1 Xo̱jo̱o̱n Juaa̱ 2:2 - Xo̱jo̱n eén Néná

² Jesukristoo̱ boá xi katsjá yojoo̱ xikoó ngo kjo̱a̱tjó, nga jaꞌatio kjo̱a̱ni̱ma̱ ta̱ngatꞌanii̱ nga íchjítjé jéná ñá xi je kisꞌijinná Néná. Kó jmí tsi ta̱ jéná tsí, ko̱jo jeé ngayeje xota̱ xi tjín nga̱sondiee̱ boá nga.

1 Xo̱jo̱o̱n Juaa̱ 2:2 ပူးပေါင်းရင်းမြစ်များ

Lebitiko̱ 16:10

Kó kui tindso̱ xi tsi̱ꞌe̱ Asasee̱l, chjiéngá ku̱i̱ꞌíjñá tikón, kó ki̱a̱ sa̱ngíyá ki̱a̱ ngi̱jii̱n nangi kixií.

Rkaa̱ 14:22

Kó nda̱ mosoo̱, bi̱ katsó: “Ndi̱a̱, jè katsꞌen an ngayeje ni xi kasení, kó ta̱kó síndo ngase ngi̱ndie.”

Juaa̱ 1:29

Nga kamángindyiojón Juaa̱ kamábe nga Kjisoo̱ tsꞌéndibákón tiñaa̱, kó bi̱ katsó: –Kꞌi̱e̱ tikón kꞌi̱e̱e̱ ndí cho̱tsa̱nga̱a̱ Néná, xi foaꞌáxín jeé xotaa̱ kui nga̱sondiee̱.

Juaa̱ 12:32

Kó tsi an nkꞌa chjanínkꞌána kui tꞌanangii̱, ngayeje xotaa̱ xi kji̱ndi̱bákón tiñana.

Juaa̱ 4:42

kó bi̱ kiꞌmií kui xota̱chjo̱on: –Jmí tsi ta̱ kjo̱a̱a̱ ni xi kasejne̱ nga sꞌijinjne̱, sꞌijinjne̱ kjo̱a̱a̱ nga ji̱n má xi kandaꞌyájne̱ ni xi katsó, kó nga je yàjne̱ nga ja̱koxi̱ boá nga kui xi Kristoo̱, xi kꞌo̱xiéꞌá xotaa̱ kui nga̱sondiee̱.

Xota̱ Ebreo̱ 2:17

Kó kuíni nga bo̱a̱ tsꞌén chjiéngá xi kókón ngayeje ntsꞌiee̱ nga bo̱a̱ kisꞌie, tsi̱ꞌe̱ nga ngo chináꞌmi xi ꞌniú nkꞌa xaá xi tsꞌén xaá Néná kamá, xi ni̱ma̱takón ko̱jo ꞌniátakón kamá, xi tsꞌenkꞌásꞌién chji̱e̱ tsi̱ꞌe̱ nga sa̱ꞌínkjié jeé xota̱ na̱xi̱ńdaá.

1 Xo̱jo̱o̱n Peé 2:24

Kuí Kristoo̱ xi kijíjo̱ jéná ngi̱jin yojoo̱ ki̱a̱ tꞌa kroo̱, tsi̱ꞌe̱ nga ñá ko̱yà kjo̱a̱a̱ jé xí kiniꞌán, kó ku̱i̱ndyión kjo̱a̱a̱ kjo̱a̱kixi̱i̱. Kó ta̱ngatꞌanii̱ nga kiniꞌánꞌoón Kristoo̱ nga jún je kamándayajnú.

1 Xo̱jo̱o̱n Peé 3:18

Ngatꞌa̱ Kristoo̱ ti̱ bo̱a̱ ti̱ tsꞌén jaꞌatio kjo̱a̱ni̱ma̱, kó ta̱ ngo tsí ndi̱yà kꞌien nga katsꞌénkjié jeé xotaa̱. Nda̱ xi kixi̱i̱, xota̱ xi kixi̱jiín kꞌientjéni, tsi̱ꞌe̱ nga kjo̱joná ngindyi̱ko̱n Néná. Nga ja̱koxi̱ kiniꞌánkꞌién nga xota̱, ta̱nga kiniꞌánkjaꞌáꞌyaá nga a̱siénni̱xtjin.

1 Xo̱jo̱o̱n Juaa̱ 1:7

Ta̱nga tsi nínga tikón ndiꞌí xí tsꞌentsíjee̱n timá, xikótsꞌèn Néná tikón nínga tikón ndiꞌí xí tsꞌentsíjee̱n, kjiꞌá boá nga ja̱kꞌi̱e̱ ja̱ngaján ndyi̱niꞌángo yojoná, kó jiín Jesukristoo̱ boá xi tsꞌéntsjiejón ngayeje jéná.

1 Xo̱jo̱o̱n Juaa̱ 3:5

Kó jún jè yàjnú nga Jesukristoo̱ jeꞌe kui nga̱sondiee̱ tsi̱ꞌe̱ nga jaꞌáxín jéná, kó kuí, jmí jé kisꞌiejiín.

1 Xo̱jo̱o̱n Juaa̱ 4:10

Kuí bí kui nii̱ xi kjo̱a̱tjoó: Nga jmí tsi ñá xí kiniꞌántjó Néná, ta̱sá kjo̱a̱a̱ nga Néná boá xi katsꞌéntjóná ñá, kó katsangiyaná ndií xikoó ngo kjo̱a̱tjó xi niꞌánkꞌasꞌien tsi̱ꞌe̱ nga kiniꞌánjetakoón jéná.

1 Xo̱jo̱o̱n Juaa̱ 4:14

Kó ji̱n jè kamáyà ji̱n, kó chistiko̱ ji̱n nga Néná xí Na̱ꞌmii̱ xí katsangiya ndií, tsi̱ꞌe̱ nga kꞌo̱xiéꞌá xota̱ xi tjín kuí nga̱sondiee̱.

1 Xo̱jo̱o̱n Juaa̱ 5:19

Jè ya nga Néná ndokjo̱a̱ ñá, kó nga xota̱ xi ngasee̱ xindajín boá xi tsꞌénbotixómaá.

Ni xi akakoo̱ 12:9

Kó bo̱a̱ tsꞌén ikiyotji̱ngii̱ kui cho̱ tamá xí yito to̱koo̱ ki̱a̱ ndiꞌakꞌajmii̱, kui ye̱ xchaá xi ꞌmí xindajín ndiabloo̱ ko̱jo Satanaa̱, kui xi ꞌboṉcha̱jo ngayeje xotaa̱, kui cho̱o̱ ko̱jo ndítsjiee̱ ki̱a̱ akatítsojosón nga̱són tꞌanangii̱.