1 Xo̱jo̱o̱n Peé 2:16 - Xo̱jo̱n eén Néná

¹⁶ Xota̱ ndéjnú ngindyi̱ko̱n Néná, ta̱nga ngata̱ kuijín kjo̱a̱ndeé niꞌánkjiénjnú tsi̱ꞌe̱ nga si̱ꞌánjnú ngo ni xi ndajínkjiꞌi, ta̱sá ti̱ndyiónjnú xikoó xota̱ xi mosoo̱ Néná.

1 Xo̱jo̱o̱n Peé 2:16 ပူးပေါင်းရင်းမြစ်များ

Matioo̱ 23:13

¡Ni̱ma̱ xò jún já chji̱ni̱e̱kjo̱a̱kiti ko̱jo já fariseo̱, jókje̱n! Ngatꞌa̱ jún ndyi̱ꞌbíchjajnúu̱ nga̱ntjo̱a̱a̱ nínga botíxomaa̱ Néná xota̱ xi ngasee̱, kó ngaskande jún bitjasꞌi̱e̱njínjnú, kó ti̱nde boeꞌéndièjínjnúu̱ nga kꞌo̱sꞌien xi je ndyi̱ꞌbosꞌiee̱n.

Juaa̱ 15:22

Ta̱nga tsi jéꞌe̱jín an, kó tsi tsíchji̱a̱jojín an kui xotaa̱, nde jmí jéjínra̱a̱, ta̱nga ngotꞌe̱ ꞌne̱, nde jmí ni ka̱tso̱jín kjo̱a̱a̱ jeé.

Xota̱ Roma̱ 6:18

Kó ngotꞌe̱ ꞌne̱ jè xota̱ ndeé jeé jún, kó jè mosoo̱ ni xi kixi̱i̱ kamájnú.

Xota̱ Roma̱ 6:22

Ta̱nga ngotꞌe̱ ꞌne̱ ngije xín kiniꞌánkjaꞌajnúu̱ yojojnú jeé, kó ngije mosoo̱ Néná jè kamájnú, tikónjnú ngo ni xi tsi̱ꞌe̱ kjo̱a̱tsjiee̱, kó nga kju̱i̱e̱tꞌa sa̱kójnú kjo̱a̱mindyion ngatsjéni̱xtjii̱n.

1 Xota̱ Korinto̱ 7:22

Ngatꞌa̱ kui nda̱ xi moso̱ xi kastiñá kamá nga Néná tsíchji̱a̱a̱, jè nda̱ xi tikónndé ngindyi̱ko̱n Néná ngotꞌe̱, kó ti̱ bo̱a̱ ti̱ tsꞌén kui nda̱ xi tsoꞌbá ndé nga kandokjo̱a̱a̱, ngotꞌe̱ ꞌne̱ jè moso̱ xi kastiñá xi tsi̱ꞌe̱ Kristoo̱ je kamá.

Xota̱ Ngalasia̱ 5:1

Kristoo̱ katsꞌéndéná tsi̱ꞌe̱ nga ku̱i̱ṉtsomandé, kó kuíni nga ꞌniú ti̱ndyiàjnú, kó ngata̱ boeꞌéndièjínjnúu̱ nga ta̱jmì niní xi ku̱i̱ꞌíjñaꞌniú nginíjnú.

Xota̱ Ngalasia̱ 5:13

Jún ntsꞌie, Néná tsíchji̱a̱jnú tsi̱ꞌe̱ nga xota̱ ndé kamájnú, ta̱nga ngata̱ niꞌánkjiénjínjnú kui kjo̱a̱ndeé tsi̱ꞌe̱ nga ni xi ndajínkjiꞌi xi si̱ꞌánjnú, ta̱sá tjótsꞌèn ti̱ꞌansénjnúu̱ ja̱kꞌi̱e̱ ja̱ngaján xingi̱jnú.

Xota̱ Éfeso̱ 6:6

Bo̱a̱ ti̱ꞌánjnú, ta̱nga jmí tsi ta̱ kjiꞌa tsí nga ndyi̱kotsijenjnú xotaa̱, ta̱sá xikoó nga moso̱ xi tsi̱ꞌe̱ Kristoo̱ májnú, kuíni nga ngayeje ini̱ma̱jnú nga ti̱ꞌánjnú ni xi mejeén Néná.

Xota̱ Kolosa̱ 3:24

Ngatꞌa̱ jè yàjnú nga Ndi̱a̱ná tsja̱ajnú ni xi tsoboájnú. Ngatꞌa̱ jún boá xi ndyi̱niꞌánsénjnúu̱ Kristoo̱, nga kui xi Ndi̱a̱jnú xi ja̱koxi̱i̱.

1 Xota̱ Tesalónika̱ 2:5

Kó ti̱ jè yàjnú nga jmíni̱xtjin nga én ixiꞌá kandokjo̱a̱jojne̱ jún, ti̱nde kichꞌíṉcha̱jojínjne̱ tsi̱ꞌe̱ nga to̱n kichjiáꞌájne̱. Néná xí chistiko̱ kjo̱a̱a̱ kui nii̱.

Xo̱jo̱o̱n Sandiyaá 1:25

Ta̱nga kui nda̱ xi bosienníjón ndá ndaá kui kjo̱a̱kiti xi kixi̱, kui xi tsjáná kjo̱a̱ndeé, kó ꞌniú ꞌbíjñá, kó tsꞌénkjátjosón nga tsꞌén xikó tsó, kó chíyájiín ni xi tsintꞌié, kuí nda̱ xi̱ꞌbi̱ xi achichíra̱tsjaa̱ kjo̱a̱a̱ ni xi tjítsꞌén.

Xo̱jo̱o̱n Sandiyaá 2:12

Chjiéngá bo̱a̱ tsꞌén ko̱ndókjo̱a̱jnú, ko̱jo nga bo̱a̱ tsꞌén ku̱i̱ndyionjnú, xikoó xota̱ xi je si̱ꞌandajin kjo̱a̱a̱, nga si̱ꞌankjién ngo kjo̱a̱kiti xi tsꞌéndé xotaa̱.

2 Xo̱jo̱o̱n Peé 2:19

Bo̱a̱ ndyi̱tsoó xotaa̱ nga sꞌi̱ndondé, kó kuí síndo, xikoó moso̱ xi kastiñaá ni xi fotsoo̱n. Ngatꞌa̱ ngayeje ni xi tsꞌénná xi tsꞌénchájáná, kuí nii̱ xi ꞌbíndoꞌniúná.

Xo̱jo̱o̱n Jundaa̱ 1:4

Bo̱a̱ tꞌíxián an, ngatꞌa̱ tjín káꞌá xota̱ xi ta̱ngatꞌanii̱ kjo̱a̱mañaa̱ nga ki̱a̱ tsꞌasꞌienjinjnú, kui xi ndeskande koó ngasꞌe̱ kiꞌmíyatjón nga ka̱majeé, xota̱ xi ꞌniú ndajín boá xi̱ꞌba̱, kui xi kjíbé kjo̱a̱ndaa̱ Néná, tsi̱ꞌe̱ nga ta̱ ni xi mejénrií kui sa̱ꞌín, kó tsꞌénkiejín yojoo̱ nga Jesukristoo̱ boá kui Ndi̱a̱ná xí ngototo xi tsꞌénbotixómáná.