1 Timoo̱ 6:20 - Xo̱jo̱n eén Néná

²⁰ Ji Timo̱, nda tsꞌén ti̱ꞌinkjatjosén ji xá xi kiniꞌánkꞌasꞌiee̱n, ngata̱ niꞌínsénjíi̱n én xi jmí ni chjíjiín, ko̱jo éndísó xi chji̱a̱ xotaa̱ kui xi kjo̱a̱kjínkón ndyi̱tsoó,

1 Timoo̱ 6:20 ပူးပေါင်းရင်းမြစ်များ

Ni xi kamá 16:1

Kó nga jachó Pabloo̱ na̱xi̱ńdáꞌniú Nderbe̱ ko̱jo na̱xi̱ńdáꞌniú Listra̱, ki̱a̱ kasakoo̱ ngo nda̱ xi sꞌijii̱n Kjisoo̱ kui xi ꞌmí Timo̱, ndií ngo xota̱chjo̱on xi jundío̱ xi ti̱ bo̱a̱ ti̱ tsꞌén sꞌijii̱n Kjisoo̱ nga, kó na̱ꞌmii̱ nda̱ ngriengo̱ boá,

Ni xi kamá 17:18

Kó tjín xota̱ xi kjínkón xi ꞌmí filósofo̱ xi iskjítꞌoyà ni xi akóyá já xí ꞌmí Epikúreo̱, ko̱jo xi iskjítꞌoyà ni xi akóyá já xí ꞌmí estoiko̱ xi ítsꞌi̱yanii̱ nga askjotíjo̱ Pabloo̱, kó tjín xí bi̱ katsó: –Mí ni xi tsꞌénchji̱a̱ kui nda̱ xi tá se chji̱a̱a̱. Kó kje̱ꞌe xi bi̱ katsó: –Máraá tsi kui nda̱a̱ xi tsꞌénꞌbini̱jmì kjo̱a̱a̱ Ne xi tja̱tsi̱e̱. Kui nii̱ xi katsó kui jaá ngatꞌa̱ nga Pabloo̱ íni̱jmì éntjatsi̱e̱e̱ Kjisoo̱, ko̱jo kjo̱a̱a̱ nga jaꞌáꞌyá nginií.

Ni xi kamá 17:21

Ngatꞌa̱ ngayeje xota̱ xi chji̱a̱ni na̱xi̱ńdáꞌniú Atena̱, ko̱jo xota̱ xi ki̱a̱jín chji̱a̱ni, xi kisꞌińdo kui ngi̱ndiee̱, ta̱soboá ni tja̱tsi̱e̱ xi sꞌe̱ kjima xí kamámejeén tsintꞌié.

Xota̱ Roma̱ 1:22

Xota̱ xi kjínkón katsoó yojoo̱, kó ta̱sá xota̱ xi kitikjo̱a̱ kamá.

Xota̱ Roma̱ 3:2

Achichí tsie ngase chjínií, ta̱jñàní nga stsitsíjìi̱n. Tjón mára xiyàjnúꞌun nga ja̱koxi̱ boá nga Néná kamáꞌniátakón xota̱ jundíoo̱ nga kui katsꞌénkꞌasꞌiee̱n eén.

1 Xota̱ Korinto̱ 2:6

Ta̱nga eén kjo̱a̱kjínkón boá xi ndokjo̱a̱jojne̱ kui xota̱ xi je ꞌniú makjiín eén Néná, ta̱nga kuijín kjo̱a̱kjínkoón kui nga̱sondiee̱, ti̱nde kuijín chji̱a̱ni xi botixómaá kui nga̱sondie xi je kjifee̱.

1 Xota̱ Korinto̱ 3:19

Ngatꞌa̱ kjo̱a̱kjínkón xi tjín nga̱sondiee̱ ta̱ ton tsꞌén be Néná, ngatꞌa̱ jè kjitꞌa xo̱jo̱n eén Néná nínga bi̱ tsoó: “Néná boá xi tsꞌénkjién kjo̱a̱mañaa̱ já kjínkoón tsi̱ꞌe̱ nga ti̱ kuii̱ ku̱i̱xo̱jin.”

Xota̱ Kolosa̱ 2:18

Ngata̱ niꞌánsénjínjnúu̱ xota̱ xi ni̱ma̱kjo̱a̱ ndyi̱tsꞌèn yojoo̱, kó ndítsjie ndyi̱tsꞌéndíkón, kuí boá xi ku̱i̱ꞌíchjaá nga sa̱kójnú ni xi niꞌán xi si̱ꞌánjnú, kui xotaa̱ ndyi̱tsó nga ngo xò ni akakoo̱, kó je ꞌboxié yojoo̱ ta̱nga kjo̱a̱kjíntakón xi tsi̱ꞌe̱ xí ndyi̱tsꞌènkjién.

