1 Timoo̱ 6:4 - Xo̱jo̱n eén Néná

⁴ kui xi bo̱a̱ tsꞌe̱én, ngo xota̱ xi je ꞌboxié yojoo̱, kó jmí ni bejín, ndajín tsꞌénkjó, kó je kamángaá nga chji̱a̱tijo̱ xotaa̱ kjo̱a̱a̱ ta̱jmì énní, kó ki̱a̱ ndibánií kjo̱a̱ꞌontakoón, ko̱jo kjo̱a̱bixkaán, ko̱jo kjo̱a̱chꞌotsoó, ko̱jo kjo̱a̱a̱ nga ngiti̱ maꞌniátakónjín xkjín,

1 Timoo̱ 6:4 ပူးပေါင်းရင်းမြစ်များ

Énkjínkón 13:7

Tjín xota̱ xi xota̱ cho̱n tsoó yojoo̱, ta̱nga nde ta̱jmìjín ni xi tjiín, kó kje̱ꞌe xí xota̱ ni̱ma̱ ꞌboxié yojoo̱, kó ngayeje nii̱ xi tjiín.

Énkjínkón 25:14

Xota̱ xi je ꞌboxié yojoo̱ kjo̱a̱a̱ nga tsja̱á ngo ni, ta̱nga ta̱jmìjín ni xi tsjá, kuí boá xi xikoó tjo̱ ꞌniú ko̱jo ṉdi̱ xi xindyiá jñó jñó, ¡ta̱nga jmí stsé tsꞌénkáꞌájín!

Énkjínkón 26:12

Tjín ngasee̱ kjo̱a̱chiyá ngo xota̱ xi kitikjo̱a̱, ta̱bo̱a̱jiín ngo xota̱ xi ta̱nisién kjínkón ꞌboxié yojoo̱.

Ni xi kamá 15:2

Pabloo̱ ko̱jo Bernabee̱ ꞌniú askjoyáni kui nii̱ ko̱jo kui jaá, kó ti̱chaa̱n Pabloo̱ ko̱jo Bernabee̱ kisꞌińdonda ko̱jo kje̱ꞌe ngase xota̱ xi katseꞌéxaá, tsi̱ꞌe̱ nga kijí na̱xi̱ńdáꞌniú Jerusale̱n nga kijíkꞌínda kui kjo̱a̱a̱ ko̱jo já apostroo̱, ko̱jo xota̱ xi xchaá na̱ngo̱xi̱ xi chji̱a̱ni kui na̱xi̱ńdáꞌniú jàn.

Ni xi kamá 18:15

ta̱nga tsi ta̱ kjo̱a̱a̱ nga ta̱ én tsí, ko̱jo kjo̱a̱a̱ jaꞌén, ko̱jo tsi kjo̱a̱a̱ kjo̱a̱kiti tsa̱jún, ta̱sá ti̱ juún ti̱ꞌandajin so̱bo̱a̱jnú, ngatꞌa̱ mejénjínna nga an skongajin an kjo̱a̱a̱ kui nii̱.

Ni xi kamá 8:9

Ta̱nga kui ngi̱ndiee̱ ki̱a̱ kisꞌijña ngo nda̱ xi ꞌmí Ximo̱, nda̱ xi tjiꞌe kamá ngasꞌe̱, kó kjín xota̱ xi chji̱a̱ni nangi Samaria̱ xi tsꞌenṉcha̱jo nga ꞌniú nda kamaá yojoo̱,

Xota̱ Roma̱ 12:16

Tsjatsꞌèn ti̱ndyiónjnú nga ngo nga ngojnú, ngata̱ jejín ꞌna̱xiéjnú yojojnú, ta̱sá ngatamani̱ma̱jnú xota̱ xi ni̱ma̱. Ngata̱ bo̱a̱jín ꞌmíjnú nga jún xi tjín ngasejnú kjo̱a̱kjíntakón.

Xota̱ Roma̱ 13:13

Kixi̱ ku̱i̱ṉtsomá, xikoó tsi nga ni̱xtjin timá, jmí tsi ta̱ kui xá ku̱i̱ndyión ñá nga xi̱ni̱e̱ nga sꞌi̱o̱, jmí tsi si̱ꞌanchꞌi̱ yojoná, jmí tsi chꞌo si̱ꞌáa̱n yojo ndikónná, jmí tsi kjo̱a̱tondo̱ si̱ꞌán, jmí tsi kjo̱a̱xchán ko̱ꞌna̱xié, ko̱jo jmí tsi kjo̱a̱ꞌontakón kꞌuiéná.

