1 Xo̱jo̱o̱n Peé 1:2 - Xo̱jo̱n eén Néná

² Xikó tsꞌén índa Néná xí na̱ꞌminá nga kamámejeén jaꞌájinjnú jún, tsi̱ꞌe̱ nga xota̱ na̱xi̱ńdá xí tsi̱ꞌe̱ ka̱majnú. Kó nga ngatꞌaa̱ A̱si̱énni̱xtjii̱n, ko̱jo ngatꞌaa̱ nga kꞌien Jesukristoo̱ nga katsꞌéntsjiejónjnú ngayeje jéjnú, tsi̱ꞌe̱ nga ko̱nda̱ꞌyáꞌénjnú. Ngatama tsie kjo̱a̱nda ko̱jo kjo̱a̱xió xi tsja̱ajnú Néná.

1 Xo̱jo̱o̱n Peé 1:2 ပူးပေါင်းရင်းမြစ်များ

Matioo̱ 24:22

Kó tsi Néná chiboajín ku̱i̱ꞌíjñaá kui ni̱xtjii̱n, ta̱ꞌyajín xi kjo̱tjoꞌa, ta̱nga ta̱ngatꞌanii̱ xota̱ xi je jaꞌájin, chiboa ni̱xtjin íjñaá nga ka̱ma kui ni̱xtjii̱n.

Matioo̱ 24:24

Ngatꞌa̱ kjín Kristo̱ ndiso xi kuijín xi kjo̱tjokjá, ko̱jo kjín já chji̱ni̱e̱ꞌén ndiso xi kji̱ndi̱bá, kó sa̱ꞌín kjo̱a̱ndikón ko̱jo chi̱bo̱a̱ tsi̱ꞌe̱ nga kꞌo̱ṉcha̱jo xotaa̱, kó ngaskande ka̱maa̱ tsi kꞌo̱ṉcha̱jo xota̱ xi je jaꞌájin Néná.

Matioo̱ 24:31

kó kuí xí sa̱ngíyá ndítsjiee̱, tsi̱ꞌe̱ nga sa̱ꞌínkjanie tjioo̱, kó ku̱i̱ꞌítikó xota̱ xi je jaꞌájin nga nijón tji̱ngi̱i̱ kui nga̱sondiee̱, ndeskande nínga ꞌbítsi̱yanii̱, kó ngaskande nínga fetꞌanii̱.

Markoo̱ 13:20

Kó tsi Néná chiboajín ku̱i̱ꞌíjñaá kui ni̱xtjii̱n, ta̱ꞌyajín xi kjo̱tjoꞌa, ta̱nga ta̱ngatꞌanii̱ xota̱ xi je jaꞌájin, chiboa ni̱xtjin íjñaá nga ka̱ma kui ni̱xtjii̱n.

Markoo̱ 13:22

Ngatꞌa̱ kjín Kristo̱ ndiso xi kuijín xi kjo̱tjokjá, ko̱jo kjín já chji̱ni̱e̱ꞌén ndiso xi kji̱ndi̱bá, kó sa̱ꞌín kjo̱a̱ndikón, ko̱jo chi̱bo̱a̱ tsi̱ꞌe̱ nga kꞌo̱ṉcha̱jo xotaa̱, kó ngaskande ka̱maa̱ kꞌo̱ṉcha̱jo xota̱ xi je jaꞌájin Néná.

Markoo̱ 13:27

Kó kjiꞌá boá nga sa̱ngíyá ndítsjiee̱, kó ku̱i̱ꞌítikó xota̱ xi je jaꞌájin nga nijón tji̱ngi̱i̱ kui nga̱sondiee̱, ndeskande nínga fetꞌaa̱ tꞌanangii̱, ngaskande nínga fetꞌaa̱ ndiꞌakꞌajmii̱.

Rkaa̱ 18:7

Kó Néná a kixi̱jín tsꞌén sa̱ꞌínseén xota̱ xi je jaꞌájin xi nga jñó ko̱jo nga ni̱xtji̱e̱n ndyi̱chji̱a̱a̱ kui. A sa̱ꞌínkꞌandíyárií nga ko̱síko̱jo kui xotaa̱.

