1 Timoo̱ 6:9 - Xo̱jo̱n eén Néná

⁹ Ngatꞌa̱ kui xota̱ xi mejeén nga ka̱ma cho̱o̱n, tsꞌenseén ni xi ꞌboṉcha̱jo, ngatꞌa̱ ta̱ chiboa ma mejénrií ni xi jmí ni chjíjiín ko̱jo ni xi ndajíntsꞌeén, kó kui nii̱ xi tsꞌenkjié ko̱jo xi tsꞌénchájá kui xotaa̱.

1 Timoo̱ 6:9 ပူးပေါင်းရင်းမြစ်များ

Xo̱jo̱n Salmoo̱ 11:6

Kuí boá xi sa̱ꞌínkixó ndiꞌí ngi̱jii̱n kui xotaa̱, ko̱jo ndiꞌí, ko̱jo ndso̱ko̱a̱n asufre̱, ko̱jo tjo̱ xi tsꞌénchjánná sa̱ngíyaá. Kuí boá ni xi tsoboaá kui xotaa̱.

Énkjínkón 15:27

Xota̱ xi xki̱ꞌá xi tsie ngase ni mejeén, kuí boá xi tsꞌénkjátsón xota̱ ndiꞌaa̱, ta̱nga kui xi chꞌoo̱ nga to̱n chjábéngíni ngo ni, kuí boá xi tsie ka̱maa̱ nga kꞌuijñá nga̱sondie.

Énkjínkón 20:21

Kjo̱a̱cho̱n xi tsá ko̱jo xi niꞌínjín sakóná nga tjón tjón, jmí kjo̱a̱tsja tsjájínná nga fetꞌanii̱.

Énkjínkón 21:6

Kjo̱a̱cho̱n xi kasako ta̱ngatꞌanii̱ nga ikꞌíndisoo̱, ta̱ ni xi tsꞌénkjiín kjo̱a̱kjínkoón xota̱ xi mongase kjo̱a̱bo̱yaa̱ tsí bo̱a̱.

Énkjínkón 22:16

Xota̱ xi tsꞌénchéjeé xota̱ ni̱ma̱a̱ tsi̱ꞌe̱ nga kꞌuié ngasee̱ to̱n, nga kju̱i̱e̱tꞌaa̱ kuí xí ni̱ma̱ tsꞌén kꞌuijñá ngase.

Énkjínkón 23:4

Ngata̱ niꞌínmejénjín ji nga ka̱macho̱n ji, ta̱sá nda ti̱ꞌinkjé jí, kó tꞌíjñímasin ji kui nii̱.

Xki̱ 31:8

Ngi̱jii̱n xota̱ xi jesoón ki̱a̱ kisꞌińdo ún já re xi chji̱a̱ni xota̱ tji̱e̱e̱ Mandiaa̱n kui xi kiꞌmí: Ebii̱, Rékee̱n, Suu̱r, Uu̱r ko̱jo Rebaa̱. Ti̱ ki̱a̱ kisꞌijña Balaa̱n nga, ndií Beoo̱r.

Matioo̱ 13:22

Kó kui xojmá xí ixó ngi̱jin ndaꞌyaá, kuí xí xikoó xota̱ xi ntꞌié eén Néná, ta̱nga ta̱soboá nda̱ kjimaa̱ ni xi tjiín kui nga̱sondiee̱, kó kjo̱a̱chꞌáṉchaa̱ kjo̱a̱cho̱o̱n tsꞌénxí eén Néná, kó kui nii̱ xi tsjandièjín nga boajaá to.

Matioo̱ 19:22

Ta̱nga nga tsintꞌié kuí nda̱ xo̱ngo̱ò kui eén, achichí ndasen kamaá nga kijí, ngatꞌa̱ achichí ni tjiín.

Matioo̱ 26:15

kó bi̱ katsoó: –Mí xí ko̱e̱ꞌéjnúꞌun, kó án sa̱ꞌinkꞌasꞌienjnúꞌun Kjisoo̱. Kó kui jaá kantié to̱ntiboa índa nga tsja̱á.

Matioo̱ 6:19

Ngata̱ jmí kjo̱a̱cho̱n ko̱jo ni xi chjí ꞌbíjñatjojínjnú kꞌi̱e̱ tꞌanangii̱, nínga xobií ko̱jo xtꞌaán sa̱ꞌínkjatsón, ko̱jo nínga chejeé sa̱ꞌín ngo ti̱xa̱, sꞌe̱ kjo̱jo.

Markoo̱ 4:19

ta̱nga ta̱soboá nda̱ kjimaa̱ ni xi tjiín kui nga̱sondiee̱, kó kjo̱a̱chꞌáṉchaa̱ kjo̱a̱cho̱o̱n ko̱jo kjo̱a̱ndikonkoón nii̱ ꞌbosꞌieén, kó tsꞌénxí eén Néná, kó kui nii̱ xi tsjandièjín nga boajaá to.

Rkaa̱ 12:21

Bo̱a̱ máa kui xota̱ xi tsie kjo̱a̱cho̱n ꞌbitíkoó yojoo̱, ta̱nga achichí ni̱ma̱ síndo ngindyi̱ko̱n Néná.

Rkaa̱ 21:35

ngatꞌa̱ bo̱a̱ ka̱ma xikó maá ngo chja̱ya̱ xi kꞌuijñaá ngayeje xota̱ xi síndo tꞌanangii̱.

Ni xi kamá 8:20

Ta̱nga Peé, bi̱ katsoó: –¡Ngachaja ji ko̱jo tòo̱n, ngatꞌa̱ tiniꞌínkjé jí nga stiñá kjo̱a̱ndaa̱ Néná!

