1 Timoo̱ 6:2 - Xo̱jo̱n eén Néná

² Kó xi tjiín ngo ndi̱a̱ xi sꞌijii̱n Néná, jmí tsi kjo̱a̱a̱ nga ndse̱je̱n sꞌijii̱n Néná ngo joó sꞌe̱ sku̱i̱e̱ndikónjín, ta̱sá chjiéngá nda ngase sa̱ꞌínseén, ngatꞌa̱ tjoó ndi̱a̱a̱ ko̱jo ngatꞌa̱ sꞌijii̱n Néná kui ndi̱a̱a̱. Kuí nii̱ xi takoyèe̱, ko̱jo tatíxomée̱ xota̱ na̱ngo̱xi̱i̱.

1 Timoo̱ 6:2 ပူးပေါင်းရင်းမြစ်များ

Xki̱ 16:3

Kó Koree̱ ko̱jo xota̱ xi nijan majo̱ kijíkoón Moisee̱ ko̱jo Aaroo̱n, kó bi̱ kijítsoó: —¡Jè tsꞌajónjne̱ nga jún xi kjimajnú ngito̱ko̱jne̱! Néná tikónjo̱ ngayeje xota̱ na̱xi̱ńdaá, kó ngayeje ñá nga jè jaꞌájinná tsi̱ꞌe̱ nga si̱ꞌán xaá. Kó míkjo̱a̱a̱ nga jún mejénjnú si̱ꞌánjnú ngayeje nii̱.

Matioo̱ 23:8

Ta̱nga jún ngata̱ chiyájínjnúu̱ nga mostro̱ ka̱tso̱jnú xotaa̱, ngatꞌa̱ ta̱ ngo tsí má Mostroo̱, kó ngayejejnú ta̱ ngo ntsꞌiejnú.

Matioo̱ 25:40

Sꞌe̱ bi̱ ka̱tso̱o̱ kui nda̱ Ree̱ nga ku̱i̱chji̱a̱: «Ja̱koxi̱ ni xi xiánjnúꞌun nga ngayeje ni xi kiniꞌánjo̱jnú ngo nda̱ ntsꞌié án xi ꞌniú ni̱ma̱a̱, ja̱ án boá xi bo̱a̱ kiniꞌánjo̱jnúꞌun.»

Matioo̱ 6:24

Nde ngojín xota̱ xi jó ndi̱a̱ sa̱ꞌínseén, ngatꞌa̱ ngo chꞌo ka̱maa̱, kó xi ingoo̱ tjó ka̱maa̱, ko̱jo tsi ngo ndasen ka̱maa̱, kó xi ingoo̱ ndasénjín ka̱maa̱. Ka̱májín mosoo̱ Néná, ko̱jo mosoo̱ kjo̱a̱cho̱o̱n ka̱majnú.

Ni xi kamá 1:15

Kui ni̱xtjin jàn, Peé jastjíe̱n ngamasiee̱n kui já ntsꞌiee̱, mara̱ tsi ta̱ úchán ko̱jo kan xi kamátikoó, kó bi̱ katsoó:

Xota̱ Roma̱ 11:17

Xota̱ Israee̱l xikónií tsi tjiaa̱ yáꞌolibo̱ xi ikichaá, kó tsi ji xi xikoó ngo tjiaa̱ yáꞌolibo̱ ngindie kꞌijñá, kó tsi kui ngi̱ndie nínga kitii̱ yaá kanangindyioó xikoó ngo tjiaa̱ yá xí tjín ngi̱jin kꞌijñaá, kó tsi ngotꞌe̱ ꞌne̱, je ja̱ma̱a̱ yaá ndokjo̱e̱ni, kó nijan tindyin xikótsꞌèn tikón yáꞌoliboo̱.

Xota̱ Roma̱ 8:29

Ngatꞌa̱ xota̱ xi Néná ja̱bo̱a̱ je be, índa nga kui xi xikoó tsi ndií kui ka̱ma, tsi̱ꞌe̱ nga ndií kui, kui xi tjón ka̱maa̱ ngayeje ntsꞌiee̱.