Xota̱ Kolosa̱ 2:8

Chónjnú yojojnú, kó ngata̱ boeꞌéndièjínjnú nga tjín xí kꞌo̱ṉcha̱jojnú nga ko̱kóyájnú ngo én xí jmí ni chjíjiín xi fítji̱ngi kjo̱a̱xcha̱á xotaa̱. Kui nii̱, nii̱ a̱si̱énni̱xtjii̱n kui nga̱sondiee̱ boá, kó jmí tsi kjo̱a̱bokoyá xi tsi̱ꞌe̱ Kristoo̱.

2 Xota̱ Tesalónika̱ 1:4

Kuíni nga tsja májne̱ kjo̱a̱a̱ jún ngi̱jii̱n xota̱ na̱ngo̱xi̱ xi ngasee̱ Néná, kjo̱a̱a̱ kui kjo̱a̱tsiekon, ko̱jo kjo̱a̱sꞌijin xi tjínjnú nga tjimíyotji̱ngijnú, ko̱jo kui kjo̱a̱ni̱ma̱ xi ndyi̱niꞌánchíkjo̱a̱jnú.

2 Xota̱ Tesalónika̱ 2:15

Kó kuíni ntsꞌie, ꞌniú ti̱ndyiónjnú, kó chjábé tsján tsjánjnú kui kjo̱a̱bokoyá xi akakoyájne̱ jún, tsi én xi kandokjo̱a̱jne̱ ko̱jo tsi xo̱jo̱n akjatꞌajne̱.

1 Timoo̱ 1:11

Kui kjo̱a̱bokoyá xi nda xi xikó kjiꞌi kjo̱a̱je xi tjiín éntjatsi̱e̱e̱ kui Néná xi tsja tjiín, kuí éntjatsi̱e̱e̱ xi kiniꞌánkꞌasꞌienna tsi̱ꞌe̱ nga kꞌuini̱jmì án.

1 Timoo̱ 1:2

Tjítsꞌentindee ji Timo̱, ji xi ndína kjo̱a̱a̱ ngi̱yaa̱ kjo̱a̱sꞌijinná. Néná xí Na̱ꞌminá ko̱jo Ndi̱a̱ná Kristo̱ Kjisoo̱ nga tsjaá kjo̱a̱ndaa̱, ko̱jo kjo̱a̱ni̱ma̱takoón, ko̱jo kjo̱a̱xioó.

1 Timoo̱ 1:4

kui xi ndyi̱tsꞌènseén én xchá xi chji̱a̱ xotaa̱, ko̱jo xikótsꞌèn kjindibáni tji̱e̱e̱ xota̱ xi xchaá, ngatꞌa̱ ki̱a̱ ndibánií nga chji̱a̱ti xotaa̱, kó kui nii̱ bosikójojínná tsi̱ꞌe̱ nga xcha̱ ni xi índa Néná, ngototo nga sꞌijinná Néná nga xcha̱ kuí nii̱.

1 Timoo̱ 1:6

Tjín xí kichíyaá kui nii̱, kó kijítꞌaxín nga ta̱sá én xí ta̱xkiya kijítji̱ngi,

1 Timoo̱ 1:9

Kó ti̱ ya nga kjo̱a̱kitii̱ kuijín xota̱ xi kixi̱i̱ xi katseꞌeé tsi̱ꞌe̱ nga ka̱machji̱ni̱e̱. Kjo̱a̱kitii̱, kuí xota̱ xi̱ꞌbi̱ xi katseꞌeé tsi̱ꞌe̱ nga ka̱machji̱ni̱e̱: Xota̱ xi ndyi̱tsꞌèn ni xi ndajín, ko̱jo xota̱ xi ntꞌiéꞌénjín, ko̱jo xota̱ xi ndajín, ko̱jo xota̱ xi ndyi̱tsꞌèn jé, ko̱jo xota̱ xi ndyi̱bendikónjín Néná, ko̱jo xota̱ xi ndyi̱bendikónjín ni tsjie xi tsi̱ꞌe̱ Néná, ko̱jo xota̱ xi ndyi̱tsꞌènkꞌién na̱ꞌmii̱ ko̱jo na̱aa̱n, ko̱jo xota̱ xi ndyi̱tsꞌènkꞌién ini̱ma̱,

1 Timoo̱ 4:7

Ta̱nga ngata̱ niꞌínsénjíi̱n én xchá xi jmí ni chjíjiín, ko̱jo én chi̱ni. Ta̱sá ti̱ꞌingée̱ ini̱màa̱ nga ngo nda̱ nda xi xota̱a̱ Jesukristoo̱ ka̱ma ji.

