1 Xo̱jo̱o̱n Peé 1:8 - Xo̱jo̱n eén Néná

⁸ Jesukristoo̱ xí ndyi̱niꞌántjójnú ndatsi kamáyàjínjnú kó kisꞌie kje̱n, kó tjisꞌíjinjnú ndatsi ngotꞌe̱ yàjínjnú kje̱n, achichí kjo̱a̱tsja xi ꞌniú jè tjínjnú, kó ngaskande nde yàjín kótsꞌèn kꞌuiyá kuí nii̱,

1 Xo̱jo̱o̱n Peé 1:8 ပူးပေါင်းရင်းမြစ်များ

Én xí nda xi ꞌniú tsjatsó ngasee̱ 1:7

Tꞌíyéní jí, ji xi ngayejení ini̱ma̱na nga tjóna, ñání ꞌmije̱ ji nga fíkjién xtín cho̱tsa̱nga̱ xi tse̱. Kó nga ma ndisꞌueé, ñání tsꞌénkjaꞌyá. Chjiénjín nga kjótsoꞌbásón an, nga ki̱a̱ kongasee ngi̱jii̱n xtín cho̱tsa̱nga̱a̱ amingo̱o̱.

Én xí nda xi ꞌniú tsjatsó ngasee̱ 5:16

Achichí ixi tsꞌoa, achichí tsjá mána kui. ¡Bo̱a̱ kjíꞌí kui xota̱ xi tjóna an, jún ínchjín xi chji̱a̱ni na̱xi̱ńdáꞌniú Jerusalee̱n! ¡Bo̱a̱ kjíꞌí kui xota̱ xi mejénna an!

Én xí nda xi ꞌniú tsjatsó ngasee̱ 5:9

Mí ni xi nda ngase xi tjiín xota̱ xi tjoó jí. Ji chjo̱on tsjakjiꞌi, xi tsjakjiꞌi ngase ji ngi̱jii̱n ínchjín xí tsjakoo̱n. Mí ni xi nda ngase xi tjiín xota̱ xi tjoó jí, nga bo̱a̱ má ta̱ kjiꞌi ni xi chjiéꞌéjne̱.

Matioo̱ 10:37

Ngayeje xota̱ xi ꞌniú ngase tjoó na̱ꞌmii̱ ko̱jo na̱aa̱n ta̱bo̱a̱jiín án, ka̱májín xota̱ tsa̱ꞌa̱n ka̱ma. Ngayeje xi ꞌniú mején ngasee̱ ndí xi̱ꞌii̱n ko̱jo tsi ndí chjo̱ón ta̱bo̱a̱jiín án, ti̱ ka̱májín xota̱ tsa̱ꞌa̱n ka̱ma nga,

Juaa̱ 14:15

Tsi tjójnú án, chjiéngá si̱ꞌankjatjosónjnú kjo̱a̱botíxomana.

Juaa̱ 14:21

Xi tikoón kjo̱a̱botíxomana, kó sa̱ꞌínkjatjosón, kuí xi̱ꞌba̱ xi tjoó an, kó xi tjoó an, ti̱ sa̱ꞌíntjó Na̱ꞌmina, kó an sa̱ꞌíntjó an, kó kokòo̱ ꞌyání án.

Juaa̱ 14:24

Xi tjójiín an, tsꞌénkjátjosónjín kjo̱a̱botíxomana, kó én xí je tsintꞌié tsa̱ꞌa̱njín bo̱a̱, tsi̱ꞌe̱ Na̱ꞌmi xi katsangiyana boá.

Juaa̱ 16:22

Kó jún ndasen kjimajnú ngotꞌe̱, ta̱nga nga skuié nginíjnúꞌun, tsja ka̱maa̱ ini̱ma̱jnú, kó nde ngojín xi ka̱maa̱ kjo̱a̱ꞌáxínjnú kjo̱a̱tsjajnú.

Juaa̱ 20:29

Sꞌe̱ Kjisoo̱, bi̱ katsó: –A ngatꞌa̱ kamáyèní Toma̱, a kuíni nga kisꞌijinnii̱. Achichíra̱tsjaa̱ xota̱ xi kamábejínna, kó kisꞌijii̱n.