Xota̱ Ngalasia̱ 5:6

Ngatꞌa̱ ndokꞌóchji̱nií Kristo̱ Kjisoo̱, nga ngiti̱ chjíjiín tsi kiniꞌán, ko̱jo tsi kiniꞌánjáa̱n sirkunsisioo̱n yojoná. Kjo̱a̱sꞌijii̱n Néná xí chjínií, ngatꞌaa̱ kjo̱a̱tjoó.

Xota̱ Éfeso̱ 1:1

Án boá xi ꞌmína Pabloo̱, nda̱ xi apostroo̱ Jesukristoo̱ kamá, ngatꞌa̱ bo̱a̱ tsꞌén kamámejeén Néná, tsꞌentindejnúꞌun jún xota̱ xi tsjie ko̱jo xi sꞌijinjnú Kristo̱ Kjisoo̱, xi tindyiónjnú na̱xi̱ńdáꞌniú Éfeso̱.

Xota̱ Éfeso̱ 1:15

Ta̱ngatꞌanii̱ kui nii̱ nga ko̱jo an, ngije tsintꞌie an, kjo̱a̱a̱ nga sꞌijinjnú Ndi̱a̱ná Kjisoo̱, ko̱jo nga tjójnú ngayeje xota̱ na̱xi̱ńdá tsjiee̱,

Xota̱ Éfeso̱ 3:6

Kó kuí bí ni xi índaa̱: Nga xota̱ xi jundío̱jiín, ko̱jo kui sa̱ko̱ó ni xi Néná tsjaá ndií, kó nga ta̱ ngo tsí yojoo̱ Kristoo̱ ka̱ma ñá, kó nga nga jó tjiín nga sa̱ko̱ó ni xi Néná katsóyàtjón nga tsja̱á xota̱ xi sꞌijii̱n éntjatsi̱e̱e̱ Kristo̱ Kjisoo̱.

Xota̱ Kolosa̱ 1:2

niꞌántindejne̱ jún xi xota̱ tsjiee̱ Néná, ko̱jo xi sꞌijinjnú Kristo̱ Kjisoo̱ xi tindyiónjnú na̱xi̱ńdáꞌniú Kolosa̱. Néná xí Na̱ꞌminá, ko̱jo Ndi̱a̱ná Jesukristoo̱ ngatsjájnú kjo̱a̱ndaa̱ ko̱jo kjo̱a̱xioó.

Xota̱ Kolosa̱ 1:4

Ngatꞌa̱ jè kandaꞌyájne̱ kjo̱a̱a̱ nga sꞌijinjnú Kristo̱ Kjisoo̱, ko̱jo kjo̱a̱a̱ nga tjójnú ngayeje xota̱ tsjiee̱ Néná.

Xota̱ Kolosa̱ 4:1

Jún xi ndi̱a̱jnú, ta̱ són ngatamajnú ko̱jo ni xi kixi̱ ti̱ꞌanjo̱jnú moso̱jnú, ngatjaꞌátsjienjnú nga jún ti̱ tikónjnú ngo Ndi̱a̱ ndiꞌakꞌajmi jàn nga.

2 Xota̱ Tesalónika̱ 1:3

Jún ntsꞌie, ngatsjéni̱xtjin chjiéngá ko̱e̱ꞌéjne̱ ndokꞌóchjì Néná kjo̱a̱a̱ jún, xikótsꞌèn chjiéngá nga ko̱e̱ꞌé, ngatꞌa̱ kjimatsie kui kjo̱a̱sꞌijinjnú, ko̱jo kui kjo̱a̱tjó xi je tjínjnú ngayejejnú, ko̱jo kjo̱a̱a̱ nga ꞌniú kjimatjójnú xota̱ xi ngasee̱.

1 Timoo̱ 4:11

Kuí nii̱ xi tatíxomée̱, ko̱jo xi takoyèe̱ xotaa̱.

1 Timoo̱ 5:1

Ngata̱ niꞌínxchínje̱jín ji ngo xota̱ xi xchá, ta̱sá tatíxomée̱ xikoó tsi na̱ꞌmíi̱ ma, kó já xo̱ngo̱ò tatíxomée̱ xikoó tsi ntsꞌie ma.

