1 Xo̱jo̱o̱n Peé 1:7 - Xo̱jo̱n eén Néná

⁷ tsi̱ꞌe̱ nga chjátꞌayákón kjo̱a̱sꞌijinjnú, ngatꞌa̱ kuí xí chjí ngasenii̱ ta̱bo̱a̱jiín to̱nsinieé, kui xi maa̱ fotsoo̱n kó ndiꞌí chitꞌani. Kó bo̱a̱ tsꞌén kui kjo̱a̱sꞌijii̱n xcha̱ nga kꞌuieé kjo̱a̱niꞌántsjà, ko̱jo kjo̱a̱je, ko̱jo kjo̱a̱yandikón kjiꞌanga ko̱kó yojoo̱ Jesukristoo̱.

1 Xo̱jo̱o̱n Peé 1:7 ပူးပေါင်းရင်းမြစ်များ

Joo̱b 23:10

Ta̱nga Néná jè be nínga tsoꞌbá an, kó tsi skítꞌayákónna, bo̱a̱ má kꞌuié án xikoó to̱nsinié xi kui soboá soboaá.

Joo̱b 28:1

«To̱ntiboaa̱ ki̱a̱ ꞌnaxiéni ti̱xa̱na̱xi̱i̱, kó to̱nsinieé ndiꞌií boá xi niꞌántsjieni.

Xo̱jo̱n Salmoo̱ 17:3

Jè kichitꞌe ji ini̱ma̱na, jè kitsitsijìnní nga jñoó nga kachjatꞌayékínní, kó jmí ni xi ndajín kasakojiín, jè be an nga jmí én chꞌo tsó kuichji̱a̱jín an.

Énkjínkón 16:16

Nda ngase nga kꞌuiéná kjo̱a̱kjínkón, ta̱bo̱a̱jiín to̱nsinié xi ndaa̱, ko̱jo nda ngase nga kꞌuiéná kjo̱a̱kjíntakón, ngatꞌa̱ chjí ngasenii̱ ta̱bo̱a̱jiín to̱ntiboaa̱.

Énkjínkón 17:3

To̱nsinieé ko̱jo to̱ntiboaa̱, ndiꞌií boá xi chitꞌani tsi nda ko̱jo tsi ndajín, ta̱nga ñá, Néná boá xi kotꞌa ini̱ma̱ná.

Énkjínkón 8:19

Ni xi tsꞌéntsja an, chjí ngasenii̱ ta̱bo̱a̱jiín to̱nsinié xi kui soboá soboaá, ko̱jo to̱ntiboa xi je katjoꞌójii̱n.

Eklesiastee̱ 5:14

Kó nga ngayeje kui to̱o̱n xi ka̱ma kju̱i̱e̱ tsi ndajín tsꞌén si̱ꞌanxájo̱, kósꞌe̱ kui xi cho̱n mára kamaá, nde ngiti̱ jmí ni kꞌuiéjiín xi ku̱i̱ꞌíjñaá ndií ngijee̱,

Xki̱ 5:28

»Ta̱nga tsi kui naa̱ tsꞌenṉcha̱jojín xi̱ꞌii̱n, jmí ni xi ndajín ka̱maa̱, kó ka̱ma kꞌuieé ndí.

Matioo̱ 19:28

Kó Kjisoo̱, bi̱ katsó: –Ja̱koxi̱ ni xi xiánjnúꞌun nga, nga kjo̱chó ni̱xtjin nga ngayeje nii̱ ka̱matja̱tsi̱e̱ya, kjiꞌanga ndií nda̱ xi̱ꞌii̱n ko̱tíxoma nínga tikón kjo̱a̱jee̱, jún xi timatji̱ngijnúꞌun, ki̱a̱ ku̱i̱ndyionsónjnú nga tiejó yáxíríe̱ nínga botíxomaa̱, tsi̱ꞌe̱ nga bo̱a̱ kꞌuínjnú tsi tjiín ko̱jo tsi jmíjiín jé nga tiejó tji̱e̱e̱ xota̱ xi chji̱a̱ni Israee̱l.

Matioo̱ 25:21

Sꞌe̱ ndi̱a̱a̱, bi̱ katsoó: «Ndakjiꞌi, ngo moso̱ xi nda ko̱jo xi maꞌniátakón boá ji, kó nga nda kichíi̱n ni chiboa xi katsjaa, tsie ngase nina xchíi̱n. ¡Ja̱bíꞌi̱n, kó nijan si̱ꞌantsjà!»

Matioo̱ 25:23

Sꞌe̱ ndi̱a̱a̱, bi̱ katsoó: «Ndakjiꞌi, ngo moso̱ xi nda ko̱jo xi maꞌniátakón boá ji, kó nga nda kichíi̱n ni chiboa xi katsjaa, tsie ngase nina xchíi̱n. ¡Ja̱bíꞌi̱n, kó nijan si̱ꞌantsjà!»