Juaa̱ 8:42

Sꞌe̱ Kjisoo̱, bi̱ katsó: –Tsi ja̱koxi̱ nga Néná xí na̱ꞌmijnú, tjóra̱ si̱ꞌánjnúꞌun, ngatꞌa̱ Néná boá xi na̱ꞌmina, kó jéꞌe̱ an kꞌi̱e̱e̱, ngatꞌa̱ jéꞌe̱so̱bo̱a̱jín an, na̱ꞌmina boá xi katsangiyana.

Ni xi kamá 16:34

Sꞌe̱ jaskan kijíjo̱ ndiꞌaa̱, kósꞌe̱ katsjaá nichinie, kó kui nda̱juu̱n ko̱jo xota̱ ngi̱ya ndiꞌaa̱ achichí tsja kamaá ngije kisꞌijii̱n Néná.

Xota̱ Roma̱ 14:17

Ngatꞌa̱ nínga botixómá Néná jmí tsi nichiniee̱ ko̱jo tsi ni ꞌyoó xi ꞌniú chjínií, kjo̱a̱kixi̱i̱, ko̱jo kjo̱a̱xioó, ko̱jo kjo̱a̱tsjaa̱ A̱si̱énni̱xtjii̱n Néná xí chjínií.

Xota̱ Roma̱ 15:13

Kó Néná xí kjimaꞌniátakón, ngatsjájnú kjo̱a̱tsja, ko̱jo kjo̱a̱xió jún xi sꞌijinjnú, tsi̱ꞌe̱ nga ngaꞌniuú A̱si̱énni̱xtjii̱n Néná tsie kjo̱a̱chiyá tsja̱ajnú.

1 Xota̱ Korinto̱ 16:22

Tsi tjín xi tjójiín Ndi̱a̱ná Jesukristoo̱, ngatꞌíko̱jonii̱. ¡Ja̱bíꞌi̱n Ndi̱a̱!

2 Xota̱ Korinto̱ 1:22

Kuí Néná xi je katsꞌénkaꞌaná chi̱bo̱a̱ nga íjñajin ngi̱jin ini̱ma̱ná A̱si̱énni̱xtjii̱n, xikoó ngo ni xi tikónngí tsi̱ꞌe̱ nga xcha̱ nga sa̱ꞌínkjatjosón ni xi jaskan tsja̱aná.

2 Xota̱ Korinto̱ 12:4

kui nda̱a̱ tsangínjo̱ ngi̱ndie tsjachoo̱n Néná, nínga tsintꞌié én xí ꞌniú tjiꞌmá xi kji̱e̱ ngo xota̱ nga̱sondiee̱ xi boeꞌéndieè nga ku̱i̱chji̱a̱.

2 Xota̱ Korinto̱ 4:18

Jmí tsi ni xi ndyi̱yà xí si̱ꞌansée̱n, kuí ni xi yàjiín xi si̱ꞌansée̱n, ngatꞌa̱ ni xi yaa̱, ta̱ ngotjón tsí sꞌijña, ta̱nga ni xi yàjiín ngatsjéni̱xtjin sꞌijña.

2 Xota̱ Korinto̱ 5:7

Ngatꞌa̱ ta̱ngatꞌanií kjo̱a̱sꞌijii̱n nga tindyión, jmí tsi kjo̱a̱a̱ ni xi ndyi̱yà.

2 Xota̱ Korinto̱ 9:15

¡Ndokꞌóchji̱ì Néná kjo̱a̱a̱ ni xi tsjáná! ¡Nde jmíjínná ngo én kó kꞌuíi̱n kjo̱a̱nda je xi ta̱ katsjá tsíná!

Xota̱ Ngalasia̱ 5:22

Ta̱nga ni xi ꞌbítji̱e̱jinná A̱si̱énni̱xtjii̱n Néná, kuí ni xi̱ꞌbi̱: kjo̱a̱tjó, ko̱jo kjo̱a̱tsja, ko̱jo kjo̱a̱xió, ko̱jo kjo̱a̱jekon, ko̱jo kjo̱a̱ni̱ma̱takón, ko̱jo kjo̱a̱ndaxota̱, ko̱jo kjo̱a̱sꞌijin,

Xota̱ Ngalasia̱ 5:6

Ngatꞌa̱ ndokꞌóchji̱nií Kristo̱ Kjisoo̱, nga ngiti̱ chjíjiín tsi kiniꞌán, ko̱jo tsi kiniꞌánjáa̱n sirkunsisioo̱n yojoná. Kjo̱a̱sꞌijii̱n Néná xí chjínií, ngatꞌaa̱ kjo̱a̱tjoó.

