1 Xo̱jo̱o̱n Peé 1:3 - Xo̱jo̱n eén Néná

³ Nganiꞌántsjaá Néná, kui xi Na̱ꞌmii̱ Ndi̱a̱ná Jesukristoo̱, kui xi ta̱ngatꞌanii̱ kjo̱a̱ni̱ma̱takón jee̱ nga katsꞌéntsen nginíná nga ndyi̱chiyáa̱ nga ko̱jo ñá kꞌuiéná ngo kjo̱a̱mindyion, ta̱ngatꞌanii̱ nga jaꞌáꞌyaá Jesukristoo̱ ngi̱jii̱n xota̱ xi je jesoón.

1 Xo̱jo̱o̱n Peé 1:3 ပူးပေါင်းရင်းမြစ်များ

Xo̱jo̱n Salmoo̱ 41:13

¡Ngatamachikonñé Nee̱ xota̱ Israee̱l, ndeskande ngasꞌe̱ kó ta̱kjiꞌání! ¡Bo̱a̱ kjiꞌi, bo̱a̱ kjiꞌi!

Xo̱jo̱n Salmoo̱ 86:15

Ta̱nga ji Ne, jí boá ngo Ne xi tjiín kjo̱a̱tsiekon ko̱jo kjo̱a̱ni̱ma̱takón, tsájín niꞌínxchín jí, kó tsie kjo̱a̱ni̱ma̱takón ko̱jo kjo̱a̱kixi̱ tjiín.

Xo̱jo̱n Salmoo̱ 86:5

Ngatꞌa̱ ji Ne, nda jí xota̱, kó maá niꞌínjetakín ji, ¡kó achichí kjo̱a̱ni̱ma̱takón tjiín kjo̱a̱a̱ xota̱ xi tsꞌénkáxoma jaꞌée̱n!

Éksondo̱ 34:6

Tji̱e̱nga tsꞌénfoaꞌa kje̱n Moisee̱, Néná ꞌniú tsíchji̱a̱ nga bi̱ katsó: «¡Án boá xi Nee̱ xota̱ Israee̱l! ¡ÁN XÍ ÁN, kó kuí boá kuí jaꞌeén xí kamábenina xotaa̱! Án boá ngo Ne xi nda ini̱ma̱a̱ ko̱jo xi ndaxota̱. Jmí tsi tsá tsꞌenxchán án, kó achichí ꞌniú tjóna xota̱ na̱xi̱ńdána.

Jonaa̱ 4:2

Kó achichí xtií nga bi̱ katsoó Néná: —¡Ja̱ bo̱a̱ jè bo̱a̱ kixian an Ne, ja̱bo̱a̱ jè bo̱a̱ kixian an! Bo̱a̱ má kiniꞌín ji ni xi katsꞌenkjó án nga si̱ꞌin ji nga kisꞌijña an nangina. Kuíni nga kamámejénna nga kjinnii̱ nínga tindyin ji tsanga an. »Jè be an nga achichí nda ji xota̱ Ne, nga ma ni̱ma̱a̱ ngayeje xotaa̱, ko̱jo nga achichí niꞌin kjiꞌi nga si̱ꞌinxchín jí. Achichí tsie kjo̱a̱tjó tjiín, nga kjiꞌanga sa̱ꞌinjée̱ xotaa̱ se ji, jaskan bosíkje nginí ji ni xi kandokjo̱e̱, kó bo̱a̱jín niꞌínje̱ ji ngijee̱.

Juaa̱ 1:13

Kui xota̱ xi katsen ngatꞌaa̱ Néná, jmí tsi bo̱a̱ tsꞌén katsen xikoó xota̱ xi tjiín, ti̱nde jmí tsi xikótsꞌèn mejeén xota̱ xi yojo katsenni.

Xota̱ Roma̱ 12:12

Tsja ngatamajnú nga ndyi̱chiyájnú, ti̱ꞌanchíkjo̱a̱jnú ngayeje kjo̱a̱ni̱ma̱, kó ngatsjéni̱xtjin ndókjo̱a̱jnúu̱ Néná.

