1 Xo̱jo̱o̱n Peé 1:4 - Xo̱jo̱n eén Néná

⁴ Néná boá xi sa̱ꞌín nga sa̱kóná kui ni xi je tikónndaa̱ ki̱a̱ ndiꞌakꞌajmii̱ nga tsja̱aná, kui ni xi ngiti̱ ka̱májiín kjo̱tsòn, ti̱nde jmíjiín ni xi ndándí, ti̱nde ka̱májiín xi̱ꞌniú.

1 Xo̱jo̱o̱n Peé 1:4 ပူးပေါင်းရင်းမြစ်များ

Xo̱jo̱n Salmoo̱ 31:19

Achichí je kjo̱a̱ndaxota̱ xi tichjeꞌétjé ji kjo̱a̱a̱ xota̱ xi tsakjoón jí, ko̱jo xi tiꞌbíjñinde ji kjo̱a̱a̱ xota̱ xi ji kjimaꞌniátakoón, ngindyi̱ko̱n ngayeje xota̱ nga̱sondiee̱.

Xo̱jo̱n Salmoo̱ 47:4

Kuí boá xi jaꞌájin tꞌanangi xi katsjáná ñá, ngatꞌa̱ kuí boá kui tꞌanangii̱ xi kjo̱a̱jee̱ Jakoo̱b, kui nda̱ xi Néná tjó kamaá.

Matioo̱ 25:34

Kósꞌe̱ nda̱ Ree̱, bi̱ ka̱tso̱o̱ ngayeje xi síndo nga kixi̱i̱: «Ja̱bíjnúꞌun, jún xi je katsꞌénchikonñéjnú Na̱ꞌmina, chjábéjnú ngi̱ndie nínga botíxoma xi je tikónndajnú ndeskande koó nga ítsꞌi̱yanii̱ nga kamánda nga̱sondiee̱.

Markoo̱ 10:17

Kó nga tsꞌénfí Kjisoo̱ ngi̱ya ndi̱ya̱à, ngo nda̱ jachókón monga mongaa̱, asiéntꞌaa̱tikoó, kó bi̱ katsoó nga asíyaá: –Ji Mostro̱ nda, mí ni xi sa̱ꞌin an tsi̱ꞌe̱ nga sa̱kóna kjo̱a̱mindyion ngatsjéni̱xtjii̱n.

Ni xi kamá 20:32

Kó ngotꞌe̱ ꞌne̱, já ntsꞌie, míꞌátjée̱ Néná kjo̱a̱a̱ jún ko̱jo éntjatsi̱e̱e̱ kjo̱a̱ndaa̱ kui xi tjiín ngaꞌniú tsi̱ꞌe̱ nga ꞌniú ngase sꞌi̱jinjnú Néná, kó tsja̱ajnú jún ngayeje ni xi katsóyà nga tsja̱á xota̱ tsjiee̱.

Ni xi kamá 26:18

tsi̱ꞌe̱ nga chjáxꞌé jí ndyi̱ko̱n, kó ngiti̱ nínga jñójín kꞌuitsómá ngase, ta̱sá nínga tsijen ngatꞌítso̱ma, tsi̱ꞌe̱ nga ngiti̱ kuijín ngaꞌniuú xindajín Satanaa̱ kꞌuitsómátji̱ngii̱, nga ta̱sá Néná ngatꞌítso̱matji̱ngii̱, tsi̱ꞌe̱ nga sꞌijii̱n an, kó sa̱ko̱ó kjo̱a̱niꞌánjetakoón jeé, ko̱jo kui ngi̱ndie xi katsó Néná nga tsja̱á xota̱ xi je katsꞌéntsjie yojoo̱.”

Xota̱ Roma̱ 8:17

Kó tsi ñá xí ndií Néná, ja̱ ti̱ sa̱kóná ni xi tsi̱ꞌe̱, kó nijan sa̱kóná kui nii̱ ko̱jo Kristoo̱, ta̱nga chjiéngá ku̱i̱tja̱tiójo̱ kjo̱a̱ni̱ma̱a̱ Kristoo̱, tsi̱ꞌe̱ nga nijan sa̱kóná kjo̱a̱jee̱ Néná.

