1 Xo̱jo̱o̱n Peé 1:5 - Xo̱jo̱n eén Néná

⁵ Ngaꞌniuú tjítsꞌénkjién nga tsꞌénkoón jún, ta̱ngatꞌanii̱ nga sꞌijinjnú, tsi̱ꞌe̱ nga Néná kꞌo̱xiéꞌá kjin kjin xota̱ xi tsi̱ꞌe̱ xikótsꞌèn je tikónndaa̱ ni̱xtjin xi kjifetꞌaa̱.

1 Xo̱jo̱o̱n Peé 1:5 ပူးပေါင်းရင်းမြစ်များ

Joo̱b 19:25

Jè be an nga tikón kui xi kꞌo̱xiéꞌána, kó nga fetꞌani kuí boá kjo̱stjíe̱nni ngi̱jin tꞌanangii̱.

Xo̱jo̱n Salmoo̱ 37:28

Achichí tsjá maá Néná ni xi kixi̱i̱, kó jmíni̱xtjin nga ꞌbijñámasien xota̱ xi kui ꞌniátakón. ¡Ngatsjéni̱xtjin nga kui skoón! Ta̱nga xota̱ tji̱e̱e̱ xota̱ xi ndajiín, si̱ꞌankjie.

Énkjínkón 2:8

Néná boá xi koo̱n ndi̱ya̱à xota̱ xi kixi̱ tsꞌén xaá, ko̱jo koo̱n ndi̱ya̱à xota̱ xi kui kjimaꞌniátakón.

Juaa̱ 12:48

Xi sa̱ꞌínchꞌóna, kó sa̱ꞌínjo̱ꞌojín énna, jè tikoón xi ko̱tíjeé, én xí je tsíchji̱a̱ an, kuí xí ko̱tíjeé nga kjo̱chó ni̱xtjin nga kju̱i̱e̱tꞌaa̱.

Juaa̱ 17:15

Jmí tsi ꞌniú tsꞌénmíꞌaá tsi̱ꞌe̱ nga chje̱ꞌéxín ji kui xotaa̱, kui nga̱sondiee̱, tsꞌénmíꞌáñaá tsi̱ꞌe̱ nga xín si̱ꞌinkjeꞌee̱ xindajín.

Juaa̱ 4:14

ta̱nga xi kꞌuí kui ndáfoa xi tsjàa̱, nginijánjín ka̱ma xíndaá, ngatꞌa̱ kui ndáfoa xi tsjàa̱, kuí boá xi ngo ndáńchꞌi̱ xi kjo̱tjoo̱ ndáfoa xi tsjaá kjo̱a̱mindyion ngatsjéni̱xtjii̱n xotaa̱.

Juaa̱ 5:24

Ja̱koxi̱, ja̱koxi̱ ni xi xiánjnúꞌun: Xi ku̱i̱ntꞌiè énna, kó sꞌijii̱n xi katsangiyana, kꞌuieé kjo̱a̱mindyion ngatsjéni̱xtjii̱n, kó ka̱majéjiín, ngatꞌa̱ xín je katsꞌénkjaꞌa kjo̱a̱bo̱yaa̱, kó je katseꞌeé kjo̱a̱mindyioo̱n.

Xota̱ Roma̱ 11:20

¡Ndakjiꞌi! Kui tjiaa̱ yaá kiti, ngatꞌa̱ kisꞌijinjiín Néná, ta̱nga ji ta̱kó ki̱a̱ tindyin ji kjo̱a̱a̱ kjo̱a̱sꞌijìi̱n. Kó kuíni nga ka̱májín je ko̱ꞌna̱xié ji yojòo̱, ta̱sá chjiéngá ti̱nda̱kin jí Néná.

Xota̱ Roma̱ 8:18

Ta̱nga bee̱ko̱n an nga kui kjo̱a̱ni̱ma̱ xi ndyi̱bitjatió ngotꞌe̱, kjo̱chótji̱ngíjín ngayeje kjo̱a̱je xi jaskan sa̱kóná.

1 Xota̱ Korinto̱ 1:21

Ngatꞌa̱ ngi̱jin kjo̱a̱kjínkoón Néná índa, nga jmí tsi kjo̱a̱kjínkoón xota̱ nga̱sondiee̱ xi sku̱i̱e̱ni Néná, ta̱sá Néná tsja kamaá nga tsꞌaxiéꞌá xota̱ xi sꞌijii̱n kui ni xi kjo̱a̱tsobé kjimaa̱ xotaa̱ kui nga̱sondiee̱.