Xota̱ Roma̱ 15:13

Kó Néná xí kjimaꞌniátakón, ngatsjájnú kjo̱a̱tsja, ko̱jo kjo̱a̱xió jún xi sꞌijinjnú, tsi̱ꞌe̱ nga ngaꞌniuú A̱si̱énni̱xtjii̱n Néná tsie kjo̱a̱chiyá tsja̱ajnú.

Xota̱ Roma̱ 4:25

Kui xi kiniꞌánkꞌasꞌien tsi̱ꞌe̱ nga si̱ꞌankꞌien, ta̱ngatꞌanii̱ jéná, kó jaꞌáꞌyaá tsi̱ꞌe̱ nga sa̱ꞌínkixi̱ná ngindyi̱ko̱n Néná.

Xota̱ Roma̱ 5:10

Ngatꞌa̱ tsi kjiꞌanga kondraa̱ Néná kamá ñá, akjandajo̱ Néná ta̱ngatꞌaa̱ nga kꞌien ndií, kó kuíni nga, nga nda yaꞌaná Néná, kuí xí kꞌo̱xiéꞌáná ngotꞌe̱ ꞌne̱ nga tikón ndií.

Xota̱ Roma̱ 8:11

Kó tsi kui A̱siénni̱xtjin xi katsꞌénkjaꞌáꞌyaá Kjisoo̱ ngi̱jii̱n xota̱ xi je jesoón xi tikónjinjnú, ja̱ kui xi katsꞌénkjaꞌáꞌyaá Kristo̱ Kjisoo̱ ngi̱jii̱n xota̱ xi jesoón ngatsꞌénkꞌíjñá nginíjnú ngindyi̱ko̱n Néná. Néná boá xi sa̱ꞌín kui nii̱ ta̱ngatꞌanii̱ A̱siénni̱xtjin xi tikónjinjnú.

Xota̱ Roma̱ 8:24

Ngatꞌa̱ ta̱ngatꞌanií kjo̱a̱chiyaá nga kaꞌnaxiéꞌáná, ta̱nga jmí tsi ndyi̱chiyáa̱ ni xi yaa̱, ta̱sá ni xi yàjiín, ngatꞌa̱ ni xi yaa̱, mí tsjá xchiyàa̱.

1 Xota̱ Korinto̱ 13:13

Jmí ni̱xtjin kju̱i̱e̱ nga sꞌijinná ni xi tsi̱ꞌe̱ Néná, ko̱jo nga ndyi̱chiyá ni xi tsja̱aná, ko̱jo nga tjínná kjo̱a̱tjó, ta̱nga ngi̱jii̱n nga ján kui nii̱, kjo̱a̱tjoó boá xi ꞌniú chjí ngasenii̱.

1 Xota̱ Korinto̱ 15:20

Ta̱nga ngotꞌe̱ ꞌne̱ Kristoo̱ jè jaꞌáꞌyaá ngi̱jii̱n xota̱ xi je jesoón, kó kuí boá xi xikoó ngo cha̱n xi tjón xi niꞌánkꞌasꞌiee̱n Néná, ngatꞌa̱ kuí boá xi tjón jaꞌáꞌyaá ngi̱jii̱n xota̱ xi je jesoón.

2 Xota̱ Korinto̱ 1:3

Nganiꞌántsjaá Néná, kui xi Nee̱ ko̱jo Na̱ꞌmii̱ Ndi̱a̱ná Jesukristoo̱, kui xi Na̱ꞌminá ko̱jo xi Néná xí ma ni̱ma̱a̱ ñá, ko̱jo xi tsjangaꞌniúná ngatsjéni̱xtjin.

Xota̱ Ngalasia̱ 6:16

Ngayeje xota̱ xi ndyi̱fítji̱ngi kui kjo̱a̱botíxomaa̱, ngatꞌieé kjo̱a̱xió, ko̱jo kjo̱a̱ni̱ma̱takón, ko̱jo ngayeje xota̱ xi tsi̱ꞌe̱ Néná, xi xota̱ Israee̱l xi tsi̱ꞌe̱ Néná tjíꞌmií.

