1 Xo̱jo̱o̱n Juaa̱ 3:2 - Xo̱jo̱n eén Néná

² Jún ndí ntsꞌie xi tjóna, ngotꞌe̱ ꞌne̱, jè ndií Néná ñá, kó ndatsi kji̱e̱ yàjín ñá mí ni xi ka̱ma ñá jaskan, jè ya ñá nga kjiꞌanga kjo̱e̱ꞌe Jesukristoo̱ xikó maá kui, nga bo̱a̱ kon ka̱ma ñá, ngatꞌa̱ xcha̱ cha̱n cha̱n ñá xikó má kjiꞌi kui.

1 Xo̱jo̱o̱n Juaa̱ 3:2 ပူးပေါင်းရင်းမြစ်များ

Joo̱b 19:26

Kó ndatsi ngije jatson yojona, ti̱ kuí xí skuiéni an Néná.

Xo̱jo̱n Salmoo̱ 16:11

Jí boá xi ko̱kéní ndi̱ya̱à kjo̱a̱mindyioo̱n. ¡Kjiꞌanga an tindyinjinní achichí tsjá ꞌbéna! ¡Kjiꞌanga ki̱a̱ tikóntꞌáa̱ nga kixi̱i̱, ngatsjéni̱xtjin nga tjínna kjo̱a̱tsja!

Xo̱jo̱n Salmoo̱ 17:15

Ta̱nga an ki ji Ne, skuié án kje̱n ji nga tjiín kjo̱a̱kixi̱. ¡Nga kjo̱a̱ꞌána, achichí tsjá ka̱mana nga skotsijee̱n ji!

Xo̱jo̱n Salmoo̱ 31:19

Achichí je kjo̱a̱ndaxota̱ xi tichjeꞌétjé ji kjo̱a̱a̱ xota̱ xi tsakjoón jí, ko̱jo xi tiꞌbíjñinde ji kjo̱a̱a̱ xota̱ xi ji kjimaꞌniátakoón, ngindyi̱ko̱n ngayeje xota̱ nga̱sondiee̱.

Matioo̱ 5:8

Achichíra̱tsjaa̱ xota̱ xi tsjie ini̱ma̱a̱, ngatꞌa̱ kuí xí sku̱i̱e̱ Néná.

Rkaa̱ 17:30

Bo̱a̱ má ka̱ma nga ko̱kó yojoo̱ ndií nda̱ xi̱ꞌii̱n.

Rkaa̱ 20:36

ngiti̱ ko̱yàjín, ngatꞌa̱ xikónií tsi ndítsjiee̱ Néná ka̱ma, kó ndií Néná boá, ngatꞌa̱ kjo̱a̱ꞌáꞌyá nginií.

Juaa̱ 1:12

Ta̱nga ngayeje xota̱ xi katsꞌénjo̱ꞌo, ko̱jo xi kisꞌijii̱n jaꞌeén, kuí xí katsjaá ngi̱ndie nga ndií Néná kamá.

Juaa̱ 11:52

kó jmí tsi ta̱ kjo̱a̱a̱ tsií kui na̱xi̱ńdaá, ko̱yà Kjisoo̱ kjo̱a̱a̱ nga ka̱matikó ngayeje ndií Néná xi tjimásoón.

Juaa̱ 17:24

Na̱ꞌmi, kui xota̱ xi je katseꞌéní, mejénna nga nínga tikòn an, nga ti̱ ki̱a̱ kꞌuíndojo̱na nga, tsi̱ꞌe̱ nga sku̱i̱e̱ ngayeje kjo̱a̱je xi katseꞌéní, ngatꞌa̱ kiniꞌíntjéní ndeskande koó nga ítjatsꞌennii̱ kui nga̱sondiee̱.

Xota̱ Roma̱ 8:16

Ti̱ kuíní A̱si̱énni̱xtjii̱n Néná xi nijan majo̱ a̱si̱énni̱xtjinná kó kuí boá xi tsáyà kixi̱ nga ñá boá xi ndií Néná.

Xota̱ Roma̱ 8:18

Ta̱nga bee̱ko̱n an nga kui kjo̱a̱ni̱ma̱ xi ndyi̱bitjatió ngotꞌe̱, kjo̱chótji̱ngíjín ngayeje kjo̱a̱je xi jaskan sa̱kóná.

Xota̱ Roma̱ 8:19

Ngatꞌa̱ ngayeje ni xi katsꞌénda Néná, achichí ni xi kjimaa̱ nga ndyi̱koya nga ko̱kó cha̱n cha̱n Néná nga ñá boá xi ndií.