1 Timoo̱ 6:11

Ta̱nga ji xi xotaa̱ Néná jí, ti̱yíi̱ kui nii̱, kó ki̱a̱ tꞌentji̱ngi ji kjo̱a̱kixi̱i̱, ko̱jo kjo̱a̱yandikoón, ko̱jo kjo̱a̱sꞌijii̱n, ko̱jo kjo̱a̱tjoó, ko̱jo kjo̱a̱chiyákoón, ko̱jo kjo̱a̱ndaxota̱a̱.

1 Timoo̱ 6:14

tsi̱ꞌe̱ nga si̱ꞌinkjatjosén yeje ji kui kjo̱a̱botíxoma xi tsꞌéntsjaa. Tsjietsꞌén ti̱ꞌinkjatjosén ji kui nii̱, kó nga jmíjín xi ngo ni ko̱óngítaꞌii̱n, ngaskande nga ko̱kó nginí yojoo̱ Ndi̱a̱ná Jesukristoo̱.

2 Timoo̱ 2:1

Kó kuíni nga ji Timo̱, ndí tsa̱ꞌa̱n, ti̱ꞌingaꞌní jí kjo̱a̱a̱ kui kjo̱a̱nda xi katseꞌéná ngatꞌaa̱ Kristo̱ Kjisoo̱.

2 Timoo̱ 2:16

Ta̱nga ngata̱ niꞌínsénjíi̱n én xi jmí ni chjíjiín xi tsi̱ꞌe̱ kui nga̱sondiee̱, ngatꞌa̱ xi bo̱a̱ tsꞌén chji̱a̱a̱ tsꞌénkjii̱n yojoo̱ Néná.

Titoo̱ 1:14

ko̱jo tsi̱ꞌe̱ nga ki̱a̱jín sa̱ꞌínseén én xí jmí ni chjíjiín xi chji̱a̱ xota̱ jundíoo̱, ti̱nde nga ki̱a̱jín sa̱ꞌínseén kjo̱a̱botíxomaa̱ xota̱ xi ngiti̱ ki̱a̱jín ndyi̱fítji̱ngi ni xi ja̱koxi̱i̱ Néná.

Titoo̱ 1:4

Ji tsꞌéntsangiyaa kui xo̱jo̱o̱n Titoo̱, ngatꞌa̱ ja̱koxi̱ boá nga ji xi ndína kjo̱a̱a̱ kjo̱a̱sꞌijinná. Néná xí Na̱ꞌminá, ko̱jo Ndi̱a̱ná Jesukristoo̱ kui xi tsꞌaxiéꞌáná nga tsjaá kjo̱a̱ndaa̱, ko̱jo kjo̱a̱ni̱ma̱takoón, ko̱jo kjo̱a̱xioó.

Titoo̱ 1:9

Én xi ꞌniátakón xí akakoyaá, kó kuí xí chjiéngá ko̱kóyá, tsi̱ꞌe̱ nga ka̱maa̱ tsja̱angaꞌniuú kje̱ꞌe xota̱ nga sa̱ꞌínkjién kuí kjo̱a̱bokoyá ndaa̱, ko̱jo tsi̱ꞌe̱ nga sa̱ꞌínkie nga sa̱ꞌínkꞌoyà yojoo̱ kui xota̱ xi kondra̱ síndonii̱ kui kjo̱a̱bokoyaá.

Titoo̱ 3:9

Ta̱nga ngata̱ niꞌínsénjíi̱n kjo̱a̱ndokjo̱a̱tii̱ ni xi jmí ni chjíjiín, ko̱jo kjo̱a̱a̱ tji̱e̱e̱ xota̱ xi xchaá xotaa̱, ko̱jo kjo̱a̱a̱ kjo̱a̱ndokjo̱a̱tii̱, ko̱jo kjo̱a̱ndokjo̱a̱tii̱ kjo̱a̱kitii̱, ngatꞌa̱ jmí ni chjíjiín kui nii̱, kó bosikójojínná.

Ni xi akakoo̱ 3:3

ngatjaꞌátsjiee̱n, kui kjo̱a̱bokoyá xi je katseꞌeé, ko̱jo ni xi je kandaꞌyé ji, ti̱ꞌinkjatjosén ji, kó ti̱ꞌinkꞌoyé ji yojòo̱. Tsi tsjáfé ji, tsá kjuínkoón jí, xikoó ngo chejé, kó nde xchi̱e̱jín ji chi̱bo̱a̱ nga kjóchó an.