Xota̱ Roma̱ 14:1

Kó ti̱ꞌanjo̱ꞌojnú kui xota̱ xi kji̱e̱ tajájín síndojin nii̱ Néná, ta̱nga ngata̱ ndokjo̱a̱tijo̱jínjnú kjo̱a̱a̱ xikótsꞌèn bee̱ko̱n.

Xota̱ Roma̱ 2:8

Ta̱nga kjo̱a̱xcha̱án Néná ko̱tíjénií xota̱ xi kitikjo̱a̱a̱, ko̱jo xi ndyi̱tsꞌènkjátjosónjiín ni xi ja̱koxi̱i̱, nga ta̱sá ni xi kixi̱jiín xi ndyi̱tsꞌènkjátjosoón.

1 Xota̱ Korinto̱ 11:16

Ta̱nga tsi tjín xi mejeén ku̱i̱chji̱a̱ti kjo̱a̱a̱ ni xi̱ꞌbi̱, ngájínjne̱ kje̱ꞌe ni ji̱n, ko̱jo ngayeje xota̱ na̱ngo̱xi̱i̱ Néná nga.

1 Xota̱ Korinto̱ 11:18

Tjón mára xiyàjnúꞌun xikó kiꞌmína, nga kjiꞌa xò nga matikójnú jún xi xota̱ na̱ngo̱xi̱i̱, kja̱chꞌià kja̱chꞌià xòjnú yojojnú, kó ngaskande sꞌijin chiboana kui nii̱.

1 Xota̱ Korinto̱ 3:18

Ngata̱ ngojín xi ꞌboṉcha̱jo yojoo̱, tsi tjín ngi̱jinjnú ngo nda̱ xi nda̱ kjínkón kjimaa̱ yojoo̱, xikoó xota̱ kjínkoón kui nga̱sondiee̱, ta̱sá xikoó tsi ngo xota̱ xi jmí ni bejín nga tsꞌén yojoo̱, tsi̱ꞌe̱ nga ngo nda̱ xi kjínkón ja̱koxi̱ ka̱ma.

1 Xota̱ Korinto̱ 3:3

Ngatꞌa̱ ta̱kó bo̱a̱ tsꞌén tindyiónjnú xikoó xota̱ xi kui nga̱sondiee̱ chji̱a̱ni, ngatꞌa̱ tjínjnú kjo̱a̱chi̱ni̱, ko̱jo kjo̱a̱bixkán, ko̱jo ndyi̱bokjángájnú yojojnú. Jún xota̱ nga̱sondiejnú, kó bo̱a̱ tsꞌén timájnú xikoó xota̱ xi kui nga̱sondiee̱ chji̱a̱ni.

2 Xota̱ Korinto̱ 11:20

Niꞌánchíkjo̱a̱jnúu̱ tsi tjín xí moso̱ xi kastiñá sa̱ꞌínjnú, ko̱jo tsi tjín xí kꞌo̱ṉcha̱jojnú, ko̱jo tsi tjín xí sa̱ꞌínchejéjnú ni xi tsa̱jún, ko̱jo tsi tjín xí je kꞌo̱xiéjnú yojoo̱, ko̱jo tsi tjín xí ko̱tꞌa tꞌanijonjnú.

Xota̱ Ngalasia̱ 5:15

Ta̱nga tsi ti̱ juún tjínjnú kjo̱a̱xti, chónjnú yojojnú nga ti̱ júnjín xi si̱ꞌankjiejnú xingi̱jnú.

Xota̱ Ngalasia̱ 5:26

Nga nkꞌakonjín ko̱ꞌna̱xié yojoná, ti̱nde nga si̱ꞌanxtijáa̱n ja̱kꞌi̱e̱ ja̱ngaján xingi̱, ti̱nde nga kꞌuiéjínná kjo̱a̱ꞌontakón nga ngo nga ngo.

Xota̱ Ngalasia̱ 6:3

Tsi tjín xí je maa̱ yojoo̱, kó ya nga bo̱a̱jín kjiꞌi ni xi bokó, ta̱ tsꞌénꞌboṉcha̱jo soboá tsí yojoo̱.

