1 Xo̱jo̱o̱n Juaa̱ 1:2 - Xo̱jo̱n eén Néná

² Kui kjo̱a̱mindyion xi je akakoo̱ xotaa̱, kó ji̱n má xi kamáyà ji̱n, kó chistiko̱ ji̱n, kó ndyi̱ꞌbíni̱jmìjne̱ kjo̱a̱a̱ kui kjo̱a̱mindyion ngatsjéni̱xtjii̱n, kui xi tikónjii̱n Na̱ꞌmii̱, kó jè akakoná.

1 Xo̱jo̱o̱n Juaa̱ 1:2 ပူးပေါင်းရင်းမြစ်များ

Juaa̱ 1:18

Kji̱e̱ ngo xi be kókjiꞌi Néná, kó kui ndí ngototoo̱ xi tikón nínga tikón Néná xí Na̱ꞌmii̱, kuí boá xi akó ngatꞌaa̱ Néná.

Juaa̱ 1:4

Kuí xí tikoón kjo̱a̱mindyioo̱n, kó kui kjo̱a̱mindyioo̱n, kuí xí ndiꞌí kamaá xota̱a̱,

Juaa̱ 10:28

kó an tsjàa̱ kjo̱a̱mindyion ngatsjéni̱xtjii̱n, kó nginijánjín ko̱yà, kó nde ngojín xi kjo̱a̱ꞌáxínna ngi̱ya ndsa̱ án.

Juaa̱ 14:6

Sꞌe̱ Kjisoo̱, bi̱ katsó: –Án boá xi ndi̱ya̱à, ko̱jo xi ja̱koxi̱i̱, ko̱jo xi kjo̱a̱mindyioo̱n, ta̱ꞌyajínni xi kjo̱chókoón Na̱ꞌmii̱ tsi ngatꞌaa̱ ánjín.

Juaa̱ 15:27

kó ko̱jo jún ko̱ndókjo̱a̱jnú kjo̱a̱a̱ an, ngatꞌa̱ ki̱a̱ kixindyionjo̱jnúꞌun ndeskande koó nga ítsꞌi̱yanii̱ nii̱.

Juaa̱ 16:28

Na̱ꞌmina xí katsangiyana, kó jéꞌe̱ an kui nga̱sondiee̱, kó kꞌuijñá ngiñá an kui nga̱sondiee̱, kó kjuínkón ngiñáa̱ Na̱ꞌmina.

Juaa̱ 17:3

Kó kuí xi̱ꞌbi̱ xi kjo̱a̱mindyion ngatsjéni̱xtjii̱n: Nga sku̱i̱e̱e̱ ji, nga ta̱ jí tsí xi Néná xí ja̱koxi̱i̱ ji, ko̱jo Jesukristoo̱, kui xi kanangiye ji.

Juaa̱ 17:5

Ngotꞌe̱ ꞌne̱ Na̱ꞌmi, tꞌa nínga tindyin jí, te̱ꞌéní kjo̱a̱je xi kisꞌiena nga kisꞌijñajoo̱, ngindiee̱ nga kamánda kui nga̱sondiee̱.

Juaa̱ 19:35

Kó kui nda̱ xi kamábee̱, kuí xí chistiko̱, kó ja̱koxi̱ boá ni xi katsóyà, kó kuii̱ be nga ja̱koxi̱ boá ni xi tjítsó, tsi̱ꞌe̱ nga ko̱jo jún sꞌi̱jinjnú.

Juaa̱ 21:14

Kuí xi̱ꞌbi̱ xi ma jaán ndi̱yà nga Kjisoo̱ akoó yojoo̱ xota̱ tsi̱ꞌe̱, ngije ja̱bo̱a̱ je jaꞌáꞌyaá ngi̱jii̱n xota̱ xi je jesoón.

Juaa̱ 3:13

Kó nde kji̱e̱ ngo xi fí ndiꞌakꞌajmi jàn, ta̱kuítsí xi jatjajenni ndiꞌakꞌajmi jàn, kuí xí ndií nda̱ xi̱ꞌii̱n, xi tikón ndiꞌakꞌajmi jàn.

Juaa̱ 7:29

Ta̱nga be án ꞌyání kui, ngatꞌa̱ ki̱a̱ kjindibáni an nínga tikón kuí, kó kuí xí katsangiyana.

Juaa̱ 8:38

Kuí ni xi chjiá an kjo̱a̱a̱ ni xi kamábe an tiñaa̱ Néná xí Na̱ꞌmii̱, ta̱nga jún niꞌánjnú ni xi je kandaꞌyá tiñajnúu̱ na̱ꞌmijnú.

