1 Xo̱jo̱o̱n Peé 2:1 - Xo̱jo̱n eén Néná

¹ Kuíni nga chjiéngá chja̱ꞌáxínjnúu̱ yojojnú ngayeje to̱ko̱ya ni xi ndajín, ngayeje kjo̱a̱maña, ko̱jo kjo̱a̱jókje̱n, ko̱jo kjo̱a̱ꞌontakón, ko̱jo ngayeje to̱ko̱ya ényà.

1 Xo̱jo̱o̱n Peé 2:1 ပူးပေါင်းရင်းမြစ်များ

Joo̱b 36:13

»Xota̱ xi jókje̱e̱n ndyi̱tsꞌènxchánjo̱ Néná, kó nga tjíbotíjeé, jmíni̱xtjin míꞌaá kjo̱a̱nda.

Xo̱jo̱n Salmoo̱ 32:2

Achichíra̱tsjaa̱ kui nda̱ xi Néná jmí jé tsꞌénkáꞌájín, ko̱jo xi ngi̱jin ini̱ma̱a̱ jmí kjo̱a̱ndisojiín.

Xo̱jo̱n Salmoo̱ 34:13

Ngata̱ boeꞌéndièjíi̱n najen nga ni xi ndajiín ku̱i̱chji̱a̱, ko̱jo ngata̱ boeꞌéndièjíi̱n ndso̱ꞌbe nga éndísó ku̱i̱chji̱a̱.

Xo̱jo̱n Salmoo̱ 37:1

Ngata̱ niꞌínxchínjín ji ta̱ngatꞌanii̱ xota̱ xi ndajiín, ti̱nde ngata̱ maꞌónjíntakín kjo̱a̱a̱ xota̱ xi ni xi ꞌniú ndajín ndyi̱tsꞌe̱én,

Xo̱jo̱n Salmoo̱ 73:3

ngatꞌa̱ kamáꞌonkon an kjo̱a̱a̱ xota̱ xi nkꞌa ꞌboxié yojoo̱, kjiꞌanga kamábe an nga tjitjóninkꞌaa̱ yojoo̱ xota̱ xi ꞌniú ndajiín.

Énkjínkón 14:30

Ngo ini̱ma̱ xi tjiín kjo̱a̱xió, kuí boá xi tsjaá kjo̱a̱mindyion yojoo̱, ta̱nga kjo̱a̱ꞌontakoón, kuí boá xi tsꞌenkjié ngaskande ńdaa̱.

Énkjínkón 24:1

Ngata̱ onjínmátakín kjo̱a̱a̱ xota̱ xi ꞌniú ndajiín, ti̱nde ngata̱ mindyiséjín ji nga ki̱a̱ si̱ꞌinkamaje̱ ji,

Énkjínkón 24:19

Ngata̱ niꞌínxchínjín ji kjo̱a̱a̱ xota̱ xi ta̱nisién ꞌniú ndajiín, ti̱nde ngata̱ onkonjín má ji kjo̱a̱a̱ kui,

Énkjínkón 3:31

Ngata̱ maꞌontakínjín ji kjo̱a̱a̱ xota̱ xi kixi̱jiín ti̱nde nga ki̱a̱jín ꞌmitji̱ngi ji ndi̱yà xí ndyi̱fí.

Matioo̱ 15:7

¡Xota̱ jókje̱n! Kjénní ni xi katsó nda̱ chji̱ni̱e̱ꞌe̱én Néná xi ꞌmí Isayaa̱, nga bi̱ katsó:

Matioo̱ 23:28

Ti̱ bo̱a̱ ti̱ kónjnú jún, ja̱koxi̱ nga kje̱njnú bokó nga xota̱ kixi̱jnú ngi̱jii̱n xotaa̱, ta̱nga ngi̱jii̱n ini̱ma̱jnú tjikítsie maá kjo̱a̱jókje̱n ko̱jo ni xi ndajín.

Matioo̱ 24:51

kó ndi̱a̱a̱ achichí ꞌniú sa̱ꞌínjeé kui mosoo̱, kó ki̱a̱ sa̱ngíyá nínga síndo xota̱ jókje̱e̱n, kó ki̱a̱ boá nínga skja̱ndá ko̱jo nínga skji̱ni̱e̱ya ṉꞌni̱u̱ kui xotaa̱.

