1 Timoo̱ 6:19 - Xo̱jo̱n eén Néná

¹⁹ Bo̱a̱ tsꞌén nga kꞌuieé ngo kjo̱a̱cho̱n xi ko̱síko̱jo ni̱xtjin xi sꞌe̱ ndibaá, kó kꞌuieé ngo kjo̱a̱mindyion xi ja̱koxi̱i̱.

1 Timoo̱ 6:19 ပူးပေါင်းရင်းမြစ်များ

Xo̱jo̱n Salmoo̱ 17:14

¡Ti̱ꞌinkjìn jí ndse̱ nga ko̱ꞌna̱xiéꞌéní ngi̱ya tsja kui xota̱ xi ndajiín, kui xi achichí ni xi kjimaa̱ nga kꞌuieé ni xi tjín nga̱sondiee̱! Jè katseꞌée̱ tsie kjo̱a̱cho̱n xi tse̱, kó ngaskande kꞌo̱ngii̱, tsi̱ꞌe̱ nga tsja̱á ndí xí xi̱xi̱ ngasee̱.

Énkjínkón 10:25

Kjiꞌanga foaꞌa ngo tjo̱ꞌniú, chaja xota̱ xi ndajiín, ta̱nga ngatsjéni̱xtjin nga kꞌuijñá xota̱ xi kixi̱i̱.

Énkjínkón 31:25

Kuí boá ngo na̱ xi tjiín ngaꞌniú, ko̱jo xi yandikón, kó nda̱jín maá ni xi jaskan ka̱maa̱.

Eklesiastee̱ 11:2

Tsi yito ko̱jo tsi ngaskande jin xota̱ ti̱ꞌinkjaꞌasée̱n ni xi tjiín, ngatꞌa̱ nde yejín ji mí ni xi ndajín xi ka̱maa̱ tꞌanangii̱.

Matioo̱ 19:21

Sꞌe̱ Kjisoo̱, bi̱ katsoó: –Tsi mejeén nga kixi̱ ka̱ma ji, tꞌen, kó tatíñí ji ngayeje ni xi tjiín, kó to̱o̱n kui nii̱ xota̱ ni̱ma̱a̱ te̱ꞌée̱, kó bo̱a̱ tsí tsꞌén nga kꞌuieé ngo kjo̱a̱cho̱n ndiꞌakꞌajmi jàn, sꞌe̱ ndibétji̱ngíní ngijee̱.

Rkaa̱ 12:33

Tatíñájnú ngayeje ni xi tjínjnú, kó to̱o̱n to̱nchji̱e̱ ti̱ꞌánjnú nga ko̱e̱ꞌéjnúu̱ xota̱ xi chjieén, ti̱ꞌandajnú stsa xi ka̱maxchájín, kó chja̱ꞌátjójnú ndiꞌakꞌajmi jàn kjo̱a̱cho̱n xi kju̱i̱e̱jín, nínga chejeé kjo̱chójín, ko̱jo nínga xobií ka̱májiín sa̱ꞌínkjié.

Rkaa̱ 16:25

Ta̱nga Abraa̱n, bi̱ katsoó: “Ji ndí, ngatjaꞌátsjiee̱n nga kjiꞌanga kixindyin ji nga̱sondie achichí ni katseꞌeé, kó Laá achichí ni xi ndajín xi katseꞌeé kui, ta̱nga ngotꞌe̱ ꞌne̱ Laá achichí tjíniꞌándajoo̱n kꞌi̱e̱e̱, kó ji achichí tsie kjo̱a̱ni̱ma̱ tibitjatí.

Rkaa̱ 16:9

Kó an bi̱ xiánjnúꞌun jún: Ti̱ꞌankjiénjnú kjo̱a̱cho̱n xi tjín kuí nga̱sondiee̱ nga ko̱si̱ko̱jójnú xotaa̱, tsi̱ꞌe̱ nga kjín ngase amingo̱ kꞌuiéjnú, ki̱a̱ ka̱maa̱ nga kju̱i̱e̱ kui kjo̱a̱cho̱o̱n, Néná tsja̱ajnú ngi̱ndie xi tikón ngatsjéni̱xtjii̱n.

Rkaa̱ 18:2

bi̱ katsoó: –Ngo na̱xi̱ńdáꞌniú kisꞌijña ngo nendiꞌamasien xi katsakjónjín Néná, kó kamábendikónjín xotaa̱.