Titoo̱ 2:1

Ta̱nga ji, ndókjo̱e̱ ji ni xi nijanma kjo̱a̱bokoyá xi nda xi akakoyaá.

Titoo̱ 2:15

Kuí nii̱ xi chjiéngá ko̱ko̱yée̱. Te̱ꞌéngaꞌníi̱, kó ti̱ꞌinchji̱ni̱ ji xotaa̱, nga si̱ꞌinkjìn jí xá xí tjiín. Ngata̱ ngojín xota̱ xi ta̱ ton sku̱i̱e̱e̱.

Titoo̱ 3:8

Én xí ꞌniátakón boá xi̱ꞌbi̱, kó mejénna nga ꞌniú ko̱ndókjo̱a̱ kjo̱a̱a̱ kui nii̱, tsi̱ꞌe̱ nga kui xota̱ xi sꞌijii̱n Néná ta̱soboá ni xi nda xí sa̱ꞌín. Achichí nga nda kui eén, kó machjieén ngayeje xotaa̱.

Xota̱ Ebreo̱ 3:1

Kó kuíni ntsꞌie, jún xi xota̱ na̱xi̱ńdá tsjiee̱, jún xí je tsíchji̱a̱jnú Néná tsi̱ꞌe̱ nga kui ko̱ndókjo̱a̱nijnú, ti̱ꞌankjó cha̱n cha̱njnú kjo̱a̱a̱ Kristo̱ Kjisoo̱ kui xi apostroo̱ Néná ko̱jo xi chináꞌmi xi ꞌniú nkꞌa xaá, kjo̱a̱a̱ kjo̱a̱sꞌijin xi tikónná.

Xota̱ Ebreo̱ 3:14

Ngatꞌa̱ jè nijan tjisákóná ni xi tsi̱ꞌe̱ Kristoo̱, tsi ngaskande nga kju̱i̱e̱tꞌa ꞌniú ku̱i̱ndyionjo̱ kui kjo̱a̱ꞌniátakón xi kisꞌiená nga tjón.

1 Xo̱jo̱o̱n Peé 5:1

Xota̱ xi xchá án ngi̱jii̱n xota̱ na̱ngo̱xi̱i̱, kó chistiko̱ án kjo̱a̱a̱ kjo̱a̱ni̱ma̱ xi jaꞌajin Kristoo̱, kó nga be an nga ti̱ sa̱kóchiína kjo̱a̱je xi sꞌe̱ sꞌi̱jñatsijee̱n, kuíni nga ꞌniú míꞌáa̱ xota̱ xi xchaá na̱ngo̱xi̱i̱ xi síndojinjnú nga bi̱ xiaan:

2 Xo̱jo̱o̱n Peé 2:10

Ngase má ni xi ka̱maa̱ xota̱ xi ni xi mejeén yojoo̱ ndyi̱tsꞌèn, ko̱jo xi ni xi ndándí xi mejeén ini̱ma̱a̱ ndyi̱tsꞌèn, ko̱jo xi ndyi̱tsꞌènchꞌó xi tjiín xá ndiꞌakꞌajmi jàn. Ndasénjiín, kó ta̱ ni xi mejénrií xi ndyi̱tsꞌèn, kó tsakjónjín má nga chꞌo ndyi̱tsoó ngaꞌniú xí ꞌniú nkꞌaá.

Xo̱jo̱o̱n Jundaa̱ 1:8

Ti̱ bo̱a̱ ti̱ ka̱maa̱ kui já xí tsꞌasꞌienjin maña̱jnú, ngatꞌa̱ xota̱ xi ndyi̱fítji̱ngi chi̱nii̱ boá nga ndyi̱tsꞌènndándí yojoo̱ ngindyi̱ko̱n Néná, kó ndyi̱tsꞌènchꞌó xi tjiín xá, ko̱jo chꞌo ndyi̱tsoó ngaꞌniú xi ta̱nisién nkꞌaá.