Ni xi kamá 1:22

ndeskande nga Juaa̱ atíndá Kjisoo̱, kó ngaskande ni̱xtjin nga tsangínjo̱ ndiꞌakꞌajmi jàn, nga ngo kui jaá xi nijan ngatamajo̱ná chistiko̱ nga jaꞌáꞌyaá Kjisoo̱.

Ni xi kamá 10:41

jmí tsi ngayeje xota̱ na̱xi̱ńdaá xi akoó yojoo̱, ta̱ ji̱n tsí xi kamáyàjne̱, ji̱n xi ja̱bo̱a̱ je jaꞌájinjne̱ Néná nga chistiko̱ kamájne̱, kó ji̱n kichiniejo̱ ko̱jo kiꞌyójo̱jne̱ jaskan ngije jaꞌáꞌyaá.

Ni xi kamá 2:32

Kuí Kjiso̱ xi̱ꞌbi̱ xi Néná katsꞌénkjaꞌáꞌyaá, kó ji̱n xí chistiko̱ ji̱n.

Ni xi kamá 3:15

Kó bo̱a̱ tsꞌén kiniꞌánkꞌiénjnú xi tsjáná kjo̱a̱mindyioo̱n, kui xi Néná katsꞌénkjaꞌáꞌyaá, kó ji̱n xi chistiko̱jne̱.

Ni xi kamá 5:32

Kó ji̱n xí chistikoo̱ kui nii̱, ko̱jo A̱si̱énni̱xtjii̱n Néná, kui A̱siénni̱xtjin xi Néná katsjaá kui xota̱ xi ndyi̱ntꞌièꞌeén.

Xota̱ Roma̱ 8:3

Ngatꞌa̱ Néná xí kamaá katsꞌén ni xi kamájiín katsꞌén kjo̱a̱kitii̱ Moisee̱, ngatꞌa̱ kjo̱a̱kitii̱ jmí ngaꞌniú kisꞌiejiín nga tsꞌaxiéꞌá xota̱ nga̱sondiee̱ ngatꞌa̱ inda kamá xotaa̱. Ta̱nga Néná katsangiya ndií nga xikoó ñá kamá, kó nga ta̱ngatꞌanii̱ jéná nga kꞌien, kó kui íchjí tsi̱ꞌe̱ nga Néná sa̱ꞌínkjié jeé xota̱ nga̱sondiee̱.

Xota̱ Ngalasia̱ 4:4

Ta̱nga nga jatjosón kui ni̱xtjii̱n, Néná katsangiya ndií, xi ngo xota̱chjo̱on katsennii̱, kó kui ndií kjo̱a̱kitii̱ tikónjin ndeskande koó nga katsen,

1 Timoo̱ 3:16

Kó tikón tsijen tsijen nga ta̱nisién je ni xi sꞌijinná, ni xi kisꞌijña ꞌma ngasꞌe̱, kó Néná je tsꞌénbokóná ngotꞌe̱, kuí ni xi̱ꞌbi̱: Néná akó yojoo̱ nga xota̱ kamá, A̱si̱énni̱xtjii̱n akó nga kui xi kixi̱, ndítsjiee̱ kamábe. Ikꞌíni̱jmi̱ì xota̱ na̱xi̱ńdá xí tjiín, kiniꞌánsꞌijin kui nga̱sondiee̱, kó kisꞌiee̱ kjo̱a̱je nga kijí ndiꞌakꞌajmii̱.

2 Timoo̱ 1:10

Kó ngotꞌe̱ ꞌne̱, Néná akó kjo̱a̱ndaa̱ nga jeꞌe Kristo̱ Kjisoo̱, kui xi tsꞌaxiéꞌáná, kó kuí boá xi katsꞌénkjié ngaꞌniuú kjo̱a̱bo̱yaa̱, kó akó nga ka̱ma kꞌuiéná ngo kjo̱a̱mindyion nínga ngiti̱ ko̱yàján ñá, ta̱ngatꞌanii̱ ni xi tsó éntjatsi̱e̱e̱.

Titoo̱ 1:2

kuíni nga ndyi̱chiyáa̱ kjo̱a̱mindyion ngatsjéni̱xtjii̱n, kui ni xi ndeskande ngindiee̱ nga kamánda nga̱sondiee̱ katsóyàtjón nga tsja̱aná kui Néná xi májiín ꞌbíndisoo̱.