Xota̱ Éfeso̱ 1:17

tsi̱ꞌe̱ nga kui Néná xí tsi̱ꞌe̱ Ndi̱a̱ná Jesukristoo̱, kui Na̱ꞌmi xi tjiín kjo̱a̱jee̱, ngatsjájnú A̱si̱énni̱xtjii̱n, tsi̱ꞌe̱ nga kꞌuiéjnú kjo̱a̱kjínkoón, ko̱jo nga ko̱kójnú kókón Néná.

Xota̱ Éfeso̱ 1:3

Nganiꞌántsjaá Néná, kui xi Na̱ꞌmii̱ Ndi̱a̱ná Jesukristoo̱. Kui xi katsꞌén nga ngi̱jii̱n Kristoo̱ kasakoná ngayeje to̱ko̱ya kjo̱a̱niꞌánchikonñé, xi ndibání ndiꞌakꞌajmi jàn xi tsjáná a̱si̱énni̱xtjii̱n.

Xota̱ Éfeso̱ 1:7

Kuí ndií xi kꞌien tsi̱ꞌe̱ nga Néná tsꞌaxiéꞌáná ñá, kó kuíni nga tjínná kjo̱a̱niꞌánjetakoón jéná, xikó kjiꞌi tsie kjo̱a̱nda je xi katsjáná Néná,

Xota̱ Éfeso̱ 2:4

Ta̱nga Néná achichí ꞌniú ni̱ma̱ máa xotaa̱, kó katsꞌénkjién kjo̱a̱tjó jee̱ nga katsꞌéntjóná,

Xota̱ Éfeso̱ 3:20

Nganiꞌántsjaá Néná kui xi achichí ngaꞌniú tjiín tsi̱ꞌe̱ nga tsꞌatio ngase ni xi sa̱ꞌín xi chji̱a̱ꞌáa̱ ko̱jo ni xi makjínná, xikó kjiꞌi kui ngaꞌniuú xí tsꞌénxájinná.

Xota̱ Kolosa̱ 1:23

Bo̱a̱ ka̱ma tsi ja̱koxi̱ nga ꞌniú tindyiàjnú ko̱jo tsi ꞌniú tikón kjo̱a̱sꞌijinjnú, ko̱jo nga jmíni̱xtjin kju̱i̱e̱ kjo̱a̱chiyá xi tikónjnú, kjo̱a̱a̱ kui éntjatsi̱e̱e̱ Kristoo̱ xi je kandaꞌyájnú, kuí eén xi je tjíꞌbíni̱jmì ngayeje són nga̱sondiee̱, kó an Pabloo̱ katseꞌéxána nga kꞌuini̱jmì án kui eén.

Xota̱ Kolosa̱ 1:27

Néná kamámejeén akoó kui xotaa̱, kókjiꞌi kjo̱a̱cho̱o̱n kjo̱a̱jee̱ ni xi tjiꞌmaá ngi̱jii̱n xota̱ xi tjín ngayeje nga̱sondiee̱, kó kui ni xi tjiꞌmá xi tjisꞌíjñátsijen ngotꞌe̱ kuí boá Kristo̱ xi tikónjinjnú, kó ta̱ngatꞌaa̱ kuí boá nga ndyi̱chiyájnú nga sa̱kójnú kjo̱a̱je.

1 Xota̱ Tesalónika̱ 1:3

Ngindyi̱ko̱n Néná xí na̱ꞌminá nga ngatsjéni̱xtjin foaꞌátsjienjne̱ jún, xikótsꞌèn sꞌijinjnú Néná, kó niꞌánjnú ni xi mejeén kui, ko̱jo xikótsꞌèn tjójnú, kó bosíko̱jojnú xingi̱jnú, ko̱jo kjo̱a̱a̱ nga ndyi̱niꞌánchíkjo̱a̱jnú kjo̱a̱ni̱ma̱ xi ndyi̱bitjatiójnú nga ndyi̱chiyájnúu̱ nga kꞌo̱xiéꞌájnú Ndi̱a̱ná Jesukristoo̱.

1 Xota̱ Tesalónika̱ 4:13

Jún ntsꞌie, mejénjne̱ nga xcha̱jnú kjo̱a̱a̱ xota̱ xi je jesoón, tsi̱ꞌe̱ nga jmí kjo̱a̱ndasen kꞌuiéjínjnú xikoó xota̱ xi ngasee̱ xi jmíjiín kjo̱a̱chiyá.