Rkaa̱ 12:33

Tatíñájnú ngayeje ni xi tjínjnú, kó to̱o̱n to̱nchji̱e̱ ti̱ꞌánjnú nga ko̱e̱ꞌéjnúu̱ xota̱ xi chjieén, ti̱ꞌandajnú stsa xi ka̱maxchájín, kó chja̱ꞌátjójnú ndiꞌakꞌajmi jàn kjo̱a̱cho̱n xi kju̱i̱e̱jín, nínga chejeé kjo̱chójín, ko̱jo nínga xobií ka̱májiín sa̱ꞌínkjié.

Rkaa̱ 17:30

Bo̱a̱ má ka̱ma nga ko̱kó yojoo̱ ndií nda̱ xi̱ꞌii̱n.

Juaa̱ 12:26

Tsi tjín xí sa̱ꞌínsénna, ngatjandibátjingína, kó nínga kotíjña̱ an, ti̱ ki̱a̱ kꞌuijñá nda̱ xi sa̱ꞌínsénna. Tsi tjín xí sa̱ꞌínsénna, Na̱ꞌmina sku̱i̱e̱ndikón.

Juaa̱ 5:44

Kótsꞌèn ka̱ma sꞌi̱jinjnú, nga ja̱kꞌi̱e̱ ja̱ngaján ndyi̱boeꞌéjnúu̱ kjo̱a̱je xingi̱jnú, kó ndyi̱mindyiséjínjnú kjo̱a̱je xi tsja̱aná Néná xí ngototoo̱.

Ni xi kamá 8:20

Ta̱nga Peé, bi̱ katsoó: –¡Ngachaja ji ko̱jo tòo̱n, ngatꞌa̱ tiniꞌínkjé jí nga stiñá kjo̱a̱ndaa̱ Néná!

Xota̱ Roma̱ 2:10

Ta̱nga kjo̱a̱je, ko̱jo kjo̱a̱yandikón, ko̱jo kjo̱a̱xió sa̱ko̱ó ngayeje xota̱ xi ni xi nda ndyi̱tsꞌèn, tsi xota̱ jundío̱ ko̱jo tsi xota̱ jundío̱jín.

Xota̱ Roma̱ 2:29

Kuí xí xota̱ jundío̱ xi xota̱ jundío̱ ngi̱ya yojoo̱ nga, kó sirkunsisio̱n xi ndaa̱ kuí xí xikoó tsi ngi̱jin ini̱ma̱a̱ xotaa̱ nga kiniꞌaán, kó A̱si̱énni̱xtjii̱n Néná boá xi bo̱a̱ tsꞌén, jmí tsi kjo̱a̱a̱ xikó tsó kjo̱a̱kitii̱. Néná boá xi tsꞌénjóꞌo xota̱ xi ja̱koxi̱ nga ngi̱jin ini̱ma̱a̱ nga kiniꞌaán sirkunsisioo̱n, kó jmí tsi xotaa̱.

Xota̱ Roma̱ 2:7

Kjo̱a̱mindyion ngatsjéni̱xtjin tsja̱á xota̱ xi ndyi̱koyakjo̱a̱ nga ta̱ngongá ni xi nda ndyi̱tsꞌèn, kó nga ndyi̱mongase nga sa̱ko̱ó kjo̱a̱je, ko̱jo kjo̱a̱yandikón, ko̱jo nga kꞌuíndo ngatsjéni̱xtjin.

Xota̱ Roma̱ 8:19

Ngatꞌa̱ ngayeje ni xi katsꞌénda Néná, achichí ni xi kjimaa̱ nga ndyi̱koya nga ko̱kó cha̱n cha̱n Néná nga ñá boá xi ndií.

1 Xota̱ Korinto̱ 3:13

Xcha̱ xá xí katsꞌén nga ngo nga ngo xotaa̱ ni̱xtjin nga Néná tsja̱á ni xi tsoboaá xotaa̱, ngatꞌa̱ ndiꞌí xí kjo̱e̱ꞌe kuí ni̱xtjii̱n, ko̱kó kókón xá xí katsꞌén nga ngo nga ngo xotaa̱.