Xota̱ Filipo̱ 1:15

Kjénní nga ja̱koxi̱ nga tjín xota̱ xi ꞌbini̱jmì kjo̱a̱a̱ Kristoo̱, ta̱nga ta̱ kjo̱a̱a̱ kjo̱a̱ꞌontakón tsí ko̱jo tsi kjo̱a̱a̱ nga kjo̱a̱ꞌatjón, ta̱nga kje̱ꞌe xí ngayejee̱ kon nga tsꞌén kuí nii̱.

Xota̱ Filipo̱ 2:14

Ti̱ꞌánjnú ngayeje nii̱, kó nga ndokjo̱a̱taꞌínjínjnú xingi̱jnú, ti̱nde ngata̱ ndokjo̱a̱tijínjnú.

Xota̱ Filipo̱ 2:3

Ngata̱ ngojín nii̱ xi niꞌánjnú tsi kjo̱a̱a̱ nga ku̱i̱tjátjónjnú, ko̱jo tsi kjo̱a̱a̱ nga kjo̱a̱nkꞌatakón, ta̱sá ni̱ma̱kjo̱a̱ ngatamajnú xikoó tsi nkꞌa ngase tꞌíjñájnú xota̱ xi ngasee̱.

Xota̱ Kolosa̱ 2:18

Ngata̱ niꞌánsénjínjnúu̱ xota̱ xi ni̱ma̱kjo̱a̱ ndyi̱tsꞌèn yojoo̱, kó ndítsjie ndyi̱tsꞌéndíkón, kuí boá xi ku̱i̱ꞌíchjaá nga sa̱kójnú ni xi niꞌán xi si̱ꞌánjnú, kui xotaa̱ ndyi̱tsó nga ngo xò ni akakoo̱, kó je ꞌboxié yojoo̱ ta̱nga kjo̱a̱kjíntakón xi tsi̱ꞌe̱ xí ndyi̱tsꞌènkjién.

2 Xota̱ Tesalónika̱ 2:4

Kui xi kondraa̱ ko̱jo xi skjánjo̱ ngayeje ni xi Néná tsoó xotaa̱, ko̱jo ngayeje ni xi bendikón xotaa̱, kó kꞌuijñá ngi̱ndie ndikoón Néná, nga Néná sa̱ꞌín yojoo̱.

1 Timoo̱ 1:4

kui xi ndyi̱tsꞌènseén én xchá xi chji̱a̱ xotaa̱, ko̱jo xikótsꞌèn kjindibáni tji̱e̱e̱ xota̱ xi xchaá, ngatꞌa̱ ki̱a̱ ndibánií nga chji̱a̱ti xotaa̱, kó kui nii̱ bosikójojínná tsi̱ꞌe̱ nga xcha̱ ni xi índa Néná, ngototo nga sꞌijinná Néná nga xcha̱ kuí nii̱.

1 Timoo̱ 1:7

kamámejeén nga mostroo̱ kjo̱a̱kitii̱ kamá, kó ti̱nde kui makjínjiín ni xi chji̱a̱, kó ta̱xkiya bo̱a̱ kjiꞌi ndyi̱tsó, kjo̱a̱a̱ ni xi ndyi̱bokoyá.

1 Timoo̱ 3:6

Jmí tsi ngo nda̱ xi sꞌe̱ tsi kisꞌijii̱n Néná, ngatꞌa̱ tsi ta̱ je ka̱maa̱ yojoo̱, kó xikótsꞌèn kamájeé xindajín ndiabloo̱ bo̱a̱ ka̱maa̱.

2 Timoo̱ 2:14

Ti̱ꞌinkjaꞌátsjìi̱n xota̱ na̱ngo̱xi̱i̱ ngindyi̱ko̱n Ndi̱a̱ná, kó bo̱a̱ tꞌíi̱n nga chjiénjín nga ta̱jmì énní xi ku̱i̱chji̱a̱ti, ngatꞌa̱ jmí ni chjíjiín nga bo̱a̱ niꞌaán, kó ta̱sá ndajíntsꞌeén, kó tsꞌénchájá xota̱ xi ntꞌieé kui kjo̱a̱ndokjo̱a̱tii̱.

2 Timoo̱ 2:23

Ta̱nga nga ki̱a̱jín niꞌínsée̱n kjo̱a̱ndokjo̱a̱ti xi kitikjo̱a̱, ko̱jo xi jmí ni chjíjiín, ngatꞌa̱ jè yé ji nga kuí nii̱ xi tsꞌénkjánná.

