1 Xo̱jo̱o̱n Peé 2:9 - Xo̱jo̱n eén Néná

⁹ Ta̱nga jún boá xi xota̱ tji̱e̱ xi je kachjaꞌájii̱n, jún boá xi chináꞌmi xi ndyi̱tsꞌènseén kui Ree̱ xi botixómá ndiꞌakꞌajmi jàn, jún boá xi xota̱ na̱xi̱ńdá tsjie, jún boá xi xota̱ na̱xi̱ńdá xí je tsi̱ꞌe̱ Néná, tsi̱ꞌe̱ nga jún xi ko̱ndókjo̱a̱jnú ni nda xi katsꞌén Néná, kui Néná xi tsíchji̱a̱jnú tsi̱ꞌe̱ nga jatjojnú nínga jñoó, kó ikitjasꞌi̱e̱njnú nínga tsꞌentsíjen kjo̱a̱jee̱ ndiꞌií.

1 Xo̱jo̱o̱n Peé 2:9 ပူးပေါင်းရင်းမြစ်များ

Xo̱jo̱n Salmoo̱ 106:5

Te̱ꞌéndièní nga si̱eé só, an ko̱jo kui xota̱ na̱xi̱ńdá xí jí kachjeꞌéjin ji, ¡te̱ꞌéndièní nga tsja ka̱mana nga nda ko̱jo nga tsjatsꞌèn síndo kui xotaa̱!

Xo̱jo̱n Salmoo̱ 118:27

Néná boá xi tsꞌentsíjenná. ¡Si̱ꞌanchòo̱n ṉchaa̱n, kó nijan tjianjo̱ kuí xota̱ na̱xi̱ńdaá!

Xo̱jo̱n Salmoo̱ 135:4

¡Néná boá xi jaꞌájin na̱xi̱ńdá Israee̱l, tsi̱ꞌe̱ nga ngatsjéni̱xtjin nga kui xi ka̱ma xota̱ na̱xi̱ńdaá!

Xo̱jo̱n Salmoo̱ 22:30

Ngo xtín xota̱ tji̱e̱ xi je katjoꞌójin sa̱ꞌínseén, kó kui nii̱ xi kꞌuiníjmì ngi̱jii̱n ngaskande xota̱ tji̱e̱ xi jaskan kꞌuieé.

Xo̱jo̱n Salmoo̱ 33:12

¡Achichíra̱tsjaa̱ na̱xi̱ńdá xí Néná boá xi Nee̱, kui xota̱ na̱xi̱ńdá xí Néná jaꞌájin tsi̱ꞌe̱ nga kui ku̱i̱chji̱a̱ni!

Xo̱jo̱n Salmoo̱ 73:15

Tsi bi̱ xián án: Bo̱a̱ tsꞌén kuichjiá an xikoó kui xotaa̱, kꞌuindisojo̱ra an xota̱ tji̱e̱e̱ ndíi̱ tsobo̱a̱.

Matioo̱ 4:16

Xota̱ xi kisꞌińdo jñoó, je kamábe ngo ndiꞌí xí je, ngo ndiꞌí je katsꞌéntsijee̱n ngayeje xota̱ xi kisꞌińdojñójo̱ kjo̱a̱bo̱yaa̱.

Matioo̱ 5:16

Bo̱a̱ tsꞌén ngatí ndiꞌíjnú ngindyi̱ko̱n xotaa̱, tsi̱ꞌe̱ nga sku̱i̱e̱ ni nda xi ndyi̱niꞌánjnú, kó ngayejejnú te̱ꞌéjnúu̱ kjo̱a̱je Na̱ꞌmijnú xi tikón ndiꞌakꞌajmi jàn.

Rkaa̱ 1:79

Tsi̱ꞌe̱ nga tsja̱á ndiꞌí ngayeje xota̱ xi síndo nínga ꞌniú jñoó, ko̱jo nínga tjín kjo̱a̱bo̱yaa̱, tsi̱ꞌe̱ nga kui xi ko̱ko̱ó ndsa̱ko ngo ndi̱yà nínga tjín kjo̱a̱xió.

Juaa̱ 17:19

kó ta̱ngatꞌanii̱ kui nga matsjie yojona, tsi̱ꞌe̱ nga ka̱matsjie kui xotaa̱ ngi̱yaa̱ ja̱koxi̱i̱.

Ni xi kamá 20:28

Kó bo̱a̱ tsꞌén nda chónjnú yojojnú, kó chónjnú ngayeje xota̱ na̱ngo̱xi̱i̱, nínga A̱si̱énni̱xtjii̱n Néná katsjájnú ngo xá nga stsitsíjenjnúu̱, tsi̱ꞌe̱ nga jún xi xchindàjnú xota̱ na̱ngo̱xi̱i̱ Ndi̱a̱ná, kui xi jiín ndí tsi̱ꞌe̱ íchjítjéni.