1 Xo̱jo̱o̱n Peé 5:1

Xota̱ xi xchá án ngi̱jii̱n xota̱ na̱ngo̱xi̱i̱, kó chistiko̱ án kjo̱a̱a̱ kjo̱a̱ni̱ma̱ xi jaꞌajin Kristoo̱, kó nga be an nga ti̱ sa̱kóchiína kjo̱a̱je xi sꞌe̱ sꞌi̱jñatsijee̱n, kuíni nga ꞌniú míꞌáa̱ xota̱ xi xchaá na̱ngo̱xi̱i̱ xi síndojinjnú nga bi̱ xiaan:

1 Xo̱jo̱o̱n Juaa̱ 1:1

Ndyi̱ꞌbíni̱jmìjne̱ jún kjo̱a̱a̱ kui xi tikón ndeskande koó nga ítsꞌi̱yanii̱ nii̱, kui xi je kandaꞌyájne̱ nga tsíchji̱a̱jojne̱, ko̱jo kui xi ndyikón má ji̱n xi je kamábe, kui xi je kamáyà cha̱n cha̱n ji̱n, ko̱jo kui xi ndsa̱ má ji̱n xi je katsꞌénjo̱. Kuí boá xi Én xí tikoón, kui xi tsjaá kjo̱a̱mindyion xotaa̱.

1 Xo̱jo̱o̱n Juaa̱ 2:25

Kjo̱a̱mindyion ngatsjéni̱xtjii̱n boá xi katsóyàtjónná Jesukristoo̱ nga tsja̱aná.

1 Xo̱jo̱o̱n Juaa̱ 3:5

Kó jún jè yàjnú nga Jesukristoo̱ jeꞌe kui nga̱sondiee̱ tsi̱ꞌe̱ nga jaꞌáxín jéná, kó kuí, jmí jé kisꞌiejiín.

1 Xo̱jo̱o̱n Juaa̱ 3:8

Ta̱nga kui xota̱ xi ndyi̱tsꞌènjeé, xota̱ xi tsi̱ꞌe̱ xindajín ndiabloo̱ boá, ngatꞌa̱ xindajiín ndeskande koó nga ítjatsꞌennii̱ nii̱ nga tjítsꞌénjé. Kuíni nga jatjokjaní ndií Néná, tsi̱ꞌe̱ nga sa̱ꞌínkjié ni xi ndajín xi tsꞌén xindajiín.

1 Xo̱jo̱o̱n Juaa̱ 4:14

Kó ji̱n jè kamáyà ji̱n, kó chistiko̱ ji̱n nga Néná xí Na̱ꞌmii̱ xí katsangiya ndií, tsi̱ꞌe̱ nga kꞌo̱xiéꞌá xota̱ xi tjín kuí nga̱sondiee̱.

1 Xo̱jo̱o̱n Juaa̱ 4:2

Bi̱ tsꞌén nga ka̱ma xcha̱jnú jún, ꞌyání xi tikoón A̱si̱énni̱xtjii̱n Néná. Ngayeje xota̱ xi tsáyà nga Jesukristoo̱ jeꞌe kui nga̱sondiee̱ nga jín nga yojo, kuí boá xi tikónjii̱n A̱si̱énni̱xtjii̱n Néná.

1 Xo̱jo̱o̱n Juaa̱ 5:11

Néná katsjáná kjo̱a̱mindyion ngatsjéni̱xtjii̱n, kó ngatꞌaa̱ ndií kuí nga sa̱kóná kuí kjo̱a̱mindyioo̱n. Kuí bí ni xi katsó Néná nga tsíchji̱a̱.

1 Xo̱jo̱o̱n Juaa̱ 5:13

Jún xi sꞌijinjnú ndií Néná, jún xí tjítsꞌenꞌindójnúꞌun kui xo̱jo̱o̱n, tsi̱ꞌe̱ nga xcha̱jnú nga tikónjnú kui kjo̱a̱mindyion ngatsjéni̱xtjii̱n.

1 Xo̱jo̱o̱n Juaa̱ 5:20

Ta̱nga ti̱ jè ya nga ndií Néná jè jeꞌe, kó katsjáná kjo̱a̱kjíntakón tsi̱ꞌe̱ nga xcha̱ kui Néná xí ja̱koxi̱i̱, kó jè tindyionjo̱ kui xi ja̱koxi̱i̱, ndií Néná xi ꞌmí Jesukristoo̱. Kuí bí xi̱ꞌbi̱ xi Néná xí ja̱koxi̱i̱, ko̱jo xi tsjá kjo̱a̱mindyion ngatsjéni̱xtjii̱n.