1 Xo̱jo̱o̱n Juaa̱ 4:9 - Xo̱jo̱n eén Néná

⁹ Kuí nii̱ xi akó nga Néná tjoó ñá, nga katsangiya ndí ngototoo̱ kui nga̱sondiee̱, tsi̱ꞌe̱ nga ngatꞌaa̱ kui ndií nga kꞌuiéná kjo̱a̱mindyion.

1 Xo̱jo̱o̱n Juaa̱ 4:9 ပူးပေါင်းရင်းမြစ်များ

Xo̱jo̱n Salmoo̱ 2:7

Án boá xi xiyà an kjo̱a̱botíxoma xi Néná katsóyàna, nga bi̱ katsóna: «Jí boá xi ndína ma ji, ndeskande koó ngotꞌe̱ ꞌne̱ nga na̱ꞌmíi̱ ma an.

Markoo̱ 12:6

Kisꞌijñaa̱ ingo xi fetꞌa xi katsangiya: Ndí tsi̱ꞌe̱, kui xi achichí tjoó kó katsangiyaa̱ kui jaá, ngatꞌa̱ bi̱ katsó: “Kui jaá sku̱i̱e̱ndikón ndína.”

Rkaa̱ 4:18

A̱si̱énni̱xtjii̱n Ndi̱a̱a̱ tikónjinna, ngatꞌa̱ jè katsjáxána, tsi̱ꞌe̱ nga an xi kꞌuini̱jmìi̱ éntjatsi̱e̱e̱ ngayeje xota̱ ni̱ma̱, katsangiyana nga sa̱ꞌindaya an xota̱ xi oo̱n ini̱ma̱a̱, ko̱jo nga xiyàa̱ nga je kꞌuitsómandé xota̱ xi ndyi̱a̱ꞌya ndo̱bo̱a̱yà ko̱jo nga tsjàa̱ nga ka̱matsijee̱n xota̱ xi ti̱ka̱, ko̱jo nga kꞌuindondé án xota̱ xi ndajín tjíniꞌánjo̱,

Juaa̱ 10:10

Chejeé kjo̱e̱ꞌe, ta̱ tsi̱ꞌe̱ nga sa̱ꞌínchejé tsí, ko̱jo kjo̱e̱ꞌe nga sa̱ꞌínkꞌién, ko̱jo kjo̱e̱ꞌe tsꞌenkjié, ta̱nga an jéꞌe̱ án tsi̱ꞌe̱ nga kꞌuiéjnú kjo̱a̱mindyion, ko̱jo tsi̱ꞌe̱ nga tsie kꞌuiéjnú.

Juaa̱ 14:6

Sꞌe̱ Kjisoo̱, bi̱ katsó: –Án boá xi ndi̱ya̱à, ko̱jo xi ja̱koxi̱i̱, ko̱jo xi kjo̱a̱mindyioo̱n, ta̱ꞌyajínni xi kjo̱chókoón Na̱ꞌmii̱ tsi ngatꞌaa̱ ánjín.

Juaa̱ 3:16

Ngatꞌa̱ Néná achichí tjó kamaá xotaa̱ kui nga̱sondiee̱, nga katsjá ndí ngototoo̱, tsi̱ꞌe̱ nga ngayeje xi sꞌijii̱n kui, xcha̱jàjín, kó ta̱sá ngatꞌieé kjo̱a̱mindyion ngatsjéni̱xtjii̱n.

Juaa̱ 3:18

Xi sꞌi̱jii̱n kui, ka̱majéjiín, ta̱nga xi sꞌi̱jinjiín kui, jè tji̱e̱e̱n jé, ngatꞌa̱ kisꞌijinjiín jaꞌeén ndí ngototoo̱ Néná.

Juaa̱ 5:23

tsi̱ꞌe̱ nga ngayeje xota̱ sku̱i̱e̱ndikón ndií xikótsꞌèn bendikón Na̱ꞌmii̱. Xi bendikónjín ndií, bendikónjín Na̱ꞌmi xi katsangiya kui nga.

Juaa̱ 6:29

Sꞌe̱ Kjisoo̱, bi̱ katsó: –Kuí xi̱ꞌbi̱ xi xaá Néná, nga si̱ꞌansꞌijinjnú kui xi katsangiya kui.

Juaa̱ 6:51

Án boá kui pan xi tikón xi jatjajenni ndiꞌakꞌajmi jàn, tsi tjín xí skji̱ni̱e̱ kui paa̱n, kꞌuijñá ngatsjéni̱xtjin, kó kui pan xi tsjàa̱ yojona boá, kui xi tsja an kjo̱a̱nda tsi̱ꞌe̱ kjo̱a̱mindyioo̱n kui nga̱sondiee̱.