Ni xi kamá 26:18

tsi̱ꞌe̱ nga chjáxꞌé jí ndyi̱ko̱n, kó ngiti̱ nínga jñójín kꞌuitsómá ngase, ta̱sá nínga tsijen ngatꞌítso̱ma, tsi̱ꞌe̱ nga ngiti̱ kuijín ngaꞌniuú xindajín Satanaa̱ kꞌuitsómátji̱ngii̱, nga ta̱sá Néná ngatꞌítso̱matji̱ngii̱, tsi̱ꞌe̱ nga sꞌijii̱n an, kó sa̱ko̱ó kjo̱a̱niꞌánjetakoón jeé, ko̱jo kui ngi̱ndie xi katsó Néná nga tsja̱á xota̱ xi je katsꞌéntsjie yojoo̱.”

Ni xi kamá 26:28

Kó nda̱ re Angripaa̱ bi̱ katsoó: –A tiniꞌínkjé nga xotaa̱ Kristoo̱ tji̱e̱nmá ka̱ma an nga.

Xota̱ Roma̱ 9:24

Kui xota̱ xi ti̱ je tsíchji̱a̱a̱, kó ñá boá, jmí tsi ta̱kuítsí xota̱ xi jundíoo̱, ko̱jo kuí xota̱ xi jundío̱jiín nga.

1 Xota̱ Korinto̱ 3:17

Tsi tjín xí sa̱ꞌínkjatsón na̱ngo̱xi̱i̱ Néná, Néná sa̱ꞌínkjatsón xí bo̱a̱ sa̱ꞌiín, ngatꞌa̱ tsjie na̱ngo̱xi̱i̱ Néná, kó jún boá xi na̱ngo̱xi̱i̱ Néná.

Xota̱ Éfeso̱ 1:14

A̱si̱énni̱xtjii̱n xí ikꞌíjñangi tsi̱ꞌe̱ nga xcha̱ nga sa̱kóná ni xi katsóyàná Néná nga tsja̱á ndií, ngije ka̱mandé ngayeje xota̱ xi je kamáchjítjé kjo̱a̱ndeé, kó nga ndií ka̱ma ñá, tsi̱ꞌe̱ nga ngayeje ñá, si̱ꞌantsjàa̱ kui Néná xí tjiín kjo̱a̱jee̱.

Xota̱ Éfeso̱ 1:6

Kuíni nga, nganiꞌántsjaá Néná kjo̱a̱a̱ kui kjo̱a̱nda je xi akó xi ta̱ katsjáná, xi kasakojinná ngi̱jii̱n kui ndí xí tjoó kui.

Xota̱ Éfeso̱ 3:21

Ngateꞌeé kjo̱a̱je Néná, ngi̱jii̱n xota̱ na̱ngo̱xi̱ xi tsi̱ꞌe̱ Kristo̱ Kjisoo̱, ngatsjéni̱xtjin. Bo̱a̱ kjiꞌi.

Ndeuteronomio̱ 10:15

Kamárií tsi kui xi jaꞌájin ta̱jñà xota̱ na̱xi̱ńdání xi tjín nga̱sondiee̱, ta̱nga xota̱ xi xchájnú jaꞌájin ngatꞌa̱ tjó kamaá, kó ko̱jo jún jaꞌájinjnú nga, tsi̱ꞌe̱ nga jún xi ka̱majnú xota̱ na̱xi̱ńdaá kui ngotꞌe̱.

Ndeuteronomio̱ 14:2

jún boá kui xota̱ na̱xi̱ńdá xi Néná jè jaꞌájin, ngi̱jii̱n ngayeje xota̱ na̱xi̱ńdá xí tjín tꞌanangii̱, kó kuí boá xi ndokjo̱a̱nijnú».

Ndeuteronomio̱ 4:20

»Kjiꞌanga Néná tsꞌaxiéꞌájnú ki̱a̱ nangi Ejipto̱, bo̱a̱ katsꞌén ngatꞌa̱ xota̱ na̱xi̱ńdá xí tsi̱ꞌe̱ katsꞌénjnú jún.

Ndeuteronomio̱ 7:6

»Jún boá ngo xtín xota̱ na̱xi̱ńdá xi ndikón. Néná je jaꞌájinjnú ngi̱jii̱n kjín xota̱ na̱xi̱ńdá xí tjín nga̱sondiee̱, tsi̱ꞌe̱ nga jún xi ka̱majnú xota̱ xi ꞌniú tjó ngasee̱ kui.

Xota̱ Filipo̱ 3:14

Tsꞌénfítji̱ngira an nínga chjiéngá kjóchó an, tsi̱ꞌe̱ nga sa̱kóna ni xi niꞌán xi tsjá Néná, Kristo̱ Kjisoo̱ boá xi tjítsꞌénkjién Néná nga tsꞌénchji̱a̱na ndiꞌakꞌajmi jàn.