Xota̱ Éfeso̱ 4:22

kuíni nga chjiéngá ngiti̱ bo̱a̱jín tsꞌén mindyiónjnú xikótsꞌèn kixindyionjnú ngasꞌe̱, kjiꞌanga ni xi tsꞌenṉcha̱jojnú xi kamámejénjnú kiniꞌánjnú. Ti̱ꞌantja̱tsi̱e̱yàjnú yojojnú,

Ndeuteronomio̱ 7:25

»Ngije kiniꞌánjnúu̱ nga ikixkánjo̱jnú kui xota̱ na̱xi̱ńdaá, chjiéngá kꞌuitíjnú a̱sie̱én ni xi ne ndyi̱tsoó. Kó bo̱a̱ tsꞌén nga jún ka̱májín ka̱maxke̱jnú ni to̱nsinié ko̱jo ni to̱ntiboa xi kjijon kui nii̱. Tsjájín maá Néná kuí nii̱.

1 Timoo̱ 1:9

Kó ti̱ ya nga kjo̱a̱kitii̱ kuijín xota̱ xi kixi̱i̱ xi katseꞌeé tsi̱ꞌe̱ nga ka̱machji̱ni̱e̱. Kjo̱a̱kitii̱, kuí xota̱ xi̱ꞌbi̱ xi katseꞌeé tsi̱ꞌe̱ nga ka̱machji̱ni̱e̱: Xota̱ xi ndyi̱tsꞌèn ni xi ndajín, ko̱jo xota̱ xi ntꞌiéꞌénjín, ko̱jo xota̱ xi ndajín, ko̱jo xota̱ xi ndyi̱tsꞌèn jé, ko̱jo xota̱ xi ndyi̱bendikónjín Néná, ko̱jo xota̱ xi ndyi̱bendikónjín ni tsjie xi tsi̱ꞌe̱ Néná, ko̱jo xota̱ xi ndyi̱tsꞌènkꞌién na̱ꞌmii̱ ko̱jo na̱aa̱n, ko̱jo xota̱ xi ndyi̱tsꞌènkꞌién ini̱ma̱,

1 Timoo̱ 3:7

Ti̱ chjiéngá xcha̱ndikón ngi̱jii̱n xota̱ xi kji̱e̱ bejín Néná, tsi̱ꞌe̱ nga jmíjín xi chꞌo ka̱tso̱ kjo̱a̱a̱ kui, kó nga kꞌo̱kajinjín kjo̱a̱chꞌáṉchaa̱ xindajín ndiabloo̱.

1 Timoo̱ 6:10

Ngatꞌa̱ kjiꞌanga ꞌniú niꞌántjó to̱o̱n, ki̱a̱ ndibánií ngayeje to̱ko̱ya ni xi ndajín, kó tjín xota̱ xi ta̱ngatꞌanii̱ nga mejeén ka̱ma cho̱n, nga xín katsꞌénkjaꞌa kjo̱a̱sꞌijii̱n, kó ti̱kuíní xi ndyi̱tsꞌènꞌoón yojoo̱.

1 Timoo̱ 6:17

Xota̱ cho̱o̱n kui nga̱sondiee̱ tatíxomée̱ nga jejín ꞌboxié yojoo̱, ti̱nde nga kjo̱a̱cho̱o̱njín xi ka̱maꞌniátakón, ngatꞌa̱ kjo̱a̱cho̱o̱n jmí tsi ngatsjéni̱xtjii̱n nga sꞌi̱jña, ta̱sá kui Néná xi tikoón xi ngatamaꞌniátakón, ngatꞌa̱ kuí boá xi tsjáná ngayeje ni xi machjiénná, tsi̱ꞌe̱ nga tsjatsꞌèn si̱ꞌankjién kuí nii̱.

2 Timoo̱ 2:26

kó ngatangaa̱ ni xi ꞌboṉcha̱joni kui xindajín ndiabloo̱, kui xi ndyi̱a̱a̱ ndo̱bo̱a̱yà xotaa̱ tsi̱ꞌe̱ nga ta̱ ni xi mejénrií kui, ni xi sa̱ꞌínjo̱.

Titoo̱ 2:12

nga tsꞌén bokoyáná nga ngiti̱ si̱ꞌánjín ñá ni xi ndajín, ko̱jo ni nga̱sondie xi mejeén ini̱ma̱ná, ko̱jo nga nda si̱ꞌankjíi̱n takón ni xi si̱ꞌán, ko̱jo nga kixi̱ si̱ꞌán, ko̱jo nga xcha̱ndikón Néná, tji̱e̱nga tindyión kuí nga̱sondiee̱.

2 Xo̱jo̱o̱n Peé 2:3

Kó ta̱ngatꞌanii̱ kjo̱a̱xkétoo̱n nga ko̱kóyá ni ndiso tsi̱ꞌe̱ nga kꞌo̱xiéjnú to̱n. Ta̱nga Néná jè bo̱a̱ katsó nga tsá sa̱ꞌínkjié, kó kuí kjo̱a̱niꞌánkjieé jè tsá ndibá.

Xo̱jo̱o̱n Jundaa̱ 1:11

¡Ni̱ma̱ xò kuí jaá! Ngatꞌa̱ ndajín ndyi̱tsꞌèn xikó katsꞌén Kaii̱n, kó ta̱ngatꞌanii̱ nga tsie to̱n mejeén nga ndyi̱tsꞌèn ni xi ndajínkjiꞌi xikó katsꞌén Balaa̱n. Xikoó Koree̱ nga ko̱yà ngatꞌa̱ bendikónjín xi botixómaá.