1 Xo̱jo̱o̱n Peé 2:12 - Xo̱jo̱n eén Néná

¹² nda ti̱ꞌánjnú xikótsꞌèn tindyiónjnú ngi̱jii̱n xota̱ xi bejín Néná, bo̱a̱ ti̱ꞌánjnú ndatsi kui xotaa̱ ngotꞌe̱ ndajín tsꞌén chji̱a̱ kjo̱a̱a̱ jún, ta̱nga nga sku̱i̱e̱ ni nda xi ndyi̱niꞌánjnú, sa̱ꞌíntsjaá Néná ni̱xtjin nga Néná sa̱ꞌínjo̱ xki̱ ngayeje xotaa̱.

1 Xo̱jo̱o̱n Peé 2:12 ပူးပေါင်းရင်းမြစ်များ

Xo̱jo̱n Salmoo̱ 37:14

Xota̱ xi ndajiín ꞌboxié ki̱cha̱ndojoó kó ꞌbíndonda yáchjonyaá ko̱jo yáyojoó tsi̱ꞌe̱ nga kꞌo̱jmingí xota̱ ni̱ma̱a̱, ko̱jo xi ni chjieén, ko̱jo tsi̱ꞌe̱ nga sa̱ꞌínkꞌién kui kixi̱ síndoo̱.

Xo̱jo̱n Salmoo̱ 50:23

Kui xi tsja̱ana ngo kjo̱a̱tjó xi niꞌánkꞌasꞌien nga boeꞌé ndokꞌóchjì, kuí boá xi tsꞌéndíkónna, kó kui xi kixi̱ ku̱i̱ꞌíndonda ndi̱yà xí tsoꞌbá, kuí boá xi kokóo̱ kjo̱a̱ꞌnaxiéꞌána».

Matioo̱ 10:25

Jè ndakjiꞌi tsi nda̱ xi tjibókoyaá ka̱ma xikoó mostro̱ xi akóyaá, ko̱jo tsi mosoo̱ ka̱ma xikoó ndi̱a̱ xi tsi̱ꞌe̱ xaá. Tsi nda̱ xi tsi̱ꞌe̱ ndiꞌaa̱, xindajín Belsebu̱ kiꞌmií, achichíra̱ ni xi kꞌuín ngasee̱ xota̱a̱ kui ndiꞌaa̱.

Matioo̱ 5:11

Achichíra̱ tsjajnú jún kjiꞌanga xotaa̱ chꞌo ka̱tso̱jnú, ko̱jo nga sa̱ꞌín ꞌbokiejnú, ko̱jo nga ta̱ngatꞌanii̱ an ko̱ngatji̱ngijnú nga sa̱ꞌínkjién ngayeje to̱ko̱ya ni xi ndajín nga ku̱i̱ꞌíndiso.

Matioo̱ 5:16

Bo̱a̱ tsꞌén ngatí ndiꞌíjnú ngindyi̱ko̱n xotaa̱, tsi̱ꞌe̱ nga sku̱i̱e̱ ni nda xi ndyi̱niꞌánjnú, kó ngayejejnú te̱ꞌéjnúu̱ kjo̱a̱je Na̱ꞌmijnú xi tikón ndiꞌakꞌajmi jàn.

Matioo̱ 9:8

Kó nga kamábe kui nii̱ xotaa̱, achichí kijíndikoón kó katsjaá kjo̱a̱je Néná, ngatꞌa̱ kuí boá Néná xí katsjaá xotaa̱ kui ngaꞌniú xi̱ꞌba̱.

Rkaa̱ 1:68

¡Nganiꞌántsjaá Ndi̱a̱ná, Néná xí tsi̱ꞌe̱ Israee̱l, ngatꞌa̱ jè jeꞌekoón, kó jè íchjítjé nga tsꞌaxiéꞌá xota̱ na̱xi̱ńdaá!

Rkaa̱ 19:44

kó kꞌo̱jmii ji ko̱jo ndíi̱ ngi̱yaa̱ xó xí tjíchjáꞌyáni ji, kó nde ngojín ndi̱jo̱ ku̱i̱ꞌíndo xi sꞌi̱ńdosoón xkjín, ngatꞌa̱ kamáyèjín ji ni̱xtjin nga jeꞌekoón Néná.

Rkaa̱ 6:22

Achichíra̱ tsjajnú jún nga xotaa̱ sa̱ꞌínchꞌójnú, ko̱jo nga ko̱ngatji̱ngijnú, ko̱jo nga chꞌo ka̱tso̱jnú, ko̱jo nga chꞌo ka̱maa̱ jaꞌénjnú xikoó tsi ngo ni xi ndajín, ta̱ngatꞌanii̱ ndií nda̱ xi̱ꞌii̱n.

