1 Xo̱jo̱o̱n Peé 2:2 - Xo̱jo̱n eén Néná

² Ngatamajnú xikoó ngo ndí xi sꞌe̱ katsen má, xi ma mejeén ndáchíkií na̱aa̱n, bo̱a̱ tsꞌén ngatamamejénjnú eén Néná, xikoó xi mejeén kꞌuí ntsjén xí kuí soboá soboaá, tsi̱ꞌe̱ nga nda tsꞌén ka̱maxchájnú, kó kjo̱tjoꞌa kjin kjinjnú,

1 Xo̱jo̱o̱n Peé 2:2 ပူးပေါင်းရင်းမြစ်များ

Joo̱b 17:9

Xota̱ xi kixi̱i̱, fíra ndi̱yà xí tjimá, kó xota̱ xi jmíjéjiín ndyiojón ndyiojón kꞌuié ngasee̱ ngaꞌniú!

Énkjínkón 4:18

»Ta̱nga ndi̱yà xí tjimáyà xota̱ xi kixi̱i̱, ꞌna̱ ma xikoó nda̱a̱ ndiꞌí xí ya nga ndibáꞌásie̱én: kó saꞌniú sáꞌniú ngase ma ꞌna̱, ngaskande nga ma ndisꞌueé.

Matioo̱ 18:3

kó bi̱ katsó: –Ja̱koxi̱ ni xi xiánjnúꞌun nga tsi ko̱sikjojínjnú yojojnú, kó tsi xikójiín jákjíndí ka̱majnú, ku̱i̱tjásꞌi̱e̱njínjnú ndiꞌakꞌajmi nínga botíxomaa̱ Néná.

Matioo̱ 19:14

Ta̱nga Kjisoo̱, bi̱ katsó: –Te̱ꞌéndièjnúu̱ kui jákjíndií nga kjo̱e̱ꞌe̱kónna, kó ngata̱ ꞌbíchjájínjnúu̱, ngatꞌa̱ ndiꞌakꞌajmi nínga botíxomaa̱ Néná kuí xí ka̱ma kꞌo̱sꞌien kui xi xikoó kui jákjíndií.

Markoo̱ 10:15

Ja̱koxi̱ ni xi xiánjnúꞌun, nga xi kꞌo̱sꞌienjín nínga botixómá Néná xikoó ngo nda̱chí, ka̱májín kꞌo̱sꞌien.

Rkaa̱ 18:17

Ja̱koxi̱ ni xi xiánjnúꞌun, nga xi kꞌo̱sꞌienjín nínga botixómá Néná xikoó ngo nda̱chí, ka̱májín kꞌo̱sꞌien.

Xota̱ Roma̱ 6:4

Ngatꞌa̱ jè xikoó tsi akjanijínná ko̱jo Kristoo̱ nga akatíndáná, tsi̱ꞌe̱ nga xikótsꞌèn Kristoo̱ jaꞌáꞌyaá ngi̱jii̱n xota̱ xi jesoón ta̱ngatꞌanii̱ nga Na̱ꞌmii̱ akó kjo̱a̱jee̱, ti̱ bo̱a̱ ti̱ tsꞌén ñá ngo kjo̱a̱mindyion tja̱tsi̱e̱ ngatꞌiéná.

1 Xota̱ Korinto̱ 14:20

Jún ntsꞌie, ngata̱ bo̱a̱jín tsꞌén fojintakónjnú xikótsꞌèn tsꞌénkjó jákjíndií, ta̱sá bo̱a̱ ti̱ꞌánjnú xikoó jákjíndií nga tsꞌensénjiín ni xi ndajiín, ta̱nga ti̱ꞌankjójnú xikoó ngo xota̱ xi xchá.

Xota̱ Éfeso̱ 2:21

Kristoo̱ boá xi be kótsꞌèn nga nda kjimanda kui ndiꞌaa̱, kó kui ndiꞌaa̱ kjimanda ngaskande nga ngo na̱ngo̱xi̱ tsjiee̱ Ndi̱a̱ná ka̱ma.

Xota̱ Éfeso̱ 4:15

Ta̱sá ni xi ja̱koxi̱i̱ xi ko̱ndókjo̱a̱ nga kꞌuiéná kjo̱a̱tjó, kó xikótsꞌèn kjimaxchá bo̱a̱ kon ka̱ma ngase ndyiojón ndyiojón xikoó Kristoo̱, kui xi ngito̱ko̱o̱ xota̱ na̱ngo̱xi̱i̱.

2 Xota̱ Tesalónika̱ 1:3

Jún ntsꞌie, ngatsjéni̱xtjin chjiéngá ko̱e̱ꞌéjne̱ ndokꞌóchjì Néná kjo̱a̱a̱ jún, xikótsꞌèn chjiéngá nga ko̱e̱ꞌé, ngatꞌa̱ kjimatsie kui kjo̱a̱sꞌijinjnú, ko̱jo kui kjo̱a̱tjó xi je tjínjnú ngayejejnú, ko̱jo kjo̱a̱a̱ nga ꞌniú kjimatjójnú xota̱ xi ngasee̱.

1 Xo̱jo̱o̱n Peé 1:23

Ngatꞌa̱ jún jè katsen nginíjnú, kó ngotꞌe̱ jmí tsi xota̱ xi fesón xi katsennijnú, eén Néná xí katsꞌéntsen nginíjnú, kui én xí fejiín, ngatꞌa̱ tikón ta̱ kjiꞌánií.

2 Xo̱jo̱o̱n Peé 3:18

Ta̱sá ꞌniú tangíntji̱ngíjnú kjo̱a̱ndaa̱, ko̱jo nga nda xcha̱ ngasejnú Ndi̱a̱ná Jesukristoo̱, kui xi tsꞌaxiéꞌáná. ¡Kuí boá xi ngotꞌe̱, ko̱jo ta̱ kjiꞌání nga nga sꞌiee̱ kjo̱a̱je! Bo̱a̱ kjiꞌi.