1 Xo̱jo̱o̱n Juaa̱ 5:9 - Xo̱jo̱n eén Néná

⁹ Tsi niꞌánjo̱ꞌó ngo én xí chji̱a̱ ngo xota̱ xi chistiko̱, ja̱ chjí ngasenii̱ ni xi chji̱a̱ Néná, ngatꞌa̱ kuí nii̱ xi tsꞌénchji̱a̱ Néná, nga chistiko̱ kjima nga chji̱a̱ kjo̱a̱a̱ ndií.

1 Xo̱jo̱o̱n Juaa̱ 5:9 ပူးပေါင်းရင်းမြစ်များ

Ni xi kamá 17:31

ngatꞌa̱ nga Néná jè jaꞌájin ngo ni̱xtjin nga kixi̱ tsꞌén ko̱tíjeé xotaa̱ kui nga̱sondiee̱, kó jè jaꞌájin ngo nda̱ xi sa̱ꞌín kui nii̱, kó jè íjñá chi̱bo̱a̱ná ngayeje ñá, kjiꞌanga katsꞌénkjaꞌáꞌyaá ngi̱jii̱n xota̱ xi je jesoón.

Matioo̱ 17:5

Tji̱e̱nga tsꞌénchji̱a̱ ngase Peé, ngo ṉdi̱ ꞌna̱ kitsjien, kó ki̱a̱ kasasien nínga síndo kui jaá, sꞌe̱ ngi̱jin kui ṉdi̱i̱ kandaꞌyá ngo nda̱, xi bi̱ katsó: –Kuí xi̱ꞌbi̱ xi ndí tjóna, tsjátjínna ngatꞌaa̱ kui, ndaꞌyájnúu̱.

1 Xo̱jo̱o̱n Juaa̱ 5:10

Xi sꞌijii̱n ndií Néná, ngi̱jin ini̱ma̱a̱ be nga ja̱koxi̱ boá kui nii̱. Xi sꞌijinjiín Néná, ndiso tjítsꞌén Néná, ngatꞌa̱ kji̱e̱ sꞌijinjiín ni xi katsó Néná kjo̱a̱a̱ ndií.

Xota̱ Ebreo̱ 2:4

Kó Néná ti̱ akóná nga ja̱koxi̱ kuí nii̱ kjiꞌanga katsꞌén chi̱bo̱a̱, ko̱jo ni xi ꞌbíndíkón, ko̱jo kjo̱a̱ndikón, kó katsꞌénkjaꞌasónná kjo̱a̱ndaa̱ A̱si̱énni̱xtjii̱n xikótsꞌèn kamámejeén kui.

Ni xi kamá 5:32

Kó ji̱n xí chistikoo̱ kui nii̱, ko̱jo A̱si̱énni̱xtjii̱n Néná, kui A̱siénni̱xtjin xi Néná katsjaá kui xota̱ xi ndyi̱ntꞌièꞌeén.

Juaa̱ 10:38

ta̱nga tsi sa̱ꞌin an, ndatsi sꞌi̱jinjínjnú an, sꞌijin ngatamajnú ni xi tsꞌen an, tsi̱ꞌe̱ nga xcha̱jnú, kó ka̱makjínjnú nga Néná xí Na̱ꞌmii̱ tikónjinna, kó an tikónjìi̱n kui.

Juaa̱ 5:39

Chjátꞌayájnú ni xi tsó xo̱jo̱n eén Néná, ngatꞌa̱ bo̱a̱ tsꞌén nga ki̱a̱ sa̱kójnú kjo̱a̱mindyion ngatsjéni̱xtjii̱n, kó kuí boá kui én chistiko̱ xi chji̱a̱ kjo̱a̱a̱ an,

Xota̱ Ebreo̱ 6:18

Kó Néná ndisojín, ngatꞌa̱ jó ni ni nga sasíkjojín kjo̱a̱a̱ ni xi katsóyàtjón nga tsja̱a ko̱jo nga katsjá tsꞌoa. Kó bo̱a̱ tsꞌén kꞌuiéná ngo ngaꞌniú xi ꞌniú, ngatꞌa̱ ñá mejénná nga Néná skónná, kó ꞌniátakón ñá nga ndyi̱chiyá nga kui xi tsja̱aná ni xi katsóyàtjónná.

1 Xo̱jo̱o̱n Juaa̱ 5:8

kó nga jaán nga ndse̱je̱n ma. A̱si̱énni̱xtjii̱n, ndáfoaa̱, ko̱jo jiín.