̱n Salmoo̱ 51:6

Ja̱koxi̱ boá nga mejeén xchi̱e̱ ji ni xi tjiꞌmaá, kuíni nga ꞌma ꞌma te̱ꞌéní kjo̱a̱kjínkóo̱n.

Matioo̱ 11:29

Chꞌi̱a̱jnú kui yá é xí tsꞌéntsjájnúꞌun, kó ngatamajnú ni xi tsꞌénbokoyájnúꞌun, ngatꞌa̱ ntꞌiéꞌén án ko̱jo nda ini̱ma̱na, kó bo̱a̱ tsꞌén ka̱ma sa̱ꞌínkjaꞌyá ini̱ma̱jnú.

Matioo̱ 21:5

Bi̱ tꞌínjnúu̱ xota̱ na̱xi̱ńdáꞌniú Jerusale̱n: «Jànꞌa̱n, ki̱a̱ tsꞌéndibákoón nda̱ Rée̱, nda̱ xi ntꞌiéꞌeén, kó ngo bórró tikónsoón, ngo ndí bórró, ndií cho̱ xi bonkꞌá chꞌià.»

Matioo̱ 23:26

¡Nda̱ fariseo̱ ti̱ka̱, tjón mára ti̱ꞌintsjiejín ngi̱yaa̱ bosoo̱ ko̱jo ti̱bo̱a̱a̱, sꞌe̱ bo̱a̱ tsꞌén nga ka̱matsjie nga̱xto̱n nga!

Matioo̱ 5:5

Achichíra̱tsjaa̱ xota̱ xi ntꞌiéꞌén, ngatꞌa̱ kuí xí sa̱ko̱ó tꞌanangi xi katsó Néná nga tsja̱aná.

Rkaa̱ 11:40

¡Já kitikjo̱a̱! A yàjínjnú nga xi katsꞌénda nga̱xto̱n kui nii̱, ti̱kuíní xi katsꞌénda ngi̱yaa̱ nga.

Rkaa̱ 16:15

Kó Kjisoo̱, bi̱ katsoó kui jaá: –Jún ngindyi̱ko̱n xotaa̱ kixi̱ májnú yojojnú, ta̱nga Néná be kókjiꞌi ini̱ma̱jnú. Ngatamakjínjnú nga ni xi achichí bendikón xotaa̱, ngindyi̱ko̱n Néná ni xi ta̱nisién ꞌniú chꞌokjiꞌi boá.

Xota̱ Roma̱ 1:23

Kó asíkjo kjo̱a̱je tsjie xi tsi̱ꞌe̱ kui Néná xi tikón ngatsjéni̱xtjii̱n, kó kje̱ꞌe ni katsꞌéndikón, ni xi kjiyojotꞌa a̱sie̱én xota̱, ko̱jo ni̱sie, ko̱jo cho̱ xi tjiín nijón sé, ko̱jo ye̱.

Xota̱ Roma̱ 2:29

Kuí xí xota̱ jundío̱ xi xota̱ jundío̱ ngi̱ya yojoo̱ nga, kó sirkunsisio̱n xi ndaa̱ kuí xí xikoó tsi ngi̱jin ini̱ma̱a̱ xotaa̱ nga kiniꞌaán, kó A̱si̱énni̱xtjii̱n Néná boá xi bo̱a̱ tsꞌén, jmí tsi kjo̱a̱a̱ xikó tsó kjo̱a̱kitii̱. Néná boá xi tsꞌénjóꞌo xota̱ xi ja̱koxi̱ nga ngi̱jin ini̱ma̱a̱ nga kiniꞌaán sirkunsisioo̱n, kó jmí tsi xotaa̱.

Xota̱ Roma̱ 6:6

Ja̱ jè ya ñá nga kjo̱a̱mindyion xi kisꞌiená ngasꞌe̱ jè nijan kꞌienjo̱ Kristoo̱ ki̱a̱ tꞌa kroo̱. Tsi̱ꞌe̱ nga yojo jeé si̱ꞌankjie. Kuíni nga ngiti̱ kuijín jeé xi ko̱tíxománá.

Xota̱ Roma̱ 7:22

Ngatꞌa̱ ngi̱jii̱n ini̱ma̱na tsja mana kjo̱a̱kitii̱ Néná.

2 Xota̱ Korinto̱ 10:1

Ngindyi̱ko̱n Kristo̱ xi tjoó, ko̱jo xi nda tsꞌénjo̱ xotaa̱, an Pabloo̱, ngo ni kuichjiájojnúꞌun ngatꞌa̱ tjín xota̱ xi tsó nga chi̱ni xò án nga ki̱a̱ tikónjinjnúꞌun, ta̱nga tajá xò chji̱a̱ an nga ki̱a̱jín tikónjinjnúꞌun.

2 Xota̱ Korinto̱ 4:16

Kó kuíni nga ndyi̱niꞌankjiéjínjne̱ kjo̱a̱, ngatꞌa̱ ndatsi je kjife ngaꞌniuú yojojne̱, ta̱nga ini̱ma̱jne̱ kjimatja̱tsi̱e̱ya ndyiojón ndyiojón.

Xota̱ Ngalasia̱ 5:23

ko̱jo kjo̱a̱ndaꞌyáꞌén, ko̱jo kjo̱a̱a̱ nga ka̱máná kꞌuíꞌniúu̱ yojoná ni xi chꞌokjiꞌii̱, tsi kui nii̱ xi si̱ꞌán, jmíjín ngo kjo̱a̱kiti xi ku̱i̱ꞌíchjáná.