Xota̱ Roma̱ 8:29

Ngatꞌa̱ xota̱ xi Néná ja̱bo̱a̱ je be, índa nga kui xi xikoó tsi ndií kui ka̱ma, tsi̱ꞌe̱ nga ndií kui, kui xi tjón ka̱maa̱ ngayeje ntsꞌiee̱.

1 Xota̱ Korinto̱ 13:12

Ta̱nga ngotꞌe̱ ꞌne̱ ta̱ ndyi̱yà xa̱ tsí ñá ni xi tsi̱ꞌe̱ Néná, xikoó tsi ngo chi̱tsen tsitsienjenjin xi xa̱ ya, ta̱nga nga kjo̱chó ni̱xtjin tíkje̱n tíkje̱n xcha̱ Néná. Ngatꞌa̱ chiboa tsí be an ngotꞌe̱, ta̱nga kjo̱chó ngo ni̱xtjin nga sku̱i̱e̱ cha̱n cha̱n an Néná xikótsꞌèn bena kui.

1 Xota̱ Korinto̱ 15:49

Kó xikótsꞌèn nga bo̱a̱ kón ñá, xikoó nda̱ xi ńdie kamándanii̱, ti̱ bo̱a̱ ti̱ tsꞌén bo̱a̱ kón ka̱ma ñá xikó kjiꞌi nda̱ xi kjindibáni ndiꞌakꞌajmi jàn.

1 Xota̱ Korinto̱ 2:9

Ta̱nga bi̱ tsꞌén kjitꞌa xo̱jo̱n eén Néná: Ni xi nde ngojín xota̱ xi je kamábe, ti̱nde ngojín xota̱ xi je tsintꞌié, ti̱nde ngojín xota̱ xi je íjñajin ngi̱jin ini̱ma̱a̱, kuí ni xi je tikónndaa̱ Néná tsi̱ꞌe̱ xota̱ xi ndyi̱tsꞌèntjó Néná.

2 Xota̱ Korinto̱ 3:18

Kó kuíni nga ngayeje ñá, ngiti̱ jmíjínná kuí ńjño xi boꞌmá kje̱n. Xikoó kjiꞌanga ngo chi̱tsen bokó kje̱n, bo̱a̱ tsꞌén bokó ñá kjo̱a̱jee̱ Ndi̱a̱ná. Bo̱a̱ kon kjimá xikó maá a̱sie̱én Néná, ngatꞌa̱ ngatsjéni̱xtjin sa kjiꞌbé sa kjiꞌbéná tsie kjo̱a̱jee̱, ta̱ngatꞌanii̱ ni xi tjítsꞌén A̱si̱énni̱xtjii̱n Ndi̱a̱ná.

2 Xota̱ Korinto̱ 4:17

Ngatꞌa̱ kui kjo̱a̱ni̱ma̱ xi ta̱ ngotjón nga ndyi̱bitjatió ñá, kuí xí tsja̱aná ngo kjo̱a̱je xi ngatsjéni̱xtjin ko̱jo xi nda ngase.

Xota̱ Ngalasia̱ 3:26

Ngotꞌe̱ ꞌne̱ nga ngayejejnú, nga je ndií Néná jún ngatꞌa̱ sꞌijinjnú Kristo̱ Kjisoo̱.

Xota̱ Ngalasia̱ 4:6

Ngatꞌa̱ nga jè ndií Néná kamá ñá, Néná katsangiya ngi̱jin ini̱ma̱ná A̱si̱énni̱xtjii̱n ndií, kuí xí bi̱ tsó nga chji̱a̱: “¡Abba, Na̱ꞌmi!”

Xota̱ Filipo̱ 3:21

Kó kuí boá xi ko̱síkjoyá yojo ni̱ma̱kjo̱a̱ná, tsi̱ꞌe̱ nga xikoó yojoo̱ kjo̱a̱jee̱ kui ka̱ma, kui nii̱ xi sa̱ꞌín nga sa̱ꞌínkjién ngaꞌniú xí tjiín nga botixómaá ngayeje nii̱.

Xota̱ Kolosa̱ 3:4

Kó ni̱xtjin nga ko̱kó yojoo̱ Kristoo̱ kui xi kjo̱a̱mindyionjnú, kjiꞌá boá nga ko̱jo jún ka̱matsijenjnú nga xcha̱ kjo̱a̱jee̱ kui.