1 Xota̱ Korinto̱ 4:5

Kó kuíni nga, ngata̱ júnjín bo̱a̱ ꞌmíjnú tsi nda ko̱jo tsi ndajín ndyi̱tsꞌèn xotaa̱ nga ngindie ni̱xtjin, ta̱sá chiyájnúu̱ ngaskande nga kjo̱e̱ꞌe nginí Ndi̱a̱ná, ngatꞌa̱ kuí boá xi ku̱i̱ꞌíjñátsijen ni xi tjiꞌmaá, ko̱jo ni xi niꞌánkjó nga ngo nga ngo ñá, kó ko̱kó ngayeje ni xi mejeén sa̱ꞌín ini̱ma̱a̱ xotaa̱, kósꞌe̱ bo̱a̱ tsꞌén kui ni̱xtjii̱n nga Néná nda tsꞌén ku̱i̱chji̱a̱ kjo̱a̱a̱ ni xi katsꞌén nga ngo nga ngo xotaa̱.

Xo̱jo̱o̱n Sandiyaá 1:12

Achichíra̱tsjaa̱ ngo nda̱ xi xchíkjo̱a̱a̱ kjo̱a̱chjatꞌayákón xi tsꞌénfoaꞌajin, ngatꞌa̱ ngije nda jatjo nga kachjatꞌayákón, sa̱ko̱ó kjo̱a̱mindyion ngatsjéni̱xtjii̱n, kuí boá chjí xí katsóyàtjón Néná nga tsja̱á xota̱ xi tsꞌéntjó Néná.

1 Xo̱jo̱o̱n Peé 1:13

Kuíni nga ti̱ndyiondajnú nga kꞌuiéjnú kjo̱a̱kjínkón, kó nda ti̱ꞌankjójnú ni xi si̱ꞌánjnú, kó chiyá ndo̱jò ndójo̱jnúu̱ kjo̱a̱nda xi kjo̱e̱ꞌéjo̱jnú kjiꞌanga ko̱kó yojoo̱ Jesukristoo̱.

1 Xo̱jo̱o̱n Peé 1:5

Ngaꞌniuú tjítsꞌénkjién nga tsꞌénkoón jún, ta̱ngatꞌanii̱ nga sꞌijinjnú, tsi̱ꞌe̱ nga Néná kꞌo̱xiéꞌá kjin kjin xota̱ xi tsi̱ꞌe̱ xikótsꞌèn je tikónndaa̱ ni̱xtjin xi kjifetꞌaa̱.

1 Xo̱jo̱o̱n Peé 2:4

Kristoo̱ boá xi xikoó ngo ndi̱jo̱ xi tikón xi katsꞌénchꞌó xotaa̱, ta̱nga Néná xikoó ngo ndi̱jo̱ xi je katjoꞌójin xi achichí chjínií máa kui, kó nga ndyi̱niꞌántiñatꞌajnúu̱ yojojnú Kristoo̱,

1 Xo̱jo̱o̱n Peé 2:7

Jún xi je sꞌijinjnú Ndi̱a̱ná, achichí chjínií májnú jún, ta̱nga xota̱ xi sꞌijinjiín kui, ki̱a̱ boá nga fotjosón ni xi tsó xo̱jo̱n eén Néná: Kui ndi̱jo̱ xi katsꞌénchꞌó já chji̱ni̱e̱xo̱ó, kuí boá xi ndi̱jo̱ xi sꞌi̱tjatsꞌennii̱ ndiꞌaa̱ kamá.

1 Xo̱jo̱o̱n Peé 4:12

Jún ndí ntsꞌie xi tjóna, ngata̱ fíndikónjínjnú kjo̱a̱a̱ kjo̱a̱chjatꞌayákón xi ndyi̱bitjajinjnú, xikoó tsi ngo ni xi yàjínjnú ka̱majnú.

1 Xo̱jo̱o̱n Peé 4:13

Ta̱sá tsja ngatamajnú nga ko̱jo jún ku̱i̱tja̱tiójnú kui kjo̱a̱ni̱ma̱ xi xikoó xi jaꞌatio Kristoo̱, tsi̱ꞌe̱ nga tsja ka̱majnú kjiꞌanga kji̱ndi̱bá nginí Kristoo̱ nga ko̱kó kjo̱a̱jee̱.

1 Xo̱jo̱o̱n Peé 5:1

Xota̱ xi xchá án ngi̱jii̱n xota̱ na̱ngo̱xi̱i̱, kó chistiko̱ án kjo̱a̱a̱ kjo̱a̱ni̱ma̱ xi jaꞌajin Kristoo̱, kó nga be an nga ti̱ sa̱kóchiína kjo̱a̱je xi sꞌe̱ sꞌi̱jñatsijee̱n, kuíni nga ꞌniú míꞌáa̱ xota̱ xi xchaá na̱ngo̱xi̱i̱ xi síndojinjnú nga bi̱ xiaan:

2 Xo̱jo̱o̱n Peé 1:1

Án xí ꞌmína Ximo̱ Pé, nda̱ moso̱ ko̱jo nda̱ apostroo̱ Jesukristoo̱, tsꞌentindejnúꞌun jún xota̱ xi je kasakojnú ngo kjo̱a̱sꞌijin xi bo̱a̱ tsꞌén chjínií xikoó xi tsa̱ji̱n, ta̱ngatꞌanii̱ kjo̱a̱kixi̱i̱ Jesukristoo̱, kui xi Néná xí tsꞌaxiéꞌáná.