Matioo̱ 7:5

¡Jókje̱n! Tjón mára ꞌna̱xié ji yáxtió xi kjingi ndyikin ji, sꞌe̱ nda ka̱matsijeen, tsi̱ꞌe̱ nga xchi̱e̱ ji xtjié xí kjingi ndyi̱ko̱n ntsꞌie.

Markoo̱ 12:15

Ta̱nga Kjisoo̱ tji̱e̱nmá kamákjiín kjo̱a̱jókje̱e̱n kui jaá, kó bi̱ katsoó: –Ánní nga an ndyi̱chjatꞌayákónjnúꞌun. Te̱ꞌéjnúꞌun ngo to̱n xi chji̱a̱ni Roma̱, tsi̱ꞌe̱ nga skotsijèe̱n.

Rkaa̱ 11:44

¡Ni̱ma̱ xò jún já chji̱ni̱e̱kjo̱a̱kiti, ko̱jo já fariseo̱ jókje̱n! Nga jún bo̱a̱ kónjnú xikó maá ngo nga̱tsjo̱ó xí tjiꞌmá, xi xotaa̱ ndyi̱tsjánié nga nde bejín.

Rkaa̱ 12:1

Tji̱e̱nga achichí kjín mi̱ xota̱ kamátikótꞌaa̱ Kjisoo̱ xi ngaskande katsjánié má xkjín, Kjisoo̱ ítsꞌi̱yanii̱ nga tjón bi̱ katsoó xota̱ tsi̱ꞌe̱: –Chónjnú yojojnú kjo̱a̱a̱ nisaa̱n nda̱ꞌyo̱paa̱n já fariseoo̱, ngatꞌa̱ kuí nii̱ xi kjo̱a̱jókje̱e̱n.

Rkaa̱ 6:42

Axa̱ kótsꞌèn ma takín nga bi̱ sée̱ ntsꞌie: “Ntsꞌie, te̱ꞌéndièní nga kꞌoxié an xtjié xí kjingi ndyikin ji”, nga yejín ji yáxtió xi kjingi tse̱. ¡Jókje̱n! Tjón mára ꞌna̱xié ji yáxtió xi kjingi ndyikin ji, sꞌe̱ nda ka̱matsijeen tsi̱ꞌe̱ nga xchi̱e̱ ji xtjié xí kjingi ndyi̱ko̱n ntsꞌie ji.

Juaa̱ 1:47

Nga kamábe Kjisoo̱ nga Natanaee̱l tsꞌéndibá tiña, bi̱ katsoó: –Kꞌi̱e̱ tikón kꞌi̱e̱e̱ ngo nda̱ xi ja̱koxi̱ nga Israee̱l chji̱a̱ni, xi májiín ꞌboṉcha̱.

Xota̱ Roma̱ 1:29

Katsꞌén ngayeje to̱ko̱ya ni xi kixi̱jín, katsꞌén kjo̱a̱tondo̱, kamámejeén ni xi tsi̱ꞌe̱jín, kisꞌiee̱ kjo̱a̱ton, kisꞌiee̱ kjo̱a̱ꞌontakón, katsꞌénkꞌién xkjín, kisꞌiee̱ kjo̱a̱xti, tsꞌenṉcha̱jo xkjín, katsꞌén ni xi ndajín.

1 Xota̱ Korinto̱ 14:20

Jún ntsꞌie, ngata̱ bo̱a̱jín tsꞌén fojintakónjnú xikótsꞌèn tsꞌénkjó jákjíndií, ta̱sá bo̱a̱ ti̱ꞌánjnú xikoó jákjíndií nga tsꞌensénjiín ni xi ndajiín, ta̱nga ti̱ꞌankjójnú xikoó ngo xota̱ xi xchá.

1 Xota̱ Korinto̱ 5:8

Kó kuíni nga chjiéngá si̱ꞌán sꞌué paskuaa̱ nga nda tjíjintakón, ko̱jo nga ja̱koxi̱ ni xi ndyi̱niꞌán, xikó maá pan xi jmí nisan xchájiín. Ngiti̱ si̱ꞌánjín ñá ni xi ndajiín ko̱jo kjo̱a̱too̱n, ngatꞌa̱ kui nii̱ xikónií nisan xi xchaá.