Xota̱ Ebreo̱ 9:28

Kuíni nga ti̱ bo̱a̱ ti̱ tsꞌén Kristoo̱ ta̱ ngo tsí ndi̱yà katsjá yojoo̱ nga kiniꞌánkꞌién tsi̱ꞌe̱ nga kijíjo̱ jeé xotaa̱. Jaskan kji̱ndi̱bá nginí ingo ndi̱yà, ta̱nga jè ngiti̱ kjo̱a̱a̱ jeéjín nga kjo̱e̱ꞌe, kji̱ndi̱bá tsi̱ꞌe̱ nga kꞌo̱xiéꞌá xota̱ xi ndyi̱koyaa̱ kui.

2 Xo̱jo̱o̱n Peé 1:4

Kó ti̱ katsjáná kjo̱a̱nda xi chjínií ko̱jo xi tsjakon xi katsóyàtjón nga tsja̱aná. Ta̱ngatꞌanii̱ kui nii̱ nga jún ka̱ma ku̱i̱ndyionjnú xi kótsꞌèn tikón Néná, nga je ikiyojnúu̱ ni xi ndajín xi chji̱a̱ni kui nga̱sondiee̱, kui ni xi mejeén ini̱ma̱a̱ kui xotaa̱.

1 Xo̱jo̱o̱n Juaa̱ 2:28

Kó ngotꞌe̱ ꞌne̱ ndí ndí tsa̱ꞌa̱n, tindyionjinjnúu̱ Jesukristoo̱, tsi̱ꞌe̱ nga kjiꞌanga ko̱kó yojoo̱, tji̱e̱nda̱jín ka̱máná nga kongínchóo̱n ngindyi̱ko̱n, kó kjinjín si̱ꞌáa̱n yojoná nga soboá ka̱máná nga kjo̱e̱ꞌe kuí.

1 Xo̱jo̱o̱n Juaa̱ 2:7

Jún ndí ntsꞌie, jmí tsi ngo kjo̱a̱botíxoma tja̱tsi̱e̱ xi tjítsꞌenꞌindójnúꞌun. Ni xi tjítsꞌenꞌindójnúꞌun kuí boá kjo̱a̱botíxoma xchá xi kisꞌiejnú ndeskande koó nga ítjatsꞌennii̱ nii̱. Kui kjo̱a̱botíxoma xchaá, kuí boá kui én xi tikón xi je kandaꞌyájnú ndeskande koó ngasꞌe̱.

1 Xo̱jo̱o̱n Juaa̱ 3:1

Tsitsíjenjnúu̱ kókjiꞌi tsie kjo̱a̱tjó xi tsꞌéntsjáná Néná xí Na̱ꞌmii̱, nga xotaa̱, ndií Néná tsóná ñá, kó ndií Néná boá ñá. Kuíni nga xotaa̱ kui nga̱sondiee̱ bejínná ñá, ngatꞌa̱ kui bejín Néná.

1 Xo̱jo̱o̱n Juaa̱ 3:10

Bi̱ tsꞌén nga ya ꞌyání bo̱a̱ xi ndií Néná, kó ꞌyání bo̱a̱ xi ndií xindajín ndiabloo̱. Ta̱ꞌya xota̱ní xi tsꞌénkjátjosónjín kjo̱a̱kixi̱i̱ Néná ko̱jo xi tjójiín xota̱ xi ngasee̱, jmí tsi Néná chji̱a̱ni.

1 Xo̱jo̱o̱n Juaa̱ 3:21

Jún ndí ntsꞌie xi tjóna, tsi ini̱ma̱ná tsꞌénbongítaꞌinjínná nga tjínná jé, ka̱ma ku̱i̱ndyión ngindyi̱ko̱n Néná ngatꞌa̱ ꞌniátakón ñá kuí.

1 Xo̱jo̱o̱n Juaa̱ 5:1

Ngayeje xota̱ xi sꞌijii̱n nga Kjisoo̱ xi Kristoo̱, Néná je katsjaá nga ndií kui ka̱ma. Ngayeje xota̱ xi tjoó Néná xí Na̱ꞌmii̱, ti̱ tjoó ngayeje ndií kui Na̱ꞌmii̱ nga.

Ni xi akakoo̱ 2:28

kó tsjàa̱ ńño tsie xi sꞌijña nga ndibáꞌásie̱én.

Ni xi akakoo̱ 22:4

kó sku̱i̱e̱ kje̱n, kó jaꞌeén ki̱a̱ kjótꞌaa̱ xtjien.