Xota̱ Kolosa̱ 1:13

Néná boá xi xín katsꞌénkjaꞌaboaꞌáná ngaꞌniuú ngi̱ndie nínga jñoó, kó jè kijíjo̱ná nínga tsꞌénbotixómá ndí tjoó,

2 Timoo̱ 1:9

Kui Néná xí tsꞌaxiéꞌáná, ko̱jo xi tsíchji̱a̱ná tsi̱ꞌe̱ nga ngo na̱xi̱ńdá tsjie ka̱ma, jmí tsi kjo̱a̱a̱ ni xi kiniꞌán, ta̱sá kjo̱a̱a̱ ni xi je tjíndaa̱, ko̱jo kjo̱a̱a̱ kjo̱a̱nda xi katseꞌéná ñá nga kui Kristo̱ Kjisoo̱ xi ko̱ndókjo̱a̱ ñá ndeskande ni̱xtjin nga katsꞌénda nga̱sondiee̱.

Titoo̱ 2:14

kui xi katsjá yojoo̱ nga kiniꞌánkꞌién ta̱ngatꞌanii̱ ñá, nga íchjítjéná nga jatjoꞌa ñá, kjo̱a̱a̱ ni xi ndajín xi kiniꞌán, ko̱jo tsi̱ꞌe̱ nga sa̱ꞌíntsjiená, nga ñá xí xota̱ na̱xi̱ńdá xí tsi̱ꞌe̱ ka̱ma ñá, kó nga ngayejee̱ takón nga ni xi nda si̱ꞌán.

1 Xo̱jo̱o̱n Peé 1:2

Xikó tsꞌén índa Néná xí na̱ꞌminá nga kamámejeén jaꞌájinjnú jún, tsi̱ꞌe̱ nga xota̱ na̱xi̱ńdá xí tsi̱ꞌe̱ ka̱majnú. Kó nga ngatꞌaa̱ A̱si̱énni̱xtjii̱n, ko̱jo ngatꞌaa̱ nga kꞌien Jesukristoo̱ nga katsꞌéntsjiejónjnú ngayeje jéjnú, tsi̱ꞌe̱ nga ko̱nda̱ꞌyáꞌénjnú. Ngatama tsie kjo̱a̱nda ko̱jo kjo̱a̱xió xi tsja̱ajnú Néná.

1 Xo̱jo̱o̱n Peé 2:5

ko̱jo jún kjimajnú xikoó ndi̱jo̱ xi síndo tikón, kó Néná boá xi iskjininkꞌajnú xikoó ngo na̱ngo̱xi̱ xi jmí tsi kui nga̱sondiee̱ chji̱a̱ni, bo̱a̱ tsꞌén nga jún boá xi kiniꞌánjnú xikoó chináꞌmi tsjiee̱ Néná, xi tsꞌenkꞌásꞌieén kjo̱a̱tjó xi tsja maa̱ Néná ngatꞌaa̱ Jesukristoo̱.

1 Xo̱jo̱o̱n Peé 4:11

Tsi tjín xí ku̱i̱chji̱a̱, ngatíchji̱a̱ én xí tsꞌéntsjaá Néná nga ku̱i̱chji̱a̱. Tsi tjín xí ko̱síko̱jo xotaa̱, bo̱a̱ nga tsꞌén xikó kjiꞌi ngaꞌniú xí tsꞌéntsjaá Néná, tsi̱ꞌe̱ nga Néná ko̱e̱ꞌeé kjo̱a̱je kjo̱a̱a̱ ngayeje nii̱ ngatꞌaa̱ Jesukristoo̱, kui xi tsi̱ꞌe̱ ngayeje kjo̱a̱jee̱, ko̱jo ngayeje ngaꞌniuú ngatsjéni̱xtjin. Bo̱a̱ kjiꞌi.

Ni xi akakoo̱ 1:6

kó kuí boá xi botixómáná, ko̱jo xi katsꞌénná chináꞌmi xi tsꞌén xaá Nee̱, kui xi Na̱ꞌmii̱. ¡Kjo̱a̱jee̱ Néná, ko̱jo ngaꞌniuú kui tsi̱ꞌe̱ ngatama ngatsjéni̱xtjin! Bo̱a̱ kjiꞌi.

Ni xi akakoo̱ 20:6

¡Achichíra̱tsjaa̱ ko̱jo achichíra̱ tsjie kui xota̱ xi tjón kjo̱a̱ꞌáꞌyaá, ngatꞌa̱ ki̱a̱ chji̱a̱ni xota̱ na̱xi̱ńdá tsjiee̱ Néná! Kjo̱a̱bo̱ya xi ma joó, jmí ngaꞌniújiín kjo̱a̱a̱ kui xotaa̱, ta̱sá chináꞌmii̱ Néná ko̱jo chináꞌmii̱ Kristoo̱ ka̱ma, kó ki̱a̱ nijan ko̱tíxomajo̱ nga ngo mi̱ noó.

Ni xi akakoo̱ 5:10

kó kuí xotaa̱ xi kiniꞌín ji re xi tsi̱ꞌe̱ Néná, kiniꞌín ji chináꞌmi xi tsi̱ꞌe̱ Néná, kó kuí boá xi ko̱tíxoma ngayeje tꞌanangii̱.