Ni xi kamá 15:18

bi̱ tsó Ndi̱a̱ná xi bokó ngayeje kui nii̱ ndeskande ni̱xtjin xcháján.

Ni xi kamá 2:23

kuí nda̱a̱, xi kiniꞌánkꞌasꞌien nga ja̱bo̱a̱ je índa Néná nga bo̱a̱ ka̱maa̱, kui xi ikꞌítꞌaꞌniújnú ko̱jo xi kiniꞌánkꞌiénjnú, nga kiniꞌánkꞌasꞌienjnú ngi̱ya tsja xota̱ xi ndajín nga akjatꞌa kro,

Ni xi kamá 20:32

Kó ngotꞌe̱ ꞌne̱, já ntsꞌie, míꞌátjée̱ Néná kjo̱a̱a̱ jún ko̱jo éntjatsi̱e̱e̱ kjo̱a̱ndaa̱ kui xi tjiín ngaꞌniú tsi̱ꞌe̱ nga ꞌniú ngase sꞌi̱jinjnú Néná, kó tsja̱ajnú jún ngayeje ni xi katsóyà nga tsja̱á xota̱ tsjiee̱.

Xota̱ Roma̱ 1:5

Ta̱ngatꞌaa̱ Jesukristoo̱ nga Néná katsjána kjo̱a̱ndaa̱, ko̱jo nga apostroo̱ kamá an, kó katsangiyana tsi̱ꞌe̱ nga ta̱jñàní kꞌuini̱jmìi̱ xotaa̱, tsi̱ꞌe̱ nga sꞌi̱jii̱n ko̱jo ku̱i̱ntꞌiéꞌeén Ndi̱a̱ná.

Xota̱ Roma̱ 1:7

Ngayejejnú xi tindyiónjnú na̱xi̱ńdá Roma̱, tsꞌéntsangiyajnúꞌun kui xo̱jo̱o̱n, jún xi jaꞌájinjnú Néná nga xota̱ tsjiee̱ kui ka̱majnú jún. Néná xí Na̱ꞌminá ko̱jo Ndi̱a̱ná Jesukristoo̱ nga tsja̱ajnú kjo̱a̱ndaa̱ ko̱jo kjo̱a̱xioó.

Xota̱ Roma̱ 11:2

Néná katsꞌénchꞌójín xota̱ na̱xi̱ńdaá, kui xi ndeskande ngasꞌe̱ nga kamábe. Axa̱ yàjínjnú xi ni tsó xo̱jo̱n eén Néná kjo̱a̱a̱ Eliyaa̱, kjiꞌanga yíngítaꞌin xota̱ Israee̱l ngindyi̱ko̱n Néná, bi̱ katsó:

Xota̱ Roma̱ 11:28

Kamámejénjiín xota̱ Israee̱l éntjatsi̱e̱e̱ Néná, ta̱ngatꞌanii̱ nganda tsa̱jún nga xota̱ Israee̱l kondraa̱ Néná kamá, ta̱nga Néná tjoó xota̱ Israee̱l ngatꞌa̱ jaꞌájin xota̱ tji̱e̱ xchaá.

Xota̱ Roma̱ 15:16

tsi̱ꞌe̱ nga mosoo̱ Jesukristoo̱ ka̱ma an, nganda tsi̱ꞌe̱ xota̱ xi jundío̱jín nga kokoyáa̱ eén Néná, kó kui xotaa̱ ngo kjo̱a̱tjó xi nda ka̱ma ngindyi̱ko̱n Néná, kjo̱a̱tjó xi tjítsꞌéntsjie A̱si̱énni̱xtjii̱n Néná.

Xota̱ Roma̱ 16:19

Ngatꞌa̱ ngayeje xi be nga jún ndyi̱niꞌánkjatjosónjnúu̱ Néná, kó kui nii̱ xi achichí tsja mana, ta̱nga mejénna nga kꞌuiéjnú kjo̱a̱kjíntakón kjo̱a̱a̱ nga ni xi nda si̱ꞌánjnú, ta̱nga nga jmí tsi ni xi ndajín xi si̱ꞌánjnú.