2 Xota̱ Korinto̱ 1:24

Jmí tsi ji̱n xi si̱ꞌanjne̱ kjo̱a̱ꞌniú kjo̱a̱a̱ xikótsꞌèn sꞌijinjnú, ta̱sá mejénjne̱ nga ji̱n ko̱siko̱jojne̱ jún tsi̱ꞌe̱ nga kꞌuiéjnú kjo̱a̱tsja, ngatꞌa̱ jè ꞌniú tindyiàjnú nga sꞌijinjnú Néná.

Xota̱ Ngalasia̱ 2:20

Jè kꞌien an ngatꞌa̱ je akjatꞌajo̱na kro Kristoo̱, je ngiti̱ ánjín xi tikón ngase an, Kristoo̱ boá xi tikónjinna, kó bo̱a̱ tsꞌén tikón ngase an nga̱sondiee̱ ta̱ngatꞌanii̱ kjo̱a̱a̱ nga sꞌijinna ndií Néná, kui xi katsꞌéntjóna, ko̱jo katsjá yojoo̱ nga kiniꞌánkꞌién ta̱ngatꞌanii̱ an.

Xota̱ Éfeso̱ 2:8

Ngatꞌa̱ ta̱ngatꞌanii̱ kjo̱a̱ndaa̱ Néná nga jún je jatjoꞌajnú ngatꞌa̱ kisꞌijinjnú, kó kui nii̱ jmí tsi ngo ni xi jún kasako so̱bo̱a̱jnú, kjo̱a̱nda xi tsi̱ꞌe̱ Néná boá.

Xota̱ Éfeso̱ 3:17

Tsi̱ꞌe̱ nga Kristoo̱ ngatꞌíjñajin ini̱ma̱jnú, ngatꞌa̱ nga sꞌijinjnú kuí. Kó nga jún kꞌuiéjnú tsie kjo̱a̱tjó xikoó ngo yá xí na̱nga̱ kijí ja̱ma̱a̱ ko̱jo nga ꞌniú ku̱i̱ndyionjnú.

Xota̱ Filipo̱ 1:6

Néná xí ítsꞌi̱yanii̱ nga katsꞌén ngo xá xí nda ngi̱jii̱n jún, kó bee̱ko̱n an nga sa̱ꞌíndo̱jo ngaskande ni̱xtjin nga kjo̱e̱ꞌe nginí Jesukristoo̱.

Xota̱ Filipo̱ 4:7

Kó kjo̱a̱xioó Néná, kui kjo̱a̱xió xi foaꞌatjoón ngayeje kjo̱a̱kjíntakoón, skoón ini̱ma̱jnú ko̱jo kjo̱a̱kjíntakónjnú ngatꞌaa̱ Kristo̱ Kjisoo̱.

2 Timoo̱ 3:15

kó nga ndeskande koó nga nda̱chí ji nga ye ji xo̱jo̱n én tsjiee̱ Néná, kui xi tsi si̱ꞌinye ji, tsja̱á kjo̱a̱kjínkón, tsi̱ꞌe̱ nga kjo̱tjoꞌàa̱ yojòo̱ nga sꞌijii̱n Kristo̱ Kjisoo̱.

Titoo̱ 2:13

Xchiyàráa̱ kui kjo̱a̱chiyá xi tsjáná kjo̱a̱tsjaa̱: Nga ko̱kó yojoo̱ Jesukristoo̱ kui Néná xí tjiín kjo̱a̱jee̱, ko̱jo kui xi tsꞌaxiéꞌáná,

Xota̱ Ebreo̱ 6:12

tsi̱ꞌe̱ nga tsiꞌéjín ka̱majnú, ta̱sá mejénjne̱ nga kongintjingíjnú kui chi̱bo̱a̱a̱ xota̱ xi ta̱ngatꞌanii̱ kjo̱a̱sꞌijii̱n, ko̱jo kjo̱a̱tsiekoo̱n nga tjisákoó kui ni xi katsóyàtjón nga tsja̱aná Néná.