Juaa̱ 13:31

Ngije jataxie Jundaa̱, Kjisoo̱, bi̱ katsó: –Ngotꞌe̱ ꞌne̱ nga xcha̱ kjo̱a̱jee̱ ndií nda̱ xi̱ꞌii̱n, kó kuí xí xcha̱ni kjo̱a̱jee̱ Néná.

Ni xi kamá 15:14

Ximoo̱ íni̱jmìná kó katsꞌén Néná nga tjón tjón nga kamáni̱ma̱a̱ xota̱ xi jundío̱jiín, ko̱jo nga jaꞌájin nga na̱xi̱ńdá xi tsi̱ꞌe̱ Néná ku̱i̱chji̱a̱ni.

Ni xi kamá 24:13

ti̱nde jmí chi̱bo̱a̱jiín kui xotaa̱ kjo̱a̱a̱ ni xi ndyi̱bongítaꞌinna.

Ni xi kamá 25:7

Kó ngije tsꞌasꞌien Pabloo̱ kui ngi̱ndiee̱, já jundío̱ xi kjindibáni na̱xi̱ńdáꞌniú Jerusale̱n, achichí ni xi ndikón yíngítaꞌin Pabloo̱, ta̱nga ngaskande ngojín kui jeé xi kasakoo̱ ngakixi̱,

Ni xi kamá 28:22

Mejénjne̱ ko̱nda̱ꞌyájne̱ kótsꞌèn niꞌínkjé jí, ngatꞌa̱ jè yàjne̱ nga ta̱jñàní tjindókjo̱a̱ kjo̱a̱a̱ kondraa̱ kui ndi̱yà tja̱tsi̱e̱e̱.

Xota̱ Roma̱ 12:17

Ngata̱ chꞌójín niꞌánjo̱jnú xota̱ xi ndajín katsꞌénjo̱jnú, ngatsjéni̱xtjin nda ti̱ꞌánjnú ngindyi̱ko̱n ngayeje xotaa̱.

Xota̱ Roma̱ 13:13

Kixi̱ ku̱i̱ṉtsomá, xikoó tsi nga ni̱xtjin timá, jmí tsi ta̱ kui xá ku̱i̱ndyión ñá nga xi̱ni̱e̱ nga sꞌi̱o̱, jmí tsi si̱ꞌanchꞌi̱ yojoná, jmí tsi chꞌo si̱ꞌáa̱n yojo ndikónná, jmí tsi kjo̱a̱tondo̱ si̱ꞌán, jmí tsi kjo̱a̱xchán ko̱ꞌna̱xié, ko̱jo jmí tsi kjo̱a̱ꞌontakón kꞌuiéná.

Xota̱ Roma̱ 14:18

Ngatꞌa̱ Néná tsjá kjimaa̱ kjo̱a̱a̱ xota̱ xi ndyi̱tsꞌèn xaá Kristoo̱, kó ngayeje xota̱ xi ngasee̱ ndyi̱tsꞌènjóꞌo.

Xota̱ Roma̱ 15:9

Ko̱jo tsi̱ꞌe̱ nga xota̱ xi jundío̱jín tsja̱á kjo̱a̱je Néná, ta̱ngatꞌanii̱ nga Néná kamáni̱ma̱a̱ kui xotaa̱, xikótsꞌèn kjitꞌa xo̱jo̱n eén Néná nínga bi̱ tsó: Kuí kjo̱a̱a̱ nga xiyà an kjo̱a̱je tse̱ ngi̱jii̱n xota̱ xi jundío̱jín, kó si̱eé ji nga sa̱ꞌintsjaá.

1 Xota̱ Korinto̱ 14:25

kó ni xi tjiꞌmaá ini̱ma̱a̱ ka̱matsijen, kó ko̱siéntikoó nga sa̱ꞌíndikón Néná, kó bo̱a̱ ka̱tso̱ nga ja̱koxi̱ boá nga Néná ki̱a̱ tikónjinjnú.

2 Xota̱ Korinto̱ 1:12

Tsjá májne̱ nga nda tikón kjo̱a̱kjíntakónjne̱, kó yàjne̱ nga tsjie, ko̱jo nga kixi̱ kisꞌiṉtso̱majne̱ ngi̱jinjnú, ko̱jo ngi̱jii̱n ngayeje xotaa̱, kjiꞌanga bo̱a̱ kiniꞌánjne̱, kjo̱a̱ndaa̱ Néná boá xi tsangíntjingijne̱, jmí tsi xikótsꞌèn tjíjinkon xotaa̱ kui nga̱sondiee̱.