Xota̱ Éfeso̱ 4:2

Nga xota̱ xi ni̱ma̱kjo̱a̱, ko̱jo xi ntꞌiéꞌén ka̱majnú, tsie takón ngatamajnú, kó ja̱kꞌi̱e̱ ja̱ngaján ti̱ꞌanchíkjo̱a̱jnúu̱ xingi̱jnú nga kꞌuiéjnú kjo̱a̱tjó.

Xota̱ Kolosa̱ 3:12

Néná jè jaꞌájinjnú jún nga je xota̱ tsjiee̱, ko̱jo xota̱ xi tjoó kui májnú jún, kuíni nga ti̱ꞌantja̱tsi̱e̱yàjnú kjo̱a̱mindyionjnú, xikoó tsi ngo ńjño xi tja̱tsi̱e̱ cha̱jájnú nga ni̱ma̱ ka̱majnú xingi̱jnú, ko̱jo nga kꞌuiéjnú kjo̱a̱nda, ko̱jo nga kꞌuiéjnú kjo̱a̱ni̱ma̱kjo̱a̱, ko̱jo nga kꞌuiéjnú kjo̱a̱ndaxota̱, ko̱jo nga kꞌuiéjnú kjo̱a̱chiyákjo̱a̱.

Xota̱ Kolosa̱ 3:3

Ngatꞌa̱ jún jè jesónjnú kjo̱a̱a̱ ni nga̱sondiee̱, kó Néná jè íjñá ngi̱jii̱n Kristoo̱ kjo̱a̱mindyionjnú.

1 Xota̱ Tesalónika̱ 4:11

Kó ti̱ꞌánjnú ngo kjo̱a̱ꞌniú, nga xió tsꞌén ku̱i̱ndyionjnú, ko̱jo nga xájnú xí si̱ꞌánjnú, ko̱jo nga ndsa̱jnú xí si̱ꞌanxájo̱jnú xikótsꞌèn je atixomájnúꞌun,

2 Xota̱ Tesalónika̱ 3:12

Kui xota̱ xi̱ꞌba̱, ndyi̱botíxomajne̱ ko̱jo ꞌniú ndyi̱ndokjo̱a̱jojne̱, ngatꞌaa̱ Ndi̱a̱ná Jesukristoo̱, nga xió tsꞌén sa̱ꞌínxá tsi̱ꞌe̱ nga ku̱i̱e̱je̱e̱n ni xi skji̱ni̱e̱, ko̱jo ni xi kꞌuí.

1 Timoo̱ 2:2

Chji̱a̱ꞌatjejnú nganda tsi̱ꞌe̱ já ree̱, ko̱jo ngayeje xota̱xá, tsi̱ꞌe̱ nga tsjatsꞌèn ko̱jo xió ku̱i̱ndyión, kó bo̱a̱ tsꞌén ka̱ma xcha̱ndikón Néná, kó ka̱ma xcha̱ndikónná ñá nga.

2 Timoo̱ 2:25

Chjiéngá ni̱ma̱kjo̱a̱ ka̱ma ji nga si̱ꞌinchji̱ni̱ xota̱ xi kondra̱ síndoo̱ ni xi tibokoyé ji. Tsi̱ꞌe̱ nga tsi ta̱ꞌa nga Néná xí mejeén tsja̱á kjo̱a̱nda kui xota̱ kondraa̱, nga sa̱ꞌínkꞌoyà yojoo̱, tsi̱ꞌe̱ nga sku̱i̱e̱ ni xi ja̱koxi̱i̱,

Titoo̱ 3:2

Ngata̱ jmí xota̱ chji̱a̱taꞌinjín, ko̱jo ngata̱ jmí kjo̱a̱xchán ꞌboxiéjín, ta̱sá ndaxota̱ ngatama, kó ngatamabe xota̱ xi ngasee̱ nga tjiín kjo̱a̱ni̱ma̱kjo̱a̱.

Xo̱jo̱o̱n Sandiyaá 1:21

Kó kuíni nga chja̱ꞌáxínjnúu̱ yojojnú ngayeje ni xi ndándí ko̱jo ngayeje ni xi ndajín xi achichí tjín kuí nga̱sondiee̱, kó ni̱ma̱kjo̱a̱ ngatamajnú nga si̱ꞌanjo̱ꞌojnú kui én xí Néná je ítji̱e̱jin ngi̱jin ini̱ma̱jnú, ngatꞌa̱ kui eén tjínrií ngaꞌniú tsi̱ꞌe̱ nga kꞌo̱xiéꞌájnú.

1 Xo̱jo̱o̱n Peé 1:23

Ngatꞌa̱ jún jè katsen nginíjnú, kó ngotꞌe̱ jmí tsi xota̱ xi fesón xi katsennijnú, eén Néná xí katsꞌéntsen nginíjnú, kui én xí fejiín, ngatꞌa̱ tikón ta̱ kjiꞌánií.

1 Xo̱jo̱o̱n Peé 3:15

Ta̱sá cha̱ndikónjnú Kristoo̱ ngi̱jii̱n ini̱ma̱jnú nga kui xi Ndi̱a̱jnú má, kó ngatsjéni̱xtjin ti̱ndyiondajnú nga ka̱majnú kꞌuiyájnúu̱ nga tjín xi ko̱síyájnú ngo ni kjo̱a̱a̱ kui kjo̱a̱chiyá xi tjínjnú jún.