Xota̱ Éfeso̱ 3:19

Kó míꞌáa̱ Néná tsi̱ꞌe̱ nga xcha̱jnú kui kjo̱a̱tjoó Kristoo̱ xi foaꞌatjoón ngayeje kjo̱a̱kjíntakón, tsi̱ꞌe̱ nga Néná sꞌi̱jñajin ndo̱jò ndójo̱jnú.

Xota̱ Éfeso̱ 6:24

Ngatꞌieé kjo̱a̱nda ngayeje xota̱ xi tjoó Ndi̱a̱ná Jesukristoo̱, ngo kjo̱a̱tjó xi fejín. Bo̱a̱ kjiꞌi.

Xota̱ Filipo̱ 1:25

Kó be án nga bo̱a̱ kjiꞌi kui nii̱, kó kotíjña̱ ngase an, kó ta̱kó kotíjña̱jinjnúꞌun ngayejejnú tsi̱ꞌe̱ nga ꞌniú ngase sꞌi̱jinjnú, kó tsja ka̱majnú nga bo̱a̱ si̱ꞌánjnú.

Xota̱ Filipo̱ 3:3

Ngatꞌa̱ sirkunsisio̱n xi ndaa̱, kuí xí kichꞌiá ñá xi yandikón Néná xikótsꞌèn bokoyáná A̱si̱énni̱xtjii̱n, kó kjimaꞌniátakón ñá ni xi katsꞌén Kristo̱ Kjisoo̱, jmí tsi ni xi kiniꞌaán yojoná.

Xota̱ Filipo̱ 4:4

Tsja ngatamajnú ngatsjéni̱xtjin ngatꞌaa̱ Ndi̱a̱ná. Ingo ndi̱yà bo̱a̱ xian nginíjnúꞌun: ¡Tsja ngatamajnú!

Xota̱ Ebreo̱ 11:1

Kjiꞌanga sꞌijinná Néná, ya nga ja̱koxi̱ boá nga sa̱kóná ni xi ndyi̱chiyáa̱, ko̱jo nga je kamákjínná nga tjín ni xi ndyi̱yà, ndatsi ndyikón nde májín be.

Xota̱ Ebreo̱ 11:27

Ta̱ngatꞌanii̱ kjo̱a̱sꞌijii̱n Moisee̱ kuíni nga jatjoni nangi Ejipto̱, kó katsakjónjín nga katsꞌénxchán nda̱ ree̱, kó bo̱a̱ katsꞌén nga ꞌniú kisꞌijña xikó maá tsi askotsijee̱n kui Néná xi májín yaa̱.

1 Xo̱jo̱o̱n Peé 1:6

Ta̱ngatꞌanii̱ kui nii̱ nga jún tsjangatꞌiéjnú ndatsi ngi chiboa tsí ni̱xtjin nga ku̱i̱tja̱tiójnú kjín to̱ko̱ya kjo̱a̱chjatꞌayákón,

1 Xo̱jo̱o̱n Peé 2:7

Jún xi je sꞌijinjnú Ndi̱a̱ná, achichí chjínií májnú jún, ta̱nga xota̱ xi sꞌijinjiín kui, ki̱a̱ boá nga fotjosón ni xi tsó xo̱jo̱n eén Néná: Kui ndi̱jo̱ xi katsꞌénchꞌó já chji̱ni̱e̱xo̱ó, kuí boá xi ndi̱jo̱ xi sꞌi̱tjatsꞌennii̱ ndiꞌaa̱ kamá.

1 Xo̱jo̱o̱n Peé 5:4

Kó bo̱a̱ tsꞌén kjiꞌanga kji̱ndi̱bá nda̱ xi ꞌniú nkꞌa xaá xi koo̱n cho̱tsa̱nga̱a̱, jún sa̱kójnú chjií kjo̱a̱je xi jmíni̱xtjin fotsoo̱n.