1 Xota̱ Korinto̱ 9:25

Ngayeje xota̱ xi stsáton ngo kjo̱a̱ńton, ꞌbíꞌniuú yojoo̱ ni xi ndajín sa̱ꞌiín, kó ja̱koxi̱ nga tsꞌén kuí nii̱ tsi̱ꞌe̱ nga sa̱ko̱ó ngo chjí xí fotson, ta̱nga ñá ndyi̱niꞌán ngo kjo̱a̱ꞌniú tsi̱ꞌe̱ nga sa̱kóná ngo chjí xí kjo̱tsònjín.

Xota̱ Ngalasia̱ 3:18

Ngatꞌa̱ tsi kjo̱a̱kitii̱ yaꞌanii̱ ni xi tsja̱aná Néná, ja̱ jè ngiti̱ kuijín ni xi katsóyàtjón Néná yaꞌanii̱ ni xi tsjá, ta̱nga Néná bo̱a̱ katsoó Abraa̱n nga ta̱ tsja̱arií kui nii̱.

Xota̱ Éfeso̱ 1:11

Xikó tsꞌén índa tjón tjón Néná, bo̱a̱ tsꞌén katsꞌénkjién Kristoo̱ tsi̱ꞌe̱ nga ko̱jo ji̱n jaꞌájinjne̱ nga katsjájne̱ ni xi tsja̱á ndií, ngatꞌa̱ Néná tsꞌénkjátjosón ngayeje ni xi mejeén nga sa̱ꞌín kuí.

Xota̱ Éfeso̱ 1:14

A̱si̱énni̱xtjii̱n xí ikꞌíjñangi tsi̱ꞌe̱ nga xcha̱ nga sa̱kóná ni xi katsóyàná Néná nga tsja̱á ndií, ngije ka̱mandé ngayeje xota̱ xi je kamáchjítjé kjo̱a̱ndeé, kó nga ndií ka̱ma ñá, tsi̱ꞌe̱ nga ngayeje ñá, si̱ꞌantsjàa̱ kui Néná xí tjiín kjo̱a̱jee̱.

Xota̱ Éfeso̱ 1:18

Ti̱ míꞌáa̱ Néná nga ka̱makjín cha̱n cha̱njnú kókjiꞌi kui kjo̱a̱chiyaá xota̱ xi je Néná tsíchji̱a̱a̱, tsi̱ꞌe̱ nga xcha̱jnú kókjiꞌi je ni xi tsja̱á xota̱ tsjiee̱.

Xota̱ Kolosa̱ 1:12

Tsjangatꞌiéjnú nga ko̱e̱ꞌéjnúu̱ ndokꞌóchjì Na̱ꞌmii̱, ngatꞌa̱ kuí Na̱ꞌmii̱ xi je íjñandaná, tsi̱ꞌe̱ nga sa̱kóná ngi̱ndie xi sakoó xota̱ tsjie xi chji̱a̱ni ngi̱ndie nínga tsijee̱n.

Xota̱ Kolosa̱ 1:5

Jún, bo̱a̱ ndyi̱niꞌánjnú, ngatꞌa̱ ndeskande nga kandaꞌyájnú én xí ja̱koxi̱ xi yaꞌa éntjatsi̱e̱e̱ Néná, ndyi̱chiyájnúu̱ ni xi Néná tikóntjoó ndiꞌakꞌajmii̱ xi tsja̱ajnú.

Xota̱ Kolosa̱ 3:24

Ngatꞌa̱ jè yàjnú nga Ndi̱a̱ná tsja̱ajnú ni xi tsoboájnú. Ngatꞌa̱ jún boá xi ndyi̱niꞌánsénjnúu̱ Kristoo̱, nga kui xi Ndi̱a̱jnú xi ja̱koxi̱i̱.