Xota̱ Roma̱ 16:26

Ta̱nga ngotꞌe̱ ꞌne̱ je tikón tsijen kui nii̱, xikó tjítsó xo̱jo̱n xi katsꞌénda já chji̱ni̱e̱ꞌe̱én Néná, kó tjíniꞌánkintꞌiè ngayeje xota̱ nga̱sondiee̱, bo̱a̱ tsꞌén atíxoma Néná xi tikón ngatsjéni̱xtjii̱n, tsi̱ꞌe̱ nga xotaa̱ sꞌi̱jii̱n kó ku̱i̱ntꞌiéꞌeén Néná.

Xota̱ Roma̱ 8:13

Ngatꞌa̱ tsi tindyiónjnú xikótsꞌèn tsꞌénkjó ngo xotaa̱ kui nga̱sondiee̱, ko̱yàjnú. Ta̱nga tsi si̱ꞌankjiénjnú A̱si̱énni̱xtjii̱n tsi̱ꞌe̱ nga ngiti̱ si̱ꞌánjínjnú ni xi ndajiín, ku̱i̱ndyionjnú.

Xota̱ Roma̱ 8:33

ꞌYání xi ka̱maa̱ ko̱óngítaꞌin xota̱ xi Néná jè jaꞌájin. Néná xí bo̱a̱ katsó nga kixi̱ ka̱ma xota̱ xi tsi̱ꞌe̱.

1 Xota̱ Korinto̱ 1:30

Néná xí katsꞌéngojo̱jnú Kristo̱ Kjisoo̱, kó ñá xi je kiniꞌángojo̱ yojoná makjínná ni xi tsi̱ꞌe̱, kó Néná xí katsꞌénná nga xota̱ kjínkón boá ñá, nga kixi̱ tindyión ngindyi̱ko̱n kui, nga xota̱ tsjie, ko̱jo nga xota̱ xi je kamáchjítjé jéná ñá,

1 Xota̱ Korinto̱ 6:11

Kó tjín jún xi kui nii̱ kiniꞌánjnú ngasꞌe̱, ta̱nga ngotꞌe̱ ꞌne̱ je kiniꞌántsjiejónjnú yojojnú, kó je tsjiejnú ko̱jo je xota̱ kixi̱jnú ngindyi̱ko̱n Néná, kó ngaꞌniuú Ndi̱a̱ná Jesukristoo̱ ko̱jo A̱si̱énni̱xtjii̱n Néná xí katsꞌén kui nii̱.

2 Xota̱ Korinto̱ 10:5

Kó bo̱a̱ tsꞌén si̱ꞌanchajajne̱ ta̱jmì énní, ko̱jo kjo̱a̱nkꞌatakón xi sakó ngaꞌniuú xi ꞌbíchjaá xotaa̱ nga sku̱i̱e̱ Néná, tsi̱ꞌe̱ nga ko̱sikjoyájne̱ kjo̱a̱kjíntakoón xotaa̱, kó ku̱i̱ntꞌiéꞌeén Kristoo̱.

2 Xota̱ Korinto̱ 13:14

Kjo̱a̱ndaa̱ Ndi̱a̱ná Jesukristoo̱, kjo̱a̱tjoó Néná ko̱jo A̱si̱énni̱xtjii̱n Néná ngatꞌíndojo̱jnú ngatsjéni̱xtjin. Bo̱a̱ kjiꞌi.

Ndeuteronomio̱ 7:6

»Jún boá ngo xtín xota̱ na̱xi̱ńdá xi ndikón. Néná je jaꞌájinjnú ngi̱jii̱n kjín xota̱ na̱xi̱ńdá xí tjín nga̱sondiee̱, tsi̱ꞌe̱ nga jún xi ka̱majnú xota̱ xi ꞌniú tjó ngasee̱ kui.