2 Xota̱ Korinto̱ 13:7

Ndyi̱ndokjo̱a̱jne̱ Néná tsi̱ꞌe̱ nga si̱ꞌánjínjnú ni xi ndajínkjiꞌi, jmí tsi tsi̱ꞌe̱ nga xcha̱ nga ji̱n je kichitꞌajne̱ yojojne̱, kó nda jatjojne̱, ta̱sá tsi̱ꞌe̱ nga ni xi nda si̱ꞌánjnú jún, ndatsi xotaa̱ ndyi̱tsó nga ndajín tsꞌén jatjo xki̱jne̱.

2 Xota̱ Korinto̱ 8:21

Kuíni nga kixi̱ kixi̱ niꞌánjne̱ ni xi ndyi̱niꞌánjne̱, jmí tsi ta̱ ngindyi̱ko̱n Ndi̱a̱ná tsí, ko̱jo ngindyi̱ko̱n xotaa̱ boá nga.

Xota̱ Éfeso̱ 2:3

Ti̱ bo̱a̱ ti̱ tsꞌén kixindyión ngayeje ñá kje̱ꞌe ni̱xtjin, nga ki̱a̱ tsangíntji̱ngíi̱, ko̱jo nga kiniꞌánkjatjosóo̱n kui ni xi kamámejeén yojoná, ko̱jo ni xi kiniꞌánkjó. Kuíni nga Néná kamá atíjéná, xikoó xota̱ xi ngasee̱.

Xota̱ Éfeso̱ 4:22

kuíni nga chjiéngá ngiti̱ bo̱a̱jín tsꞌén mindyiónjnú xikótsꞌèn kixindyionjnú ngasꞌe̱, kjiꞌanga ni xi tsꞌenṉcha̱jojnú xi kamámejénjnú kiniꞌánjnú. Ti̱ꞌantja̱tsi̱e̱yàjnú yojojnú,

Xota̱ Filipo̱ 1:27

Ta̱ kuí tsí nii̱ xi míꞌájnúꞌun: Ti̱ndyiónjnú xikótsꞌèn tsoboaá nga kꞌuíndo xota̱ je sꞌijii̱n éntjatsi̱e̱e̱ Kristoo̱. Kuíni nga tsi kjuínkátsijenjnúꞌun skuie an, kó tsi ki̱a̱jín kotíjña̱ an kuintꞌie an én xikótsꞌèn tindyiónjnú. ꞌNiú ti̱ndyiónjnú. Ngo tsí ni xi tjajintakónjnú. Ngo ndséje̱n ti̱ꞌangaꞌniújnú nga ku̱i̱xkántjéjnú kjo̱a̱sꞌijii̱n éntjatsi̱e̱e̱ Kristoo̱.

Xota̱ Filipo̱ 4:8

Kó nga fetꞌaa̱ já ntsꞌie, kuí nii̱ xi ti̱ꞌankjójnú: ngayeje ni xi ja̱koxi̱, ngayeje ni xi yandikón ngindyi̱ko̱n Néná, ngayeje ni xi kixi̱, ngayeje ni xi tsjie, ngayeje ni xi ꞌniú nda, ko̱jo ngayeje ni xi tjiín jaꞌén xi nda. Tsi tjín ni xi nda ko̱jo ni xi tsoboaá nga niꞌántsjá, kuí nii̱ xi ti̱ꞌankjójnú.

1 Xota̱ Tesalónika̱ 4:12

tsi̱ꞌe̱ nga nda tsꞌén ku̱i̱ndyionjnú ngi̱jii̱n xota̱ xi sꞌijinjiín Néná, ko̱jo tsi̱ꞌe̱ nga jmí ni xcha̱jàjínjnú.

1 Timoo̱ 2:2

Chji̱a̱ꞌatjejnú nganda tsi̱ꞌe̱ já ree̱, ko̱jo ngayeje xota̱xá, tsi̱ꞌe̱ nga tsjatsꞌèn ko̱jo xió ku̱i̱ndyión, kó bo̱a̱ tsꞌén ka̱ma xcha̱ndikón Néná, kó ka̱ma xcha̱ndikónná ñá nga.

1 Timoo̱ 4:12

Ngata̱ boeꞌéndièjín ji nga ta̱ ton xchaa̱, ngatꞌa̱ xo̱ngò ji. Ta̱sá chjiéngá chi̱bo̱a̱ ka̱maa̱ ji xota̱ xi sꞌijii̱n Néná kjo̱a̱a̱ xikótsꞌèn ndokjo̱e̱, ko̱jo xikótsꞌèn tindyin, ko̱jo xikótsꞌèn tjiín kjo̱a̱tjó, ko̱jo xikótsꞌèn sꞌijii̱n Néná, ko̱jo xikótsꞌèn tsjie tindyin ji ngindyi̱ko̱n Néná.