2 Xota̱ Korinto̱ 12:20

Ngatꞌa̱ nda̱ kjimana tsi kjiꞌanga kjuínkátsijenjnúꞌun bo̱a̱jín tsꞌén sa̱kóna jún xikótsꞌèn mejénna an, kó nga bo̱a̱jín tsꞌén sa̱kójnú an xikótsꞌèn mejénjnú jún. Nda̱ kjimana tsi ndyi̱bokjángájnú yojojnú, tsi tjínjnú kjo̱a̱ꞌontakón, ko̱jo tsi tjínjnú kjo̱a̱xti, ko̱jo tsi tjínjnú kjo̱a̱ndikonkón, ko̱jo tsi tjínjnú kjo̱a̱ndokjo̱a̱taꞌin, ko̱jo tsi tjínjnú ényà, ko̱jo tsi tjínjnú kjo̱a̱nkꞌatakón, ko̱jo tsi tjínjnú kjo̱a̱xchán.

Xota̱ Éfeso̱ 4:31

Ti̱ꞌanchꞌójnúu̱ yojojnú kjo̱a̱ndasee̱n, ko̱jo kjo̱a̱xtindaa̱, ko̱jo kjo̱a̱tamaá, ko̱jo kjo̱a̱chaꞌayaá, ko̱jo kjo̱a̱chꞌotsoó, ko̱jo ngayeje ni xi ndajiín.

1 Xota̱ Tesalónika̱ 2:3

Kjiꞌanga kiꞌmíyàjne̱ eén, jmí tsi bo̱a̱jín kjiꞌi ni xi kiꞌmíyàjne̱, ti̱nde jmíjiín ni xi ndándí, ti̱nde jmí tsi kandokjo̱a̱jne̱ tsi̱ꞌe̱ nga tjín xí xꞌi̱ṉcha̱jojne̱.

1 Timoo̱ 3:11

Ti̱ bo̱a̱ ti̱ tsꞌén ínchjiín kui jaá, chjiéngá xcha̱ndikón, ko̱jo nga ku̱i̱ꞌíndisotaꞌinjín xota̱, ko̱jo nga nda tsꞌén kꞌuijñá kon, ko̱jo nga kui xi ka̱ma ka̱maꞌniátakón kjo̱a̱a̱ ngayeje nii̱.

Titoo̱ 2:3

Ti̱ bo̱a̱ ti̱ tsꞌén ínchjín xi xchaá, chjiéngá sku̱i̱e̱ndikón Néná, ko̱jo chjiénjín nga éndísó kꞌuitsómajo̱, ko̱jo ka̱májín tsꞌatio kꞌuí bino̱, ko̱jo chjiéngá na̱ mostraa̱ ni xi ndaa̱ ka̱ma,

Xota̱ Ebreo̱ 12:1

Achichí má xota̱ xi síndo nga ngo foaꞌatjiyajonná xí chistiko̱ nga bokóná xikótsꞌèn kisꞌijii̱n Néná, kuíni nga ñá xín kꞌuijñá ni xi tsꞌenníꞌínná ko̱jo kui jé xí mejeén kꞌo̱jmingíná, kó si̱ꞌanngaꞌniú nga kjuínrá nínga ndyi̱mongín.

Xo̱jo̱o̱n Sandiyaá 1:21

Kó kuíni nga chja̱ꞌáxínjnúu̱ yojojnú ngayeje ni xi ndándí ko̱jo ngayeje ni xi ndajín xi achichí tjín kuí nga̱sondiee̱, kó ni̱ma̱kjo̱a̱ ngatamajnú nga si̱ꞌanjo̱ꞌojnú kui én xí Néná je ítji̱e̱jin ngi̱jin ini̱ma̱jnú, ngatꞌa̱ kui eén tjínrií ngaꞌniú tsi̱ꞌe̱ nga kꞌo̱xiéꞌájnú.

Xo̱jo̱o̱n Sandiyaá 3:14

Ta̱nga tsi kjo̱a̱ꞌontakón tikónjii̱n ini̱ma̱jnú, kó tsi ndyi̱bixkánjnú nga mejénjnú ko̱kójnú ꞌyání xi chꞌokon ngase, ngata̱ jejín ꞌna̱xiéjnú yojojnú, ti̱nde ngata̱ miyoniéjínjnú ni xi ja̱koxi̱i̱.