Xota̱ Ebreo̱ 9:28

Kuíni nga ti̱ bo̱a̱ ti̱ tsꞌén Kristoo̱ ta̱ ngo tsí ndi̱yà katsjá yojoo̱ nga kiniꞌánkꞌién tsi̱ꞌe̱ nga kijíjo̱ jeé xotaa̱. Jaskan kji̱ndi̱bá nginí ingo ndi̱yà, ta̱nga jè ngiti̱ kjo̱a̱a̱ jeéjín nga kjo̱e̱ꞌe, kji̱ndi̱bá tsi̱ꞌe̱ nga kꞌo̱xiéꞌá xota̱ xi ndyi̱koyaa̱ kui.

1 Xo̱jo̱o̱n Peé 1:13

Kuíni nga ti̱ndyiondajnú nga kꞌuiéjnú kjo̱a̱kjínkón, kó nda ti̱ꞌankjójnú ni xi si̱ꞌánjnú, kó chiyá ndo̱jò ndójo̱jnúu̱ kjo̱a̱nda xi kjo̱e̱ꞌéjo̱jnú kjiꞌanga ko̱kó yojoo̱ Jesukristoo̱.

1 Xo̱jo̱o̱n Peé 4:13

Ta̱sá tsja ngatamajnú nga ko̱jo jún ku̱i̱tja̱tiójnú kui kjo̱a̱ni̱ma̱ xi xikoó xi jaꞌatio Kristoo̱, tsi̱ꞌe̱ nga tsja ka̱majnú kjiꞌanga kji̱ndi̱bá nginí Kristoo̱ nga ko̱kó kjo̱a̱jee̱.

1 Xo̱jo̱o̱n Peé 5:1

Xota̱ xi xchá án ngi̱jii̱n xota̱ na̱ngo̱xi̱i̱, kó chistiko̱ án kjo̱a̱a̱ kjo̱a̱ni̱ma̱ xi jaꞌajin Kristoo̱, kó nga be an nga ti̱ sa̱kóchiína kjo̱a̱je xi sꞌe̱ sꞌi̱jñatsijee̱n, kuíni nga ꞌniú míꞌáa̱ xota̱ xi xchaá na̱ngo̱xi̱i̱ xi síndojinjnú nga bi̱ xiaan:

2 Xo̱jo̱o̱n Peé 1:3

Néná katsꞌénkjién ngaꞌniuú nga katsjáná ngayeje ni xi chjiénná, kó ta̱kó tsꞌéntsjáná tsi̱ꞌe̱ nga ku̱i̱ndyión xikótsꞌèn mejeén kui, kó katsjáná ngayeje kui nii̱ kjiꞌanga kamáyà Jesukristoo̱. Ngatꞌa̱ nga tsíchji̱a̱ná, bo̱a̱ katsꞌén, tsi̱ꞌe̱ nga ki̱a̱ ko̱ndókjo̱a̱ ñá nínga botixómá kui.

1 Xo̱jo̱o̱n Juaa̱ 3:2

Jún ndí ntsꞌie xi tjóna, ngotꞌe̱ ꞌne̱, jè ndií Néná ñá, kó ndatsi kji̱e̱ yàjín ñá mí ni xi ka̱ma ñá jaskan, jè ya ñá nga kjiꞌanga kjo̱e̱ꞌe Jesukristoo̱ xikó maá kui, nga bo̱a̱ kon ka̱ma ñá, ngatꞌa̱ xcha̱ cha̱n cha̱n ñá xikó má kjiꞌi kui.

Xo̱jo̱o̱n Jundaa̱ 1:1

Án xí ꞌmína Jundaa̱, mosoo̱ Jesukristoo̱ ko̱jo ntsꞌi̱e̱ Sandiyaá, tsꞌentindejnúꞌun ngayejejnú jún xota̱ xi Néná xí Na̱ꞌmii̱ tjoó, ko̱jo xi je tsíchji̱a̱a̱, kui xota̱ xi Jesukristoo̱ tsꞌénkoón.

Xo̱jo̱o̱n Jundaa̱ 1:24

Néná tjiín ngaꞌniú nga skónjnú tsi̱ꞌe̱ nga kꞌo̱kajínjnú, ko̱jo tsi̱ꞌe̱ nga ndándíjín ka̱majnú nga kongínjnú ngindyi̱ko̱n kui, kó nga ꞌniú tsja kꞌuiéjnú nga kjóchójnú nínga tikón kjo̱a̱jee̱,