1 Timoo̱ 5:10

Chjiéngá xcha̱ kjo̱a̱a̱ ni nda xi katsꞌén, ko̱jo tsi je nda katsꞌénxchá ndií, ko̱jo tsi je nda katsꞌénseén xota̱ xi jachó ndiꞌaa̱, ko̱jo tsi je aniéjón sé xota̱ tsjiee̱ Néná, ko̱jo tsi je asíko̱jo xota̱ xi ndyi̱foaꞌatio kjo̱a̱ni̱ma̱, ko̱jo tsi je katsꞌén ngayeje ni xi ndaa̱.

Xota̱ Ebreo̱ 13:18

Ndókjo̱a̱jnúu̱ Néná kjo̱a̱a̱ ji̱n, ngatꞌa̱ ꞌniátakónjne̱ nga nda tsꞌén tikón kjo̱a̱kjíntakónjne̱ kjo̱a̱a̱ xá xí ndyi̱niꞌánjne̱, kó mejénjne̱ nga ta̱kó nda tsꞌén si̱ꞌanjne̱ ngayeje nii̱.

Xota̱ Ebreo̱ 13:5

Ngata̱ niꞌántjójínjnú to̱o̱n, tsja ngatamajnú xikó kjiꞌi ni xi tjínjnú ngotꞌe̱, ngatꞌa̱ Néná jè bi̱ katsó: “Jmí ni̱xtjin kꞌuijñá so̱bo̱a̱a̱, ti̱nde jmíni̱xtjin kꞌuijñámasiee̱n”.

Xo̱jo̱o̱n Sandiyaá 3:13

ꞌYání xi kjínkón ko̱jo xi ꞌniú makjiín ngi̱jinjnú. Nga ta̱kó kui nii̱ nga nda ni xi sa̱ꞌín, kó ni̱ma̱kjo̱a̱ ngatama nga sa̱ꞌín ni xi tsjaá kui kjo̱a̱kjínkón xi ndaa̱.

1 Xo̱jo̱o̱n Peé 2:15

Ngatꞌa̱ kuí nii̱ xi mejeén Néná: Kjiꞌanga nda si̱ꞌánjnú, kjiꞌá boá nga kjókjojnú tsꞌoa xota̱ xi bejín Néná, kó makjínjiín ni xi tsi̱ꞌe̱.

1 Xo̱jo̱o̱n Peé 3:16

Ta̱nga ngatꞌiéjnú kjo̱a̱ni̱ma̱kjo̱a̱, ko̱jo kjo̱a̱yandikón nga bo̱a̱ si̱ꞌánjnú. Ti̱ꞌánjnú kui nii̱ nga nda tsꞌén kꞌuijñá kjo̱a̱kjíntakónjnú ngindyi̱ko̱n Néná, ki̱a̱ ka̱maa̱ nga kui xota̱ xi ndyi̱chji̱a̱taꞌinjnú, kui xi ndyi̱tsó nga ndajínjnú xota̱, soboá ka̱maa̱ nga sku̱i̱e̱ nga nda ndyi̱niꞌánjnú ngatꞌa̱ sꞌijinjnú Kristoo̱.

1 Xo̱jo̱o̱n Peé 4:11

Tsi tjín xí ku̱i̱chji̱a̱, ngatíchji̱a̱ én xí tsꞌéntsjaá Néná nga ku̱i̱chji̱a̱. Tsi tjín xí ko̱síko̱jo xotaa̱, bo̱a̱ nga tsꞌén xikó kjiꞌi ngaꞌniú xí tsꞌéntsjaá Néná, tsi̱ꞌe̱ nga Néná ko̱e̱ꞌeé kjo̱a̱je kjo̱a̱a̱ ngayeje nii̱ ngatꞌaa̱ Jesukristoo̱, kui xi tsi̱ꞌe̱ ngayeje kjo̱a̱jee̱, ko̱jo ngayeje ngaꞌniuú ngatsjéni̱xtjin. Bo̱a̱ kjiꞌi.

2 Xo̱jo̱o̱n Peé 3:11

Kó nga ngayeje kui nii̱ bo̱a̱ tsꞌén kju̱i̱e̱, a chjiénjín nga tsjie tsꞌén ku̱i̱ndyionjnú ko̱jo nga xcha̱ndikónjnú Néná,

Na̱ Ruu̱t 3:14

Kó na̱ Ruu̱t ki̱a̱ kisꞌietꞌaa̱ Boo̱, kósꞌe̱ kisꞌifé. Nga kamángindyiojón ti̱ jñóyà ngase nga jastjíe̱n na̱ Ruu̱t, bo̱a̱ katsꞌén ngatꞌa̱ Boo̱ kamámejénjiín nga tjín xí sku̱i̱e̱ nga ngo na̱ jachókjajñá nínga tikón ngi̱ndie nínga tsꞌénxá. Ta̱nga ngindiee̱ nga ko̱e̱je̱ ndí na̱xi̱ńdáꞌniú Belee̱n,