2 Xo̱jo̱o̱n Peé 1:4

Kó ti̱ katsjáná kjo̱a̱nda xi chjínií ko̱jo xi tsjakon xi katsóyàtjón nga tsja̱aná. Ta̱ngatꞌanii̱ kui nii̱ nga jún ka̱ma ku̱i̱ndyionjnú xi kótsꞌèn tikón Néná, nga je ikiyojnúu̱ ni xi ndajín xi chji̱a̱ni kui nga̱sondiee̱, kui ni xi mejeén ini̱ma̱a̱ kui xotaa̱.

2 Xo̱jo̱o̱n Peé 3:14

Kuíni nga jún ndí ntsꞌie xi tjóna, tji̱e̱nga ndyi̱chiyájnúu̱ nga kjo̱e̱ꞌe Ndi̱a̱ná, ti̱ꞌánjnú ngo kjo̱a̱ꞌniú tsi̱ꞌe̱ nga kꞌuiéjnú kjo̱a̱xió ngindyi̱ko̱n Néná, ko̱jo nga jmí kjo̱a̱ndándí kꞌuiéjínjnú ko̱jo nga jmíjín xi ka̱maa̱ chꞌo tsꞌén ku̱i̱chji̱a̱taꞌinjnú.

Xo̱jo̱o̱n Jundaa̱ 1:24

Néná tjiín ngaꞌniú nga skónjnú tsi̱ꞌe̱ nga kꞌo̱kajínjnú, ko̱jo tsi̱ꞌe̱ nga ndándíjín ka̱majnú nga kongínjnú ngindyi̱ko̱n kui, kó nga ꞌniú tsja kꞌuiéjnú nga kjóchójnú nínga tikón kjo̱a̱jee̱,

Ni xi akakoo̱ 1:7

Jéꞌe̱n, kꞌi̱e̱ tsꞌéndibájin ngi̱jin ṉdi̱i̱, kó ngayeje ndyikon xi sku̱i̱e̱, ngaskande xota̱ xi katsꞌénꞌoón, ko̱jo ngayeje tji̱e̱e̱ xota̱ xi tjín kuí tꞌanangii̱, kó skja̱ndá ta̱ngatꞌanii̱ kui. Jo̱o̱n, bo̱a̱ kjiꞌi.

Ni xi akakoo̱ 2:10

Ngata̱ ndakinjín má kjo̱a̱a̱ kjo̱a̱ni̱ma̱ xi ku̱i̱tje̱tí ji. Tsitsíjin ngatꞌa̱ xindajín ndiabloo̱ ndo̱bo̱a̱yà sa̱ngísꞌién chiboajnú, tsi̱ꞌe̱ nga xchítꞌayákónjnú jún, kó bo̱a̱ tsꞌén ku̱i̱tja̱tiójnú kjo̱a̱ni̱ma̱ tie ni̱xtjin. ꞌNiú tindyin ji ngaskande ndatsi ko̱yè jí, kó an tsjaa ngo chjí, kó kuí boá xi kjo̱a̱mindyioo̱n.

Ni xi akakoo̱ 3:10

Ngatꞌa̱ nga jè kiniꞌínkjatjosén ji eén kjo̱a̱chiyákjo̱a̱na, ti̱ bo̱a̱ ti̱ tsꞌén an skoon ji nga kjo̱chó chi̱bo̱a̱a̱ kjo̱a̱chjatꞌayákón xi kji̱ndi̱bánié ngayeje nga̱sondiee̱, tsi̱ꞌe̱ nga xchítꞌayákón ngayeje xota̱ xi síndo tꞌanangii̱.

Ni xi akakoo̱ 3:18

Kuíni nga bo̱a̱ tꞌíxiaán nga an tsꞌi̱tsiéní to̱nsinié xi je kiniꞌánchoo̱n ngi̱jin ndiꞌií, tsi̱ꞌe̱ nga ja̱koxi̱ nga cho̱n ka̱ma ji, kó an tsꞌi̱tsiéní ńjño tiboa xi xchi̱e̱je, kó kjoꞌmá kjo̱a̱soboáa̱ nga titsjaxtí, ko̱jo ndiki kolirio̱ tindyiée̱ ndyikin tsi̱ꞌe̱ nga ka̱matsijeen.