Xota̱ Kolosa̱ 3:12

Néná jè jaꞌájinjnú jún nga je xota̱ tsjiee̱, ko̱jo xota̱ xi tjoó kui májnú jún, kuíni nga ti̱ꞌantja̱tsi̱e̱yàjnú kjo̱a̱mindyionjnú, xikoó tsi ngo ńjño xi tja̱tsi̱e̱ cha̱jájnú nga ni̱ma̱ ka̱majnú xingi̱jnú, ko̱jo nga kꞌuiéjnú kjo̱a̱nda, ko̱jo nga kꞌuiéjnú kjo̱a̱ni̱ma̱kjo̱a̱, ko̱jo nga kꞌuiéjnú kjo̱a̱ndaxota̱, ko̱jo nga kꞌuiéjnú kjo̱a̱chiyákjo̱a̱.

2 Xota̱ Tesalónika̱ 2:13

Ta̱nga ji̱n chjiéngá ngatsjéni̱xtjin ko̱e̱ꞌéjne̱ ndokꞌóchjì Néná kjo̱a̱a̱ jún, já ntsꞌie xi Ndi̱a̱ná tjoó, ngatꞌa̱ nga tjón tjón Néná jún xí jaꞌájinjnú, tsi̱ꞌe̱ nga sa̱kójnú kjo̱a̱ꞌnaxiéꞌaá, ngatꞌa̱ A̱si̱énni̱xtjii̱n Néná tsꞌéntsjiejnú, ko̱jo je kisꞌijinjnú én xí ja̱koxi̱i̱.

2 Timoo̱ 2:10

Kuíni nga tsꞌenchíkjo̱a̱ an ngayeje nii̱, ta̱ngatꞌanii̱ ngandaa̱ xota̱ xi je jaꞌájin Néná, tsi̱ꞌe̱ nga ko̱jo kui sa̱ko̱ó kjo̱a̱ꞌnaxiéꞌaá, ko̱jo kui kjo̱a̱je xi májiín fe xi tsja̱aná Kristo̱ Kjisoo̱.

Titoo̱ 1:1

Án boá xi ꞌmína Pabloo̱, mosoo̱ Néná ko̱jo apostroo̱ Jesukristoo̱, xikótsꞌèn sꞌijii̱n xota̱ xi je jaꞌájin Néná, ko̱jo xikó kjiꞌi kjo̱a̱kjíntakón xi ja̱koxi̱i̱ nga bendikón Néná, bo̱a̱ kjíꞌí xána,

Xota̱ Ebreo̱ 10:22

Kuíni chjiéngá nga ngayeje ini̱ma̱ná nga kongínchon tiñáa̱ Néná, nga kꞌuiéná ngo kjo̱a̱sꞌijin xi ja̱koxi̱, nga tsjie ka̱ma ini̱ma̱ná kjo̱a̱a̱ ni xi ndajínkjiꞌi xi tikoón kjo̱a̱kjíntakónná ko̱jo nga ko̱niéjón ñá yojoná ndáfoa xi tsjie.

Xota̱ Ebreo̱ 11:28

Ta̱ngatꞌanii̱ kjo̱a̱sꞌijii̱n Moisee̱ kuíni nga katsꞌén sꞌué paskuaa̱, kó katsangiya nga jín kachjatjónjón nga̱ntjo̱a̱a̱, tsi̱ꞌe̱ nga ndítsjiee̱ kjo̱a̱bo̱yaa̱ sa̱ꞌínkꞌiénjín ndí tjoón xota̱ Israee̱l.

Xota̱ Ebreo̱ 12:24

Tsangínchon tiñajnúu̱ Kjisoo̱, kui xi ngatꞌaa̱ kui nga Néná índa ngo kjo̱a̱ꞌbínda tja̱tsi̱e̱ kjo̱a̱a̱ kui jín xí iskjitjón nga kꞌien, kui xi chjí ngasenii̱ ngatꞌa̱ bokóná ni xi nda ngase, ta̱bo̱a̱jiín jiín Abee̱.

Xota̱ Ebreo̱ 5:9

Kó ngije Kristoo̱ kamá xi chjiéngá ka̱ma kui, kuí boá xi kamá kui xi ngatsjéni̱xtjin kꞌo̱xiéꞌá kui xota̱ xi ndyi̱ntꞌièꞌeén.