Xo̱jo̱o̱n Sandiyaá 4:11

Jún ntsꞌie, ngata̱ ja̱kꞌi̱e̱ ja̱ngajánjín ndokjo̱a̱taꞌínjnú xingi̱jnú. Xi chji̱a̱taꞌin ko̱jo xi ꞌbítꞌajé ntsꞌi̱e̱, ti̱ chꞌo tsꞌén tsꞌénchji̱a̱ kjo̱a̱a̱ kjo̱a̱kitii̱, ko̱jo ti̱ tsꞌénchji̱a̱taꞌin tsi nda ko̱jo tsi ndajín tsó kjo̱a̱kitii̱ nga. Kó tsi ji bo̱a̱ tꞌísé ji nga nda ko̱jo tsi ndajín kui kjo̱a̱kitii̱, tindaꞌyéꞌínjíi̱n, ta̱sá ta̱ bo̱a̱ tsí tꞌísé tsi nda ko̱jo tsi ndajín tsó kjo̱a̱kitii̱.

Xo̱jo̱o̱n Sandiyaá 4:5

Jè yàjnú nga jmí tsi ta̱ kjo̱a̱ndaní nga bi̱ tsó xo̱jo̱o̱n: “Néná íjñajinná A̱si̱énni̱xtjii̱n, kó kui A̱si̱énni̱xtjii̱n tsꞌatio tsꞌéntjóná.”

Xo̱jo̱o̱n Sandiyaá 5:9

Jún ntsꞌie, ngata̱ jmí kjo̱a̱xti mindyiajenjínjnúu̱ xingi̱jnú, tsi̱ꞌe̱ nga sa̱tíjéjínjnú, ngatꞌa̱ xi tsáyà tsi nda ko̱jo tsi ndajín ndyi̱tsꞌèn xotaa̱ jè tikónxtió nga̱ntjo̱a̱a̱.

1 Xo̱jo̱o̱n Peé 2:16

Xota̱ ndéjnú ngindyi̱ko̱n Néná, ta̱nga ngata̱ kuijín kjo̱a̱ndeé niꞌánkjiénjnú tsi̱ꞌe̱ nga si̱ꞌánjnú ngo ni xi ndajínkjiꞌi, ta̱sá ti̱ndyiónjnú xikoó xota̱ xi mosoo̱ Néná.

1 Xo̱jo̱o̱n Peé 2:22

Kristoo̱ ngojín jé katsꞌén, ti̱nde jmíni̱xtjin tjín xí tsꞌenṉcha̱jo nga tsíchji̱a̱,

1 Xo̱jo̱o̱n Peé 3:10

Ngatꞌa̱ bi̱ tsó xo̱jo̱n eén Néná: Xi mejeén tjó sa̱ꞌín kjo̱a̱mindyioo̱n, kó mejeén sku̱i̱e̱ ni̱xtjin xi nda, nga koo̱n na̱je̱n, nga chꞌójín tsꞌén ku̱i̱chji̱a̱, kó nga koo̱n tsꞌoa nga jmí éndísó ku̱i̱chji̱a̱jín.

1 Xo̱jo̱o̱n Peé 4:2

tsi̱ꞌe̱ nga xikó kjiꞌi ni̱xtjin xi chaja ngasee̱ nga kꞌuijñá nga̱sondiee̱, kꞌuijñá xikótsꞌèn mejeén Néná, kó jmí tsi xikótsꞌèn mejeén kjo̱a̱niꞌánkjoó xotaa̱.

1 Xo̱jo̱o̱n Peé 4:4

Ta̱nga ngotꞌe̱ ꞌne̱ nga ngiti̱ ndyi̱niꞌánkamajo̱jínjnú kui xota̱ xi ndyi̱tsꞌèn ni xi ndajiín, kuíni nga ta̱ bi̱ ta̱ máa, kó chꞌo tsójnú,

Ni xi akakoo̱ 14:5

kó nde ngo kjo̱a̱ndiso tsíchji̱a̱jín tsꞌoa, ngatꞌa̱ ta̱nisién tsjie síndo ngindyi̱ko̱n xi botixómaá.