Rkaa̱ 18:22

Nga tsintꞌié Kjisoo̱ kui nii̱, bi̱ katsó: –Ingo ni chaja ngasee̱: Tatíñí ngayeje ni xi tjiín, kó to̱o̱n kui nii̱ xota̱ ni̱ma̱a̱ te̱ꞌée̱, kó bo̱a̱ tsí tsꞌén nga kꞌuieé ngo kjo̱a̱cho̱n ndiꞌakꞌajmi jàn, sꞌe̱ ndibétji̱ngíní ngijee̱.

Xota̱ Ngalasia̱ 5:6

Ngatꞌa̱ ndokꞌóchji̱nií Kristo̱ Kjisoo̱, nga ngiti̱ chjíjiín tsi kiniꞌán, ko̱jo tsi kiniꞌánjáa̱n sirkunsisioo̱n yojoná. Kjo̱a̱sꞌijii̱n Néná xí chjínií, ngatꞌaa̱ kjo̱a̱tjoó.

Xota̱ Éfeso̱ 3:17

Tsi̱ꞌe̱ nga Kristoo̱ ngatꞌíjñajin ini̱ma̱jnú, ngatꞌa̱ nga sꞌijinjnú kuí. Kó nga jún kꞌuiéjnú tsie kjo̱a̱tjó xikoó ngo yá xí na̱nga̱ kijí ja̱ma̱a̱ ko̱jo nga ꞌniú ku̱i̱ndyionjnú.

Xota̱ Filipo̱ 3:12

Jmí tsi bo̱a̱ tꞌíxián an nga je kasako yejena ni xi kixian an, ti̱nde jmí tsi tꞌíxián an nga je kamá an ꞌyání xi tjiín nga ka̱ma an. Ta̱nga ta̱kó tsꞌénfítji̱ngira an ni xi kixian an, tsi̱ꞌe̱ nga sa̱kóna ni xi kamámejeén Kristo̱ Kjisoo̱ nga katsꞌéntsi̱ꞌe̱na.

Xota̱ Filipo̱ 3:14

Tsꞌénfítji̱ngira an nínga chjiéngá kjóchó an, tsi̱ꞌe̱ nga sa̱kóna ni xi niꞌán xi tsjá Néná, Kristo̱ Kjisoo̱ boá xi tjítsꞌénkjién Néná nga tsꞌénchji̱a̱na ndiꞌakꞌajmi jàn.

1 Timoo̱ 6:12

Ti̱xkéntjé ji kjo̱a̱sꞌijinná, chjábé tsján tsján ji kui xi katsjáná kjo̱a̱mindyion ngatsjéni̱xtjii̱n, ngatꞌa̱ kuí xá tsíchji̱a̱nii̱ Néná, kuíni nga kiꞌmíyé ji nga sꞌijii̱n Jesukristoo̱ ngindyi̱ko̱n kjín xota̱ xi kamá chistiko̱.

2 Timoo̱ 1:1

Án boá xi ꞌmína Pabloo̱, nda̱ apostroo̱ Kristo̱ Kjisoo̱ ngatꞌa̱ Néná xí bo̱a̱ tsꞌén kamámejeén, xikótsꞌèn Néná katsóyàtjón nga tsja̱á kjo̱a̱mindyion xota̱ xi sꞌijii̱n Kristo̱ Kjisoo̱.

2 Timoo̱ 2:19

Ta̱nga ta̱kó ꞌniú tikón eén Néná, kó tikón xikoó ngo xó xí ꞌbítjatsꞌennii̱ ngo ndiꞌa, nínga bi̱ tsꞌén kjitꞌa: “Ndi̱a̱ná be kuí xota̱ xi je tsi̱ꞌe̱”, ko̱jo: “Ngayeje xota̱ xi míꞌátjéni nga tsꞌénkáxoma jaꞌeén Néná, ngatꞌíndomasien ngayeje ni xi ndajiín.”

1 Xo̱jo̱o̱n Peé 1:4

Néná boá xi sa̱ꞌín nga sa̱kóná kui ni xi je tikónndaa̱ ki̱a̱ ndiꞌakꞌajmii̱ nga tsja̱aná, kui ni xi ngiti̱ ka̱májiín kjo̱tsòn, ti̱nde jmíjiín ni xi ndándí, ti̱nde ka̱májiín xi̱ꞌniú.