1 Xo̱jo̱o̱n Juaa̱ 3:9 - Xo̱jo̱n eén Néná

⁹ Ngayeje xota̱ xi Néná je katsjaá nga ndií kui ka̱ma, ngájiín nga tsꞌénjé, ngatꞌa̱ Néná jè íjñajii̱n ngo xojmá, kó kui, ngiti̱ májín tsꞌénjé, ngatꞌa̱ jè ndií Néná má.

1 Xo̱jo̱o̱n Juaa̱ 3:9 ပူးပေါင်းရင်းမြစ်များ

Joo̱b 19:28

»Ka̱mara̱ bi̱ kꞌuínjnú: míkjo̱a̱a̱ nga ndyi̱miyotji̱ngíi̱, ngatꞌa̱ ndyi̱niꞌánkjójnú nga an boá xi konna kjo̱a̱a̱ ni xi ndajín xi kjimana,

Xo̱jo̱n Salmoo̱ 119:3

Jmí ni xi ndajín ndyi̱tsꞌènjín kui xotaa̱: ta̱ jí tsí xi ndyi̱ntꞌièꞌeén.

Lebitiko̱ 11:37

Tsi yojo kꞌiee̱n kui cho̱o̱ xi ki̱a̱ kꞌo̱kanié nínga síndo xojmá xí kꞌuítji̱e̱e̱, kui xojmaá to̱kó tsjiera ka̱ma.

Matioo̱ 7:18

Ka̱májín ngo yá xí nda, xi tsja̱a to xi ndajín, ti̱nde ka̱májín ngo yá xí ndajín xi to xi nda tsja̱a.

Juaa̱ 1:13

Kui xota̱ xi katsen ngatꞌaa̱ Néná, jmí tsi bo̱a̱ tsꞌén katsen xikoó xota̱ xi tjiín, ti̱nde jmí tsi xikótsꞌèn mejeén xota̱ xi yojo katsenni.

Juaa̱ 3:3

Sꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiáa̱n nga tsi ngo xi stse̱njín nginí, ka̱májiín sku̱i̱e̱ xikótsꞌèn botixómá Néná.

Ni xi kamá 4:20

ngatꞌa̱ ka̱májín nga ngiti̱ ko̱ndókjo̱a̱jínjne̱ ni xi je kamáyà ji̱n, ko̱jo ni xi je kandaꞌyá ji̱n.

Xota̱ Roma̱ 6:2

¡Jmí! Ngatꞌa̱ tsi je ikꞌíjñámasien jeé, kótsꞌèn nga ta̱kó ku̱i̱ndyión nga si̱ꞌanjé.

Xota̱ Ngalasia̱ 5:17

Ngatꞌa̱ ni xi mejeén yojojnú kondra̱ tikónnii̱ ni xi mejeén A̱si̱énni̱xtjii̱n Néná, kó ni xi mejeén A̱si̱énni̱xtjii̱n Néná kondra̱ tikónnii̱ ni xi mejeén yojojnú, kó nga jó kui nii̱ satíkjo, kuí nii̱ xi tsjandièjín nga chje̱ꞌéjin ni xi ndaa̱ ndatsi mejénná si̱ꞌán.

Titoo̱ 1:2

kuíni nga ndyi̱chiyáa̱ kjo̱a̱mindyion ngatsjéni̱xtjii̱n, kui ni xi ndeskande ngindiee̱ nga kamánda nga̱sondiee̱ katsóyàtjón nga tsja̱aná kui Néná xi májiín ꞌbíndisoo̱.

1 Xo̱jo̱o̱n Peé 1:23

Ngatꞌa̱ jún jè katsen nginíjnú, kó ngotꞌe̱ jmí tsi xota̱ xi fesón xi katsennijnú, eén Néná xí katsꞌéntsen nginíjnú, kui én xí fejiín, ngatꞌa̱ tikón ta̱ kjiꞌánií.

1 Xo̱jo̱o̱n Juaa̱ 2:29

Tsi je yàjnú nga kixi̱ Jesukristoo̱, ja̱ ti̱ chjiéngá xcha̱jnú nga ngayeje xota̱ xi ndyi̱tsꞌèn ni xi kixi̱i̱, kuí boá xi je ndií Néná.

1 Xo̱jo̱o̱n Juaa̱ 3:6

Kuíni nga ngayeje xota̱ xi je tikónjii̱n Jesukristoo̱, jè ngiti̱ tsꞌénjéjín, ta̱nga ngayeje xota̱ xi ndyi̱tsꞌènjeé, kji̱e̱ bejín ko̱jo kji̱e̱ makjínjiín ꞌyání xi Jesukristoo̱.

1 Xo̱jo̱o̱n Juaa̱ 4:7

Jún ndí ntsꞌie xi tjóna, ja̱kꞌi̱e̱ ja̱ngaján si̱ꞌantjó xingi̱, ngatꞌa̱ kjo̱a̱tjoó tsi̱ꞌe̱ Néná boá. Ngayeje xota̱ xi tjiín kjo̱a̱tjoó, kuí boá xi Néná je katsjaá nga ndií kui ka̱ma, kó kuí boá xi be Néná.

1 Xo̱jo̱o̱n Juaa̱ 5:1

Ngayeje xota̱ xi sꞌijii̱n nga Kjisoo̱ xi Kristoo̱, Néná je katsjaá nga ndií kui ka̱ma. Ngayeje xota̱ xi tjoó Néná xí Na̱ꞌmii̱, ti̱ tjoó ngayeje ndií kui Na̱ꞌmii̱ nga.

1 Xo̱jo̱o̱n Juaa̱ 5:18

Jè ya ñá nga ngayeje xota̱ xi Néná je katsjaá nga ndií kui ka̱ma, ngájiín nga tsꞌénjé, ngatꞌa̱ ndií kui Na̱ꞌmii̱ tsꞌénkoón kui xota̱ xi̱ꞌba̱, kó xindajín tsꞌénjo̱jín.

1 Xo̱jo̱o̱n Juaa̱ 5:4

Ngatꞌa̱ ngayeje xota̱ xi Néná je katsjaá nga ndií kui ka̱ma, tsꞌénrií nga tsꞌénchájá kui nga̱sondiee̱, kó kjo̱a̱sꞌijinná boá xi tsꞌeén nga tsꞌénchájá kui nga̱sondiee̱.

3 Xo̱jo̱o̱n Juaa̱ 1:11

Ji ndí ntsꞌie xi tjóna, ngata̱ ki̱a̱jín chjeꞌéngíi̱ xota̱ xi ni xi ndajín ndyi̱tsꞌèn, ta̱sá ki̱a̱ chje̱ꞌéngíi̱ xota̱ xi ndyi̱tsꞌèn ni xi ndaa̱. Xota̱ xi ni xi nda tsꞌén, xota̱ xi tsi̱ꞌe̱ Néná boá, ta̱nga xota̱ xi ndajín ndyi̱tsꞌe̱én, kji̱e̱ bejín Néná.