2 Timoo̱ 4:8

Ngotꞌe̱ ꞌne̱, jè sa̱kóna ngo ni xi niꞌán, xi sakoó xota̱ xi kixi̱ síndo ngindyi̱ko̱n Néná, kui xi tsja̱ana nga kjo̱chó ni̱xtjin kui Ndi̱a̱ná xí kixi̱ tsꞌén skotsíjee̱n mí ni xi katsꞌén xotaa̱, kó jmí tsi ta̱ án tsí xi tsja̱ana kui chjí xí niꞌaán, ti̱ tsja̱arií ngayeje xota̱ xi achichí kjo̱a̱tjó tjiín nga ndyi̱koyaa̱ nga tsjatsꞌèn kjo̱e̱ꞌe nginí Ndi̱a̱ná.

Xota̱ Ebreo̱ 10:34

Ti̱ kamáni̱ma̱jnú xota̱ xi kisꞌińdoyà ndo̱bo̱a̱ya̱à, kó jmí ni kiꞌmíjínjnú nga xota̱xa̱á jaꞌáxínjnú ni xi kisꞌiejnú, ta̱sá tsja kamájnú, ngatꞌa̱ ja̱bo̱a̱ jè yàjnú nga ndiꞌakꞌajmii̱ tikónjnú ngo ni xi nda ngase, ko̱jo xi tikón ngatsjéni̱xtjii̱n.

Xota̱ Ebreo̱ 9:15

Ngatꞌa̱ nga kꞌien Jesukristoo̱ katsꞌéndé xotaa̱ kjo̱a̱a̱ jé xí katsꞌén kjiꞌanga chjí ngasee̱ kjo̱a̱ꞌbínda xi tjoón. Jesukristoo̱ boá xi katsjaá chjí kuí kjo̱a̱ꞌbínda tja̱tsi̱e̱e̱ Néná, kó ta̱ngatꞌanii̱ nga kꞌien kui nga xota̱ xi je jaꞌájin Néná sa̱ko̱ó kjo̱a̱ꞌnaxiéꞌá ngatsjéni̱xtjin xi katsó Néná nga tsja̱á.

Xo̱jo̱o̱n Sandiyaá 1:11

Ngatꞌa̱ nga fotjo tsꞌueé, ꞌniú sibé má ndoboaá kó xí xka̱a̱, kó ꞌbóka naxoó, kó chaja kjo̱a̱tsjakjiꞌii̱. Bo̱a̱ ti̱ tsꞌén xcha̱ja xota̱ xi cho̱o̱n ngi̱jii̱n ngayeje xá xí tsꞌén.

1 Xo̱jo̱o̱n Peé 3:9

Tsi ngo xota̱ xi ndajínkjiꞌi ni xi katsꞌénjo̱jnú, ngata̱ niꞌánngojojínjnú, kó ti̱ tsi tjín xi chꞌo ka̱tso̱jnú, ngata̱ chꞌójín ꞌmíjnúu̱ ndatsa jún nga, ta̱sá chji̱a̱ꞌajnúu̱ Néná nga sa̱ꞌínchikonñé, ngatꞌa̱ jè yàjnú nga Néná tsíchji̱a̱nijnú tsi̱ꞌe̱ nga sa̱kójnú kjo̱a̱niꞌánchikonñeé kui.

1 Xo̱jo̱o̱n Peé 5:4

Kó bo̱a̱ tsꞌén kjiꞌanga kji̱ndi̱bá nda̱ xi ꞌniú nkꞌa xaá xi koo̱n cho̱tsa̱nga̱a̱, jún sa̱kójnú chjií kjo̱a̱je xi jmíni̱xtjin fotsoo̱n.

Ni xi akakoo̱ 21:27

Kó jmíjín kótsꞌèn nga kꞌo̱sꞌien ni xi ndajín, ti̱nde ka̱májín kꞌo̱sꞌien xota̱ xi ndyi̱tsꞌèn ni xi ta̱nisién ꞌniú chꞌokjiꞌi ko̱jo tsi kjo̱a̱ndiso, ta̱kuítsí xi kꞌo̱sꞌien kui xi kjitꞌa jaꞌeén xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjii̱n kui xi tikoón cho̱tsa̱nga̱a̱.