2 Timoo̱ 3:4

Ko̱tíñá xkjín, ko̱jo ta̱xkiya sa̱ꞌín ngo ni, ko̱jo achichí je kꞌo̱xié yojoo̱, ko̱jo tjó ngase ka̱maa̱ kjo̱a̱tsjaa̱ yojoo̱ ta̱bo̱a̱jiín nga Néná ko̱ngase.

Titoo̱ 3:9

Ta̱nga ngata̱ niꞌínsénjíi̱n kjo̱a̱ndokjo̱a̱tii̱ ni xi jmí ni chjíjiín, ko̱jo kjo̱a̱a̱ tji̱e̱e̱ xota̱ xi xchaá xotaa̱, ko̱jo kjo̱a̱a̱ kjo̱a̱ndokjo̱a̱tii̱, ko̱jo kjo̱a̱ndokjo̱a̱tii̱ kjo̱a̱kitii̱, ngatꞌa̱ jmí ni chjíjiín kui nii̱, kó bosikójojínná.

Xo̱jo̱o̱n Sandiyaá 1:19

Ngatamajnú kui nii̱ jún ndí ntsꞌie xi tjóna: Ti̱ndyiondajnú nga tsá ko̱si̱e̱nnijónjnú ngo ni, ta̱nga ngata̱ tsájín ndokjo̱a̱jnú, ko̱jo nga ta̱ tsájín niꞌánxchánjnú.

2 Xo̱jo̱o̱n Peé 2:12

Ta̱nga kui jaá, chꞌo tsꞌénchji̱a̱ kjo̱a̱a̱ ni xi makjínjiín, xikónií cho̱ xi tsꞌénkjójín kui xi ta̱ tjimá tsí tsi̱ꞌe̱ nga ko̱ndo̱bo̱a̱ ko̱jo si̱ꞌankꞌien. Kuíni nga ko̱yà kui jaá ta̱ngatꞌanii̱ ni xi ndajín xi ndyi̱tsꞌèn.

2 Xo̱jo̱o̱n Peé 2:18

Ngatꞌa̱ achichí nkꞌa chji̱a̱ ta̱nga én xi jmí ni chjíjiín boá xi chji̱a̱. ꞌBoṉcha̱jo xotaa̱ tsi̱ꞌe̱ nga sa̱ꞌín ni xi ndajíntsꞌeén ko̱jo ni xi ndajín xi mejeén yojoo̱, kó ꞌboṉcha̱jo xota̱ xi sꞌe̱ tsí ndyi̱tsꞌèn ngo kjo̱a̱ꞌniú nga ndyi̱mongaa̱ ni xi ndajín xi niꞌaán.

Xo̱jo̱o̱n Jundaa̱ 1:10

Ta̱nga kui já xí tsꞌasꞌienjin maña̱jnú ta̱xkiya chꞌo tsꞌén chji̱a̱ kjo̱a̱a̱ ni xi kji̱e̱ makjínjiín. Kó ni xi makjiín xikótsꞌèn bee̱ko̱n, ta̱xkiya kjíbé. Kui jaá xikónií cho̱ xi tsꞌénkjójín. Kó ta̱ngatꞌanii̱ kui nii̱, nga ti̱ kuii̱ ndyi̱tsꞌènkjátsón yojoo̱.

Xo̱jo̱o̱n Jundaa̱ 1:16

Kuí jaá xi chji̱a̱taꞌin xotaa̱, kó jmíjín ni xi nda maá kui. Ni xi mejeén ini̱ma̱a̱ xí ndyi̱mongase. Je ꞌboxié yojoo̱ nga chji̱a̱. Nda tsꞌén chji̱a̱ kjo̱a̱a̱ xotaa̱, ta̱nga ta̱ tsi̱ꞌe̱ nga sa̱kórií ni xi mejeén kui.

Ni xi akakoo̱ 3:17

Ngatꞌa̱ bi̱ tꞌísé ji: Cho̱n án, kó jè kamácho̱n an, kó nde ngojín ni chajana, kó nde yejín ji nga ta̱soboá ni xi ndajín xí kjimaa̱, nga ni̱ma̱ ji, nga jmíjiín to̱n, nga ti̱ka̱ ji, ko̱jo nga tindyin kjiꞌixtí ji.