2 Xota̱ Tesalónika̱ 2:16

Kó kuí má Ndi̱a̱ná Jesukristoo̱, ko̱jo Néná xí Na̱ꞌminá, kui xi tsꞌéntjóná, ko̱jo xi tsjáná ngaꞌniú ngatsjéni̱xtjin, ko̱jo xi tsjáná kjo̱a̱chiyá ngatꞌaa̱ kjo̱a̱ndaa̱,

1 Timoo̱ 1:14

Achichí tsie kjo̱a̱nda xi katsjána Ndi̱a̱ná, kó katsjána kjo̱a̱sꞌijin, ko̱jo kjo̱a̱tjó xi tjiín Kristo̱ Kjisoo̱.

Titoo̱ 2:13

Xchiyàráa̱ kui kjo̱a̱chiyá xi tsjáná kjo̱a̱tsjaa̱: Nga ko̱kó yojoo̱ Jesukristoo̱ kui Néná xí tjiín kjo̱a̱jee̱, ko̱jo kui xi tsꞌaxiéꞌáná,

Xota̱ Ebreo̱ 3:6

ta̱nga Kristoo̱, nga kui xi ndií Néná, kixi̱ tsꞌén xaá nga botixómaá ndiꞌaa̱ Néná, kó kui ndiꞌaa̱ ñá boá, bo̱a̱ ka̱ma tsi ꞌniú sꞌi̱jinná ko̱jo tsi ka̱maꞌniátakón nga tsja ka̱máná nga xchiyàa̱ ni xi tsja̱aná Néná.

Xo̱jo̱o̱n Sandiyaá 1:18

Én xí ja̱koxi̱i̱ boá xi katsꞌénkjién nga katsꞌéntsenná, ngatꞌa̱ bo̱a̱ tsꞌén kamámejeén kui, tsi̱ꞌe̱ nga ñá xí ka̱ma cha̱n xi tjón foaꞌáꞌyá ngi̱jii̱n ngayeje ni xi katsꞌénda.

1 Xo̱jo̱o̱n Peé 1:13

Kuíni nga ti̱ndyiondajnú nga kꞌuiéjnú kjo̱a̱kjínkón, kó nda ti̱ꞌankjójnú ni xi si̱ꞌánjnú, kó chiyá ndo̱jò ndójo̱jnúu̱ kjo̱a̱nda xi kjo̱e̱ꞌéjo̱jnú kjiꞌanga ko̱kó yojoo̱ Jesukristoo̱.

1 Xo̱jo̱o̱n Peé 1:21

Kó ta̱ngatꞌanii̱ Kristoo̱ nga jún sꞌijinjnú Néná, kui Néná xi katsꞌénkjaꞌáꞌyaá Kristoo̱ ngi̱jii̱n xota̱ xi je jesoón kó katsjaá kjo̱a̱je, tsi̱ꞌe̱ nga sꞌi̱jinjnú ko̱jo ka̱maꞌniátakónjnú Néná.

1 Xo̱jo̱o̱n Peé 1:23

Ngatꞌa̱ jún jè katsen nginíjnú, kó ngotꞌe̱ jmí tsi xota̱ xi fesón xi katsennijnú, eén Néná xí katsꞌéntsen nginíjnú, kui én xí fejiín, ngatꞌa̱ tikón ta̱ kjiꞌánií.

1 Xo̱jo̱o̱n Peé 2:2

Ngatamajnú xikoó ngo ndí xi sꞌe̱ katsen má, xi ma mejeén ndáchíkií na̱aa̱n, bo̱a̱ tsꞌén ngatamamejénjnú eén Néná, xikoó xi mejeén kꞌuí ntsjén xí kuí soboá soboaá, tsi̱ꞌe̱ nga nda tsꞌén ka̱maxchájnú, kó kjo̱tjoꞌa kjin kjinjnú,

1 Xo̱jo̱o̱n Peé 3:15

Ta̱sá cha̱ndikónjnú Kristoo̱ ngi̱jii̱n ini̱ma̱jnú nga kui xi Ndi̱a̱jnú má, kó ngatsjéni̱xtjin ti̱ndyiondajnú nga ka̱majnú kꞌuiyájnúu̱ nga tjín xi ko̱síyájnú ngo ni kjo̱a̱a̱ kui kjo̱a̱chiyá xi tjínjnú jún.