1 Xo̱jo̱o̱n Peé 1:14

Ngatamajnú xikoó ndí xí ntꞌiéꞌeén na̱ꞌmii̱, jmí tsi bo̱a̱ tsꞌén ku̱i̱ndyionjnú, xikoó ngasꞌe̱ kjiꞌanga kji̱e̱ yàjínjnú Néná, nga ta̱xkiya kiniꞌánkjatjosónjnúu̱ ni xi kamámejénjnú kiniꞌánjnú.

1 Xo̱jo̱o̱n Peé 1:19

Ta̱sá jiín Kristoo̱ xi kiniꞌánchjién kuí xí ꞌniú chjí ngasenii̱. Kristoo̱, kuí boá xi xikoó ngo cho̱tsa̱nga̱ xi nda ko̱jo xi onjiín.

1 Xo̱jo̱o̱n Peé 1:20

Néná índa ndeskande koó ngindiee̱ nga kamánda nga̱sondiee̱ nga bo̱a̱ kjiꞌi ni xi ka̱maa̱, ta̱nga kui ni̱xtjin xi kjifetꞌaa̱ tjibóko ta̱ngatꞌanii̱ nganda tsa̱jún.

1 Xo̱jo̱o̱n Peé 1:22

Ngotꞌe̱ ꞌne̱ nga je kiniꞌántsjiejnú yojojnú ta̱ngatꞌanii̱ nga kandaꞌyáꞌénjnúu̱ én xí ja̱koxi̱i̱, kó nga je tjó ja̱koxi̱jnú xingi̱jnú, xikoó tsi ngo ntsꞌiejnú. Ngayeje ini̱ma̱jnú ꞌniú ti̱ꞌantjójnú ja̱kꞌi̱e̱ ja̱ngaján xingi̱jnú.

1 Xo̱jo̱o̱n Peé 2:9

Ta̱nga jún boá xi xota̱ tji̱e̱ xi je kachjaꞌájii̱n, jún boá xi chináꞌmi xi ndyi̱tsꞌènseén kui Ree̱ xi botixómá ndiꞌakꞌajmi jàn, jún boá xi xota̱ na̱xi̱ńdá tsjie, jún boá xi xota̱ na̱xi̱ńdá xí je tsi̱ꞌe̱ Néná, tsi̱ꞌe̱ nga jún xi ko̱ndókjo̱a̱jnú ni nda xi katsꞌén Néná, kui Néná xi tsíchji̱a̱jnú tsi̱ꞌe̱ nga jatjojnú nínga jñoó, kó ikitjasꞌi̱e̱njnú nínga tsꞌentsíjen kjo̱a̱jee̱ ndiꞌií.

2 Xo̱jo̱o̱n Peé 1:2

Ngatama tsie kjo̱a̱nda ko̱jo kjo̱a̱xió xi kꞌuiéjnú nga xcha̱jnú Néná ko̱jo Ndi̱a̱ná Kjisoo̱.

2 Xo̱jo̱o̱n Juaa̱ 1:1

Án boá ngo nda̱ xi xota̱ xi xchaá na̱ngo̱xi̱i̱ tsꞌentindejnúꞌun jún xi xota̱ na̱ngo̱xi̱ xi je jaꞌájinjnú Néná, kui xota̱ xi ja̱koxi̱ nga tjóna, kó jmí tsi ta̱ án tsí xi tjóna, ti̱ tjórií jún ngayeje xota̱ xi je kamábe ni xi ja̱koxi̱i̱ nga.

2 Xo̱jo̱o̱n Juaa̱ 1:13

Tinde xò bo̱a̱ tsó xota̱ na̱ngo̱xi̱ xi je kisꞌijii̱n xikoó jún, xi síndo kꞌi̱e̱e̱, kui xi Néná ti̱ je jaꞌájin nga. Bo̱a̱ kjiꞌi.

Xo̱jo̱o̱n Jundaa̱ 1:2

Ngatama tsie kjo̱a̱ni̱ma̱takón, ko̱jo kjo̱a̱xió, ko̱jo kjo̱a̱tjó xi tsja̱ajnú Néná.