Juaa̱ 6:57

Xikó tsꞌén katsangiyana Na̱ꞌmina xi tikoón, kó ta̱ngatꞌanii̱ kui nga tikòn an, ti̱ bo̱a̱ ti̱ tsꞌén xi skji̱ni̱e̱ yojona, kꞌuijñá ta̱ngatꞌanii̱ an.

Juaa̱ 8:29

Ngatꞌa̱ xi katsangiyana, tikónjo̱na, kji̱e̱ ngo ndi̱yà ꞌbijñá soboána Na̱ꞌmina, ngatꞌa̱ ngatsjéni̱xtjin nga ni xi tsja maa̱ kuí boá xí tsꞌen an.

Juaa̱ 8:42

Sꞌe̱ Kjisoo̱, bi̱ katsó: –Tsi ja̱koxi̱ nga Néná xí na̱ꞌmijnú, tjóra̱ si̱ꞌánjnúꞌun, ngatꞌa̱ Néná boá xi na̱ꞌmina, kó jéꞌe̱ an kꞌi̱e̱e̱, ngatꞌa̱ jéꞌe̱so̱bo̱a̱jín an, na̱ꞌmina boá xi katsangiyana.

Juaa̱ 9:3

Sꞌe̱ Kjisoo̱, bi̱ katsó: –Nde kuijín nda̱a̱ xi katsꞌénjé, ti̱nde xi xchaájín, kjimá kuí nii̱ tsi̱ꞌe̱ nga ta̱ngatꞌanii̱ kui, nga Néná ko̱kó ngaꞌniuú.

Xota̱ Roma̱ 8:32

Néná íxꞌi̱a̱njín ndií, kó ta̱sá katsjandiè nga kiniꞌánkꞌién ndií ta̱ngatꞌanii̱ ñá, kó kótsꞌèn nga ka̱májín ta̱ tsja̱aná ñá ngayeje nii̱.

Xota̱ Ebreo̱ 1:5

Néná bi̱ katsoó ndií: Jí xí ndína ji, án xí Na̱ꞌmíi̱ an, ngotꞌe̱. Kó kui nii̱ jmí tsi ngo ndítsjie xi bo̱a̱ katsoó. Kó Néná ti̱ bi̱ ti̱ katsó kjo̱a̱a̱ ndií nga: Án xí Na̱ꞌmii̱ kui ka̱ma an, kó kuí xí ndína ka̱ma kui.

1 Xo̱jo̱o̱n Juaa̱ 3:16

Kuí nii̱ xi ya ñá kjo̱a̱tjoó, nga Jesukristoo̱ katsjá kjo̱a̱mindyioo̱n ta̱ngatꞌanii̱ ñá, bo̱a̱ ti̱ tsꞌén ñá, chjiéngá ko̱e̱ꞌé kjo̱a̱mindyionná ta̱ngatꞌanii̱ xota̱ xi ngasee̱.

1 Xo̱jo̱o̱n Juaa̱ 4:10

Kuí bí kui nii̱ xi kjo̱a̱tjoó: Nga jmí tsi ñá xí kiniꞌántjó Néná, ta̱sá kjo̱a̱a̱ nga Néná boá xi katsꞌéntjóná ñá, kó katsangiyaná ndií xikoó ngo kjo̱a̱tjó xi niꞌánkꞌasꞌien tsi̱ꞌe̱ nga kiniꞌánjetakoón jéná.

1 Xo̱jo̱o̱n Juaa̱ 4:16

Kó ñá jè ya ko̱jo sꞌijinná nga Néná tjoó ñá. Kjo̱a̱tjó boá Néná, kó kui xota̱ xi síndo ngi̱jii̱n kjo̱a̱tjoó Néná, Néná tikónjii̱n kui, kó kuí tikónjii̱n Néná.

1 Xo̱jo̱o̱n Juaa̱ 5:11

Néná katsjáná kjo̱a̱mindyion ngatsjéni̱xtjii̱n, kó ngatꞌaa̱ ndií kuí nga sa̱kóná kuí kjo̱a̱mindyioo̱n. Kuí bí ni xi katsó Néná nga tsíchji̱a̱.

1 Xo̱jo̱o̱n Juaa̱ 5:13

Jún xi sꞌijinjnú ndií Néná, jún xí tjítsꞌenꞌindójnúꞌun kui xo̱jo̱o̱n, tsi̱ꞌe̱ nga xcha̱jnú nga tikónjnú kui kjo̱a̱mindyion ngatsjéni̱xtjii̱n.