1 Xo̱jo̱o̱n Peé 3:21

Kuí ndáfoaa̱ xi akó tjón tjón xikótsꞌèn tsꞌaxiéꞌájnú ndáfoaa̱, ngatꞌa̱ kjiꞌanga satíndá ngi̱jin ndáfoaa̱, fotjoꞌa ñá ta̱ngatꞌanií nga jaꞌáꞌyaá Jesukristoo̱. Kjo̱a̱botíndaá jmí tsi kui xi tsꞌéntsjie yojoná, ta̱sá tsi̱ꞌe̱ nga ndyi̱mindyisé nga nda kꞌuijñá kjo̱a̱kjíntakónná ngindyi̱ko̱n Néná.

1 Xo̱jo̱o̱n Peé 3:5

Ngatꞌa̱ bi̱ tsꞌén yínda yojoo̱ kui ínchjín tsjie xi askoyaá Néná ni̱xtjin xcháján, nga kamábendikón xi̱ꞌii̱n,

1 Xo̱jo̱o̱n Juaa̱ 2:29

Tsi je yàjnú nga kixi̱ Jesukristoo̱, ja̱ ti̱ chjiéngá xcha̱jnú nga ngayeje xota̱ xi ndyi̱tsꞌèn ni xi kixi̱i̱, kuí boá xi je ndií Néná.

1 Xo̱jo̱o̱n Juaa̱ 3:3

Kó ngayeje xota̱ xi ndyi̱koyaa̱ kui, ndyi̱tsꞌèntsjie yojoo̱ ngindyi̱ko̱n Néná, xikótsꞌèn tsjie Jesukristoo̱.

1 Xo̱jo̱o̱n Juaa̱ 3:9

Ngayeje xota̱ xi Néná je katsjaá nga ndií kui ka̱ma, ngájiín nga tsꞌénjé, ngatꞌa̱ Néná jè íjñajii̱n ngo xojmá, kó kui, ngiti̱ májín tsꞌénjé, ngatꞌa̱ jè ndií Néná má.

1 Xo̱jo̱o̱n Juaa̱ 4:7

Jún ndí ntsꞌie xi tjóna, ja̱kꞌi̱e̱ ja̱ngaján si̱ꞌantjó xingi̱, ngatꞌa̱ kjo̱a̱tjoó tsi̱ꞌe̱ Néná boá. Ngayeje xota̱ xi tjiín kjo̱a̱tjoó, kuí boá xi Néná je katsjaá nga ndií kui ka̱ma, kó kuí boá xi be Néná.

1 Xo̱jo̱o̱n Juaa̱ 5:1

Ngayeje xota̱ xi sꞌijii̱n nga Kjisoo̱ xi Kristoo̱, Néná je katsjaá nga ndií kui ka̱ma. Ngayeje xota̱ xi tjoó Néná xí Na̱ꞌmii̱, ti̱ tjoó ngayeje ndií kui Na̱ꞌmii̱ nga.

1 Xo̱jo̱o̱n Juaa̱ 5:18

Jè ya ñá nga ngayeje xota̱ xi Néná je katsjaá nga ndií kui ka̱ma, ngájiín nga tsꞌénjé, ngatꞌa̱ ndií kui Na̱ꞌmii̱ tsꞌénkoón kui xota̱ xi̱ꞌba̱, kó xindajín tsꞌénjo̱jín.

1 Xo̱jo̱o̱n Juaa̱ 5:4

Ngatꞌa̱ ngayeje xota̱ xi Néná je katsjaá nga ndií kui ka̱ma, tsꞌénrií nga tsꞌénchájá kui nga̱sondiee̱, kó kjo̱a̱sꞌijinná boá xi tsꞌeén nga tsꞌénchájá kui nga̱sondiee̱.